У нацыянальнай валюты круглы юбілей

У Музеі сучаснай беларускай дзяржаўнасці, філіяле Нацыянальнага гістарычнага музея, адкрылася выстава «Беларускі рубель: 30 гадоў нацыянальнай валюце», прымеркаваная да юбілею зацвярджэння беларускага рубля адзіным законным плацежным сродкам на тэрыторыі краіны.

📜 Матэрыялы экспазіцыі адлюстроўваюць храналогію станаўлення і развіцця беларускага рубля, пачынаючы з 1990-х гадоў і заканчваючы сучасным этапам.

Дадзеная экспазіцыя нагадвае нам, што ў маі 1992 года на тэрыторыі Беларусі былі ўведзены ў абарачэнне разліковыя білеты Нацыянальнага банка нашай краіны, якія фактычна мелі статус часовага плацежнага сродка. У іх дызайне выкарыстоўваліся выявы прадстаўнікоў беларускай фаўны, дзякуючы чаму названыя разліковыя білеты хутка атрымалі народную назву «зайчыкі».

zviazda.by

- Ваш кот з Беларусі?
- А як вы здагадаліся?

Сярод гербаў беларускіх гарадоў гэты — адзін з самых незвычайных. Ён належыць Браславу і існуе з 1792 года, быў прысвоены гораду ў адпаведнасці з прывілеем караля Станіслава Аўгуста Панятоўскага.

Пагаворваюць, не абышлося без уплыву на Панятоўскага ідэй масонства. Аднак, афіцыйная трактоўка трыкутніка з выявай вока гучыць інакш і звязана з хрысціянствам. Вока сімвалізуе назіранне Бога за жыццём і ўчынкамі людзей, а трыкутнік — старажытны сімвал Святой Тройцы.

Такім чынам, герб Браслава абазначае, што горад знаходзіцца пад апекай Божай.

Браслаўчане любяць і паважаюць свой герб. Яго можна ўбачыць на дарожных указальніках пры ўездзе ў горад, а таксама на розных турыстычных аб’ектах і сувенірах.

Галоўны закон аптымізму: калі горш не бывае, то гэта на лепшае!

🎨 Ніно Чакветадзе

#Літаратура

*  *  *          
Каб хлеб, як сонца, палымнеў
У кожным нашым доме,
Каб сэрцы грэў і ў жылах пеў
Вясёлым летнім громам  –

Пад ветру сіні перасвіст,
Шум вербалозаў ніцых
Кляновы ліст, асенні ліст
Збіраюць маладзіцы.

І колер хустак і спадніц
З барвовасцю прысадаў
Імпрэсіянісцкім зіхаціць
Шаленствам лістапада.      
1972

Максім Танк

Добрага дня, паважанае спадарства!

Сёння мой любімы Ілья Шынкарэнка для вас! Ну што зробіш, калі такі ён слаўны хлапчук у нас! Сапраўдны беларусік!

Ежа ў беларускай культуры: Хлеб. 🍞

Пачынаем новую рубрыку пастоў, у якой будзем расказваць пра традыцыйную беларускую ежу, спосабы яе прыгатавання, а таксама абрадавую ролю і павер'і.

🌾 Хлеб ва ўсіх усходнеславянскіх народаў заўсёды ўспрымаўся як дар Божы, лічыўся сімвалам дастатку, дабрабыту, долі і шчасця. Можна сказаць, што яго амаль абагаўлялі, стаўленне да яго было практычна рэлігійнае. Беларусы ставіліся да хлеба як да жывой істоты.

Працэс прыгатавання хлеба прыраўноўваўся да свяшчэннага дзейства, з якім было звязана мноства правілаў, абрадавых нормаў, павер'яў і абярэгаў.

Пяклі хлеб звычайна адзін-два разы на тыдзень. За адзін раз з печы выходзіла ад пяці да васьмі даволі вялікіх «боханаў». Перш чым замясіць цеста, гаспадыня абавязкова чыста мылася і, перахрысціўшыся, прасіла дапамогі ў Бога, каб хлеб атрымаўся і добра падышоў.
👉🏻 Не дазвалялася пачынаць ставіць хлеб з дрэнным настроем, бо гэта магло негатыўна паўплываць на яго смакавыя якасці.

Па гатоваму «бохану» хлеба судзілі пра многае. Калі развальваўся на дзве часткі, у мякішы атрымліваліся вертыкальныя расколіны, то гэта магло насцярожыць гаспадароў і прымусіць задумацца аб сваім здароўі. Гарызантальныя расколіны — знак таго, што дзеці, якія падраслі, знойдуць сабе пару ў бліжэйшы час і хутка будзе вяселле. 💒

Да XI ст. хлеб гатавалі з пшанічнай мукі, а затым жытні хлеб на заквасцы стаў асноўным прадуктам харчавання. Для асаблівых выпадкаў (хрысціны, сватаўство, вяселле і інш.) выпякалі упрыгожаны фігуркамі з цеста каравай. 🥮

⛪️ Нездарма галоўным сімвалам Вялікадня з'яўляецца велікодная баба — высокі круглы хлеб з пшанічнай мукі, на версе якога выкладвалі крыж з цеста. Астатнія скарынкі сушылі, таўклі і клалі ў гарэлку — гэта засцерагала ад нячыстай сілы.

А якія традыцыі, звязаныя з хлебам, ведаеце вы? Дзяліцеся ў каментарыях!

Крыніцы: Государственная национальная библиотека КБР им. Т. К. Мальбахова «Электронная энциклопедия».
СБ Беларусь Сегодня (электронный сайт sb.by) «Хлебный Спас в традициях белорусов», 20.08.2021.

#ЛюдзіБеларусі

20 кастрычніка 1733 года — нарадзіўся (мястэчка Лагішына Пінскага павету) Адам Станіслаў Нарушэвіч,  рэлігійны і дзяржаўны дзеяч Рэчы Паспалітай, гісторык, паэт і асветнік. Пісар вялікі літоўскі.
З шляхецкага роду Нарушэвічаў гербу Вадвіч, сын Юрыя, лоўчага пінскага, і Паўліны з Абрамовічаў.

Аўтар шматлікіх одаў, ідыліяў, сатырычных і лірычных твораў, баек. Збіраў гістарычныя крыніцы, здымаў копіі з гістарычных дакументаў. Назапашаны ім 231 том матэрыялаў, т.зв. «тэчка Нарушэвіча», мае вялікую каштоўнасць і для сучаснай навукі.

На фарміраванне ягоных поглядаў паўплывалі ідэалогія Вальтэра, Мантэск’ё і іншых асветнікаў

Падрабязна чытайце тут
https://pinsklib.by/naruszewicz-adam/