☀️🐦 Дзень павялічваецца і прылятаюць новыя птушкі!
Ужо вярнуліся белыя пліскі (белые трясогузки), рудахвосткі-чарнушкі (горихвостки-чернушки), пячураўкі-ценькаўкі (пеночки-теньковки), малінаўкі (зарянки), лугавыя свірстуны (луговые коньки), рэмезы, баравыя жаўрукі, чорнагаловыя ерчыкі (черноголовые чеканы) і нават удоды. Вярнуліся першыя балотныя луні.
На поўдні адзначаны й кулікі: баталёны (турухтаны), кулікі-случкі (травники), вялікія грыцукі (большие веретенники), бакасы, кулікі-чарнякі (черныши) і слонкі (вальдшнепы).
Ужо масава ляцяць качкі-свіцьвы (свиязи), ныркі-сівакі (красноголовые нырки), качкі-цыранкі (чирки-свистунки), качкі-чыркі (чирки-трескунки), качкі-шылахвосткі (шилохвости), качкі-лапаноскі (широконоски). 🦆
Зараз – добры час для назіранняў за ляснымі птушкамі. Лісця на дрэвах яшчэ асабліва няма, і заўважыць іх прасцей. І вясновае надвор’е вельмі радуе. Раім карыстацца магчымасцю і выбірацца на прыроду часцей. ❤️
❓ А якіх новых птушак гэтай вясной за выходныя назіраў_ла ты?
📷 На фота: малінаўка, аўтар Віктар Выскварка; рудахвостка-чарнушка, ерчык чорнагаловы, аўтар Кацярына Хведанцэвіч; кулік-случок, аўтар Наталля Бачурынская; жаўрук баравы, аўтар Аляксей Вайцянкоў.
Ужо вярнуліся белыя пліскі (белые трясогузки), рудахвосткі-чарнушкі (горихвостки-чернушки), пячураўкі-ценькаўкі (пеночки-теньковки), малінаўкі (зарянки), лугавыя свірстуны (луговые коньки), рэмезы, баравыя жаўрукі, чорнагаловыя ерчыкі (черноголовые чеканы) і нават удоды. Вярнуліся першыя балотныя луні.
На поўдні адзначаны й кулікі: баталёны (турухтаны), кулікі-случкі (травники), вялікія грыцукі (большие веретенники), бакасы, кулікі-чарнякі (черныши) і слонкі (вальдшнепы).
Ужо масава ляцяць качкі-свіцьвы (свиязи), ныркі-сівакі (красноголовые нырки), качкі-цыранкі (чирки-свистунки), качкі-чыркі (чирки-трескунки), качкі-шылахвосткі (шилохвости), качкі-лапаноскі (широконоски). 🦆
Зараз – добры час для назіранняў за ляснымі птушкамі. Лісця на дрэвах яшчэ асабліва няма, і заўважыць іх прасцей. І вясновае надвор’е вельмі радуе. Раім карыстацца магчымасцю і выбірацца на прыроду часцей. ❤️
❓ А якіх новых птушак гэтай вясной за выходныя назіраў_ла ты?
📷 На фота: малінаўка, аўтар Віктар Выскварка; рудахвостка-чарнушка, ерчык чорнагаловы, аўтар Кацярына Хведанцэвіч; кулік-случок, аўтар Наталля Бачурынская; жаўрук баравы, аўтар Аляксей Вайцянкоў.
Лаві падборку самага цікавага за сакавік! ❤️
🔹 Важныя прыродаахоўныя навіны: нашы неверагодныя дасягненні ў ахове дзікай прыроды, забалочванне ў Белавежскай пушчы
🔹 Незвычайныя назіранні: наш чорны бусел знайшоўся ў Партугаліі, варона-гібрыд у Мінску
🔹 Назірай за птушкамі анлайн: падглядай за сямейным жыццём сокалаў-пустэльг у Брэсце, сачы за прылётам вялікіх арляцоў (больших подорликов)
🔹 Парада: як зрабіць дамок для птушак сваімі рукамі
🔹 Гарачыя навіны: тэмпература на Зямлі б’е рэкорды
🔹 Правер сябе: ці добра ты ведаеш вераб’ёў?
🦆 Птушка года: цікавыя факты пра яе чытай па хэштэгу #птушка2024года
Глядзі спіс актыўнасцяў з птушкай года і выбірай для сябе самыя цікавыя.
Далучайся ў Тэлеграм-чат “Птушка года” 👉 @ptushkahoda
🦡 У “Дзікім клубе” ужо прайшлі дзве дзікія лекцыі – пра цікавыя факты аб запаведніках і нацпарках Беларусі і пра міграцыю нашых птушак. Усе лекцыі магчыма паглядзець у запісы.
На дзікіх афлайн-сустрэчах у клубе мы пачалі вывучаць галасы птушак, ужо вывучылі 10 галасоў птушак, якія прыляцелі.
Далучайся да "Дзікага клуба"! Сваім удзелам у клубе ты падтрымліваеш ахову дзікай прыроды Беларусі, бо ўвесь прыбытак мы накіроўваем на прыродаахоўныя мэты ❤️
Яшчэ хутка плануем выпусціць новы дроп маек і торб, зладзім вясновы чэмпіянат па фотабёрдынгу. І гэта яшчэ не ўсё! Заставайся на сувязі і сачы за навінамі 🤗
🔹 Важныя прыродаахоўныя навіны: нашы неверагодныя дасягненні ў ахове дзікай прыроды, забалочванне ў Белавежскай пушчы
🔹 Незвычайныя назіранні: наш чорны бусел знайшоўся ў Партугаліі, варона-гібрыд у Мінску
🔹 Назірай за птушкамі анлайн: падглядай за сямейным жыццём сокалаў-пустэльг у Брэсце, сачы за прылётам вялікіх арляцоў (больших подорликов)
🔹 Парада: як зрабіць дамок для птушак сваімі рукамі
🔹 Гарачыя навіны: тэмпература на Зямлі б’е рэкорды
🔹 Правер сябе: ці добра ты ведаеш вераб’ёў?
Глядзі спіс актыўнасцяў з птушкай года і выбірай для сябе самыя цікавыя.
Далучайся ў Тэлеграм-чат “Птушка года” 👉 @ptushkahoda
🦡 У “Дзікім клубе” ужо прайшлі дзве дзікія лекцыі – пра цікавыя факты аб запаведніках і нацпарках Беларусі і пра міграцыю нашых птушак. Усе лекцыі магчыма паглядзець у запісы.
На дзікіх афлайн-сустрэчах у клубе мы пачалі вывучаць галасы птушак, ужо вывучылі 10 галасоў птушак, якія прыляцелі.
Далучайся да "Дзікага клуба"! Сваім удзелам у клубе ты падтрымліваеш ахову дзікай прыроды Беларусі, бо ўвесь прыбытак мы накіроўваем на прыродаахоўныя мэты ❤️
Яшчэ хутка плануем выпусціць новы дроп маек і торб, зладзім вясновы чэмпіянат па фотабёрдынгу. І гэта яшчэ не ўсё! Заставайся на сувязі і сачы за навінамі 🤗
Please open Telegram to view this post
VIEW IN TELEGRAM
Сямейны фільм пра птушак для вечара 1 красавіка.
🐦 Міграцыя птушак – гэта цуд прыроды і ў той жа час магутны фактар натуральнага адбору. Падчас міграцыі птушкі праходзяць шмат выпрабаванняў: гэта складаныя ўчасткі, хваробы, драпежнікі і цяжкія пагодныя ўмовы. Натуральных перашкод і пагроз шмат, але нямала і перашкод створаных чалавекам.
Асабліва цяжка даюцца міграцыі відам, якія знікаюць, такім як гусь-піскулька. Каб прывучыць піскулек са Швецыі зімаваць у бяспечных краінах Еўропы, дзе зімуюць мільёны гусей іншых відаў, у 1999 арнітолаг Крысціян Мулек з жонкай Паолай арганізавалі дзіўны эксперымент. Выведзеных у няволі гусей-піскулек яны з дапамогай дэльтаплана паспяхова прывялі за сабой на зімоўку ў Германію.
А ў 2019 годзе дзіўнае падарожжа з дзікімі гусямі стала асновай мастацкага фільма "Распраў крылы". Рэжысёр Нікаля Ванье выдатна перадаў любоў да прыроды і дух авантурызму, якія рухалі мужам і жонкай Мулек.
🎬 Вельмі раім паглядзець гэты добры прыгодніцкі фільм сёння, у Міжнародны дзень птушак! Глядзець можна ўсёй сям’ёй. 🤗
Беражы і цані птушак не толькі сёння, але і ўвесь год. ❤️
📷 На фота Крысціян Мулек суправаджае на дэльтаплане дзікіх птушак, аўтар ©Superbass, CC-BY-SA-3.0, Wikimedia Commons.
🐦 Міграцыя птушак – гэта цуд прыроды і ў той жа час магутны фактар натуральнага адбору. Падчас міграцыі птушкі праходзяць шмат выпрабаванняў: гэта складаныя ўчасткі, хваробы, драпежнікі і цяжкія пагодныя ўмовы. Натуральных перашкод і пагроз шмат, але нямала і перашкод створаных чалавекам.
Асабліва цяжка даюцца міграцыі відам, якія знікаюць, такім як гусь-піскулька. Каб прывучыць піскулек са Швецыі зімаваць у бяспечных краінах Еўропы, дзе зімуюць мільёны гусей іншых відаў, у 1999 арнітолаг Крысціян Мулек з жонкай Паолай арганізавалі дзіўны эксперымент. Выведзеных у няволі гусей-піскулек яны з дапамогай дэльтаплана паспяхова прывялі за сабой на зімоўку ў Германію.
А ў 2019 годзе дзіўнае падарожжа з дзікімі гусямі стала асновай мастацкага фільма "Распраў крылы". Рэжысёр Нікаля Ванье выдатна перадаў любоў да прыроды і дух авантурызму, якія рухалі мужам і жонкай Мулек.
🎬 Вельмі раім паглядзець гэты добры прыгодніцкі фільм сёння, у Міжнародны дзень птушак! Глядзець можна ўсёй сям’ёй. 🤗
Беражы і цані птушак не толькі сёння, але і ўвесь год. ❤️
📷 На фота Крысціян Мулек суправаджае на дэльтаплане дзікіх птушак, аўтар ©Superbass, CC-BY-SA-3.0, Wikimedia Commons.
Вясенняе сонейка падсушвае леташнюю траву – і прачынаюцца аматары палаў. 😡
Людзі, а часам і цэлыя гаспадарчыя прадпрыемствы падпальваюць траву – нягледзячы на забарону. Хтосьці так “прыбірае тэрыторыю”, хтосьці памылкова думае, што гэта павысіць ураджайнасць, а хтосьці проста забаўляецца.
Але гэта небяспечная “забава”! Агонь па сухой траве распаўсюджваецца вельмі хутка, асабліва ў ветраныя дні. Яго вельмі складана ўтрымаць і спыніць.
🪺 У агні гіне шмат насякомых, амфібій, паўзуноў, звяроў (зайчаняты, вожыкі), гнёзды кнігавак, палявых жаўрукоў, качак.
🧒 Агонь можа прывесці да гібелі людзей, у тым ліку дзяцей.
🔥 Палы травы могуць прыводзіць да тарфяных і лясных пажараў.
🌱 Палы збядняюць відавое багацце расліннасці, выпальваюць перагной.
☣️ Цяжкія металы і радыеактыўныя часцінкі з попелам трапляюць у паветра і лёгкія чалавека.
✅ Калі станеш сведкам вясновага палу, неадкладна паведамляй выратавальнікам з Міністэрства па надзвычайных сітуацыях – звані на нумар 101 ці 112 (кругласутачна).
☝️ Памятай: выпальванне сухой расліннасці забаронена законам, за гэта можна атрымаць штраф ці нават крымінальную адказнасць. Падрабязнасці глядзі ў артыкуле 16.40 Кодэкса аб адміністратыўных парушэннях і ў артыкулах 270, 276 Крымінальнага кодэкса Рэспублікі Беларусь.
На фота Віталя Кашчэева кралька (варакушка) пасярод згарэлай травы.
Людзі, а часам і цэлыя гаспадарчыя прадпрыемствы падпальваюць траву – нягледзячы на забарону. Хтосьці так “прыбірае тэрыторыю”, хтосьці памылкова думае, што гэта павысіць ураджайнасць, а хтосьці проста забаўляецца.
Але гэта небяспечная “забава”! Агонь па сухой траве распаўсюджваецца вельмі хутка, асабліва ў ветраныя дні. Яго вельмі складана ўтрымаць і спыніць.
🪺 У агні гіне шмат насякомых, амфібій, паўзуноў, звяроў (зайчаняты, вожыкі), гнёзды кнігавак, палявых жаўрукоў, качак.
🧒 Агонь можа прывесці да гібелі людзей, у тым ліку дзяцей.
🔥 Палы травы могуць прыводзіць да тарфяных і лясных пажараў.
🌱 Палы збядняюць відавое багацце расліннасці, выпальваюць перагной.
☣️ Цяжкія металы і радыеактыўныя часцінкі з попелам трапляюць у паветра і лёгкія чалавека.
✅ Калі станеш сведкам вясновага палу, неадкладна паведамляй выратавальнікам з Міністэрства па надзвычайных сітуацыях – звані на нумар 101 ці 112 (кругласутачна).
☝️ Памятай: выпальванне сухой расліннасці забаронена законам, за гэта можна атрымаць штраф ці нават крымінальную адказнасць. Падрабязнасці глядзі ў артыкуле 16.40 Кодэкса аб адміністратыўных парушэннях і ў артыкулах 270, 276 Крымінальнага кодэкса Рэспублікі Беларусь.
На фота Віталя Кашчэева кралька (варакушка) пасярод згарэлай травы.
Усе дубы прыгожыя, але кожны добры ў сваім месцы.
Яшчэ нядаўна амерыканскі дуб чырвоны (Quercus rubra) у Беларусі рэкамендаваўся для азелянення ў гарадах.
🌳 У дуба чырвонага вельмі пышная крона, якая закрывае сонечнае святло, а густы лісцевы апад доўга не раскладаецца – гэта перашкаджае іншым відам раслін. Да таго ж дуб чырвоны вельмі жывучы і пладавіты, а натуральных шкоднікаў у нашых прыродных умовах у яго амаль няма. На тэрыторыях, якія засаджаныя дубам чырвоным, цяжка ідзе натуральнае аднаўленне шыракалістых і іглічных лясоў. У перспектыве дуб чырвоны здольны змяніць карэнныя лясы.
🔎 Украінскія даследчыкі паказалі, што ў лясах, дзе пераважае дуб чырвоны, бедны відавы склад, спрошчаная вертыкальная структура ярусаў лесу, адсутнічаюць тыповыя для дадзенай мясцовасці віды.
Але беларускія батанікі даўно занеслі гэты від у Чорную кнігу. Пасля нашага звароту да Інстытута эксперыментальнай батанікі НАН Беларусі і Мінпрыроды ў красавіку 2023 года была зменена міністэрская Пастанова з “Перечнем видов деревьев, кустарников, допускаемых к посадке для целей озеленения” і цяпер дуб чырвоны, а таксама яшчэ 7 відаў чужародных раслін нельга выкарыстоўваць для азелянення ў гарадах.
☝️ Калі ты даведаешся пра планы па высаджванню дуба чырвонага ў гарадах, звярніся ў мясцовую інспекцыю Мінпрыроды ці парэкамендуй азеляніцелям пачытаць абноўлены ЭкоНиП 17.01.06-001-2017, зацверджаны Мінпрыроды ад 18 ліпеня 2017 г. № 5-Т.
📷 Фота: лісце дуба чырвонага і яго жолуд, аўтары James St. John, Hladaс, Wikimedia Commons.
#ДзкікіяЭкспедыцыі #інвазіўныявіды
Яшчэ нядаўна амерыканскі дуб чырвоны (Quercus rubra) у Беларусі рэкамендаваўся для азелянення ў гарадах.
🌳 У дуба чырвонага вельмі пышная крона, якая закрывае сонечнае святло, а густы лісцевы апад доўга не раскладаецца – гэта перашкаджае іншым відам раслін. Да таго ж дуб чырвоны вельмі жывучы і пладавіты, а натуральных шкоднікаў у нашых прыродных умовах у яго амаль няма. На тэрыторыях, якія засаджаныя дубам чырвоным, цяжка ідзе натуральнае аднаўленне шыракалістых і іглічных лясоў. У перспектыве дуб чырвоны здольны змяніць карэнныя лясы.
🔎 Украінскія даследчыкі паказалі, што ў лясах, дзе пераважае дуб чырвоны, бедны відавы склад, спрошчаная вертыкальная структура ярусаў лесу, адсутнічаюць тыповыя для дадзенай мясцовасці віды.
Але беларускія батанікі даўно занеслі гэты від у Чорную кнігу. Пасля нашага звароту да Інстытута эксперыментальнай батанікі НАН Беларусі і Мінпрыроды ў красавіку 2023 года была зменена міністэрская Пастанова з “Перечнем видов деревьев, кустарников, допускаемых к посадке для целей озеленения” і цяпер дуб чырвоны, а таксама яшчэ 7 відаў чужародных раслін нельга выкарыстоўваць для азелянення ў гарадах.
☝️ Калі ты даведаешся пра планы па высаджванню дуба чырвонага ў гарадах, звярніся ў мясцовую інспекцыю Мінпрыроды ці парэкамендуй азеляніцелям пачытаць абноўлены ЭкоНиП 17.01.06-001-2017, зацверджаны Мінпрыроды ад 18 ліпеня 2017 г. № 5-Т.
📷 Фота: лісце дуба чырвонага і яго жолуд, аўтары James St. John, Hladaс, Wikimedia Commons.
#ДзкікіяЭкспедыцыі #інвазіўныявіды
Напішыце, калі ласка, у каментары свае пытанні, якія б хацелі задаць – пра птушак і дзікую прыроду, пра ахову прыроды, пра нашу кампанію і "Дзікі клуб".
📆 Заўтра а 19:00 падчас эфіру Аляксандр адкажа на пытанні. Сустрэнемся! 🙌
Please open Telegram to view this post
VIEW IN TELEGRAM
This media is not supported in your browser
VIEW IN TELEGRAM
Гэтую мілую птушачку, напэўна, ведаюць усе! 😍
Малінаўка (зарянка) – адна з самых распаўсюджаных лясных птушак. Нярэдка яна сустракаецца побач з чалавекам – у лесапарках, садах, каля дарог.
🐦 Вясной малінаўка прылятае ў другой палове сакавіка – пачатку красавіка. Птушка паводзіцца даволі скрытна, але можна пачуць яе прыгожы звонкі спеў.
🎶 У спеве малінаўкі гучныя чыстыя трэлі змяняюцца прыглушаным неразборлівым шчабятаннем з “металічнымі” ноткамі ці амаль шыпячымі гукамі. Найбольш актыўна малінаўкі спяваюць у вячэрніх прыцемках. У гэты час самец пяе звычайна на вяршыні дрэва.
❓ Хочаш навучыцца адрозніваць птушак па галасах? Мы на дзікіх афлайн-сустрэчах пачалі вывучаць галасы птушак, якія ўжо прыляцелі. Гэта не так проста: галасы некаторых птушак вельмі падобныя: трэба ведаць, на што звяртаць увагу, каб адрозніць.
У мінулы раз было вельмі весела – удзельнікі вывучылі галасы 10 розных птушак і прайшлі па іх тэст.
🦡 Далучайся да “Дзікага клуба”! З радасцю прымем цябе і тваіх сяброў у нашу цёплую кампанію.
Яшчэ больш галасоў птушак можаш паслухаць па хэштэгу #галасыптушак
🎥 Дзякуем за відэа Кацярыне Хведанцэвіч.
Малінаўка (зарянка) – адна з самых распаўсюджаных лясных птушак. Нярэдка яна сустракаецца побач з чалавекам – у лесапарках, садах, каля дарог.
🐦 Вясной малінаўка прылятае ў другой палове сакавіка – пачатку красавіка. Птушка паводзіцца даволі скрытна, але можна пачуць яе прыгожы звонкі спеў.
🎶 У спеве малінаўкі гучныя чыстыя трэлі змяняюцца прыглушаным неразборлівым шчабятаннем з “металічнымі” ноткамі ці амаль шыпячымі гукамі. Найбольш актыўна малінаўкі спяваюць у вячэрніх прыцемках. У гэты час самец пяе звычайна на вяршыні дрэва.
❓ Хочаш навучыцца адрозніваць птушак па галасах? Мы на дзікіх афлайн-сустрэчах пачалі вывучаць галасы птушак, якія ўжо прыляцелі. Гэта не так проста: галасы некаторых птушак вельмі падобныя: трэба ведаць, на што звяртаць увагу, каб адрозніць.
У мінулы раз было вельмі весела – удзельнікі вывучылі галасы 10 розных птушак і прайшлі па іх тэст.
🦡 Далучайся да “Дзікага клуба”! З радасцю прымем цябе і тваіх сяброў у нашу цёплую кампанію.
Яшчэ больш галасоў птушак можаш паслухаць па хэштэгу #галасыптушак
🎥 Дзякуем за відэа Кацярыне Хведанцэвіч.
🌿 Яшчэ адна тэрыторыя, якая атрымае шанец застацца дзікай дзякуючы працы нашых экспертаў!
Тэрыторыя #2 з 17
У Беларусі павінен з’явіцца новы заказнік нацыянальнага ўзроўню – “Астравы”, плошчай 5.810 га. Яго сфарміруюць на базе двух заказнікаў мясцовага значэння – “Эсьмонаўскі мох” (Магілёўская вобласць) і “Белы востраў” (Мінская вобласць).
Гэтая тэрыторыя зараз унесена ў драфт Схемы рацыянальнага размяшчэння асабліва ахоўных прыродных тэрыторый рэспубліканскага значэння да 2035 году і ўзгоднена з землекарыстальнікамі і мясцовымі органамі кіравання. Схеме засталося яшчэ прайсці грамадскія абмеркаванні і зацвярджэнне Саветам Міністраў.
🌿💧 Гэтая тэрыторыя мае статус аб’екта Смарагдавай сеткі Савета Еўропы, і дзікая прырода захавалася тут вельмі добра. Тут ёсць адкрытыя верхавыя і пераходныя балоты з астравамі забалочаных лясоў (пераважна сасоннікамі і бярозавымі гаямі). І тут шмат “чырванакніжных” відаў.
Балоты знаходзяцца ў межах вадазбору ракі Клява (прыток Бярэзіны, басейн Дняпра). Вышэй па цячэнні знаходзіцца дыстрофнае возера Заазерскае, з якога выцякае рака. Тэрыторыя мае важнае значэнне для падтрымання ўзроўню грунтавых вод у рэгіёне.
Гэта адна з 17 тэрыторый, у якіх з’явіўся добры шанс павысіць свой прыродаахоўны статус да 2035 года. Гэта стала магчыма дзякуючы працы нашых экспертаў і НПЦ НАН Беларусі па біярэсурсах. Аб другіх важных каштоўных тэрыторыях раскажам у наступных допісах.
🤲 Хочаш падтрымаць ахову дзікай прыроды? Далучайся да “Дзікага клуба” і кліч з сабой сяброў. Увесь прыбытак ад клуба мы накіроўваем на прыродаахоўныя мэты.
👉 Як мы дапамагаем ахоўваць дзікую прыроду Беларусі, чытай па хэштэгу #ДзікіяЭкспедыцыі
📷 На фота эксперта Юрыя Янкевіча заходняя тайга ў заказніку “Эсьмонаўскі мох”; на фота эксперта Вадзіма Пракапчука барсучы гарадок, “чырванакніжныя” віды – матылёк жаўтушка тарфянікавая, журавіны дробнаплодныя; на малюнку – схема будучага заказніка.
Тэрыторыя #2 з 17
У Беларусі павінен з’явіцца новы заказнік нацыянальнага ўзроўню – “Астравы”, плошчай 5.810 га. Яго сфарміруюць на базе двух заказнікаў мясцовага значэння – “Эсьмонаўскі мох” (Магілёўская вобласць) і “Белы востраў” (Мінская вобласць).
Гэтая тэрыторыя зараз унесена ў драфт Схемы рацыянальнага размяшчэння асабліва ахоўных прыродных тэрыторый рэспубліканскага значэння да 2035 году і ўзгоднена з землекарыстальнікамі і мясцовымі органамі кіравання. Схеме засталося яшчэ прайсці грамадскія абмеркаванні і зацвярджэнне Саветам Міністраў.
🌿💧 Гэтая тэрыторыя мае статус аб’екта Смарагдавай сеткі Савета Еўропы, і дзікая прырода захавалася тут вельмі добра. Тут ёсць адкрытыя верхавыя і пераходныя балоты з астравамі забалочаных лясоў (пераважна сасоннікамі і бярозавымі гаямі). І тут шмат “чырванакніжных” відаў.
Балоты знаходзяцца ў межах вадазбору ракі Клява (прыток Бярэзіны, басейн Дняпра). Вышэй па цячэнні знаходзіцца дыстрофнае возера Заазерскае, з якога выцякае рака. Тэрыторыя мае важнае значэнне для падтрымання ўзроўню грунтавых вод у рэгіёне.
Гэта адна з 17 тэрыторый, у якіх з’явіўся добры шанс павысіць свой прыродаахоўны статус да 2035 года. Гэта стала магчыма дзякуючы працы нашых экспертаў і НПЦ НАН Беларусі па біярэсурсах. Аб другіх важных каштоўных тэрыторыях раскажам у наступных допісах.
🤲 Хочаш падтрымаць ахову дзікай прыроды? Далучайся да “Дзікага клуба” і кліч з сабой сяброў. Увесь прыбытак ад клуба мы накіроўваем на прыродаахоўныя мэты.
👉 Як мы дапамагаем ахоўваць дзікую прыроду Беларусі, чытай па хэштэгу #ДзікіяЭкспедыцыі
📷 На фота эксперта Юрыя Янкевіча заходняя тайга ў заказніку “Эсьмонаўскі мох”; на фота эксперта Вадзіма Пракапчука барсучы гарадок, “чырванакніжныя” віды – матылёк жаўтушка тарфянікавая, журавіны дробнаплодныя; на малюнку – схема будучага заказніка.
А ў цябе так бывала? Знаёмая сітуацыя? 😅
Праверыць - жарт гэта ці праўда - зможаш падчас вясновага чэмпіянату па фотабёрдынгу, які пройдзе ў суботу 27-га красавіка.
🤗 Запрашаем цябе!
Малюнак Rosemary Mosco.
Праверыць - жарт гэта ці праўда - зможаш падчас вясновага чэмпіянату па фотабёрдынгу, які пройдзе ў суботу 27-га красавіка.
🤗 Запрашаем цябе!
Малюнак Rosemary Mosco.
Не толькі птушкам патрэбныя дамкі! 🦇
Зрабілі дамкі для птушак на лецішчы? Птушкі ядуць насякомых удзень, а кажаны палююць на іх уначы, прычым усё лета. Ты можаш зрабіць домік для іх сваімі рукамі!
❓ На што звярнуць увагу?
🔹 Домік павінен быць без шчылін, каб не было скразнякоў і ўнутр не трапляла вада.
🔹 Памер шчыліны-ўвахода – 15-20 мм. Усе астатнія памеры прыблізныя.
🔹 Лепш узяць не цвікі, а самарэзы.
🔹 На ўсіх унутраных сценках зрабі пілой ці стамескай гарызантальныя пазы, каб
кажаны маглі зачапіцца лапкамі – яны адпачываюць, вісячы галавой уніз.
🔹 Таксама зрабі такія ж прапілы на канцах сценак В і С, дзе яны выступаюць.
🔹 Абірай драўніну, не апрацаваную хімічнымі сродкамі.
❓ Як падвесіць дамок для кажаноў?
✅ Для ўмацавання вазьмі вязальны дрот або металічны трос.
✅ Размясці домік на ствале дрэва (пажадана хвойнага) або будынка на
вышыні ад 3 да 6 метраў, лепш вышэй.
✅ Лепш размяшчаць на адным дрэве некалькі домікаў наўкол ствала.
✅ Домік трэба вешаць так, каб на яго не падала штучнае святло ўначы.
✅ Вельмі добра, калі побач ёсць вадаём.
Кажаны аддзячаць табе! 🤗
📷 Фота Javier Ábalos, CC BY-SA 2.0, Flikr
Зрабілі дамкі для птушак на лецішчы? Птушкі ядуць насякомых удзень, а кажаны палююць на іх уначы, прычым усё лета. Ты можаш зрабіць домік для іх сваімі рукамі!
❓ На што звярнуць увагу?
🔹 Домік павінен быць без шчылін, каб не было скразнякоў і ўнутр не трапляла вада.
🔹 Памер шчыліны-ўвахода – 15-20 мм. Усе астатнія памеры прыблізныя.
🔹 Лепш узяць не цвікі, а самарэзы.
🔹 На ўсіх унутраных сценках зрабі пілой ці стамескай гарызантальныя пазы, каб
кажаны маглі зачапіцца лапкамі – яны адпачываюць, вісячы галавой уніз.
🔹 Таксама зрабі такія ж прапілы на канцах сценак В і С, дзе яны выступаюць.
🔹 Абірай драўніну, не апрацаваную хімічнымі сродкамі.
❓ Як падвесіць дамок для кажаноў?
✅ Для ўмацавання вазьмі вязальны дрот або металічны трос.
✅ Размясці домік на ствале дрэва (пажадана хвойнага) або будынка на
вышыні ад 3 да 6 метраў, лепш вышэй.
✅ Лепш размяшчаць на адным дрэве некалькі домікаў наўкол ствала.
✅ Домік трэба вешаць так, каб на яго не падала штучнае святло ўначы.
✅ Вельмі добра, калі побач ёсць вадаём.
Кажаны аддзячаць табе! 🤗
📷 Фота Javier Ábalos, CC BY-SA 2.0, Flikr
🐦 Запрашаем цябе на Вясновы нацыянальны чэмпіянат па фотабёрдынгу!
📆 У суботу 27 красавіка ў цябе будзе магчымасць паназіраць за птушкамі ўволю, атрымаць незабыўныя ўражанні, прыгоды і неспадзяванкі.
Удзельнічаць могуць усе – і пачаткоўцы, і вопытныя птушкары. Не трэба вельмі добра разбірацца ў птушках і быць прафесійным фатографам.
Галоўная задача – за 6 гадзін сфатаграфаваць як мага больш відаў птушак у натуральных умовах.
Рэгістрацыя на чэмпіянат ужо адкрыта!
👛 Кошт удзелу для аднаго чалавека – 20 рублёў. Для ўладальнікаў абанемента “Дзікі клуб” і дзяцей да 18 год – бясплатна.
🤲 Увесь прыбытак ад чэмпіянату мы накіроўваем на прыродаахоўныя мэты.
Як мы дапамагаем захоўваць дзікую прыроду Беларусі, чытай па хэштэгу #ДзікіяЭкспедыцыі
Падзяліся гэтым допісам з тымі, хто цікавіцца птушкамі і фатаграфаваннем прыроды!
📷 На фота вялікі голуб (вяхирь), аўтар Валер Пясецкі, @ptushkafota
📆 У суботу 27 красавіка ў цябе будзе магчымасць паназіраць за птушкамі ўволю, атрымаць незабыўныя ўражанні, прыгоды і неспадзяванкі.
Удзельнічаць могуць усе – і пачаткоўцы, і вопытныя птушкары. Не трэба вельмі добра разбірацца ў птушках і быць прафесійным фатографам.
Галоўная задача – за 6 гадзін сфатаграфаваць як мага больш відаў птушак у натуральных умовах.
Рэгістрацыя на чэмпіянат ужо адкрыта!
👛 Кошт удзелу для аднаго чалавека – 20 рублёў. Для ўладальнікаў абанемента “Дзікі клуб” і дзяцей да 18 год – бясплатна.
🤲 Увесь прыбытак ад чэмпіянату мы накіроўваем на прыродаахоўныя мэты.
Як мы дапамагаем захоўваць дзікую прыроду Беларусі, чытай па хэштэгу #ДзікіяЭкспедыцыі
Падзяліся гэтым допісам з тымі, хто цікавіцца птушкамі і фатаграфаваннем прыроды!
📷 На фота вялікі голуб (вяхирь), аўтар Валер Пясецкі, @ptushkafota
Запрашаем усіх на дзікую анлайн-лекцыю “Топ-10 птушак-рэкардсменаў Беларусі”!
Наш лектар – Віталь Кашчэеў, арнітолаг, фотаанімаліст і кальцавальнік птушак. Аднойчы акальцаваў 500 птушанят чаек-рыбачак (озерных чаек) за 5 гадзін. Змайстраваў і размясціў штучныя гнездзішчы для соцень птушак – сініц, соў, савукоў, сокалаў – і не толькі.
На лекцыі ты даведаешся цікавыя факты пра 10 відаў птушак Беларусі, якія адзначыліся рэкордамі або маюць незвычайныя суперздольнасці.
❓Якія птушкі могуць спаць у палёце?
❓Хто з птушак можа чуць пад вадой?
❓Якія птушкі робяць сабе “баракамеры” пад снегам?
❓У якой птушкі самы вялікі размах крылаў?
На гэтыя і шмат іншых пытанняў Віталь Кашчэеў адкажа падчас дзікай лекцыі. Калі ў цябе таксама ёсць пытанні, падрыхтуй іх загадзя – у цябе будзе магчымасць задаць іх у канцы лекцыі.
📆 Лекцыя пройдзе ў чацвер 25 красавіка а 19.00 анлайн на платформе Zoom.
👛 Кошт лекцыі – 15 рублёў, а для ўдзельнікаў “Дзікага клуба” – бясплатна.
👉 Купіць білет на лекцыю можна тут!
Далучыўшыся да лекцыі, ты падтрымліваеш дзікую прыроду Беларусі, бо ўвесь прыбытак мы накіроўваем на прыродаахоўныя мэты. Больш аб нашай працы чытай па хэштэгу #ДзікіяЭкспедыцыі
Падзяліся гэтым допісам з тым, хто цікавіцца птушкамі і дзікай прыродай! 🤗
📷 На фота – чырвонагаловы каралёк, аўтар Іна Шкурко.
Наш лектар – Віталь Кашчэеў, арнітолаг, фотаанімаліст і кальцавальнік птушак. Аднойчы акальцаваў 500 птушанят чаек-рыбачак (озерных чаек) за 5 гадзін. Змайстраваў і размясціў штучныя гнездзішчы для соцень птушак – сініц, соў, савукоў, сокалаў – і не толькі.
На лекцыі ты даведаешся цікавыя факты пра 10 відаў птушак Беларусі, якія адзначыліся рэкордамі або маюць незвычайныя суперздольнасці.
❓Якія птушкі могуць спаць у палёце?
❓Хто з птушак можа чуць пад вадой?
❓Якія птушкі робяць сабе “баракамеры” пад снегам?
❓У якой птушкі самы вялікі размах крылаў?
На гэтыя і шмат іншых пытанняў Віталь Кашчэеў адкажа падчас дзікай лекцыі. Калі ў цябе таксама ёсць пытанні, падрыхтуй іх загадзя – у цябе будзе магчымасць задаць іх у канцы лекцыі.
📆 Лекцыя пройдзе ў чацвер 25 красавіка а 19.00 анлайн на платформе Zoom.
👛 Кошт лекцыі – 15 рублёў, а для ўдзельнікаў “Дзікага клуба” – бясплатна.
👉 Купіць білет на лекцыю можна тут!
Далучыўшыся да лекцыі, ты падтрымліваеш дзікую прыроду Беларусі, бо ўвесь прыбытак мы накіроўваем на прыродаахоўныя мэты. Больш аб нашай працы чытай па хэштэгу #ДзікіяЭкспедыцыі
Падзяліся гэтым допісам з тым, хто цікавіцца птушкамі і дзікай прыродай! 🤗
📷 На фота – чырвонагаловы каралёк, аўтар Іна Шкурко.
💚 Гарадзенская Свіслач застанецца дзікай – дзякуючы працы нашых экспертаў!
Тэрыторыя #3 з 17
Гарадзенская Свіслач – неверагоднае месца, важнае для птушак і дзікай прыроды. Ведаеш пра яго? Сёлета тут налічылі пад 30 тысяч дзікіх гусей!
Гарадзенская Свіслач знаходзіцца ў Бераставіцкім і Гродзенскім раёнах. Зараз гэта заказнік мясцовага значэння плошчай каля 4880 га. Але ёсць шанс павысіць ахоўны статус заказніка да рэспубліканскага. 🔥
Гэтая тэрыторыя зараз унесена ў драфт Схемы рацыянальнага размяшчэння асабліва ахоўных прыродных тэрыторый рэспубліканскага значэння да 2035 году і ўзгоднена з землекарыстальнікамі і мясцовымі органамі кіравання. Схеме засталося яшчэ прайсці грамадскія абмеркаванні і зацвярджэнне Саветам Міністраў.
💧 Заказнік мае міжнародны статус Смарагдавай сеткі. Ён быў створаны для захавання ў натуральным стане водна-балотнага комплексу даліны ракі Свіслач, яе прытока – Верацейкі – і часткі рэчышчавага вадасховішча Гродзенскай ГЭС на Нёмане. Каштоўныя тут і лугі з лясамі, дзе захаваліся ўчасткі тыповых і рэдкіх біятопаў. Шмат і “чырванакніжных” відаў.
🐦 Заказнік мае яшчэ адзін міжнародны статус – Тэрыторыя, важная для птушак (ТВП). Увесну тут падчас міграцыі спыняюцца на месяц-два адпачыць дзясяткі тысяч дзікіх гусей.
👉 Гэта адна з 17 тэрыторый, у якіх з’явіўся добры шанс павысіць свой прыродаахоўны статус да 2035 года. Гэта стала магчыма дзякуючы працы нашых экспертаў і НПЦ НАН Беларусі па біярэсурсах. Аб другіх важных каштоўных тэрыторыях раскажам у наступных допісах.
🤲 Хочаш падтрымаць ахову дзікай прыроды? Далучайся да “Дзікага клуба”, кліч з сабой сяброў! Увесь прыбытак ад клуба мы накіроўваем на прыродаахоўныя мэты.
Як мы дапамагаем ахоўваць дзікую прыроду Беларусі, чытай па хэштэгу #ДзікіяЭкспедыцыі
📷 На фота: балота Грайна, архіў ТАА “Дзікая прырода”.
На малюнках: Гарадзенская Свіслач на карце Беларусі, схема будучага заказніка.
#дзікіярэкі #свабодныярэкі #freerivers #wildrivers
Тэрыторыя #3 з 17
Гарадзенская Свіслач – неверагоднае месца, важнае для птушак і дзікай прыроды. Ведаеш пра яго? Сёлета тут налічылі пад 30 тысяч дзікіх гусей!
Гарадзенская Свіслач знаходзіцца ў Бераставіцкім і Гродзенскім раёнах. Зараз гэта заказнік мясцовага значэння плошчай каля 4880 га. Але ёсць шанс павысіць ахоўны статус заказніка да рэспубліканскага. 🔥
Гэтая тэрыторыя зараз унесена ў драфт Схемы рацыянальнага размяшчэння асабліва ахоўных прыродных тэрыторый рэспубліканскага значэння да 2035 году і ўзгоднена з землекарыстальнікамі і мясцовымі органамі кіравання. Схеме засталося яшчэ прайсці грамадскія абмеркаванні і зацвярджэнне Саветам Міністраў.
💧 Заказнік мае міжнародны статус Смарагдавай сеткі. Ён быў створаны для захавання ў натуральным стане водна-балотнага комплексу даліны ракі Свіслач, яе прытока – Верацейкі – і часткі рэчышчавага вадасховішча Гродзенскай ГЭС на Нёмане. Каштоўныя тут і лугі з лясамі, дзе захаваліся ўчасткі тыповых і рэдкіх біятопаў. Шмат і “чырванакніжных” відаў.
🐦 Заказнік мае яшчэ адзін міжнародны статус – Тэрыторыя, важная для птушак (ТВП). Увесну тут падчас міграцыі спыняюцца на месяц-два адпачыць дзясяткі тысяч дзікіх гусей.
👉 Гэта адна з 17 тэрыторый, у якіх з’явіўся добры шанс павысіць свой прыродаахоўны статус да 2035 года. Гэта стала магчыма дзякуючы працы нашых экспертаў і НПЦ НАН Беларусі па біярэсурсах. Аб другіх важных каштоўных тэрыторыях раскажам у наступных допісах.
🤲 Хочаш падтрымаць ахову дзікай прыроды? Далучайся да “Дзікага клуба”, кліч з сабой сяброў! Увесь прыбытак ад клуба мы накіроўваем на прыродаахоўныя мэты.
Як мы дапамагаем ахоўваць дзікую прыроду Беларусі, чытай па хэштэгу #ДзікіяЭкспедыцыі
📷 На фота: балота Грайна, архіў ТАА “Дзікая прырода”.
На малюнках: Гарадзенская Свіслач на карце Беларусі, схема будучага заказніка.
#дзікіярэкі #свабодныярэкі #freerivers #wildrivers