Тадбир якунидан тумандошлар ва матбуот хизматининг фоторепортажи.

(Фотосуратларнинг деярли барчаси тадбир қатнашчилари томонидан суратга олинган)

Каналга уланиш учун:
@wwwkurgantepauz

Исломнинг беш арконидан бири бўлган, дунё бўйлаб 2 миллиардга яқин инсонларнинг энг муҳим орзу ва ниятларидан бири ҳисобланган “Ҳаж” зиёратига, Қўрғонтепадан 74 нафар инсонлар кузатилди. Бу йилги “Ҳаж” зиёратига туманимиздан 40 нафар хотин-қизлар ва 34 нафар эркаклар, шунингдек, Дардоқ қишлоғидаги масжиднинг имом ҳатиби йўлбошчи сифатида жўнаб кетдилар.

Зиёратчиларни кузатиш олдидан туман бош имом хатиби, туман ҳокими ва туман прокурори иштирокида учрашув бўлиб ўтди. Учрашув мобайнида имом хатиб томонидан сафар одоблари, ҳажни адо этиш тартиби ҳақида қисқача тўхталиб ўтилди. Имом хатиб бошчилигида, қўллар дуога очилиб, сафарларни соғ-саломат ва муносиб адо этиш нияти ила юзларга фотиха тортилди.

Маълумот учун: Ҳаж – Исломнинг беш арконидан бири бўлган улуғ рукн, Аллоҳга маҳбуб ибодатдир. Бу ибодат У зотга юзланиш, Унинг тажаллийси ва нурининг маркази бўлган жойда адо этилади.

Каналга уланиш учун:
@wwwkurgantepauz