💥 Калі ты не трапіў(ла) на Дзікую лекцыю АПБ пра гарадскіх птушак, цяпер ёсць унікальная магчымасць паглядзець яе ў запісы!

👉🏻 Колькі птушак жыве з намі ў гарадах, чаму чайкі любяць сметнішчы, як кожны можа рабіць свае ўлікі птушак і чаму гэта цікава? 🦆 На гэтыя і шмат іншых пытанняў адказвае вопытны арнітолаг Сямён Левы.

🤗 Прыемнага прагляду! youtu.be/g4pGpkCxmW0

Ты бачыў(ла) больш святочнага гіля, чым гэты таўсцячок у снезе? ❤️❄️ Падзяліся з намі сваімі нядаўнімі зімовымі фота ў @ptushkafota. 🤗

Напэўна, ты такім уяўляеш наш Кажанаполіс? 😅🦇

Ратавальніца дзікай прыроды Джулі Малерб у Аўстраліі адказвае на званок і адначасова даглядае трох асірацелых шэрагаловых лятучых лісіц.

Гэты від – эндэмік усходняй Аўстраліі, уключаны ў спіс уразлівых відаў, якім можа пагражаць знікненне праз знішчэнне месцаў пражывання і начлегу, а таксама праз масавае выміранне, выкліканае з'явамі цеплавога стрэсу.

❤️ Здымак трапіў у спіс найлепшых фатаграфій дзікай прыроды ў 2020 годзе паводле Музея прыродазнаўства ў Лондане. Аўтар фота: Douglas Gimesy.

📸 Усе фота можна паглядзець па спасылцы www.theguardian.com/environment/gallery/2020/dec/01/wildlife-photographer-of-year-2020-peoples-choice-in-pictures

🦇 Кажаны – усе шмат пра іх чулі, а хтосьці нават бачыў. Да некаторых яны нават заляталі ў хату! Але што мы пра іх ведаем? Яны страшныя ці ўсё ж мілыя?

🤗 АПБ запрашае пашукаць адказы на гэтыя пытанні на выставе калажоў Рамана Янотава «Ноч кажаноў».

📆 Калі: 15.12 – 30.12, 17:00 – 23:00 пн-сб.
📍 Дзе: Ruin-Bar (Мінск, вул. Кастрычніцкая, 16 корпус 27)
🎟 Уваход вольны.
#ночкажаноў

Багна і АПБ запрашаюць на фотавыставу «Лексіка Палесся». 💚
📸 Гэты фотапраект прысвечаны ўнікальнай прыроднай каштоўнасці беларускага рэгіёна і яго культурнай самабытнасці.

Прыходзь натхніцца працамі беларускіх фатографаў, закаханых у прыгажосць роднай зямлі! 🌿

📆 Калі: 17.12 – 31.12, 10:00 – 21:00 штодзённа.
📍 Дзе: унутраны дворык культурнага цэнтра «Корпус» (Мінск, пр-т Машэрава, 9к8).
🎟 Уваход вольны.

📷 На фота Паўла Лычкоўскага – крыўкі (кулики-сороки).

На зімоўку ў Беларусь прылятаюць красуні-чачоткі. Чым жа ім падабаецца ласавацца ў нас? 😋🐦

👉🏻 Чачоткі харчуюцца на раслінах, што маюць дробнае насенне. Найперш выядаецца насенне аслінніку, лебяды, палыну, піжмы, цыкорыі. Асвойваюць яны і шкодны інтрадуцэнт – сумнік канадскі, багаты дробным насеннем.

А каб дастаць насенне з шышачак вольхі, ім даводзіцца выкарыстоўваць розныя акрабатычныя прыёмы.🤸 #птушыныяцікавосткі

📷 Цэлая фота-серыя ад Уладзіміра Бондара ➡️ birdwatch.by/gallery/arktous/chto-edyat-chechetki-carduelis-flammea

☝🏻Інструкцыя! Што рабіць, калі табе здаецца, што лебедзь не рухаецца і хутка ўмерзне ў лёд? 🦢🤔

📍1. Нічога. Не панікуй і не турбуй птушку. 🙅 Яна не ўмерзне ў лёд, не скалее ад марозу: у качак і лебедзяў слой тлушчу вельмі тоўсты і выдатна абараняе іх ад маразоў. Яны не рухаюцца, таму што ашчаджаюць энергію. 🦆

📍2. Карміць таксама не трэба. Вадаплаўныя птушкі выдатна знаходзяць сабе корм нават узімку.

📍3. Толькі калі ўдарылі ўстойлівыя маразы з тэмпературай мінус 15 градусаў і ніжэй, можна падкарміць лебедзяў і качак аўсянымі шматкамі ці крыху адваранымі аўсянымі крупамі, ячменем або пшаніцай. Але не давай птушкам хлеб і батон!

📍4. Калі ўмовы робяцца неспрыяльнымі, лебедзі і качкі лёгка знаходзяць новыя вадаёмы і пералятаюць туды. Нават калі гэтыя вадаёмы знаходзяцца за сотні кіламетраў.

❗️Увага: калі ў лебедзя траўма, паведамі пра гэта ў Мінпрыроды, Міністэрства па надзвычайных справах.

💚 Рабі рэпост, каб твае сябры таксама даведаліся пра гэта. 💚

Фота лебедзя-шыпуна ад Makoto Miharu.