МАКТАБЛАРДАГИ МАЪНАВИЙ-МАЪРИФИЙ ИШЛАР МУҲОКАМА ҚИЛИНДИ

Бугунги кунда ёш авлодга сифатли таълим бериш билан бир қаторда уларга ўзбекона қадриятлар остида муносиб тарбия бериш ҳам муҳим масалага айланмоқда.

Жорий йилнинг 4 март куни Андижон вилояти халқ таълими бошқармасида барча умумтаълим мактаблари директорлари иштирокида мазкур масалаларга бағишланган вебинар бўлиб ўтди.

Вебинарда Халқ таълими вазири ўринбосари Вахобжон Ражабов томонидан вилоятдаги умумтаълим мактаблари ўқувчилари ўртасида жиноятчилик ва хуқуқбузарлик ҳолатларини олдини олиш, ўқувчиларнинг дарс машғулотларига ўз вақтида қатнашишларини назоратга олган ҳолда манзилли иш ташкил этиш бўйича керакли кўрсатма ва тавсиялар берилди.

Андижон вилояти халқ таълими бошқармаси матбуот хизмати

ХАЛҚ ТАЪЛИМИ ВАЗИРИ ЎРИНБОСАРИ ХЎЖАОБОД ТУМАНИДАГИ МАХСУС МАКТАБЛАРНИ КЎЗДАН КЕЧИРДИ

Хабарингиз бор, Халқ таълими вазирлиги томонидан юртимиз эгалари бўлмиш ёшларга имкониятидан қатъий-назар сифатли таълим бериш йўлида бир қатор ташаббуслар илгари сурилмоқда.

Жорий йилнинг 4 март куни Халқ таълими вазири ўринбосари Вахобжон Ражабов имконияти чекланган болалар таълимини сифат жиҳатдан янада такомиллаштириш ва уларга қулай шарт-шароит яратиш мақсадида янгича кўриниш касб этаётган Хўжаобод туманидаги 17-кар болалар давлат таълим муассасаси ва Заиф эшитувчи болалар мактаб интернатларида бўлиб, қурилиш-таъмирлаш ишлари билан танишди.

Вазир ўринбосари томонидан мазкур таълим муассаларини нафақат янгича кўринишида, балки улардаги жиҳозлаш ишларида ҳам ўқувчи-ёшларга янада қулайликлар яратиш борасида керакли кўрсатма ва тавсиялар бериб ўтилди.

Андижон вилояти халқ таълими бошқармаси матбуот хизмати

Хабарингиз бор, Халқ таълими вазири ўринбосари Вахобжон Ражабов Андижон вилоятидаги таълим муассасаларини атрофлича кўздан кечириш мақсадида вилоятимиздаги таълим муассасаларида бўлмоқда.

Жорий йилнинг 4 март куни вазир ўринбосари Асака туманидаги 16-кўзи ожиз болалар учун ихтисослаштирилган мактаб интернатида бўлиб, муассаса тарбияланувчиларига яратилган шарт-шароитлар билан танишди.

Қайд этиш жоизки ушбу таълим муассасаси тарбияланувчилари кўзи ожиз болалар футбол жамоаси, театр труппаси ва ўз мусиқий ансамблига эга бўлиб вилоят тадбирларида фаол иштирок этадилар.

ХАЛҚ ТАЪЛИМИ ВАЗИРИ ЎРИНБОСАРИ УЧҚЎРҒОНДА ЁШЛАР ЕТАКЧИЛАРИ БИЛАН УЧРАШДИ

Учқўрғон туман ҳокимлигида маҳалладаги ёшлар билан ишлаш масалаларини мувофиқлаштиришда ёшлар етакчиларининг фаолияти, масъул ташкилотларнинг вазифаларини режали амалга оширишга қаратилган йиғилиш бўлиб ўтди. Унда Халқ таълими вазири ўринбосари Ваҳобжон Ражапов, тумандаги 64 нафар ёшлар етакчилари ҳамда мутасадди ташкилот раҳбарлари иштирок этди. Йиғилишда ёшлар муаммоларини бевосита маҳаллаларда ҳал этиш, иқтидори, истеъдоди ва ташаббусларини рағбатлантириш ҳамда ҳаётда ўз ўрнини топишларига кўмаклашиш, таълим муассасаларида маънавий-маърифий ва тарбиявий ишларнинг самарадорлигини янада ошириш борасида сўз юритилиб, туманда амалга оширилаётган ишлар слайдлар орқали батафсил кўрсатиб берилди. Келгусида ёшлар етакчилари томонидан амалга ошириши лозим бўлган ишлар механизми тушунтирилиб, бу борада мутасаддиларга вазифалар белгиланди.

Наманган вилояти халқ таълими бошқармаси Ахборот хизмати