Қўрғонтепа тумaни ҳокими ташаббуси билан Фавқулодда вазиятлар бўлими янги ва замонавий жиҳозланган “Камаз” русумли ўт ўчириш автомашинаси билан таъминланди.

Бугунга қадар туманимизда ушбу бўлимда 2 та эски русумдаги 70-йилларда ишлаб чиқарилган, маънан эскирган ўт ўчириш автомашиналари хизмат қилиб келар эди. Эндиликда, замон талабларига мос техника уларнинг сафига кириб борди.

Қиймати 2.5 миллиард сўмни ташкил қилган мазкур автомашина фақатгина ёнғинни ўчириш мақсади учун эмас, балки фавқулодда вазиятларда фойдаланишга ҳам мўлжалланган. Жаҳон стандартлари асосидаги қутқарув анжомлари, керакли ускуналар жамланмаси билан жиҳозланган.

Яна бир афзаллик томони ушбу авто 6 тонна сувни ўз заҳирасига сиғдира олади. Аввалги русумдаги ўт учирувчи техникалар эса, 2 тоннагача сувни сиғдириш имконига эга эди. Комплектация жиҳатидан, янги русумдаги автоулов эскиларидан қарийб уч бараварга қудратли ҳисобланади.

Каналга уланиш учун:
@wwwkurgantepauz

Бугун Қўрғонтепа туманида Андижон вилояти прокурори Эшқувватов Сирожиддин Қаршибоевичнинг фуқаролар қабули бўлиб ўтди. 2-сектор ҳудуди ҳисобланган Султонобод шаҳарчасидаги 34-умумтаълим мактабида ўтказилган қабулга, 60 нафарга яқин фуқаролар ташриф буюрдилар. Шунингдек, туман ҳокими, туман прокурори, ИИБ бошлиғи, ДСИ раҳбари ва тегишли мутасаддилар қабул жараёнида иштирок этиб бордилар.

Фуқаролар билан бевосита мулоқотда бўлган раҳбарлар томонидан 13 та масалалар ўз жойида ечим топди. Жумладан, 3 та кредит ажратиш, 3 та МИБга оид масалалар, 1 та чет давлатга чиқиш ҳуқуқидан маҳрум қилиш қарорини бекор қилиш юзасидан мурожаат, 1 та ишга жойлаштириш, 2 та даволаниш учун ордер масаласи ҳамда ID карта олиш бўйича 4 та мурожаат ижобий тарзда ҳал этилди.