Бүлүү улууһуттан сылдьар "Быыһыыр үлэ профессионаллара" СӨ регионнааҕы турнирын чемпиона, быыһыыр үлэҕэ Бүтүн Россиятааҕы сүүмэрдиир түһүмэх кыттыылааҕа Дмитрий Налыйдыров уонна Үөһээ Бүлүү ыччата - "Профессионалы-2024" регионнааҕы этабын кыттыылааҕа Алексей Петюрканов.

Ньурба улууһуттан сылдьар баһаарынай идэтигэр иккис сылын үөрэнэ сылдьар Станислав Иванов. Кини баһаарынайдар компетенцияларыгар профессиональнай маастарыстыба чемпионатын регионнааҕы этабын боруонса призера.

Өлүөхүмэ улууһун Токко нэһилиэгиттэн сылдьар өрөспүүбүлүкэҕэ ыытыллыбыт Быыһыыр үлэ профессионалларын регионнааҕы турнирын чемпиона, быыһыыр үлэҕэ Бүтүн Россиятааҕы сүүмэрдиир этап кыттыылааҕа Илья Павлов.

Нам улууһуттан сылдьар баһаарынай идэтигэр иккис кууруска үөрэнэ сылдьар Станислав Слепцов, мас тардыһыытыгар утумнаахтык дьарыктанар, ааспыт сылга ыытыллыбыт мас тардыһыытын Федерациятын кубогын иһин хамаанданан киирсиигэ кыттан призер аатын сүкпүтэ.

Кинини кытта тэҥҥэ Үөһээ Бүлүүттэн Ян Заровняев киирдэ. Ян өрөспүүбүлүкэҕэ ыытыллыбыт "Профессионалы-2024" чемпионат регионнааҕы этабын кыайыылааҕа буолар.