#munosabat

Ijtimoiy tarmoqlarda Kattaqo‘rg‘on tumani davlat soliq inspeksiyasi tomonidan soliq to‘lovchiga asossiz soliq qarzdorligi hisoblanganligi haqida xabarlar tarqaldi.

Ushbu holatga oydinlik kiritish maqsadida davlat soliq xizmati organlari tomonidan tezkor o‘rganish olib borildi. O‘rganish natijasida xabarda bayon etilgan holat qisman tasdiqlandi.

Holat shu kunning o‘zida bartaraf etilib, soliq to‘lovchining soliq qarzdorligi mavjud emasligi, shuningdek, uning hisobida jami 447,4 ming so‘m miqdorida ortiqcha to‘lov mavjudligi to‘g‘risida qaytadan xat yuborilganligi ma'lum bo'ldi.

Shuningdek, noto‘g‘ri ma’lumot aks ettirilgan xabarnoma yuborilishi yuzasidan Kattaqo‘rg‘on tumani davlat soliq inspeksiyasining mas’ul xodimlari qat’iy ogohlantirildi.

Ortiqcha to‘langan mablag‘ soliq to‘lovchi arizasiga asosan qaytarib berilishi yoki keyingi soliq to‘lovlari uchun hisobga olinishi mumkinligini ma’lum qilamiz.

Samarqand viloyati davlat
soliq boshqarmasi matbuot xizmati Kanalga ulanish👇
Тelegram | Facebook | Youtube

#munosabat

💻Ijtimoiy tarmoqlarda Samarqand shahar davlat soliq inspeksiyasi xizmat ko‘rsatish zalidagi ba’zi darchalarda hech kim xizmat ko‘rsatmayotganligi, o‘z navbatida fuqarolar kutib qolayotganligi tanqid qilingan.

🏢Samarqand shahar davlat soliq inspeksiyasining fuqarolarga xizmat ko‘rsatish zali 2008-yilda foydalanishga topshirilgan bo‘lib, ushbu xizmat ko‘rsatish zalida DSI Hisobni yuritish va prognozlashtirish bo‘limining 22 nafar xodimlari tomonidan yuridik va jismoniy shaxslarga xizmat ko‘rsatilgan. 2018-yildan keyingi davrlarda inspeksiya shtat birliklarida qisqartirishlar bo‘lganligi sababli xozirgi kunda inspeksiyaning Hisobni yuritish va prognozlashtirish bo‘limida 6 nafar shtat birligi mavjud. Shu sababli xozirgi kunda fuqarolarga xizmat ko‘rsatish zaliga jadval asosida Jismoniy shaxslarga xizmat ko‘rsatish bo‘limining 6 nafar xodimlari, shundan 1 nafari deklaratsiya asosida olinadagina daromad solig‘i bo‘yicha murojaat qilgan jismoniy shaxslarga, 1 nafari yakka tartibdagi tadbirkorlarga va 4 nafari mol-mulk va yer solig‘i to‘lovchi jismoniy shaxslarga xizmat ko‘rsatib kelmoqda.

🔹 Shu o‘rinda fuqarolardan mol-mulk va yer soliqlarini mol-mulk va yer soliqlarini bank bo‘limlariga borgan holda, shuningdek Soliq,Payme, Click va boshqa to‘lov tizimlari orqali to‘lashi mumkinligini eslatib o‘tamiz. Agar soliqqa oid savol tug‘ilsa telegram messenjeridagi SoliqMaslahatchilari https://t.iss.one/SoliqMaslahatchilari guruhi orqali javob olishlari mumkin.

Samarqand viloyati
davlat soliq boshqarmasi
Matbuot xizmati Kanalga ulanish👇
Тelegram | Facebook | Youtube

#Munosabat

✅ Bugun Telegram messenjeridagi Muxbir Daliyev kanalida bir murojaatchi Samarqand viloyati davlat soliq boshqarmasi tomonidan taqdim etiladigan yuridik shaxslar hisob maʼlumotlari o‘zgargan taqdirda to‘ldiriladigan blank (08-shakl)da rus tilidagi so‘zlarning lotin alifbosiga o‘girilganini surat bilan izohlagan va xodimlarni chalasavodlikda, muomala madaniyatiga rioya etmaslikda ayblagan.

O‘zbekiston Respublikasi Davlat soliq qo‘mitasining 2014 yil 17 iyundagi 2014-25-son qarori bilan tasdiqlangan Soliq solish obyektlari hamda soliq solish bilan bog‘liq obyektlar to‘g‘risidagi maʼlumotlar bazasini shakllantirish va yuritish tartibi to‘g‘risidagi nizomning 8-ilovasida soliq to‘lovchi – yuridik shaxsning ro‘yxat maʼlumotlaridagi o‘zgarishlar varaqasi va 9-ilovasida soliq to‘lovchi – yuridik shaxs to‘g‘risida qo‘shimcha maʼlumotlar varaqasi namunasi keltirilgan. Bundan tashqari, shaxsiy kabinet orqali hisob maʼlumotlari xizmatidan foydalanib, davlat soliq boshqarmasiga kelmasdan to‘g‘rilasa bo‘ladi.

Murojaatga ilova qilingan suratdagi 08-shakl kim tomonidan va qachon berilgani haqida maʼlumot keltirilmagan. Demak, murojaatchining suratidagi hujjat shakli dastur yordamida va umuman boshqa joyda tayyorlanmaganiga kim kafolat beradi? Bir xodimning savodi yoki muomala madaniyati bilan butun bir tizimga baho berib bo‘lmaydi.

Samarqand viloyati davlat soliq boshqarmasida soliq to‘lovchilar uchun maxsus markaz tashkil etilganini taʼkidlash joiz. Bundan ko‘zlangan maqsad soliq to‘lovchilarga sifatli xizmat ko‘rsatish, turli ovoragarchiliklarga yo‘l qo‘ymaslikdir.

Har bir fuqaro viloyat davlat soliq boshqarmasi xodimlarining muomala madaniyatidan qoniqmasa, rahbariyatga murojaat qilish huquqiga ega. Haqiqatan ham shunday holat o‘z tasdig‘ini topsa, bunga yo‘l qo‘ygan xodimlarga intizomiy jazo choralari ko‘riladi.

Eslatib o‘tamiz, xodimlar xatti-harakati va ko‘rsatilayotgan xizmatda muammoga duch keladigan fuqarolar Samarqand viloyati davlat soliq boshqarmasining (66)-234-06-16 raqamli Ishonch telefoniga murojaat qilishi mumkin.

✍️ Samarqand viloyati davlat soliq
boshqarmasi matbuot xizmati

Тelegram | Facebook | Youtube

#munosabat

"Munosabat" ko‘rsatuvining navbatdagi soni Soliq islohotlari, raqamlashtirish, soliq nazorati tadbirlari, jismoniy shaxslarning yer va mol-mulk solig‘i mavzusiga bag‘ishlandi

🎞Youtube orqali ko‘rish

#munosabat

⏺Ayni daqiqalarda "O‘zbekiston" telekanalida "Munosabat" ko‘rsatuvining Tadbirkorlarning barqarorlik reytingi joriy etilishiga bag‘ishlangan navbatdagi soni jonli efirga uzatilmoqda.

👉 Jonli efir havolasi

Тelegram |Facebook |Youtube| Instagram |X| Threads