❗️"WikiStipendiya" loyihasi rasman tugatildi!

🌎 Yoshlar ishlari agentligi tomonidan o‘zbekcha Vikipediyani rivojlantirish orqali jahon internet olamida o‘zbek tilidagi kontentni ko‘paytirishga qaratilgan "WikiStipendiya" loyihasi rasman o‘z faoliyatini to‘xtatdi.

🌎 Yillar davomida minglab yoshlarni bir nuqtaga yig‘gan hamda ularning o‘z iqtidorlarini ro‘yobga chiqarishga, tashabbuslarini qo‘llab-quvvatlashga xizmat qilgan loyiha ko‘plab yutuqlarga erishdi. Loyiha davomida faollik ko‘rsatgan yuzlab yoshlarga pul mukofotlaridan tortib, turli imkoniyatlarni hadya etuvchi sovg‘alar taqdim etildi.

🌎 Raqamlarga yuzlanadigan bo‘lsak, aynan loyiha sabab o‘zbekcha Vikipediyadagi maqolalar soni chorak milliondan oshdi, jahon vikireytingida 23 pog‘ona yuqorilab, o‘z o‘rnini mustahkamladi. Turkiy tillar vikireytingi orasida uchinchi, Markaziy Osiyo davlatlari o‘rtasida birinchi o‘ringa chiqdi.

🌎 Yuqorida sanab o‘tilgan asosiy yutuqlar nafaqat, o‘zbek tilida so‘zlashuvchilarning, balki dunyo axborot makoni uchun asos bo‘lib kelayotgan Vikipediyaning ham yutug‘idir. Ishonamizki, o‘zbekcha Vikipediya bundan keyin ham rivojlanishdan to‘xtab qolmaydi.

✅ Do‘stlar, bizdan uzoqlashmang, tez orada tandirdan uzilayotgan issiq yangiliklarni siz bilan bo‘lishamiz!..

Telegram | YouTube | X (Twitter) | Facebook

🌐"Bizning kemamizni cho‘kdi deb o‘ylaganlar, bizni kema suv osti kemasi ekanligini bilishmaydi…"

✔️Do‘stlar, bizni kuzatishda davom eting, yaqin kunlarda katta yangilikni e’lon qilamiz!

Telegram | YouTube | X (Twitter) | Facebook

Ehtiyot bo‘ling, eshiklar yopiladi. Keyingi bekat — WikiMarafon

🌐Bir necha kun oldin "WikiStipendiya" tugatilgani haqida xabar bergan edik. Ammo bu Yoshlar ishlari agentligi tomonidan o‘zbekcha Vikipediyani boyitishga qaratilgan loyiha butunlay yakunlandi degani emas. U o‘zgacha shaklda qaytmoqda!

🖥Tanishing — "WikiMarafon" loyihasi. "WikiStipendiya"ning mantiqiy davomchisi bo‘lgan mazkur loyiha mutlaqo yangi yondashuv va dadil harakatlar ila sizning qarshingizga chiqmoqda. Loyihaning bosh maqsadi ham o‘zbekcha Vikipediyani yanada rivojlantirishdan iborat.

✔️Shunday ekan, keling, buni birgalikda amalga oshiraylik. Vikipediyamizni manfaatli maqolalar bilan to‘ldirib, uning jahon reytingidagi o‘rnini yanada mustahkamlaylik. WikiMarafon — o‘zbek vikipediyachilarining mustahkam makoni.

👇Bizni ijtimoiy tarmoqlardagi rasmiy sahifalarimiz orqali kuzatib boring.

Telegram | Instagram | Facebook | YouTube | X