Անկախության և ինքնիշխանության գլխավոր չափանիշը սեփական ճակատագիրը տնօրինելու՝ այսինքն քաղաքականությամբ զբաղվելու իրավունքն է։ Դա է բացարձակ անկախությունը, ոչ թե դրա մասին անդադար խոսելն ու թուրքերի պահանջները կատարելը։

Բոլոր այն կեղծ մտավորականներն ու հանրային գործիչները, որոնք այս տարիներին «քաղաքականությամբ չեմ զբաղվում» արտահայտությամբ փախնում են պատասխանատվություն, փաստացի Հայաստանի անկախության ու ինքնիշխանության դեմ են։

պ.գ.թ., թյուրքագետ Վարուժան Գեղամյան | @varuzhandragoman

Կից նկարում երևացող գրառումն արել եմ 2023 թ. սեպտեմբերի 20-ին, երբ Հայաստանի դե-ֆակտո իշխանությունները թույլ տվեցին, որ Արցախը վերջնական գրավեն Ադրբեջանական ցեղասպան զորքերը։

Հիմա 3-րդ կետում ենք։
Եկե՛ք կանգնացնենք այս ամենը։ Դրա համար պետք է տարածել, քարոզել, կազմակերպել դիմադրություն։ Այդ հարցում բոլորս անելիք ունենք։

պ.գ.թ., թյուրքագետ Վարուժան Գեղամյան | @varuzhandragoman

Թարմ հարցում Ադրբեջանից

Ադրբեջանական սոցիալական հետազոտությունների կենտրոնը Ադրբեջանի պետական մանկավարժական համալսարանի պատվերով իրականացրել է սոցիոլոգիական հարցում՝ նվիրված այսպես կոչված «Արևմտյան Ադրբեջանին» (այսինքն՝ Հայաստանի Հանրապետությանը)։

Հարցման արդյունքները վկայում են, որ թշնամական երկրում պետական քարոզը այնքան մեծ ծավալների է, որ ադրբեջանական հասարակության ճնշող մեծամասնության համար «Արևմտյան Ադրբեջանը» դարձել է նոր ազգային նպատակ։

Առանց հավելյալ մեկնաբանության տեղադրում եմ հետազոտությունից մի քանի հարցերի պատասխաններ, քանի որ դրանք ինքնին շատ խոսուն են՝ մեզ համար Հայաստանի դե-ֆակտո իշխանության կողմից կառուցվող «ապագայի» համատեքստում։

Ստորև հարցերը.

📍«Զանգեզուրը, Իրևանը և Գյոյչան (Սևան) (այսինքն՝ Արևմտյան Ադրբեջանը) համարո՞ւմ եք Ադրբեջանի տարածքները» հարցին հարցվածների 96,2 %-ը պատասխանել է «այո»։

📍«Որքա՞ն ժամանակից կիրականանա դեպի Արևմտյան Ադրբեջան վերադարձը» հարցին հարցվածների 58,1%-ը պատասխանել է «առաջիկա 5 տարում», իսկ 19,9%-ը՝ «5-10 տարում»։

📍«Արևմտյան Ադրբեջան վերադարձի քաղաքականության ո՞ր ձևաչափին եք աջակցում» հարցին հարցվածների 73%-ը պատասխանել է «բանակցությունների միջոցով», իսկ 15,7%-ը «ռազմական ճանապարհով»։

📍 «Արևմտյան Ադրբեջան վերադարձը կախվա՞ծ է Զանգեզուրի միջանցքից» հարցին հարցվածների 76,9%-ը պատասխանել է, որ «միջանցքի բացումը պարտադիր պայման է այդ վերադարձի համար»։

Համադրելով այս հարցման արդյունքները ներկայումս Ադրբեջանի վարած ռազմական և դիվանագիտական քաղաքականության հետ՝ կտեսնեք, թե իրականում ինչու է պետք այս պահին հնարավորինս արագ գրավել Տավուշի ամենաամրացված հատվածները։

Իսկ կից նկարում Ադրբեջանի պետական մանկավարժական համալսարանի պատի վրա «Արևմտյան Ադրբեջանի» քարտեզն է։

պ.գ.թ., թյուրքագետ Վարուժան Գեղամյան | @varuzhandragoman

Հեռախոսազրույց են ունեցել Ամենայն հայոց կաթողիկոս Գարեգին Երկրորդը և Կիլիկիո կաթողիկոս Արամ Առաջինը։
Պաշտոնական հաղորդագրությունից ամենակարևորը.

«Վեհափառ Հայրապետները վերաշեշտեցին Հայաստանի Հանրապետության տարածքային ամբողջականությունը ու անվտանգությունը ամուր պահելու հրամայականը եւ այս ուղղությամբ հայ եկեղեցու անխախտ հանձնառությունը: Միաժամանակ, Հայրապետները ընդգծեցին մեր ժողովրդի ներքին միասնականությունը ամրապնդելու անհրաժեշտությունը, հատկապես ներկա տագնապալից օրերին»։

պ.գ.թ., թյուրքագետ Վարուժան Գեղամյան | @varuzhandragoman

Հայաստանի դե-ֆակտո իշխանությունը վերջին օրերին մեծ գրոհ է սկսել Հայ առաքելական եկեղեցու և անձամբ Բագրատ սրբազանի դեմ։ Պատճառը, ինչպես կռահում եք նույնն է. քանդել ու հեղինակազրկել հայ ազգային դիմադրության ցանկացած դրսևորում (բարևներ «երրորդ ուժ» սպասողներին)՝ սեփական իշխանությունը պահելու համար։

Ինչ կարելի է անել այս հարցում իշխանությանը պարտության մատնելու համար։

Շատ պարզ. նախ չհետևել, չկարդալ, չկիսել իշխանություններին սպասարկող մեդիաներին ու անձանց։ Երկրորդ, պատմել և բացատրել մեր շրջապատում, որ զանազան անհայտ ծագման լրագրողներ, կայքեր ու խոսող գլուխներ (որոնք ներկայանում են որպես ամենագետ մասնագետ) սուտ են քարոզում՝ նպատակ ունենալով պահել իշխանությունը։ Ահա մի օրինակ, թե ինչպես են ստում սրբազանի մասին իշխանության մեդիաները։

պ.գ.թ., թյուրքագետ Վարուժան Գեղամյան | @varuzhandragoman

Թուրքական ոստիկանությունը փակել է դեպի Ստամբուլի կենտրոնական՝ Թաքսիմի հրապարակ տանող ճանապարհները, որպեսզի ընդդիմությունը չկարողանա այնտեղ մայիսմեկյան ցույց անել։

պ.գ.թ., թյուրքագետ Վարուժան Գեղամյան | @varuzhandragoman

Բաքվում այսօր պաշտոնական արարողությամբ բացվել է «Արևմտյան Ադրբեջանի հեռուստաընկերության» շենքը։
Պետական պատվերով աշխատող հեռուստաընկերությունը հեռարձակելու է եռալեզու եթեր (ադրբեջաներեն, ռուսերեն և անգլերեն), որոնք պետք է «ներկայացնեն ադրբեջանցիներին և աշխարհին գրավված Արևմտյան Ադրբեջանի մասին ճշմարտություններն ու այնտեղ ետվերադարձի հայեցակարգը»։

Սա էլի մեզ համար պատրաստվող «խաղաղության» քաղաքականության դրվագներից է, որի դեմ դեռ կարող ենք պայքարել։

պ.գ.թ., թյուրքագետ Վարուժան Գեղամյան | @varuzhandragoman

Բացառապես ժողովրդական աջակցությամբ իշխանությունը զավթածները առավոտ լույսով ծեծում են այդ նույն հայ ժողովրդին, որպեսզի թույլ չտան վերջիններիս պաշտպանել սեփական տունը և այդ տունը հանձնել Ադրբեջանին: Դրա միակ նպատակը` սեփական իշխանությունը պահելն է:

Ու դեռ շատ են անելու ու բոլորին, քանի դեռ մենք չենք կանգնեցրել դա: Իսկ մենք կարող ենք:

https://t.iss.one/armnationalfront/704

պ.գ.թ., թյուրքագետ Վարուժան Գեղամյան | @varuzhandragoman

Ադրբեջանում, ամենայն հավանականությամբ, կանցկացվեն արտահերթ խորհրդարանական ընտրություններ։ Այդ մասին երեկ հայտարարել է Ադրբեջանի ԿԸՀ նախագահը։

Սա կարող է փոխկապակցված լինել Հայաստանի վրա պատրաստվելիք նոր հարձակմամբ։

պ.գ.թ., թյուրքագետ Վարուժան Գեղամյան | @varuzhandragoman

Կիրանցի Կադաստրի քարտեզը և ապագա սահմանը

Էս մանուշակագույնով սահմանն ա կառավարության կողմից կոորդինատներով ներկայացվել Կիրանցի բնակիչներին (ըստ պատգամավոր Գառնիկ Դանիելյանի):

Թվերով նշված բոլոր կտորները ինչ-որ մեկի սեփականությունն ա, ինչը հաստատում ա Կադաստրը իրա պաշտոնական քարտեզով։

Մի երկու նշում եմ ավելացրել, որ պարզ լինի տարածքը։

N.B. Նախորդ հրապարակած քարտեզը (Google-ով) փաստացի համապատասխանում ա էս մեկին, աչքի համար ավելի հասկանալի ա:

P.S. Վերևում կադաստրի թղթերի կտորն ա երևում։

@Arm_Aeternum7

Ցավոք, սա շատ հավանական ապագա է: Բայց մենք հենց այսօր կարող ենք այն կանգնեցնել:

Ոտքի կանգնենք, որ կանգնացնենք:

պ.գ.թ., թյուրքագետ Վարուժան Գեղամյան | @varuzhandragoman

Շաբաթնօրյա քաղաքական պարզ իրողություններ, որոնք բանալի են՝ հասկանալու և գործելու։

◾Հայաստանն ու հայությունն ունեն մեկ հստակ թշնամի՝ Թուրքիան (իր կցորդ պետությամբ՝ Ադրբեջանով)։

◾Մնացած պետություններն իրենց շահերն են հետապնդում՝ դիրքավորվելով հայ-թյուրքական հակամարտության շուրջ։ Ու կախված, թե որ կողմն է պատրաստ պայքարելու ու հաղթելու, կառուցում են իրենց քաղաքականությունը կողմերից յուրաքանչյուրի հետ։

◾Հայաստանի դե-ֆակտո իշխանությանը ուղիղ և անուղղակի աջակցում են Թուրքիան և Ադրբեջանը։ 2020 թ. նոյեմբերից ի վեր պաշտոնական տասնյակ հայտարարությունները վկա։
Ինչո՞ւ։ Որովհետև այս իշխանության պահպանման պարագայում իրենք առաջիկա ամիսներին ու տարիներին կուլ կտան Հայաստանը՝ պատերազմով կամ առանց։

◾Այլ՝ դիմադրող իշխանության պարագայում Թուրքիայի և Ադրբեջանի համար Հայաստանի վրա հարձակումը ոչ միայն չի երաշխավորում հաղթանակ, այլև կարող է հակառակ արդյունքը ունենալ։ Ուստի իրենց համար Հաայաստանը գրավելու միակ իրական երաշխիքը Հայաստանի ներկայիս իշխանության պահպանումն է։

Ի՞նչ պետք է անենք մենք։ Պատասխանում եմ կից կարճ տեսանյութում։ Խնդրում եմ տարածել։

պ.գ.թ., թյուրքագետ Վարուժան Գեղամյան | @varuzhandragoman

⚡️⚡️⚡️ Տավուշում ժողովրդական դիմադրության առաջնորդներից Բագրատ սրբազանը քիչ առաջ հայտարարեց, որ քայլերթով շարժվում են դեպի Երևան, քանի որ միայն համազգային ջանքերով է հնարավոր հասնել հաջողության:

Ուստի քայլերթը մայիսի 9-ին կհասնի Երևան: Դրանից հետո ամեն ինչ կախված է մեզանից բոլորից:

պ.գ.թ., թյուրքագետ Վարուժան Գեղամյան | @varuzhandragoman

⚡️«4 տարի սպասել ենք այս օրվան» «մենք այս շարժման զինվորն ենք»

Զոհված զինծառայողների ծնողներն օհնեցին դեպի Երևան ուղևորվող շարժումը

«Միակողմանի զիջումների այս ընթացքը, որը վերջ ու սահման չունի, պետք է դադարեցվի և կասեցվի», - Բագրատ Սրբազան։

#հավերժականՀայաստանը

🆔 @vardan_voskanyan