Бүгүҥҥү күрэххэ анаан-минээн эҕэрдэ тылын тириэрдэ Саха Өрөспүүбүлүкэтин Баһаарынай сулууспатын салаатын салайааччытын солбуйааччы Анатолий Анатольевич Большаков кэллэ.
Боруонсаттан кутуллубут баһаарынай байыаһын статуэткатын Техникум түмэлигэр бэлэх уунна.
Боруонсаттан кутуллубут баһаарынай байыаһын статуэткатын Техникум түмэлигэр бэлэх уунна.
Профессиональнай маастарыстыба чемпионатын регионнааҕы этабын кыттыылаахтара - 9-с кылаас кэннэ баһаарынай идэтигэр үөрэнэ киирбит 2-с куурус устудьуона Эдуард Донской уонна Тыва өрөспүүбүлүкэтиттэн сылдьар эмиэ 2-с кууруска үөрэнэр Артыш Тюлюш күрэхтэһиини саҕалыыр чиэскэ тигистилэр.
Ааспыт сыл күрэхтэһиитин бастыҥнарыгар бастакы пурпурнай берети кэтэрдибит улуустааҕы баһаарынай этэрээт салайааччытынан өр сылларга үтүө суобастаахтык үлэлээбит "Гражданскай килбиэн" мэтээл хаһаайына, Россия бочуоттаах донора, СӨ Баһаарынай сулууспатын туйгуна, бочуоттаах бэтэрээнэ Виктор Константинович Новиков эҕэрдэ тылын этэригэр кыттааччыларга ситиһиини, кыайыыҥы-хотууну баҕарда. Ону тэҥэ бу күрэхтэһии өрөспүүбүлүкэ таһымыгар тахсар кыахтааҕын бэлиэтээн эттэ.