#rasmiy_munosabat

Xarid cheklarini berish bilan bog‘liq tekshirishlar to‘g‘risida

Davlat soliq qo‘mitasi oxirgi vaqtlarda xarid cheklarini berish bilan bog‘liq o‘tkazilayotgan sayyor soliq tekshirishlari bo‘yicha ijtimoiy tarmoqlarda bildirilayotgan ayrim postlar yuzasidan quyidagilarni maʼlum qiladi.

Soliq organlari maʼmurchilikni amalga oshirishda quyidagilarga tayanadi:
🔸tadbirkorlar uchun bir xil sharoitdagi muhitni yaratishga erishish;
🔸“yashirin” iqtisodiyotga barham berish.

Shuningdek, Xalqaro moliya institutlari va professional ekspertlarning tahlil va xulosalari respublikamizda yashirin iqtisodiyotning ulushi 50 foizdan yuqori bo‘lib, savdo va xizmat ko‘rsatish sohasida bu ko‘rsatkich 70 foizgacha yetishi maʼlum qilingan.

Shu munosabat bilan xufiyona iqtisodiyotni jilovlashga qaratilgan soliq maʼmurchiligining zamonaviy instrumentlari qatorida, chek bermaslik, plastik kartalarga savdo qilishdan bosh tortish, plastik kartalarga tovarlarni narxini oshirib sotish va boshqa qonunbuzilishlari ustidan keng jamoatchilik nazorati instituti ishga tushirilib, fuqarolardan murojaatlarni qabul qilish uchun “Soliq” mobil ilovasi amaliyotga kiritildi.

Ushbu o‘zgarishlarga fuqarolarning faol ishtiroki kuzatilib, yil boshidan buyon 13 mingga yaqin fuqarodan 66 mingdan ortiq murojaat kelib tushdi.

Mazkur murojaatlar asosida nazorat tadbirlarini o‘tkazishdan oldin, ijtimoiy tarmoqlarda keltirilganidek hech qanday tahlillarsiz emas, ularning har biri sinchkovlik bilan o‘rganib chiqilmoqda:

Onlayn kassa mashinalari orqali urilgan har bir chek soliq organlari maʼlumotlar bazasida aks ettirilib, murojaatchining xabari asosliyligi bevosita ushbu subyektga o‘rnatilgan onlayn nazorat kassa mashinasi ko‘rsatkichlari bilan solishtiriladi.

Aynan shunday tahlillar natijasi bilan 30 mingga yaqin murojaat bo‘yicha tekshirish o‘tkazish rad etilgan.

Lekin, qolgan qismi tekshirilganda - afsuski 97 foizida haqiqatda chek urilmaganligi bo‘yicha murojaatchilarning xabari tasdig‘ini topdi.

Amalga oshirilayotgan tadbirlar soliq to‘lovchilarni jazolash emas, belgilangan soliq siyosati asosida budjetga to‘lov intizomini mustahkamlashga qaratilgan.

Soliq to‘lovchilarga soliq to‘g‘risidagi qonun hujjatlarini ijro etishida yordam berish hamda “Soliqchi ko‘makchi” tamoyili asosida chora qo‘llashdan oldin bartaraf etishga imkoniyat yaratish talabidan kelib chiqib Davlat soliq qo‘mitasi quyidagilarni eʼlon qiladi.

Joriy yil 1-iyundan boshlab:
Birinchidan, “Soliq” mobil ilovasi orqali mulkchilik shaklidan qatʼiy nazar, birinchi marotaba kelib tushgan murojaat bo‘yicha soliq to‘lovchi huzuriga borgan holda, profilaktik suhbat o‘tkazilib, tadbirkorlik subyektining qonun talablarida ish yuritishi to‘g‘risida rasman ogohlantiriladi. Unga nisbatan taʼsirchan moliyaviy jazo choralari ko‘rilmaydi.

Mazkur ogohlantirishdan keyin ham xulosa qilinmasdan, qonun buzilishlari davom ettirilib, ushbu tadbirkorlik subyekti bo‘yicha ikkinchi marotaba murojaat kelib tushsa belgilangan tartibda o‘rganish o‘tkaziladi va natijasi bo‘yicha soliq tekshiruvi tashkil etiladi.

Ikkinchidan, murojaat bo‘yicha sayyor soliq tekshiruvi o‘tkazilayotgan yoki o‘tkazilgan tekshiruv natijasi bo‘yicha qaror qabul qilish jarayonida ushbu subyekt bo‘yicha takroriy tushgan murojaatlar ko‘rib chiqilmaydi.

Uchinchidan, jamoatchilik nazoratini kengaytirish maqsadida, bir fuqaro tomonidan 24 soat ichida 2 tadan ortiq hamda 30 kalendar kuni davomida 1 ta shoxobcha bo‘yicha 1 martadan ko‘p murojaat yuborilishiga cheklov o‘rnatiladi.

To‘rtinchidan, davlat soliq xizmati organlari xodimlarining huquqbuzarliklar to‘g‘risidagi murojaatlari, mukofot to‘lanmaydigan murojaatlar sifatida qayd qilinadi.

Davlat soliq qo‘mitasi ushbu o‘zgartirishlarni inobatga olgan holda, chek talab qilib, yashirin iqtisodiyotga qarshi kurashishda faol ishtirok etayotgan fuqarolarimizni rag‘batlantirishni va noqonuniy ishlash yo‘lini tanlagan ayrim subyektlarga nisbatan taʼsirchan nazorat tadbirlari izchil davom ettiradi.

Тelegram | Facebook | Youtube| Instagram

#rasmiy_munosabat

✅Ижтимоий тармоқларда электрон тўлов ташкилотларининг Давлат солиқ қўмитаси билан интеграцияси туфайли уларнинг хизматларида узилишлар кузатилиши мумкинлиги ҳақида хабарлар тарқалди.

Давлат солиқ қўмитаси ушбу хабарларга аниқлик киритган ҳолда қўйидагиларни маълум қилади.

Тўлов тизимлари операторлари ўз тўлов тизимларини онлайн-НКМга мажбурий равишда улаш ва шу орқали солиқ органларининг ахборот тизимларига 2022 йил март ойидан интеграциялашни таъминлаш талаби ўрнатилган.

Ушбу мақсадда тўлов ташкилотлари билан тизимли ишлар амалга оширилиб, жорий йилнинг март ойидан шу кунга қадар 12 маротаба учрашув ташкиллаштирилган.

Аҳоли билан пулли ҳисоб-китобларни амалга оширишда электрон тўлов тизими орқали электрон фискал чек тақдим қилиш тартиби белгиланган.

Хусусан, мавжуд 48 та электрон тўлов ташкилотидан 25 таси фискал маълумотлар операторига интеграцияни тўлиқ якунлаган.

Айтиш жоизки, ҳозирги кунда харидлар учун тўловларни аксарият ҳолларда P2P (картадан картага ўтказиш) қилиш кузатилмоқда.

Мамлакат иқтисодиётини узоқ муддатли ривожлантириш борасида кенг кўламли ислоҳотлар амалга оширилаётган шароитда ахборот технологиялари воситасида истеъмолчилар, тадбиркорлик субъектлари ва давлат солиқ хизмати органларининг уйғунлашган фаолияти алоҳида аҳамият касб этади.

Рақамлаштириш билан боғлиқ амалий тажриба иқтисодий фаолликни ошириш ва қонуний фаолиятни амалга ошираётган тадбиркорларни ҳимоя қилиш таъминланганлигини кўрсатди.

Ўтган йилнинг мос даврига нисбатан харид чеклари сони 185%га харид суммаси эса 176% га ошди. Бу рақамларни яширин иқтисодиётни соядан чиқариш натижалари деб қайд этиш мумкин.

Шу ўринда 1,5 млн нафардан ошиқ фуқаролар ҳуқуқлари кафолатланиши таъминланди (ярим трлн сўм дан ортиқ кешбэк тўланди).

Тelegram |Facebook |Youtube| Instagram |Twitter

#rasmiy_munosabat

❇️Ijtimoiy tarmoqlarda soliq to‘lovchilar aylanmadan olinadigan soliqni qatʼiy belgilangan summada to‘lash tartibiga o‘tkazish uchun noqonuniy talablar qo'yilayotgani haqida xabarlar tarqalmoqda.

❗️Ta'kidlash lozimki, qonun hujjatlariga kiritilgan o‘zgartirishlarga muvofiq, soliq to‘lovchilarga 2023-yil 1-yanvardan AOSni qatʼiy belgilangan summada to‘lash huquqi berildi.

♻️Soliq organlari tomonidan soliq to‘lovchilar o‘rtasida taqdim etilgan imkoniyatlar bo‘yicha tushuntirish ishlari seminarlar, shaxsiy kabinetlar, shuningdek, hududiy soliq organlarining ijtimoiy tarmoqlardagi rasmiy sahifalari orqali faol olib borilmoqda.

📌Aylanma soliqni qat'iy belgilangan miqdorda to'lashga o'tish majburiy emas, faqat ixtiyoriy asosda amalga oshiriladi.

☎️Agar Siz AOSni qat’iy summada toʻlash tartibiga oʻtishga majburlash holatlariga duch kelsangiz, bu haqda @dsq_anticorrupciya_bot maxsus Telegram botiga yoki Samarqand viloyat soliq boshqarmasining +99866-234-06-16 Ishonch telefoni orqali xabar bering.

#rasmiy_munosabat

Ijtimoiy tarmoqlarda kartadan kartaga (P2P) pul o'tkazmalari uchun soliq joriy etilgani haqida xabarlar yuzasidan Soliq qoʻmitasi quyidagilarni ma'lum qiladi.

Jismoniy shaxslarning boshqa jismoniy shaxsdan meros yoki hadya tartibida, shuningdek tekinga olgan pul shaklidagi daromadlari soliqqa tortilmaydi.
👉Soliq kodeksi 378-modda

Ya'ni, bir jismoniy shaxsdan boshqa jismoniy shaxsga pul o'tkazish (P2P) operatsiyalari soliqqa tortilmaydi.
_____________
#официальная_информация

В связи с тем, что в социальных сетях распространяются сообщения о введении налогообложения для денежных переводов с карты на карту (P2P), Налоговый комитет сообщает следующее.

Доходы в денежной форме, полученные физическими лицами от других физических лиц в порядке наследования, дарения или безвозмездно, не подлежат налогообложению.
👉ст. 378 НК

То есть операции по переводу денежных средств (P2P) от одного физического лица другому физическому лицу не облагаются налогом.

Тelegram |Facebook |Youtube| Instagram |Twitter

#rasmiy_munosabat

🟢Bozorlar nazoratsiz emas

❇️Effekt.uz telegram kanalida Samarqand tumanida faoliyat yurituvchi “Gulobod Eko Agrologistika markazi”dagi ba’zi tadbirkorlar qonunni mensimasdan xaridorlarga chek bermayotganlari tanqid ostiga olingan.

✅Aholiga xizmat qiluvchi savdo shoxobchalarida xarid cheki berilmasligi ko‘p uchraydi. Oddiy ko‘ringan ushbu holat aslida yashirin iqtisodiyot rivojlanishiga, tadbirkorlik subyektlari orasida nosog‘lom raqobat muhiti shakllanishiga olib keladi.

✅Bugungi kunda “Gulobod Eko Agrologistika markazi” hududida joylashgan savdo do‘konlarida jami 57 ta xo‘jalik yurituvchi subyektlar faoliyat ko‘rsatib kelmoqda va onlayn nazorat kassa texnikalari hamda to‘lov terminallari bilan to‘liq jihozlangan. Bundan tashqari qishloq xo‘jaligi mahsulotlari bilan chakana savdo qiluvchi 128 ta yakka tartibdagi tadbirkorlar mavjud bo‘lib, tuman soliq idorasi xodimlari tomonidan “Soliqchi–ko‘makchi” tamoyili asosida doimiy ravishda profilaktik suhbatlar o‘tkazilib, ogohlantirish xatlari berilgan.

✅Tegishli xulosa qilmasdan xaridorlarga chek bermagan qonunbuzarlarga kelib tushgan murojaatlar asosida 13 ta sayyor soliq tekshirishlari o‘tkazilib, 13 nafar shaxslar 9,8 mln.so‘m ma’muriy jarimaga tortilib, 58,2 mln.so‘m moliyaviy jarima qo‘llanilgan.

✅Markaz hududidagi avtoturargohda ham chek berilmaganligi holati bo‘yicha 2 marotaba tekshirish o‘tkazilib, 7,7 mln.so‘m jarima qo‘llanilgan.

✅Effekt.uz orqali ko‘tarilgan murojaat tegishli tartibda rasmiylashtirilib, unga asosan soliq nazorati tadbirlari o‘tkaziladi va natijalari bo‘yicha batafsil ma’lumot beriladi.

✅Shu o‘rinda ta’kidlab o‘tish lozimki, Soliq qo‘mitasi tomonidan xarid uchun chek bermaslik, xaridor plastik kartasidan shaxsiy plastik kartaga pul o‘tkazishni so‘rash (P2P), plastik kartalarga savdo qilishdan bosh tortish, plastik kartalarga tovarlarni narxini oshirib sotish va boshqa qonunbuzilishlar bo‘yicha fuqarolar murojaatlarini qabul qilish uchun “Soliq hamkor” tizimi amaliyotga joriy qilingan.

❗️Hurmatli xaridorlar! Siz qonunbuzilish holatiga duch kelsangiz ushbu tizim orqali murojaat qiling! Murojaatingiz asosida sayyor soliq tekshiruvi o‘tkaziladi. “Soliq hamkor” tizimi orqali soliq huquqbuzarliklari to‘g‘risida xabar berganlik uchun undirilgan jarima summasidan 20% miqdorida mukofot to‘lanadi.

✅Xarid chekini bermaslik holatini bartaraf etish uchun faqatgina soliq xizmati organlari imkoniyatlari bilan kurashish yetarli bo‘lmaydi, agar har bir iste’molchi tomonidan chek talab qilinsa, xufiyona iqtisodiyot ulushi qisqarishi barobarida, soliqlardan bo‘yin tovlash holatlari ham kamayib, budjet tushumlari ortadi.

Viloyat soliq boshqarmasi,
Matbuot xizmati

#rasmiy_munosabat

❇️Ijtimoiy tarmoqda Paxtachi tumanidagi dorixonada muddati o‘tgan dori sotib, chek bermaganligi tanqid ostiga olingan.

✅Tuman soliq inspeksiyasi xodimlari tomonidan holat o‘rganilganda ijtimoiy tarmoqda yozilgan manzilda faoliyat yuritayotgan dorixona nomi, dorixonada faoliyat yuritayotgan xodimning ism-familiyasi noto‘g‘ri yozilganligi ma’lum bo‘ldi.

✅Hurmatli xaridorlar! Siz xarid uchun chek bermaslik, xaridor plastik kartasidan shaxsiy plastik kartaga pul o‘tkazishni so‘rash (P2P), plastik kartalarga savdo qilishdan bosh tortish, plastik kartalarga tovarlarni narxini oshirib sotish va boshqa qonunbuzilish holatlariga duch kelsangiz “Soliq hamkor” tizimi orqali murojaat yo‘llang.

✅Murojaatingiz asosida tegishli tartibda sayyor soliq tekshiruvi o‘tkazilib, qonunbuzar tadbirkorga qonunchilikda belgilangan tartibda jarima qo‘llaniladi.

#rasmiy_munosabat

Taksi xizmatlari Soliq qo‘mitasi talablarini bajarmoqda

Joriy yil 1-dekabrdan boshlab Yandex Go xizmati O‘zbekiston Respublikasi hududida soliq rezidenti – “YandeksGo UB” MChJ yuridik shaxs tomonidan taqdim etiladi.

Shu kundan boshlab Yandex Go xizmati o‘z hisob-kitoblarini O‘zbekiston Respublikasi qonunchiligi talablari asosida yuritadi, birlamchi hujjatlarni va soliq hisobotlarini taqdim etadi hamda belgilangan soliqlarni to‘laydi.

Bu haqda Ridetech International B.V. Soliq qoʻmitasini rasmiy xat orqali xabardor qildi.

Shu bilan birga, Yandex Go xizmatini fiskal ma'lumotlar operatori bilan integratsiyalash bo'yicha ishlar yakunlandi.
O‘zini o‘zi band qilgan shaxslar va yuridik shaxslar mazkur servis yordamida tashish xizmatini ko‘rsatganda mijozlarga fiskal chek berish masalasi ko‘rib chiqilmoqda.

Shu tariqa, Yandex Go o'z faoliyatini qonun hujjatlariga muvofiqlashtirish bo'yicha Soliq qo'mitasi tomonidan qo'yilgan talablarni bajarmoqda.

Shuningdek, MyTaxi va Uklon xizmatlarining fiskal maʼlumotlar operatori bilan integratsiyalash ishlari ham yakunlanganini maʼlum qilamiz.
Yaqin kunlarda ular orqali ko‘rsatilgan tashish xizmatlari uchun to'lovlarni fiskallashtirish kutilmoqda.
______________
#официальная_информация

Сервисы такси выполняют требования Налогового комитета

C 1 декабря этого года сервис Yandex Go будет предоставляться на территории Республики Узбекистан налоговым резидентом Узбекистана – юридическим лицом ООО «YandexGo UB».

Начиная с этой даты, сервис Yandex Go будет вести учет в соответствии с требованиями законодательства РУз, выставлять первичные документы, представлять налоговую отчетность и уплачивать установленные налоги.

Об этом компания Ridetech International B.V. уведомила Налоговый комитет официальным письмом.

Вместе с этим завершена работа по интеграции сервиса Yandex Go с оператором фискальных данных. Решается вопрос выдачи фискальных чеков самозанятых и юрлиц на каждую поездку c использованием данного сервиса.

Таким образом, Yandex Go выполняет выставленные Налоговым комитетом требования по приведению своей деятельности в соответствие с законодательством.

Также сообщаем, что работа по интеграции с оператором фискальных данных завершена у сервисов MyTaxi и Uklon. Фискализация платежей за поездки в данных сервисах ожидается в самое ближайшее время.

Тelegram |Facebook |Youtube| Instagram |Twitter | Threads

#rasmiy_munosabat

Soliq organlari tomonidan soliq bazasini kengaytirish va yashirin iqtisodiyot ulushini qisqartirish boʻyicha tizimli ishlar davom ettirilmoqda. Ushbu chora-tadbirlardan biri taksi va yoʻlovchi tashish bozorini tartibga solishdir.

Avval xabar qilinganidek, joriy yilning 1-dekabridan boshlab Yandex Go xizmati Oʻzbekistonda oʻz faoliyatini mahalliylashtirib, soliq rezidentiga aylandi. Shu bilan birga, mazkur servis Soliq axborot tizimlari bilan integratsiya qilinishi natijasida har bir tashish xizmati uchun fiskal chek shakllantirish imkoniyati yaratildi.

Oʻtgan kunlar davomida (1 – 6-dekabr) 13,5 mlrd soʻmlik 800 483 ta chek shakllantirildi.

Oʻz navbatida, mazkur sohada bir qator yechimini topishi lozim boʻlgan masalalar saqlanib qolmoqda:

birinchidan, taksi xizmati (Yandex Go va boshqalar) uchun naqd pul orqali toʻlov qilinganda chek berilishi yoʻlga qoʻyilmagan.

Bu borada amaliyotga tatbiq etish uchun bir nechta yechimlar ishlab chiqildi va bozor ishtirokchilariga taklif qilindi, yaqin kunlarda naqd pul orqali toʻlov qilinganida ham chek berilishi taʼminlanadi;

ikkinchidan, qolgan agregatorlarda, xususan – MyTaxi, Uklon va boshqalarda fiskal chek bugungi kungacha shakllantirilmayapti.
Ushbu agregatorlar bilan texnik integratsiyalash ishlari yakunlangan va yaqin kunlarda yoʻlovchilar ushbu xizmatlardan foydalanganda fiskal cheklarni olishni boshlashi kutilmoqda.

Bundan tashqari, respublikaning barcha hududlarida agregatorlar va taksi xizmatlarini fiskallashtirish koʻzda tutilgan;

uchinchidan, bugungi kunga qadar shakllantirilgan 13,5 mlrd soʻmlik 800 483 ta cheklarning 13,4 mlrd soʻmlik 791 100 tasi 232 ta yuridik shaxslar (Yandex Go hamkorlari va taksi kompaniyalari), 163,9 mln soʻmlik 9 383 tasi esa 1 821 nafar oʻzini oʻzi band qilgan shaxslar hissasiga toʻgʻri keladi.

Bunda, tashish xizmati oʻzini oʻzi band qilgan haydovchi tomonidan koʻrsatilgan boʻlsada, tashishning barcha summasi taksopark (hamkor) aylanmasida aks etish holatlari Soliq qoʻmitasi tomonidan kuzatilmoqda.

Mazkur yoʻnalishda taksoparklar va oʻzini oʻzi band qilgan haydovchilar oʻrtasida soliq toʻlovchining shaxsiy kabinetida komissioner va komitentni toʻgʻri belgilash boʻyicha tushuntirish ishlari agregatorlar bilan birgalikda olib borilmoqda.

Shuningdek, ushbu sohada oʻzini oʻzi band qilgan fuqarolarga qulaylik yaratish maqsadida mazkur funksiyani Soliq mobil ilovasiga qoʻshish orqali soddalashtirish boʻyicha ishlar olib borilmoqda.
Maʼlumot uchun: yuridik shaxslar oʻzlarining shaxsiy kabinetida fiskal cheklarni tahrirlash mexanizmidan foydalanishlari mumkin. Shuningdek, Soliq kodeksining 369-moddasi 9-bandiga muvofiq, oʻzini oʻzi band qilgan shaxslar barcha turdagi soliqlardan ozod qilingan.

Taksi faoliyatidan rasmiy daromad shakllantirish imkoniyatining paydo boʻlganligi oʻzini oʻzi band qilgan shaxslar uchun alohida bir qator afzalliklarni keltirib chiqaradi. Jumladan, daromad toʻgʻrisidagi maʼlumotlar keyinchalik ularga boshqa iqtisodiy harakatlarda (ipoteka, isteʼmol kreditlari, tovarlarni boʻlib-boʻlib toʻlash va hokazo) imkoniyatlarini kengaytiradi. Bu oʻz navbatida aholining iqtisodiy faolligi oshishiga xizmat qiladi.

Soliq qoʻmitasi taksi xizmatini koʻrsatishda agregatorlar va ularning hamkorlari biznes jarayonlarini monitoring qilib bormoqda va aniq yechimlarni taklif etadi.

Shu bilan birga yoʻlovchi tashish bozorida, turli baholashlarga asosan 500 mingdan 1 mln nafargacha fuqaro toʻliq yoki qisman bandligini, shuningdek, taksilarning kundalik logistika va harakatlanishdagi ahamiyati katta ekanini hisobga olib, mazkur sohadagi munosabatlarni avtomatlashtirish va fiskallashtirish jarayonini bosqichma-bosqich va ehtiyotkorlik bilan amalga oshirish zarur, deb hisoblaymiz.

Bunda, soliq qonunchiligiga rioya etilishi, soliqlarning toʻgʻri hisoblanishi va oʻz vaqtida toʻlanishi ustidan nazorat hamda Oʻzbekiston Respublikasi Davlat byudjetiga soliqlarning toʻliq tushishini taʼminlash soliq organlarining asosiy vazifalari boʻlib qoladi.

#rasmiy_munosabat

Soliq qoʻmitasi har bir Soliq toʻlovchining fikr va mulohazalarini hurmat qiladi!

So‘nggi vaqtlarda amaliyotda ishlab turgan normalarga bir necha yengillik va oʻzgartirishlar kiritilganini buning dalili deyish mumkin.

Soliq qoʻmitasi bundan keyin ham Soliq toʻlovchilarga xizmat koʻrsatishni oʻzining muhim vazifasi deb hisoblaydi.

“Yashirin iqtisodiyotga qarshi kurashish boʻyicha kompleks chora-tadbirlarni amalga oshirish toʻgʻrisida”gi qaror loyihasi Hukumatga kiritilishidan oldin amaldagi qonunchilikda belgilangan tartibda regulation.gov.uz portali orqali jamoatchilik fikr-mulohozasini oʻrganish va takliflarini olish uchun keng jamoatchilik muhokamasidan oʻtkaziladi.

Jamoatchilik muhokamalari (tadbirkorlar, fuqarolik jamiyati institutlari, olimlar, ekspertlar va mutaxassislarning maslahatlari hamda tavsiyalari) asosida loyiha toʻliq qayta koʻrib chiqiladi va tadbirkorlik faoliyatiga salbiy taʼsir etuvchi tartib-taomillar va talablar bartaraf etilgandan soʻng loyiha Hukumatga koʻrib chiqish uchun kiritiladi.
————-
#официальная_информация

Налоговый комитет уважает мнение и позицию каждого налогоплательщика!

Тому свидетельством служит ряд послаблений и изменений, внедренных в действующие нормы в последнее время.

Клиентоориентированность во взаимодействии с налогоплательщиками считаем своей наиболее значимой задачей.

Прежде чем проект постановления "О реализации комплексных мер по борьбе с теневой экономикой" будет внесен в Правительство, состоится его широкое общественное обсуждение через портал regulation.gov.uz в порядке, установленном действующим законодательством, для изучения общественного мнения и получения предложений.

На основе этих общественных обсуждений (советов и рекомендаций предпринимателей, институтов гражданского общества, ученых, экспертов и специалистов) проект будет полностью пересмотрен и после внесения правок в нормы и требования, оказывающие негативное влияние на предпринимательскую деятельность, проект будет представлен на рассмотрение Правительства.

#rasmiy_munosabat

Davlat soliq xizmati organlari Qashqadaryo viloyatida joylashgan maktablardan birida bo‘lgan holatni noo‘rin xatti-harakat deb hisoblaydi va keskin qoralaydi.

Kamchiliklarga yo‘l qo‘ygan xodimlarga nisbatan xizmat tekshiruvi tayinlandi.
____________
#официальная_информация

Органы государственной налоговой службы считают недопустимой и резко осуждают ситуацию, сложившуюся в одной из школ Кашкадарьинской области.

По данному факту назначена служебная проверка.

Тelegram |Facebook |Youtube| Instagram |X| Threads

#rasmiy_munosabat

Ijtimoiy tarmoqlarda to'lov topshiriqnomalarini yuborishda muammolar yuzaga kelayotganligi  haqida xabarlar tarqaldi.

Shu munosabat bilan quyidagilar ma'lum qilinadi.

Joriy yilning sentabr oyida ayrim tijorat banklari yangi axborot tizimidan foydalanishga o'tgan va bu haqda Soliq qo'mitasini xabardor qilmagan.

Bank dasturchilari yangi tizimga o'zgartirishlar kiritayotgani sababli, ba'zi to'lov topshiriqnomalari bajarilmagan.

Masalan, shu oy boshidan Tenge bank 2 439 ta topshiriqnomadan 413 tasini va Kapitalbank 4 287 ta topshiriqnomadan 740 tasini bajarmasdan qaytargan.

Soliq qo‘mitasi huzuridagi Yirik soliq to‘lovchilar bo‘yicha hududlararo soliq inspeksiyasi tomonidan majburiyatlarini o‘z vaqtida bajarmayotgan har ikkala bank kamchiliklarni zudlik bilan bartaraf etish va buning uchun Soliq kodeksida belgilangan javobgarlik choralari to‘g‘risida rasman ogohlantirildi.
___________
#официальная_информация

В соцсетях появились сообщения о проблемах при отправке платежных поручений.

В связи с этим сообщаем следующее.

С сентября этого года некоторые коммерческие банки перешли на новые информационные системы и не уведомили об этом Налоговый комитет.

Из-за того, что разработчиками вносятся изменения в используемые банками системы, некоторые платежные поручения возвращаются без исполнения.

К примеру, с начала этого месяца 413 из 2 439 поручений в Tenge bank и 740 из 4 287 поручений в Kapitalbank вернули без исполнения.

Межрегиональная налоговая инспекция по крупным налогоплательщикам при Налоговом комитете направила банкам, не исполняющим свои обязательства в установленный срок, официальные предупреждения о незамедлительном устранении имеющихся недостатков и мерах ответственности, предусмотренных Налоговым кодексом.

Тelegram |Facebook |Youtube| Instagram |X| Threads

#rasmiy_munosabat

Ijtimoiy tarmoqlarda “Inbazar” savdo doʻkonlari tarmogʻidagi xodimlar soni toʻgʻrisida tarqalgan maʼlumotlar yuzasidan Soliq qoʻmitasi quyidagilarni maʼlum qiladi.

Bugungi kunda Toshkent shahrida “Inbazar” savdo brendi ostida 3 ta tadbirkorlik subyekti faoliyat yuritmoqda:
▫️"IN MAG" MChJ;
▫️"GO TREND" MChJ;
▫️"KDS SALES" MChJ.

Taqdim etilgan soliq hisobotlariga koʻra, ushbu tadbirkorlik subyektlarida 44 nafar xodim rasman ish bilan taʻminlangan.

Soliq organlari qonun hujjatlarida belgilangan majburiyatlaridan kelib chiqqan holda, soliq toʻlovchilar tomonidan soliq toʻgʻrisidagi qonunchilikka rioya etilishi, soliqlar va yigʻimlarning toʻgʻri hisoblab chiqarilishi, toʻliq hamda oʻz vaqtida toʻlanishi ustidan nazoratni amalga oshiradi.

Soliq organlari tomonidan 2024-yilning oʻtgan davrida “Soliq” mobil ilovasidagi “Soliq hamkor” tizimi orqali xaridorlardan kelib tushgan murojaatlar asosida , mazkur tadbirkorlik subyektlarida 17 marotaba sayyor soliq tekshiruvlari oʻtkazilib, aniqlangan huquqbuzarlik holatlari boʻyicha jarimalar qoʻllanilgan.

Shtatida 1 nafar xodim koʻrsatilgan “INBAZAR” MChJ tadbirkorlik subyekti sifatida faoliyat yuritmaydi va hozirgi paytda ixtiyoriy tugatilish bosqichida.
___________
#официальная_информация

В связи с информацией, распространившейся в социальных сетях, о количестве сотрудников в сети магазинов Inbazar, Налоговый комитет сообщает следующее.

В настоящее время в Ташкенте под торговой маркой Inbazar осуществляют деятельность 3 организации:
▫️ООО “IN MAG”;
▫️ООО “GO TREND”;
▫️ООО “KDS SALES”.

По данным представленной налоговой отчетности в этих организациях официально трудоустроено 44 человека.

Исходя из установленных законодательством обязанностей, налоговые органы осуществляют контроль за соблюдением налогоплательщиками налогового законодательства, правильностью исчисления, полнотой и своевременностью уплаты налогов.

Так, на основании поступивших через систему "Налоговый партнер" в мобильном приложении Soliq жалоб покупателей, приобретающих товары в этих магазинах, в течение 2024 года в отношении этих организаций проведено 17 выездных налоговых проверок и применены штрафы.

В данный момент ООО "INBAZAR", в которой трудоустроен 1 сотрудник, не осуществляет предпринимательскую деятельность и находится в стадии добровольной ликвидации.

Тelegram |Facebook |Youtube| Instagram |X| Threads

#rasmiy_munosabat #raqamli_markirovka

Ijtimoiy tarmoqlarda suv va salqin ichimliklar ishlab chiqaruvchilari uyushmasi Soliq qoʻmitasidan markirovkalangan tovarlar agregatsiyasi bosqichini kechiktirib turishni soʻrayotgani haqida xabar e'lon qilindi.

Bu haqda Soliq qoʻmitasiga yuborilgan murojaat 30-oktabrda kelib tushgan.

Koʻtarilgan masalalarga aniq va asoslangan javob va tushuntirishlar berish maqsadida tayyorgarlik koʻrish lozim va mazkur uchrashuv noyabr oyining ikkinchi dekadasida oʻtkazilishi rejalashtiriladi.

Ushbu uchrashuv boʻlguniga qadar hamda Soliq organlari maʼlumotlar bazasi koʻchirilayotganini inobatga olgan holda suv va salqin ichimliklarni agregatsiyalashga majburiy talablari qoʻllanilmasligi maʼlum qilinadi.

Тelegram |Facebook |Youtube| Instagram |X| Threads