#Фойдали_маълумот

"ВАҚФНОМА"

Ҳар бир соҳа каби вақф мулкчилиги ҳам ўз ҳужжат тизимига эга. Вақф мулкчилигининг бош ҳужжати – вақфнома.

Вақфнома – мулк эгалари ўз мол-мулкларини диний эҳтиёж ёки хайрия ишлари учун берганлиги тўғрисидаги ҳужжат. Вақфномада мулкнинг вақфга ўтказилиш сабаби, вақф қилинган мулкнинг таъриф-тавсифи (қандай мулк экани, жойлашган жойи, майдони, ўлчамлари, чегаралари), мулк эгасининг номи, вақф мулкларидан фойдаланиш тартиби ва шартлари, вақф қилинган мулкнинг бошқарувчиси, гувоҳлар кўрсатилади.

Вақфномага гувоҳлар шаҳодати (имзоси) ва қози тасдиғи керак бўлади. Бундан ташқари, вақф мулкчилигида яна иноятнома, ёрлиқ, “ҳукми қози”, баённома, васиқа, ривоят, тилхат, “хатти иқрор”, буйруқ, гувоҳнома, рухсатнома, ваколат каби ҳужжатлар ҳам юритилади.

Сафимизга қўшилинг: @vaqfuz

#Фойдали_маълумот

Вақфнинг тўртта рукни бўлиб, улар:

1. Вақф қилувчи шахс (воқиф);
2. вақф қилиш лафзи (сийға);
3. вақф қилинаётган мол (мавқуф);
4. вақф моли тасарруф этиладиган жиҳат (мавқуф алайҳи).

Ижтимоий тармоқлардаги саҳифаларимиз:
TELEGRAM | YOUTUBE | TikTok | INSTAGRAM | FACEBOOK

#Фойдали_маълумот

“Ҳазрати Умар Хайбарда ерга эга бўлади. Сўнг Пайғамбар алайҳиссаломнинг ҳузурларига бориб маслаҳат сўрайди:
– Эй Аллоҳнинг Расули, мен Хайбардан ерга эга бўлдим. Ҳеч қачон ундан қимматлироқ бойликка эга бўлмаганман. Уни нима қилишга амр этасиз?” – деди.
“– Агар хоҳласанг, аслини тутиб қолиб, (фойдасини) садақа қиласан”, – дедилар у зот (имом Бухорий ривояти).

Мазкур ҳадисга кўра уламолар “вақф молнинг аслини тутиб туриб, фойдасини Аллоҳга қурбат ҳосил қилиш учун сарфлашга айтилади” – деганлар.

https://t.iss.one/vaqfuz

Ижтимоий тармоқлардаги саҳифаларимиз:
TELEGRAM | YOUTUBE | TikTok | INSTAGRAM | FACEBOOK