Кажуць, што чорная паласа ў жыцці - гэта плата за шчаслівыя дні....

Сяджу цяпер і думаю:
- Дзе ж я столькі шчасця паспела адхапіць!?

🎨 Малюнак Keiko Kaichi

#МіфыЛегендыБеларусі

“Гэта дзіўна, але часам здараецца, што не толькі людзі да мяне звяртаюцца па дапамогу і параду, але і прадстаўнікі чароўнага свету.

Па дарозе на поўдзень ад Пастаў мяне падвозіў мясцовы мужык на сваім абозе. Мне трэба было патрапіць у адну вёску непадалёк і я спешыўся, каб зрэзаць шлях лясной сцежкай.

На лясной дарозе мяне раптам атачыла пяць-шэсць Красналюдаў з ўсіх бакоў. Аказалася гаворка пра мяне сярод іх народа таксама ходзіць і яны вельмі добра дасведчаныя чым я займаюся. Красналюды сачылі за мной ад саміх Пастаў, каб злавіць момант і папрасіць дапамогі.

Недалёка ад вёскі, дзе яны жывуць, ёсць вялікае возера Швакшты. Тамака мясцовыя Красналюды пачалі выводзіць нейкі новы незвычайны выгляд жукоў — яны падобныя на жукоў-аленяў, толькі буйней і ззяюць ў цемры халодна-сінім колерам. Я не да канца зразумеў, навошта гэта ім, але тое, што яны вельмі каштоўныя і важныя для Красналюдаў - гэта дакладна.

Працяг ніжэй

#МіфыЛегендыБеларусі

(Працяг)

Побач з возерам ёсць некалькі балот з якіх увесь час выпаўзае "бяскрылы цмок" і знішчае фермы жукоў, ядучы іх. Аднойчы ён нават з’еў аднаго Красналюда-даглядчыка.

Я паабяцаў дапамагчы, ды і цікава было ўбачыць бяскрылага цмока. У вёсцы Баяры я пагутарыў з людзьмі і даведаўся, што балотны монстар не цмок зусім.

Чарлёка ці Чарнуха — гэта велізарны рэліктавы яшчар чорнага колеру, якіх раней тут жыло шмат. Людзі іх нават трымалі ў сябе на ланцугах замест сабак і падкормлівалі. Цяпер гэтая жывёла амаль знікла.

Я не вельмі хацеў пісаць ліст Тэадору, але па частцы вялізных яшчараў ён ад Варшавы да Смаленска самы галоўны паляўнічы на іх. Ды і слова "цмок" прымусіць яго прымчацца ў любы забалочаны куток Беларусі.

Чарлёка быў адлоўлены і забіты. Вонкава ён мне нагадаў заморскіх-кракадзілаў. А Тэадор расчаравана мне распавёў, што гэта не першы ўжо такі яго ўлоў. Такога ж монстра ён пару гадоў таму злавіў у Менску, тады вакол гэтага выпадку было шмат шуму з-за грамадскай агалоскі. Ну і што гэта зусім не цмок…”

З нататкаў Я.К.Лашкевіча

#КазкіДзецям

На Бабрыцы

Язэп Пушча

#УспаміныПраДзяцінства

Пра адвары і гарбату

Добрай раніцы, браткі-беларусы!

#КухняБеларусі
#СтарадаўняяКухня

БУЛЬБЯНЫ СУП

Зварыць у вадзе рознае карэнне, паклаўшы туды лыжку масла.

Абабраць фунтаў пяць бульбы і зварыць яе ў тым вары. Потым выбраць бульбіны і перацерці ix на сіта.

Развесці перацэджаным
булёнам, у якім яны варыліся, забяліць смятанай і падагрэць.

Падаваць з падсмажанымі ў масле і падсушанымі лустачкамі булкі.

⚡️⚡️⚡️ Прэзідэнт Беларусі Аляксандр Лукашэнка павіншаваў беларусаў з Днём Незалежнасці

Дарагія суайчыннікі!

Сардэчна віншую вас з Днём Незалежнасці Рэспублікі Беларусь (Днём Рэспублікі) і 80-й гадавінай вызвалення Беларусі ад нямецка-фашысцкіх захопнікаў.

Гэта свята сваёй веліччу і духоўнай сілай звязала разам пераемнасць шматвяковых традыцый, ратную і працоўную доблесць і сучасныя дасягненні нашага народа.

Мы смела глядзім у заўтрашні дзень і зробім усё, каб нашчадкі ганарыліся намі, як мы ганарымся пакаленнямі беларусаў, якія, не шкадуючы сябе, станавіліся на абарону Айчыны, самааддана працавалі і верылі ў шчаслівую будучыню сваіх дзяцей і ўнукаў.

Жадаю ўсім моцнага здароўя, дабра і дабрабыту. Няхай у вашых дамах будзе светла і ўтульна, а ў кожнай беларускай сям’і пануюць гармонія і згода.

Цалкам чытайце на zviazda.by

🔥 Поўнае вызваленне Беларусі ад нямецка-фашысцкіх захопнікаў звязана з наступальнай аперацыей Чырвонай Арміі, якая ўвайшла ў гісторыю пад кодавай назвай «Баграціён».

Яна пачалася 23 чэрвеня 1944 г. У ёй удзельнічалі войскі 1-га Прыбалтыйскага (камандуючы І.Х.Баграмян), 2-га Беларускага ( камандуючы Г.Ф.Захараў) і 3-га Беларускага (камандуючы І.Д.Чарняхоўскі) франтоў. На другі дзень да іх далучыліся войскі 1-га Беларускага фронта (камандуючы К.К.Ракасоўскі). У наступленні ўдзельнічалі таксама асобны французскі знішчальны авіаполк «Нармандыя – Нёман» і сфарміраваны на тэрыторыі СССР часці Войска Польскага. Самы актыўны ўдзел у аперацыі «Баграціён» прымалі партызанскія злучэнні.

Ўжо 3 ліпеня быў вызвалены Мінск – сталіца БССР.