❓Як паступіць звычайнаму выбаршчыку, калі ён стаў сведкам парушэння на ўчастку?

Да аналітыкаў кампаніі "Праваабаронцы за свабодныя выбары" нярэдка звяртаюцца з пытаннямі, якія тычацца выбарчых працэдур:
▪️Як сябе паводзіць у выпадку заўважаных парушэнняў на ўчастку падчас галасавання?
▪️ як дзейнічаць прама на ўчастку: да каго звяртацца, як пісаць скаргу або выклікаць назіральнікаў, міліцыю?
▪️Можна і ці трэба гэта рабіць прама на месцы і падчас дня галасавання?

Дапамагае разабрацца ў перыпетыях заканадаўчых нормаў юрыст Павел Сапелка.

👉👉👉https://cutt.ly/zdmGP36

"Амбасада не гатовая да выбараў". Чаму каля беларускай Амбасады ў Варшаве выбудоўваюцца чэргі?

Беларусы, якія пражываюць у Польшчы, з 30 ліпеня па 3 жніўня стаялі ў вялікіх чэргах каля будынка беларускай Амбасады ў Варшаве, каб іх унеслі ў спіс выбаршчыкаў на польскім участку і перадалі дадзеныя пра гэта ў Беларусь, каб іх выкраслілі са спісаў на беларускіх участках па месцы іх рэгістрацыі.

Трапіць у Амбасаду змаглі не ўсе. Цяпер яны занепакоеныя, што не змогуць гэтак жа патрапіць на ўчастак для галасавання 9 жніўня.
Амбасада жа заклікае іх галасаваць датэрмінова.
👉👉👉https://cutt.ly/IdEurRT

❗️Новыя затрыманні, суды і выпадкі ціску. Хроніка пераследу за 4 жніўня

"Вясна" працягвае збіраць звесткі са ўсёй краіны пра факты палітычна матываванага пераследу грамадзян. Паведамляем пра затрыманні, пагрозы затрыманнямі, складанне пратаколаў і выклікі ў міліцыю.

👉👉👉https://cutt.ly/edESJ3S

⚡️У Мінску прама на ўчастку для галасавання затрымалі назіральніка ад ініцыятывы "Честные люди" Івана Дубовіка.

Ён паспеў паведаміць, што яго вязуць у Кастрычніцкі РУУС. Аднак там сваякам адмаўляюцца прадастаўляць інфармацыю аб яго месцазнаходжанні.

Ці законна назіральнікам адмаўляюць у магчымасці прысутнічаць на выбарчых участках? Што рабіць у такіх выпадках?

Адказваюць каардынатар кампаніі назірання “Праваабаронцы за свабодныя выбары” Уладзімір Лабковіч і прадстаўнік кампаніі “Права выбару” Леў Марголін.

💡Што адбываецца на выбарчых участках у першы дзень датэрміновага галасавання? Хроніка ад кампаніі "Праваабаронцы за свабодныя выбары"

4 жніўня ў 8.00 па ўсёй краіне адчыніліся ўчасткі па выбарах прэзідэнта для датэрміновага галасавання.

Акрэдытаваныя незалежныя назіральнікі кажуць, што іх не дапускаюць да назірання, выдаляюць з участкаў і з будынкаў, дзе змяшчаюцца ўчасткі.

Хроніка 4 жніўня: ➡️➡️➡️https://cutt.ly/odRoTvD

"Паспрабаваў завесці размову "не для пратаколу": ці паеду я ў Мінск 9 жніўня, ці будуць страйкаваць шахцёры"

Пачаткоўца ютуб-блогера Аляксандра Канановіча з Салігорска затрымлівалі 14 ліпеня на мясцовай плошчы, пасля чаго асудзілі на 5 сутак - за супраціўленне амапаўцам.

Канановіч падаў скаргу на неправамерныя дзеянні амапаўцаў Ермачонка і Шкрэдава, аднак пасля гэтай скаргі зацікавіліся ім, а не амапаўцамі.

Аляксандр Канановіч распавёў "Вясне", як з ім хацелі "паразмаўляць па шчырасці", а затым спрабавалі атрымаць доступ да тэлефона :👉 https://cutt.ly/xdRQl6r

❗️ У Слуцку адмянілі мітынг Святланы Ціханоўскай. Прыехала міліцыя, пачаўся хапун: ➡️https://elections2020.spring96.org/be/news/98684

Затрыманні ў Слуцку

У Баранавічах таемна асудзілі адміністратара чата "Баранавічы для жыцця" Ігара Шумілава.

Увесь дзень праваабаронца "Вясны" Аляксандр Вайцешык чакаў суда над ім. У другой палове дня разам са сваякамі ён прыехаў да ізалятара, каб перадаць Ігару перадачу, але спачатку яе не прынялі, спаслаўшыся на тое, што Шумілава ўвезлі на суд.
Калі Вайцешык вярнуўся ў будынак суда, то там сказалі, што Ігара ў іх няма. Урэшце ў сваякоў прынялі для яго перадачу, але не паведамілі, калі, па якім артыкуле і на колькі сутак арышту ён быў асуджаны.
Толькі адзін з міліцыянтаў параіў сваякам адлічваць 10 сутак з моману затрымання. Верагодна на столькі сутак ён і быў асуджаны.

Ігар Шумілаў мае інваліднасць трэцяй групы. 8 гадоў таму ён трапіў у ДТЗ і згубіў ногу.

👉Хроніка адміністрацыйнага пераследу за чацвёртае жніўня

Што адбываецца ў рэгіёнах?

✔️У Слуцку па стане на 19.00 затрыманы каля 15 чалавек. Сярод затрыманых - мясцовы актывіст Віталь Амяльковіч і рэдактар слуцкага выдання "SlutskGorod" Улад Ярота.

✔️У Салігорску мітынг Святланы Ціханоўскай таксама адмянілі. Міліцыянты разагналі людзей, якія прыйшлі на дазволены пікет у дазволеным месцы.

✔️У Шклове затрымалі журналістаў тэлеканала “Белсат” Станіслава Івашкевіча, Івана Мураўёва і Вольгу Ратміраву.

✔️У Чачэрску 15 сутак арышту прысудзілі актывісту Юрыю Кавалёву. Таксама на сувязь ужо сутккі не выходзіць яго сын Арцём Кавалёў.

✔️У Нароўлі асудзілі затрыманага напярэдадні актывіста і валанцёра "Страны для жизни" Мікалая Віткоўскага. Нібыта за тое, што ён адмаўлсяўся праехаць з супрацоўнікамі міліцыі. У выніку прысудзілі 12 сутак арышту.

Больш тут:👉👉👉https://cutt.ly/0dR0NqH

⚡️Стала вядома пра яшчэ адзін выпадак затрымання на мінскім участку.

На ўчастку для галасавання №28 Мінскага раёна быў затрыманы назіральнік Алег Гіргенсон. Назіральнік заявіў, што нягледзячы на тое, што ён чацвёрты ў кнізе назіральнікаў, ён усё роўна будзе назіраць.

Сябры камісіі выклікалі на яго міліцыю. Назіральніка павезлі для высвятлення абставінаў у Бараўлянскі РАУС.

У Салігорску таксама затрыманні. Сярод затрыманых – прадстаўнік рэдакцыі "Лідар прэсс" Уладзімір Уфімцаў.

👉https://t.iss.one/viasna96/1874

❗️Куды звяртацца, калі вас ці вашых блізкіх затрымалі: https://t.iss.one/viasna96/1720

❗️Спіс затрыманых у Слуцку 4 жніўня:

1. мясцовы актывіст Віталь Амяльковіч,
2. рэдактар мясцовага выдання "SlutskGorod" Уладзь Ярота,
3. Уладзіслаў Загарэй,
4. Вадзім Крэпскі,
5. Максім Буткевіч,
6. Дзмітрый Клюшкін,
7. Уладзіслаў Глазкоў,
8. Дзмітрый Заяц,
9. Ілля Крот,
10. Зінаіда Цімошак,
11. Уладзімір Кульбіцкі,
12. Валянцін Шчарбіцкі,
13. Анатоль Балакір,
14. Вячаслаў Мялешка,
15. Дзмітрый Мяцеля,
16. Ягор Пятровіч,
17. непаўнагадовы Данііл Раткін (выпусцілі з пратаколам па ч. 1 арт. 23.34 КаАП

У Салігорску затрымалі не менш пяці чалавек. Іх вызвалілі.

У Магілёве таксама сёння быў затрыманы назіральнік ад ініцыятывы "Сумленныя людзі".

На выбарчым участку Андрэй Застрэлаў апынуўся чацвёртым назіральнікам у спісе і заявіў камісіі аб сваім праве назіраць за ходам галасавання. Пасля гэтага старшыня камісіі выклікала міліцыю.

👉https://cutt.ly/3dTUo2e

Палітвязень Вяргілій Ушак – пра свае 2 месяцы зняволення па "справе Ціханоўскага"

Пасля двух месяцаў зняволення па абвінавачванні па артыкуле 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) на свабоду па падпісцы аб нявыездзе выйшаў фігурант "справы Ціханоўскага", палітвязень і вязень сумлення Вяргілій Ушак.
29 траўня ў Гродне на выбарчым пікеце па зборы подпісаў яго затрымалі першым. Ён здымаў на відэа пікет, які вёў Сяргей Ціханоўскі. Як распавёў Вяргілій, гэта быў яго дэбют і па відэаздымцы, і па затрыманні, і па арышце.

Як прайшлі два месяцы Вяргілія ў зняволенні, што ён адчуваў пасля вызвалення, чаму яму не ўдалося забраць на свабоду лісты – чытайце ў матэрыяле "Вясны":➡️ https://spring96.org/be/news/98691

⚡️На выбарчых участках працягваюць затрымліваць незалежных назіральнікаў

▪️На ўчастку №64 Заводскага раёна была затрымана незалежная назіральніца Іна Дабратвор. На яе выклікалі міліцыю за тое, што яна нібыта замінае працы камісіі. Пасля высвятлення асобы яе адпусцілі.

▪️З 35-га ўчастка Маскоўскага раёна супрацоўнікі міліцыі забралі незалежную назіральніцу Наталлю Манькоўскую.

▪️На ўчастку №20 у Смілавічах Чэрвенскага раёна затрымалі назіральніка Яраслава Недасекіна. Ён быў у спісах назіральнікаў, але старшыня камісіі сказаў яму, што спіс змянілі і ён не можа назіраць. Назіральнік хацеў працягнуць назіранне, але на яго выклікалі міліцыю.

Больш інфармацыі тут:👉👉👉https://cutt.ly/PdU5in8

Акрамя таго, затрымалі назіральнікаў у Віцебску. Назіральніца Ірына Траццякова паведаміла, што ў сярэднюю школу №25 сябры ўчастковай камісіі выклікалі міліцыю. Былі затрымана чатыры назіральнікі. На ўчастку №12 былі затрыманыя Андрэй Кешанюк і Галіна Магучая.
👉https://elections2020.spring96.org/be/news/98702
👉https://t.iss.one/viasna96/1880

🤦🏻‍♀️Як прымушаюць галасаваць датэрмінова? Падборка фактаў з розных гарадоў краіны

Датэрміновае галасаванне традыцыйна не абыходзіцца без прымусу ўдзельнічаць у ім работнікаў дзяржаўных прадпрыемстваў і ўстаноў, вайскоўцаў і студэнтаў. Кампанія "Праваабаронцы за свабодныя выбары" збірае выпадкі і паведамленні пра "загоны" са ўсёй краіны.

👉Глядзець падборку "загонаў"

Учора быў затрыманы адзін з кіраўнікоў ініцыятывы “Сумленныя людзі” Ілля Шапаткоўскі.

Па папярэдняй інфармацыі, яго затрымлівалі супрацоўнікі Дэпартаменту фінансавых расследванняў у межах справы "Белгазпрамбанку". Зараз ён на допыце.

➡️https://cutt.ly/TdIaXG6

Назіральніка ад кампаніі "Права выбару" Уладзіміра Міхалапа ў Бабруйску затрымалі за тое, што ён сядзеў увесь час на вуліцы ля ўваходу на ўчастак і нібыта замінаў працы камісіі.
Старшыня УВК №30 выклікала міліцыю.

👉👉👉Што адбываецца з назіральнікамі кампаніі "Праваабаронцы за свабодныя выбары", якіх не пускаюць на ўчасткі па ўсёй краіне, можна сачыць тут: https://cutt.ly/QdIhyLW