#ochiq_muloqot

Иккинчи тоифа, яъни айланмаси 1 миллиард сўмдан ошиб, умумий солиқ тўлаш тартибига ўтган корхоналар бир йил давомида фойда солиғини 2 баробар кам тўлайди.

"Ушбу имкониятлар 370 минг тадбиркорга енгилликлар яратади ва уларга жуда катта стимул беради", деди давлатимиз раҳбари.

Тelegram | Facebook | Youtube | Instagram

#ochiq_muloqot

Президент тез ўсиб бораётган юқори салоҳиятли ўрта корхоналар сонини ҳозирги 3,5 мингтадан 10 мингтага етказиш зарурлигини таъкидлади.

Бунинг учун, 2023 йил 1 январдан:

- кичикдан ўрта бизнесга ўтган корхоналар икки йил давомида фойда солиғининг фақат 50 фоизини тўлайди;

- мулкни суғурта қилиш харажатларининг 50 фоизи давлат ҳисобидан қоплаб берилади;

- соддалаштирилган солиқ, молиявий ва статистика ҳисоботлари жорий этилади;

- давлат харидларида 20 фоиз квота ўрнатилиб, ушбу харидлар доирасида уларга олдиндан 50 фоиз маблағ тўлаб берилади (амалда 15 фоиз).

Тelegram | Facebook | Youtube | Instagram

#ochiq_muloqot

Жорий йил 1 июлдан бошлаб бўш бино, фойдаланилмаётган ер участкасига нисбатан мол-мулк ва ер солиқларининг оширилган ставкаларини қўллаш бекор қилинган эди.

Лекин аввал ошириб ҳисобланган солиқлар нима бўлади, деган савол 19 минг тадбиркорни безовта қилмоқда ва бу бўйича кўплаб мурожаатлар келиб тушган.

«Шуларни инобатга олиб, тадбиркорларнинг оширилган солиқ ставкалари бўйича ҳисобланган 2 триллион сўмлик қарзларидан бутунлай воз кечсак, нима дейсизлар?», - дея тадбиркорларга мурожаат қилди давлатимиз раҳбари.

Тelegram | Facebook | Youtube | Instagram

#ochiq_muloqot

Президент илгари сурган иккинчи ташаббус – тадбиркорларимиз фаолиятини кенгайтириш, янги лойиҳаларни амалга ошириш учун қулай молиялаштириш тизимини яратишдир.

Бу борада кичик бизнес лойиҳаларига 20 триллион сўм йўналтирилади.

Учинчи йўналиш ҳақида сўз юритар экан, Президент кредит бериш масаланинг фақатгина бир томони экани, бизнес юриб кетиши учун етарли шарт-шароит, инфратузилма ва кафолатли бозор кераклигини алоҳида қайд этди.

Шу сабабли, энг аввало, туман ва шаҳарларнинг шароитидан келиб чиқиб бизнес учун алоҳида ёндашувлар жорий этилади.

Тelegram | Facebook | Youtube | Instagram

#ochiq_muloqot

Тўртинчи йўналиш - тадбиркорларнинг мулк ҳуқуқини ҳимоя қилиш масаласидир.

Бундан буён ер ва мулк ажратиш ҳақидаги қарорларни бекор қилиш фақат ва фақат суд тартибида амалга оширилади.

«Фурсатдан фойдаланиб, барча ҳокимларнинг эътиборини бир масалага қаратмоқчиман – мулк ҳуқуқига оид қарорларни улар томонидан бекор қилишга йўл қўйилмайди», - деди Шавкат Мирзиёев.

Яъни, ҳуқуқ берувчи ҳужжатни фақат суд ҳақиқий эмас, деб топиши мумкин бўлади.

Тelegram | Facebook | Youtube | Instagram

#ochiq_muloqot

Шунингдек, тадбиркорларни қийнаётган яна бир амалиёт – тергов жараёнида мол-мулкни хатлаб қўйиш билан боғлиқ.

Мисол учун, ўтган 3 йилда терговчилар томонидан аниқланган зарардан икки баробар кўп мол-мулк хатланган (1,5 триллион сўм).

Энди, ҳар бир хатловнинг асосли экани суд томонидан кўриб чиқилади, қарорни фақат суд қабул қилади.

«Ўйлайманки, шундагина адолат бўлади», - деди давлатимиз раҳбари.

Тelegram | Facebook | Youtube | Instagram

#ochiq_muloqot

Бешинчи йўналиш тадбиркорлар фаолиятини назорат қилиш ва уларни жавобгарликка тортиш масалалари билан боғлиқ.

Тадбиркорларга нисбатан янги жавобгарлик ва жазо чораларини жорий этишга 3 йиллик мораторий эълон қилинади.

Шунингдек, тадбиркорларга нисбатан мажбуриятлар юклайдиган янги қонун ҳужжатлари қабул қилинганда, йўл қўйган хатоси учун тадбиркорга 6 ой давомида жазо қўлланилмайди.

Тelegram | Facebook | Youtube | Instagram

#ochiq_muloqot

Президентимиз таъкидлаганидек, кичик бизнес вакиллари томонидан солиқ текширувлари билан боғлиқ жарималарнинг тури кўплиги ва оғирлиги масаласи бўйича жуда кўплаб мурожаатлар келиб тушди.

Мисол учун, бугунги кунда айланмадан солиқ тўлаётган 370 мингдан зиёд кичик тадбиркорларнинг солиқ бўйича ўртача ойлик тўлови 1 миллион сўм атрофида.

Лекин, касса чеки бермагани учун 5 миллиондан 10 миллион сўмгача молиявий, шунингдек 3 миллиондан 12 миллион сўмгача маъмурий жарима солинади.

Яъни, кичик тадбиркорлар учун ҳам, йирик корхоналар учун ҳам жазо бир хил.

Тelegram | Facebook | Youtube | Instagram

#ochiq_muloqot

Умуман, савдо соҳасида фаолият кўрсатадиган тадбиркорларимизни қарийб 30 йилдан бери қийнаб келадиган муаммо ҳам ечилади, яъни савдо қоидаларини бузганлик учун жиноий жавобгарлик тўлиқ бекор қилинади (Жиноят кодексининг 189-моддаси).

Биринчи марта хато қилган кичик бизнес вакилларига жазо чораси қўлланилмайди. Бунинг ўрнига камчиликларни бартараф этишга солиқ идоралари кўмакчи бўладиган тизим жорий этилади.

Жарималар миқдори ҳам тадбиркорларнинг тўлаётган солиғидан ошиб кетмаслиги керак.

Тelegram | Facebook | Youtube | Instagram

#ochiq_muloqot

"Бизда қурувчи, маданият, таълим каби соҳа вакиллари учун фахрий унвонлар мавжуд.

Лекин, Янги Ўзбекистон пойдеворини яратишга энг катта ҳисса қўшиб келаётган заҳматкаш тадбиркорларнинг эътибордан четда қолгани адолатдан эмас.

Шу боис, кўп иш ўринлари яратган, бизнеснинг янги йўналишларини йўлга қўйган, ўз соҳасида инновация ва ислоҳотлар қилган ва эл-юрт орасида обрў топган бизнес вакилларини муносиб эътироф этиш учун “Ўзбекистонда хизмат кўрсатган тадбиркор” фахрий унвонини таъсис этишни таклиф қиламан", деди Президент очиқ мулоқотда.

Тelegram | Facebook | Youtube | Instagram

#ochiq_muloqot

Юқорида айтилган барча таклифларни амалга ошириш учун Президент ҳузурида Тадбиркорликни қўллаб-қувватлаш бўйича Жамоатчилик кенгаши тузилади.

Президент Администрацияси раҳбарига икки ҳафта муддатда ушбу кенгаш ишини ташкил қилиш топширилди.

Президентимиз сўзини якунлаб, айни пайтда тадбиркорлар билан фикр алмашмоқда, уларнинг таклиф ва ташаббусларини тингламоқда.

Тelegram | Facebook | Youtube | Instagram

#ochiq_muloqot

Тelegram | Facebook | Youtube | Instagram

#ochiq_muloqot_Samarqand

❇️Prezident bilan ochiq muloqot:
tadbirkorlarni qanday yangiliklar kutmoqda?

✅O‘zbekiston Respublikasi Prezidenti Shavkat Mirziyoyevning 22-avgust kuni tadbirkorlar bilan o‘tkazgan ochiq muloqoti iqtisodiyotimizning muhim bo‘g‘ini bo‘lgan tadbirkorlik subyektlarini yanada qo‘llab-quvvatlash, ularga qulay sharoit yaratib berishda muhim qadam bo‘ldi. Ayniqsa, davlatimiz rahbarining ilgari surgan tashabbuslari ishbilarmon doira vakillarini rag‘batlantirishni sifat nuqtai nazaridan yangi bosqichga ko‘tarishga zamin yaratmoqda.

✅Xo‘sh, tadbirkorlik subyektlarini istiqbolda qanday o‘zgarishlar kutmoqda? Jumladan, korxonalar alohida toifaga bo‘linadi va ularni qo‘llab-quvvatlash bo‘yicha alohida yondashuv belgilanadi. Shu o‘rinda korxonalarni toifalarga ajratishda yillik aylanma asosiy mezon vazifasini bajaradi. Yillik aylanmasi 1 milliard so‘mgacha bo‘lgani mikro, 10 milliard so‘mgacha bo‘lgani kichik, 100 milliard so‘mgacha bo‘lgani o‘rta biznes toifasiga kiradi.

✅2023-yilning 1-yanvaridan mikro biznes uchun aylanmadan olinadigan soliqning amaldagi 4 foizdan 25 foizgacha bo‘lgan stavkalari o‘rniga yagona 4 foizli soliq stavkasi joriy qilinadi. Bu ham tadbirkorlik subyektlari uchun qulaylik va faoliyatini kengaytirish borasidagi imkoniyatdir.

✅Shu o‘rinda olis hududlardagi va alohida toifadagi tadbirkorlar uchun amaldagi 1 hamda 2 foizli soliq stavkasi saqlab qolinishini taʼkidlash joiz.

✅Mikro biznes vakillari ixtiyoriy ravishda 20-30 million so‘m to‘lasa, buxgalteriya hisobini yuritish va soliq idoralariga taqdim etish majburiyatidan ozod qilinadi.

✅Yillik aylanmasi 1 milliard so‘mdan oshgan va umumbelgilangan soliq to‘lash tartibiga o‘tgan korxonalar bir yil mobaynida foyda solig‘ini 2 barobar kam to‘laydi. Davlatimiz rahbari taʼkidlaganidek, ushbu imkoniyatlar 370 ming tadbirkorga yengilliklar yaratadi va ularga juda katta stimul beradi.

✅2023-yilning 1-yanvaridan kichikdan o‘rta biznesga o‘tgan korxonalar ikki yil mobaynida foyda solig‘ining 50 foizini to‘laydi, soddalashtirilgan soliq hisobotlari joriy etiladi.

✅Bugungi kunda qo‘shilgan qiymat solig‘i stavkasi 15 foizni tashkil etadi. 2023-yilning 1-yanvaridan qo‘shilgan qiymat solig‘i stavkasi 12 foizga tushirilishi belgilandi.

✅Endilikda savdo qoidalarini buzganlik uchun jinoiy javobgarlik to‘liq bekor qilinadi. Birinchi marta xato qilgan kichik biznes vakillariga jazo chorasi qo‘llanilmaydi. Kamchiliklarni bartaraf etishga soliq idoralari ko‘makchi bo‘ladigan tizim joriy etiladi.

✅Muloqotda jarimalar miqdori ham tadbirkorlarning to‘layotgan solig‘idan oshib ketmasligi kerakligini davlatimiz rahbari alohida taʼkidlab o‘tdi.

✅Tadbirkorlar qo‘llab-quvvatlansa, taraqqiyot bardavom bo‘ladi. Barqaror taraqqiyot esa aholi farovonligini yana-da yuksaltirish, raqobatbardosh mahsulotlar ishlab chiqarish, xizmatlar sifatini oshirishning muhim kafolatidir.

Samarqand viloyati davlat soliq
boshqarmasi matbuot xizmati

Тelegram | Facebook | Youtube

#ochiq_muloqot

DSQ Raisi tadbirkorlar bilan haftalik uchrashuvlarini Navoiydan boshladi

Davlat soliq qo‘mitasi Raisi Sherzod Kudbiyev joriy yilning 13-oktabr kuni tadbirkorlik subyektlari faoliyati va ularga ko‘rsatilayotgan soliq xizmatlari sifati bilan yaqindan tanishish maqsadida Navoiy viloyatiga tashrif buyurdi.

Sherzod Kudbiyev tashrif davomida “MARMAR OBOD”, “GAZGAN STONE INVEST” va "PRIMER TEXTIL" korxonalari faoliyati bilan tanishdi.

Kunning ikkinchi yarmida DSQ Raisi tadbirkorlar bilan ochiq muloqot o‘tkazdi. Uchgrashuvda 350 ga yaqin tadbirkorlik subyekti vakillari qatnashdi.

Nodatiy formatda tashkil etilgan tadbir hech qanday ma’ruzalarsiz to‘g‘idan-to‘g‘ri muloqot tarzida bo‘ldi. Uhrashuvda bir qator tadbirkorlik subyektlarining masalalari hal etildi.

Xususan, Navbahor tumanidagi “Fayz Parranda Navbahor” korxonasi rahbari tekshiruv natijasida qo‘llanilgan moliyaviy jarimani 6 oyga bo‘lib-bo‘lib to‘lashga amaliy yordam so‘radi. Ushbu masala shu kunning o‘zidayoq ijobiy yechim topdi.

Uchrashuvda tadbirkorlik subyektlariga xizmat ko‘rsatishda kamchiliklarga yo‘l qo‘ygan mutasaddilarga choralar ko‘rish yuzasidan topshiriqlar berildi.

Sh.Kudbiyev tadbirkorlik subyektlari va ularga ko‘rsatilayotgan soliq xizmatlari sifati bilan tanishish, faoliyati davomida duch kelayotgan masalalarni hal etishga ko‘maklashsish maqsadida respublikamizning barcha hudularida uchrashuvlar o‘tkazadi.

Bugun Sh.Kudbiyev hududiy DSB xodimlari bilan uchrashuv o‘tkazadi.

Тelegram | Facebook | Youtube| Instagram

#ochiq_muloqot

Prezident va tadbirkorlar ochiq muloqoti

Bugun, 18-avgust kuni Oʻzbekiston Respublikasi Prezidenti Shavkat Mirziyoyevning tadbirkorlar bilan ochiq muloqoti oʻtkazildi.

Prezident sodda soliq maʼmurchiligi va byurokratiyasiz qulay muhit yaratish borasida muhim tashabbuslarni ilgari surdi.

“...tadbirkorlarga soliq yukini koʻpaytirish emas, balki ularni qoʻllab-quvvatlash orqali soliq bazasini kengaytirish hisobiga byudjetga tushumlarni oshirish yoʻlidan borayapmiz.
Oʻtkazilgan soʻrovlarda 62 foiz tadbirkorlar soliq sohasidagi islohotlarni ijobiy baholagan”, - dedi davlatimiz rahbari.

Shu bilan birga, tadbirkorlarning ochiq-oshkora reytingi joriy qilinadi.
Bunda, kelgusi yil 1-yanvardan boshlab reytingi yuqori korxonalar:
- barcha turdagi soliq tekshiruvlaridan ozod qilinadi;
- ularga qoʻshilgan qiymat soligʻining ortiqcha qismi bir kunda qaytarib beriladi;
- qoʻshilgan qiymat soligʻi toʻlovchisi guvohnomasini vaqtinchalik toʻxtatib turish amaliyoti bekor qilinadi.

Kameral nazoratda tadbirkordan hujjat talab qilish yoki uni idoraga chaqirish qatʼiyan taqiqlanadi.

Soliqchilar koʻrsatgan xizmatlar sifatiga tadbirkorlarning oʻzi baho beradigan tizim yoʻlga qoʻyiladi.

Soliq yoki kredit qarzini undirish boʻyicha sud qarori chiqarilganda, penya va foizlar hisoblash toʻxtatiladi.

2024-yil 1-yanvardan boshlab:
- bir-birini takrorlovchi va eskirgan hisobotlar tugatiladi;
- barcha hisobotlarni yagona elektron tizim orqali taqdim etish yoʻlga qoʻyilib, ularning qogʻoz shakli bekor qilinadi (hozirda 15 foiz hisobotlar qogʻozda topshiriladi).

Soʻnggi yetti yildagi soliq islohotlari, tadbirkorlarga berilgan yengillik va imtiyozlar natijasida ularning ixtiyorida 120 trillion soʻmdan ziyod mablagʻ qoldi. Mana bugun ham juda katta qulayliklar berilmoqda.

“…soliqlardan qochib, oʻzining majburiyatlarini bajarmasdan kelayotgan qoʻshtirnoq ichidagi tadbirkorlarga biz albatta murosasiz boʻlamiz”, – deya ta’kidlab o‘tdi Prezident.

Batafsil

#EHF #TTY #ochiq_muloqot

Elektron TTY soddalashtiriladi

Elektron hisob-faktura va tovar-transport yuk xati yagona shaklga keltiriladi va faqat 4 ta maʼlumot kiritishni oʻzi yetarli boʻladi.

Тelegram |Facebook |Youtube| Instagram |X| Threads

#ochiq_muloqot

Umumiy ovqatlanish korxonalariga QQSning bir qismi “keshbek” sifatida qaytariladi

2025-yil 1-yanvardan umumiy ovqatlanish korxonalariga QQSning bir qismi tadbirkorga “keshbek” sifatida qaytarib beriladi. Bunda oylik aylanmasining 60 foizini naqd pulsiz amalga oshirgan korxonalarga QQSning 40 foizi to‘langan zahoti qaytariladi. Agar naqd pulsiz aylanma 60 foizdan kam bo‘lsa, “keshbek” 20 foiz bo‘ladi.

Тelegram |Facebook |Youtube| Instagram |X| Threads

#ochiq_muloqot

QQS to‘lashga o‘tgan restoran va kafelarga foyda solig‘i 2 karra kamayadi

QQS to‘lashga o‘tgan restoran va kafelarga foyda solig‘i 2 karra kamayadi. 1-dekabrdan bu korxonalar naqd pulga sotib olgan qishloq xo‘jaligi mahsulotlarini kirim qilishda hech qanday hujjat talab qilinmaydi.

Тelegram |Facebook |Youtube| Instagram |X| Threads