Bu kech Hindistonda...

Yer yuzidagi butun jonzotlarga hukmronlik kilgan Hazrati Sulaymonning Yamandagi saroyiga sodda bir odam shoshilib kiradi. navbatchilarga hayot mamot masalasi yuzasidan hazrati Sulaymon bilan ko‘rishmoqchi ekanini aytgach, unga izn beriladi. Sulaymon yuzi oqargan, qo‘rquvdan titrayotgan odamdan so‘radi:
— Tinchlikmi, nima bo‘ldi? Nega bunchalik qo‘rqayapsan? Darding nima?..
Odam qo‘rquvdan:
— Bu tong oldimga Azroil keldi. menga qahr bilan boqti va tezda g‘oyib bo‘ldi. mening jonimni olishga qaror qilgan ko‘rinadi.
Xo‘p nima qilishimni xohlaysan?
Odam yolvordi:
— Ey jonlar qo‘riqchisi, mazlumlar panohi Sulaymon... Sen ko‘p narsaga qodirsan. bo‘ri, qush, tog‘ toshlar barcha barchasi sening amringda. Shamolingga buyurki, meni bu yerdan uzoq Hindiston tomonlarga eltsin... Shunda Azroil balki meni topolmas. Shunday qilib jonimni qutqargan bo‘lar eding. Madad sendan...
Sulaymon odamning ahvoliga achindi. Shamolni chaqirib: "Bu odamni darhol Hindistonga olib borib tashlab kel", deb buyruq berdi. Shamol shu zahoti shiddat bilan esib, o‘sha odamni Hindistonning uzoq bir go‘shasiga eltib qo‘yadi.
Peshinga yaqin Hazrati Sulaymon devonni yig‘ib, arzga kelganlar bilan muloqotini boshlaydi. Bir qarasa, Azroil ham jamoat ichida o‘tiribdi.
Tezda yoniga chaqirib:
— Ey Azroil... Ertalab nega u odamga g‘azab bilan qarading? Nega u bechorani qo‘rqitding? dedi. Azroil javob berdi:
— Ey dunyoning ulug‘ Sultoni... Men u odamga g‘azab bilan emas, hayrat bilan qaradim. U noto‘g‘ri tushunib, qo‘rqib ketdi. Uni bu yerda ko‘rgach hayron qoldim. Chunki Alloh taolo menga: "Qani bor, shu odamning jonini Hindistonda ol",deb buyruq bergan edi.
Uni ko‘rib, bu odamning yuz qanoti bo‘lsa ham, bu kech Hindistonga yetib borolmaydi, bu qandoq bo‘ldi deb hayron qaradim. Men Allohning buyrug‘ini noto‘g‘ri angladimmikan, deya xavotirda edim. Unga qarashimning boisi mana shu edi. Hindistonga borib, uni o‘sha yerda topdim va jonini olib qaytdim.

©️ Jaloliddin Rumiyning “Masnaviy”sidan

✅ Yozilgan bo'lsa qayoqqa qochay, yozilmagan bo'lsa nimadan qo'rqay...

@VMblogi

Alloh taolo sizni eslashini xohlaysizmi?
#kitob / #kitob2025

ℹ️ Ushbu kitobda Alloh bizni eslashi uchun eng yaxshi amal uni eslash ya'ni uni zikr qilish kerakligini haqida bir qancha ishonchli manbalarga asoslanib tushuntirib berilgan. Kitobni oʻqish davomida oddiygina tasbeh va istigʻforlarning qanchalik qiymati balandligi va bizlarning foydamizga ishlashiga guvoh boʻlasiz.

Kitob bizga toʻliq nazariy maʼlumot beradigan boʻlsa, ushbu nonvoyning amalini amaliyot shaklifa oʻzimizga tadbiq etsak boʻladi.

Men kitobni Hilol eBook'dan o'qidim, menga o'xshab tez zerikadigan inson bo'lsangiz kam-kamdan "hazm qilib" o'qishingizni tavsiya qilaman. Oʻzim shu oyda boshlab, tugatdim.

@VMblogi

Yana bir foydali kitob tugatildi
#kitob / #kitob2025

Adashmasam shu oy boshida boshlagan edim. Kitobda Paygʻambarimiz S.A.V ni oila aʼzolariga va boshqa insonlarni paygʻambarimizning ahli baytiga boʻlgan muhabbatlari turli kichik hikoyalar asosida koʻrsatib berilgan.

📲 Hilol eBook'dan oʻqidim, sizga ham kitobni oʻqishni tavsiya qilaman.

@VMblogi

Yaxshi bir kitobni audiosini tugatdim
#kitob / #kitob2025

😊 Mutolaa dasturida Chingiz Aytmatovning "Birinchi muallim" asarini audio shaklda bir necha kun oldin eshitib, tugatgan edim.

Umuman olganda asar yoqdi, qisqa muddat qahramonlar bilan qishloqda yashadim. Yosh bolalarning maktabni qanchalik yaxshi koʻrishgani, Dyushenning esa xalqini ilmli qilish uchun qilgan mehnatlari menga taʼsir qildi.

Nimagadir ustozlik menga juda yoqadi...

@VMblogi

Kimnidir erga tegishi 200 mingdan oshiq inson uchun qiziq. Shu sababli ham biz hech narsa qilmay, lekin hamma narsadan noliydigan dangasa boʻlib qolyapmiz 😢.

Izoh: Oʻzim videoga kanalga kirib rasmga olish uchun kirdim.

@VMblogi