✅ Samarqand viloyatida onlayn-NKT orqali tovar realizatsiyasi hajmi 11 trln so‘mdan oshdi

Joriy yilning 1-avgust holatiga:
🔹Viloyatimizda onlayn-NKTdan foydalanuvchi tadbirkorlik subyektlari soni 29588 tani tashkil etdi.

#raqamlashtirish #onlayn_NKТ

🏠Subsidiya asosida olingan uy-joy krediti uchun yo‘naltirilgan mablag‘dan daromad solig‘i olinmaydi

✅“Ipoteka kreditidan foydalanishda aholiga qo‘shimcha qulayliklar yaratish chora-tadbirlari to‘g‘risida”gi Prezident qaroriga (PQ–377-son, 22.09.2022 y.) asosan:

✅ 2023-yil 1-yanvardan uy-joy uchun subsidiya berilgan fuqarolarning ipoteka kreditlari va ularning foizlari uchun yo‘naltirilgan ish haqi va boshqa daromadlari daromad solig‘iga tortilmaydi.

⏩ Mazkur imtiyoz qarz oluvchi va birga qarz oluvchilar daromadining bir soliq davrida mehnatga haq to‘lash eng kam miqdorining 80 baravaridan oshmagan qismiga tatbiq etiladi.

☑️ 2023-yildan ipoteka kreditiga olingan mol-mulk olingan sanadan 36 oyda qayta sotilsa, kredit va foizlar uchun yo‘naltirilgan daromad soliqqa tortiladi.

❓Savol: Xonadonimizda  davlat xususiy sherikchilik asosida oilaviy maktabgacha ta’lim tashkilotini (bog‘cha) tashkil qildik. Yer va mol mulk solig‘i to‘lashdan ozod bo‘lasiz deyishdi shu rostmi?

🖊Umida Xaydarova

♻️Javob: Agar siz oilaviy sherikchilik asosida yuridik shaxs tashkil etgan holda maktabgacha ta’lim tashkiloti ochgan bo‘lsangiz, unda sizga quyidagi soliq imtiyozlari mavjud:

✅Soliq kodeksi 414-moddasiga asosan yuridik shaxslarning mol-mulk solig‘i soliq hisoblab chiqarilayotganda soliq bazasi madaniyat va san’at, ta’lim, sog‘liqni saqlash (bundan turistik zonalarda joylashgan sanatoriy-kurort obektlari mustasno), jismoniy tarbiya va sport, ijtimoiy ta’minot obektlarining o‘rtacha yillik qoldiq qiymatiga (o‘rtacha yillik qiymatiga) kamaytiriladi.

✅Shuningdek, Soliq kodeksining 428-moddasiga asosan madaniyat, ta’lim, sog‘liqni saqlash (bundan turistik zonalarda joylashgan sanatoriy-kurort obektlari band qilgan yerlar mustasno) va ijtimoiy ta’minot obektlari egallagan yerlar yuridik shaxslarning soliq solinmaydigan yer uchastkalari jumlasiga kiradi.

✅Shunday ekan sizda mol-mulk solig‘i va yer solig‘i bo‘yicha imtiyoz mavjud.

📢 Samarqand viloyati soliq boshqarmasi shu'ba boshligʻi Bekzod Saliyev javob berdi.

#keshbek

Soliq mobil ilovasida 1,5 trilliondan ortiq keshbek to‘landi

💳 Joriy yilning iyul oyida 2,6 mlndan ortiq iste'molchi tomonidan 151 mlrd so‘mga yaqin keshbek yig‘ilgan.

✅ Shundan 1,6 mlndan ortiq iste'molchiga ayni paytda 86,4 mlrd so‘m keshbek to‘lab berildi. Ushbu iste'molchilar keshbek summalarini bank kartalariga o‘tkazib olishi mumkin.

🕰 Bugun yana 18 mlrd so‘mga yaqin keshbek to‘lab beriladi.

📲 Soliq mobil ilovasining yangi versiyasini yuklab oling

#keshbek

✅ Qaysi cheklarga va nima uchun keshbek berish rad etilganini yoki tasdiqlanmayotganini “Soliq” mobil ilovasida oson bilib olishingiz mumkin

#chek_tahrirlash #onlayn_NKT #marketpleys

✅ Eslatib o‘tamiz❗️

2023-yil 17-avgustdan 31-avgustgacha (31-avgust ham) 2023-yil 1-yanvardan (1-yanvar ham kiradi) xato chop etilgan onlayn-NKT va marketpleys cheklarini tahrirlash imkoniyati berilgan.

👉 Batafsil

❓Savol: Yaqinda yangi o‘quv yili boshlanadi, kvartiramga talabalarni joylashtirmoqchiman, men daromadimdan soliq to‘lashim kerakmi?

🖊Asror Boboqulov

♻️Javob: Soliq kodeksining 378-moddasida soliq solinmaydigan daromad turlari ko‘rsatilgan bo‘lib, ushbu moddaning 19 -1-bandida soliq to‘lovchining uy-joylarni talabalarga ijaraga berishdan olingan daromadlariga soliq solinmaydi deb ko‘rsatilgan.

✅Demak, yuqoridagi asosga ko‘ra, talabalarni o‘z uylariga ijaraga qo‘yish orqali ijara haqidan daromad topayotgan shaxslarning ushbu daromadlaridan jismoniy shaxslardan olinadigan daromad solig‘i solinmaydi.

✅Shuningdek, soliq organlari bilan Oliy ta’lim vazirligi o‘zaro ma’lumotlar integratsiya qilingan bo‘lib siz ijara shartnomasi tuzayotgan paytda ijaraga oluvchi shaxsning shaxsiy ma’lumotlarini kiritgan paytingizda uning talaba ekanligi (F.I.O, ta’lim olayotgan o‘quv yurti, fakulteti, ta’lim shakli va bosqichi, shuningdek doimiy ro‘yxatga olingan manzili) avtomatik shakllanadi.

#bilasizmi #QQS

✅ Paxta yetishtiruvchilarga QQSni boʻlib toʻlash huquqi berilgan

2023-yil hosilidan paxta-toʻqimachilik klasterlari tomonidan paxta xomashyosi toʻliq elektron tarozi orqali qabul qilinadi.

Paxta yetishtiruvchi qishloq xoʻjaligi korxonalari (fermer xo‘jaliklari) uchun QQSni paxta xomashyosi boʻyicha yakuniy hisob-kitoblarni amalga oshirish muddatigacha toʻlash va hisobga olishga ruxsat etiladi.

2026-yil 1-aprelga qadar paxta-toʻqimachilik klasterlari va qishloq xoʻjaligi korxonalari (fermer xoʻjaliklari) oʻrtasidagi hisob-kitoblar hamda QQSni hisobga olish quyidagi tartibda amalga oshiriladi:

🔹paxta-toʻqimachilik klasterlari tomonidan paxta hosili uchun yakuniy hisob-kitoblar oʻz muddatida amalga oshirilmaganda, yuzaga kelgan soliq qarzdorligini QQS toʻlovchisi hisoblangan qishloq xoʻjaligi korxonalari (fermer xoʻjaliklari)ga 3 oy muddatga teng ulushlarda boʻlib-boʻlib toʻlash huquqi beriladi;

🔹paxta-toʻqimachilik klasterlariga qabul qilib olingan paxta hosili uchun EHFda koʻrsatilgan QQS summasini qishloq xoʻjaligi korxonalari (fermer xo‘jaliklari) tomonidan QQS budjetga toʻlab berilganidan soʻng hisobga olishga ruxsat etiladi.

👉 VMQ-379-son, 14.08.2023-y.

❇️Soliq kodeksining 378-moddasi 16-bandiga binoan, ta’lim kontrakti to‘lovini ish haqi yoki boshqa daromadlardan amalga oshirgan shaxs soliq imtiyozlarini olsa bo‘ladi, ya’ni o‘qish uchun yo‘naltiriladigan mablag‘larga soliq chegirmasi beriladi.

✅Soliq imtiyozi jismoniy shaxsning jami yillik daromadi to‘g‘risidagi deklaratsiyasini soliq xizmati organlariga topshirgan holda yoki soliq to‘lovchining to‘lov manbaiga (ish beruvchi) yozma arizasi asosida olinishi mumkin.

✅Agar soliq chegirmasi shaxsning jami yillik daromadi to‘g‘risidagi deklaratsiyasi asosida qo‘llanilsa, quyidagilarni turar joyidagi soliq organlariga taqdim etadi:

✅- Talaba (talabalar) bilan oliy o‘quv yurti o‘rtasida to‘lovli-kontrakt asosida o‘qitish to‘g‘risida tuzilgan shartnoma (shartnomalar) nusxasi;

✅- Tijorat banki bilan ta’lim kreditini olish uchun tuzilgan shartnoma (shartnomalar) nusxasi (agar ta’lim krediti olgan bo‘lsa);

✅- Oliy o‘quv yurtlari hisob raqamiga (ta’lim kreditini qoplaganda tijorat banki hisob raqamiga) pul mablag‘larini mustaqil to‘laganligini tasdiqlovchi hujjatlar nusxasi;

✅- Pasport nusxasi (soliq imtiyozi ta’lim oluvchining o‘zi tomonidan qo‘llanilganda);

✅Jami yillik daromadlar to‘g‘risidagi deklaratsiyani elektron shaklda soliq to‘lovchining shaxsiy kabinetida, ro‘yxatdan o‘tgan pochta orqali yoki soliq idorasiga shaxsan tashrif buyurib topshirilishi mumkin.

❓Savol: Agar mol-mulk ijarasi bo‘yicha bitim qarindoshlar o‘rtasida tuzilsa, jismoniy shaxslardan olinadigan daromad solig‘i to‘lash zarurmi?

🖊Ergashev Farid

♻️Javob: Agar mol-mulk ijaraga berilsa ijaraga beruvchi jismoniy shaxslardan olinadigan daromad solig‘i (JShODS) to‘laydi.

✅Mol-mulkni ijaraga berishdan olingan daromadlar mulkiy daromadlar jumlasiga kiradi (Soliq kodeksi, 375-modda).

✅Agar ijaraga oluvchi - jismoniy shaxs bo‘lsa, ushbu daromadlarga daromadlar to‘g‘risidagi deklaratsiya asosida JShODS solinadi (Soliq kodeksi, 393-modda).

✅Soliq kodeksida yaqin qarindoshga mol-mulkni ijaraga berishdan olingan daromadlar bo‘yicha imtiyozlar mavjud emas.

#chek_tahrirlash #onlayn_NKT #marketpleys

✅ 31-avgust – 2023-yilda chop etilgan cheklarni tahrirlashning oxirgi kuni

2023-yil 17-avgustdan 31-avgustgacha (31-avgust ham) 2023-yil 1-yanvardan (1-yanvar ham kiradi) xato chop etilgan onlayn-NKT va marketpleys cheklarini tahrirlash imkoniyati berilgan.

👉 Batafsil

#soliq_qonunchiligi_bot

Soliq qoʻmitasi tomonidan soliq toʻlovchilarga qulaylik yaratish maqsadida “Soliq qonunchiligi” telegram boti ishlab chiqildi

📚 Ushbu botda soliqqa oid qonunchilik hujjatlari 30 ta asosiy yoʻnalishga ajratilib, har bir yoʻnalishni tartibga soluvchi jami 300 dan ortiq qonunchilik hujjatlari bilan lex.uz saytiga yo‘naltirilgan havola orqali tanishish mumkin.

📌 Botning qulayligi shundaki foydalanuvchi sohaga oid yoʻnalishni tanlaganda havola orqali mazkur yo‘nalish bo‘yicha qabul qilingan qonunchilik hujjatining tegishli bandi ochiladi.

☝️Hurmatli soliq to‘lovchilar, bot test rejimida ishga tushdi, uni yanada takomillashtirish maqsadida o‘z takliflaringizni botning taklif qoldirish menyusiga yozishingiz mumkin.