⚡️Akademik litseylarga kirish test sinovlari oʻtkazilish sanasi va vaqti aniq boʻldi

🗓 Kirish test sinovlari 2023-yil 24-iyul kuni Bilim va malakalarni baholash agentligi tomonidan maxsus belgilangan hududlarda ikki smenada oʻtkaziladi.

⏰ Test sinovlarini oʻtkazilish vaqti

birinchi smena soat 9:00 da boshlanadi.
ikkinchi smena soat 15:00 da boshlanadi.

❗️Test sinovlarini oʻtkazilish hududi va imtihonga kirish ruxsatnomasini olish yuzasidan qoʻshimcha maʼlumot beriladi.

✔️ Eslatma: Prezident qaroriga (PQ-200, 03.07.2023-y.) asosan bu yildan e’tiboran ALga oʻquvchilarni qabul qilishda yozma imtihon asosida dastlabki saralash bosqichi bekor qilingan.

👉 Fanlar majmuasi, test topshiriqlari soni va baholash mezoni (matn ustiga bosing)

👉 IQ aniqlash bo‘yicha adabiyotlar ro‘yxati (matn ustiga bosing)

✅Ta’lim nazorati rasmiy kanali

⚡️ Endi malaka toifasi boʻyicha maʼlumotnomani Telegram botdan yuklab olish mumkin!

📥 Ustoz va murabbiylarga qulaylik yaratish maqsadida JSHSHIR (PINFL) orqali telegram botga kirib malaka toifasi haqidagi maʼlumotlarni bilish va ularni PDF formatidagi maʼlumotnoma koʻrinishida yuklab olish imkoniyati yaratildi.

🗂 Buning uchun Taʼlim nazorati kanalining ✅@uztdibot manzilidagi telegram botiga kirib sertifikat izlash boʻlimini tanlash va har bir pedagog JSHSHIR (PINFL) ni yuborishi kifoya. Ushbu xizmat mutlaqo bepul hisoblanadi.

✅ Taʼkidlash joizki, @uztdibot manzilidagi telegram botimiz ishonchli sifatida Telegram maʼmuriyati tomonidan verifikatsiyalangan boʻlib, qidirganingizda koʻk belgi (✅галочка )si mavjud.

📬 Ushbu xizmat hozirlikcha test rejimida ishga tushirilgan boʻlib, undan foydalanishni yuzaga kelgan noqulayliklar va uni takomillashtirish boʻyicha takliflaringizni ushbu botning savol yoki taklif yuborish boʻlimi orqali yuborishingiz mumkin.

✅Ta’lim nazorati rasmiy kanali

Abituriyentlar diqqatiga!

📆 2023-yil 20-iyul — OTMlarining bakalavriat ta’lim yo‘nalishlariga abituriyentlarni ro‘yxatga olishning so‘nggi kuni bo‘lib, mazkur jarayon 20-iyul kuni 23:59 da to‘liq yakunlanadi.

👨🏻‍💻 Oldingi yillardan ma’lumki, qabulning so‘nggi kunlarida ro‘yxatdan o‘tuvchi abituriyentlar soni keskin ortadi va abituriyentlar shoshilib ro‘yxatdan o‘tishni boshlaydi.

Hurmatli abituriyentlar!

❗️ Ro‘yxatdan o‘tish uchun qabulning so‘nggi kunlarini kutmang. Imkon boricha ertaroq ro‘yxatdan o‘ting. Yaqinlaringiz bilan maslahatlashib, tezroq bir qarorga keling.

✅ Ro‘yxatdan o‘tishda tanlov ustuvorligi, maqsadli qabul, ta’lim shakli, ta’lim tili, yo‘nalishlar ketma-ketligi, chet tili va test topshirish hududini tanlashda e’tiborli bo‘ling.

🖥 20-iyul kuni 23:59 ga qadar barcha ma’lumotlaringizni o‘zgartirishingiz mumkin (to‘lov qilingan bo‘lsa ham). Lekin qabul yakunlangandan so‘ng tanlovingizni o‘zgartira olmaysiz.

✅ Shu sababli qabulning so‘nggi kunlarini kutmasdan ertaroq ro‘yxatdan o‘tishni, tanlov qilishda e’tiborli bo‘lishni va ma’lumotlaringizni sinchiklab tekshirib olishni tavsiya qilamiz.

🌐 Ro‘yxatdan o‘tish uchun sayt manzili: my.uzbmb.uz

📹 Ro‘yxatdan o‘tish bo‘yicha videoqo‘llanma: https://t.iss.one/uztdi/6937

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

❓ Abituriyent hujjat topshirishda grantni tanlasa, kontraktda o‘qiy olmaydimi?

◼️ Tanlov ustvorligini tanlash — abituriyentlar uchun yaratilgan eng qulay imkoniyatlardan biri. Bunda abituriyent bilimiga qarab avval grantda o‘qish imkoniyatlarini ko‘rib chiqadi.

Qanday qilib tanlash mumkin?

Abituriyent OTMga hujjat topshirayotganda 2 xil usuldan birini tanlashi mumkin:

1️⃣ “Davlat granti”ni tanlasa — tanlagan barcha ta’lim yo‘nalishlarida dastlab davlat granti, so‘ngra to‘lov-kontrakt asosida;

2️⃣ “Ta’lim yo‘nalishi”ni tanlasa — har bir ta’lim yo‘nalishida davlat granti va to‘lov-kontrakt asosida ketma-ket tanlovda ishtirok etadi.

📌 Tanlov abituriyent tanlagan ta’lim yo‘nalishlarining qat’iy ketma-ketligi bo‘yicha u tanlagan ustuvorlik asosida amalga oshiriladi.

Qisqa aytganda, abituriyent 1-usulda eng avval faqat grantga balli yetadigan joylarni, 2-usulda esa ham grant, ham kontraktga balli yetadigan joylarni tanlagan holda talaba bo‘lishi mumkin.

Masalan, abituriyent grant ustuvorligini tanlagan: u Toshkent tibbiyot akademiyasiga kontrakt, Samarqand tibbiyot institutiga esa grant o‘qishga kirdi. U grant ustuvorligini tanlagani uchun avtomatik ravishda Samarqand tibbiyot insituti talabasi bo‘ladi.

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

transfer.edu.uz platformasi orqali o‘qishni ko‘chirish yuzasidan ariza berish bo‘yicha videoyo‘riqnoma

Ushbu platforma orqali davlat OTMning biridan boshqasiga ko‘chirish uchun ariza beriladi.

Bir OTM doirasida mos va turdosh yo‘nalishlari bo‘yicha o‘qishini ko‘chirish rektorning buyrug‘i asosida amalga oshiriladi.

Ma’lumot uchun, xorijdagi yoki respublikamizdagi nodavlat OTMlardan o‘qishni ko‘chirish my.uzbmb.uz sayti orqali amalga oshiriladi.

✅Ta’lim nazorati rasmiy kanali

Sanjar Obidov Toshkent shahar hokimining o‘rinbosari etib tayinlandi

Obidov Sanjar Omonxo‘jayevich Toshkent shahar hokimining yoshlar siyosati, ijtimoiy rivojlantirish va ma'naviy-ma'rifiy ishlar bo‘yicha o‘rinbosari etib tayinlandi.

Sanjar Obidov 1986-yilda Farg‘ona viloyatida tug‘ilgan. Ma'lumoti oliy. Toshkent moliya institutini va Buyuk Britaniyaning Sterling universitetini tamomlagan.

Bugunga qadar qator mas'ul lavozimlarda – O‘zbekiston Respublikasi Vazirlar Mahkamasi huzuridagi Ta'lim sifatini nazorat qilish davlat inspeksiyasi Pedagog kadrlar sifati nazorati, ta'lim hujjatlarini legallashtirish, tan olish va nostrifikatsiya qilish bosh boshqarmasi boshlig‘i, Xorijiy tillarni o‘rganishni ommalashtirish agentligi direktori v.v.b bo‘lib ishlagan.

✅Ta’lim nazorati rasmiy kanali

⚡️ Telefon raqamini yo‘qotgan abituriyentlar yangi telefon raqami orqali ro‘yxatdan o‘tishlari mumkin

✅ Ko‘plab abituriyentlar tomonidan bo‘layotgan murojaatlardan kelib chiqqan holda my.uzbmb.uz saytida ro‘yxatdan o‘tgan telefon raqamini yo‘qotgan talabgorlar uchun tegishli o‘zgartirishlar kiritilgan.

👨🏻‍💻 Endilikda my.uzbmb.uz saytida ro‘yxatdan o‘tgan telefon raqamini yo‘qotgan talabgorlar yangi telefon raqami orqali ro‘yxatdan o‘tishlari mumkin.

🔗 Bunda talabgor yangi telefon raqami orqali ro‘yxatdan o‘tib, shaxsiy identifikatsiya raqami (JShShIR)ni kiritganda uning barcha ma’lumotlari yangi telefon raqamiga biriktiriladi.

O‘qishga qabul qilish parametrlarining ta’lim yo‘nalishlari va o‘qitish tillari bo‘yicha taqsimoti

🔹BAKALAVR:

➖ KUNDUZGI — 127 259 nafar;

➖ SIRTQI — 49 078 nafar;

➖ KECHKI — 11 125 nafar.

➖ MASOFAVIY — 2 825 nafar.

✅Ta’lim nazorati rasmiy kanali

⚡️O‘qishni ko‘chirish uchun qaysi davlatda o‘qiyotgan talabalar eng ko‘p ariza topshirgani ma’lum qilindi

Xorijiy va xususiy OTMlarda o‘qiyotgan talabalar davlat OTMlariga o‘qishini ko‘chirish uchun my.uzbmb.uz sayti orqali ro‘yxatdan o‘tishi mumkin. Hozirgacha 3,7 ming talaba onlayn ro‘yxatdan o‘tgan.

Qabul qachon tugaydi?
O‘qishni ko‘chirish uchun arizalar qabuli 5-avgustgacha davom etadi. Xorijiy va nodavlat OTMlardan o‘qishini ko‘chirmoqchi bo‘lganlar ariza berishi mumkin.

Eng ko‘p ariza topshirgan davlat talabalari
🇺🇿 O‘zbekiston — 1 961 nafar (52,15 %)
🇰🇬 Qirg‘iziston — 945 nafar (25,13 %)
🇷🇺 Rossiya — 376 nafar (10 %)
🇹🇯 Tojikiston — 246 nafar (6,54 %)
🇰🇿 Qozog‘iston — 164 nafar (4,36 %)
▶️ Qolgan davlatlar — 68 nafar (1,81 %).

O‘tish ballari qanday?
"Perevod" uchun bir yil oldingi kirish imtihonlari asos qilib olingan holda o‘tish ballari belgilanadi.
👉 Bu yilgi o‘tish balli.

❗️Eslatma: "Perevod"chilar uchun test imtihonini Bilimlarni baholash agentligi o‘tkazadi.

✅Ta’lim nazorati rasmiy kanali

⚡️ Rus tili (taʼlim rus tilida olib borilmaydigan sinflar) oʻqituvchilarini ishga qabul qilishda ulardan Sertifikat talab qilinmaydi

Maʼlumki, Vazirlar Mahkamasining 2021-yil 19-maydagi 312-son Qaroriga asosan, 2022/2023 oʻquv yilidan boshlab davlat taʼlim muassasalarining xorijiy tillar oʻqituvchisi lavozimiga ishga qabul qilinayotgan nomzodlar kamida B2 darajadagi milliy yoki unga tenglashtirilgan mos darajadagi xalqaro sertifikatga ega boʻlishi belgilangan edi.

Oʻtgan yili maktablarda xorijiy tillarni oʻqitish jarayoni davomiyligini taʼminlash maqsadida Hukumat tomonidan B2 darajadagi milliy yoki xalqaro sertifikatga ega boʻlmagan chet tili fani oʻqituvchilarini ishga qabul qilinmaslik xususidagi talab 2023/2024- oʻquv yilidan kuchga kirishi yuzasidan topshiriq berilgan edi.

👉 Yuqoridagilarni inobatga olib, 2023/2024-oʻquv yilidan boshlab yangi ishga kirayotgan xorijiy tillar oʻqituvchilaridan B2 darajadagi sertifikat talab qilinadi.

Eslatib oʻtamiz, 2024/2025-oʻquv yilidan maktabdagi har qanday chet tili fani oʻqituvchisi B2 darajadagi sertifikatga ega boʻlishi talab etiladi.

✅Ta’lim nazorati rasmiy kanali

⚡️ Endi nodavlat va xorijiy OTMlarga ham qabul yilda bir marotaba (iyun — sentyabr oylari oralig‘ida) bo‘ladi

Prezidenti farmoni bilan kiritilgan o‘zgarishga ko‘ra davlat, nodavlat va xorijiy oliy ta’lim tashkilotlari hamda ularning filiallari bakalavriati va magistraturasiga qabul bir o‘quv yilida bir marta (iyun — sentyabr oylari oralig‘ida) amalga oshiriladi.

Bunda, zarur hollarda, oliy ta’lim tashkilotlari magistraturasiga bir o‘quv yilida ikkinchi marta qabul qilishga Oliy ta’lim, fan va innovatsiyalar vazirligining taklifiga asosan Davlat komissiyasi tomonidan ruxsat etilganda yo‘l qo‘yiladi.

✅Ta’lim nazorati rasmiy kanali

⚡️Akademik litseylarga hujjat topshirgan o‘quvchilar va ularning ota-onalari diqqatiga!

🔰Xabar berganimizdek, akademik litseylarga kirish test sinovlari 2023-yil 24-iyul kuni Bilim va malakalarni baholash agentligi tomonidan maxsus belgilangan hududlarda o‘tkaziladi.

Akademik litseylarga hujjat topshirgan abituriyentlar 20-iyul kech soat 18:00 dan boshlab quyidagi tartibda test sinovlariga kirish ruxsatnomasini:

👉 litsey.edu.uz saytidagi shaxsiy kabinetiga o‘zining login va paroli bilan kirgan holda yuklab olishi;

👉 yoki bevosita hujjat topshirgan akademik litseydan borib olishi mumkin.

Abituriyentlardan test sinovi o‘tkaziladigan hududga belgilangan vaqtdan kamida 1 soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari so‘raladi.

✅Ta’lim nazorati rasmiy kanali

❓ Qaysi ta’lim shaklida faqat kontrakt bilan o‘qiladi?

Ma’lumki, qabul kvotalari 4 ta ta’lim shakli uchun alohida-alohida tasdiqlandi.

Bunda:
➖Kunduzgi ta’lim shakli uchun ham grant, ham to‘lov-kontrakt o‘qish imkoni bor.
➖Sirtqi ta’lim shakli uchun kvotalar faqat to‘lov-kontrakt uchun ajratilgan. Ya’ni sirtqiga kiradigan abituriyentlarda grant o‘qish imkoni yo‘q.
➖Kechki ta’lim shakli ham xuddi shunday: faqat kontrakt asosida o‘qish mumkin.
➖Masofaviy ta’lim shakli uchun ham grant o‘rinlar ajratilmagan.

📌 Demak, maqsadi faqat grant o‘qish bo‘lgan abituriyentlar 5 ta yo‘nalishni ham faqat kunduzgi ta’lim shakli bo‘yicha tanlaganlari ma’qul.

✅Ta’lim nazorati rasmiy kanali

⚡️ Maktablarda yuqori internet tezligiga ega tarif rejalari joriy etiladi

Normativ-huquqiy hujjatlar loyihalari muhokamasi portaliga Vazirlar Mahkamasining "Umumtaʼlim maktablarini zamonaviy kompyuter texnikalari bilan taʼminlash boʻyicha qoʻshimcha chora-tadbirlar toʻgʻrisida"gi qarori loyihasi joylashtirildi.

Unga ko‘ra, Raqamli texnologiyalari vazirligi 2024-yil 1-yanvarga qadar umumtaʼlim maktablari uchun yuqori tezlikda va cheklovlarsiz kirish imkonini beradigan yangi tarif rejasini ishlab chiqishi ko‘zda tutilgan.

Bunda, taʼlim muassasalarida 400 nafargacha oʻquvchisi boʻlgan umumiy oʻrta taʼlim muassasalarida Internet tezligi kamida 40 Mbit/s, oʻquvchilar soni 400 nafardan koʻp boʻlganlarda — kamida 100 Mbit/s boʻladi;

“New Education” tarif rejasining har bir tezlikdagi paketi uchun har oylik abonent toʻlovi miqdorlarini belgilash va bunda taʼlim tashkilotlari tomonidan internet xizmatlaridan tungi vaqtda foydalanilmasligi inobatga olinadi.

Qarorga muvofiq, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari umumtaʼlim maktablarini yuqori tezlikdagi internetga ulash hamda yil davomida uzluksiz ishlashi uchun zarur mablagʻlarni oʻz vaqtida mahalliy byudjetdan moliyalashtirib borishi ko‘zda tutilgan.

✅Ta’lim nazorati rasmiy kanali

❕ Universitetlarda masofaviy ta''limni tashkil etish, taʼlim jarayonlarini avtomatlashtirish va samaradorlikni oshirish bugungi kunda dolzarb mavzuga aylandi.

Hozirda yuqori reytingni egallab turgan barcha oliygohlar:

🗄 taʼlim sifatini yuqori darajada ushlab turish
🗄 talabalarni oʻzlashtirishini kuzatib borish
🗄 oʻqituvchilar ishini nazorat qilish
maqsadida zamonaviy LMS dasturlaridan foydalanishadi.

LMS dasturi oliygohlarga

🗄 Oʻqituvchilar dars berish metodologiyalarini yuqori darajaga olib chiqish va samaradorligini oshirishni
🗄 Topshiriqlar berish va ularni baholashni
🗄 Video qoʻllanmalar orqali talabalarga fanni chuqurroq oʻrganishini
🗄 Elektron kutubxonani
🗄 Oliygoh ichida talaba va xodimlar oʻrtasida maʼlumot almashinuvini taʼminlab berish
🗄Masofaviy ta'limni tashkil etish
🗄Avtomatlashtirilgan ta'limni tashkil etish imkoniyatiga ega

🌟 Wisespace LMS platformasi — eng soʻnggi texnologiyalardan foydalangan holda har kuni yangilanib bormoqda.

✅ Agar siz oliygohingiz zamon talabiga binoan oʻsishni rejalashtirayotgan boʻlsa kompaniyaga aloqaga chiqishingiz va konsultatsiya olishingiz mumkin.

🖥 Platforma masofaviy taʼlim nizomlariga toʻgʻri keluvchi funksiyalarni oʻz ichiga olgan.

Aloqa uchun:

💻 Wisespace.uz saytida arizangizni qoldiring, yoki

☎️ +998 97 734 84 01 raqamlariga telefon qilishingiz mumkin.

❗️Tayanch ixtisoslashtirilgan maktablarining imtihonlari joriy yilning 25-26-iyul kunlari bo‘lib o‘tadi.

📲 Imtihon ruxsatnomasini yuklab olish uchun talabgorning ariza.piima.uz saytiga kiritilgan telefon raqamlariga sms-xabarnoma yuboriladi.

📥Ruxsatnomani yuklab olish uchun talabgor ariza.piima.uz saytiga kirib, “Shaxsiy kabinet” iga o’z ID raqamini kiritishi kerak.

🔹 Kirish imtihonlari bir bosqichda yo'nalishlar bo'yicha quyidagi tartibda o'tkaziladi:

➖Aniq fanlar yo'nalishi uchun:
-matematika fanidan 30 ta topshiriq (test shaklida)
-ingliz tili fanidan 15 ta topshiriq (test shaklida)

➖Tabiiy fanlar yo'nalishi uchun:
-tabiiy (sceince) fanlaridan 30 ta topshiriq (test shaklida)
-ingliz tili fanidan 15 ta topshiriq (test shaklida)

⏰ Talabgorlarga topshiriqlarni bajarish uchun 90 daqiqa vaqt beriladi.

🏫 2023-2024-o‘quv yilida Ixtisoslashtirilgan taʼlim muassasalari agentligi tizimidagi 3 ta Tayanch ixtisoslashtirilgan maktablari:
➖Muhammad al-Xorazmiy nomidagi ixtisoslashtirilgan maktabining – aniq fanlar yo‘nalishi bo‘yicha 5-sinfiga;
➖ Mirzo Ulug‘bek nomidagi ixtisoslashtirilgan maktabining – aniq fanlar yo‘nalishi bo‘yicha 7-sinfiga;
➖Abu Ali ibn Sino nomidagi ixtisoslashtirilgan maktabining – tabiiy fanlar yo‘nalishi bo‘yicha 7-sinfiga qabul qilinadi.

✅Ta’lim nazorati rasmiy kanali

⚡️Bakalavriatga qabul tugayapti. Abituriyentlar hisobida 1 kun qoldi

◼️ Bugun, 20-iyul kuni soat 23:59 da OTMlarning bakalavriat bosqichi uchun qabul tugaydi. Hozirgacha 900 mingga yaqin abituriyent onlayn ro‘yxatdan o‘tgan.

Abituriyentlarga ro‘yxatdan o‘tishni oxiriga qoldirmaslik, to‘lovni kechiktirmasdan amalga oshirish, ma’lumotlarni tahrirlashni ham tezroq tugatish so‘ralyapti. Sababi qabulning oxirgi kunida sayt yuklamasi yuqori bo‘ladi.

Foydali ma’lumotlar:
➖ Qabul kvotalari — turli ta’lim shakllari bo‘yicha;
➖ Hujjat topshirish bo‘yicha yo‘riqnoma;
➖ Fanlar majmuasi;
➖ 2023-yilgi qabulda yangi ochilgan yo‘nalishlar ro‘yxati.

✅Ta’lim nazorati rasmiy kanali

⚡️ Chet tilidan ijodiy imtihon topshiradigan abituriyentlar diqqatiga!

📆 Ertaga, 21-iyul kuni barcha hududlarda chet tilidan ijodiy imtihonning yozma (tinglab tushunish, o‘qish, yozma ish) qismi boshlanadi.

✅ Imtihonning yozma qismi 23-24-25-iyul kunlari 2 smenada bo‘lib o‘tadi. Bunda:

1️⃣-smena — 08:00 (imtihonga yetib kelish vaqti — 07:00) da;
2️⃣-smena — 15:00 (imtihonga yetib kelish vaqti — 14:00) da boshlanadi.

👨🏻‍💻 Abituriyentlar qachon, qayerda imtihonda ishtirok etishini my.uzbmb.uz sayti orqali shaxsiy kabinetidan bilishlari va ruxsatnomani yuklab olishlari mumkin.

📌 Abituriyentlar imtihon o‘tkaziladigan binoga imtihon boshlanishidan 1 soat oldin shaxsini tasdiqlovchi hujjat va ruxsatnoma bilan kelishlari lozim.

❗️ Imtihonga kechikkan yoki kelmagan abituriyentlar uchun qo‘shimcha imtihon o‘tkazilmaydi.

✅Ta’lim nazorati rasmiy kanali

⚡️Akademik litseylarga kirish imtihonlarida ishtirok etish uchun hujjat topshirgan o‘quvchilar diqqatiga!

Akademik litseylarga hujjat topshirgan abituriyentlar quyidagi tartibda test sinovlariga kirish ruxsatnomasini olishi mumkin:

1️⃣ my.edu.uz platformasida shaxsiy kabinetga login va parol bilan kirgan holda yuklab olishi;

2️⃣ Bevosita hujjat topshirgan akademik litseydan borib olishi mumkin.

❗️Eslatma: Abituriyentlardan test sinovi o‘tkaziladigan hududga belgilangan vaqtdan kamida 1.5 (bir yarim) soat oldin shaxsini tasdiqlovchi hujjat va test sinovida ishtirok etish uchun ruxsatnoma bilan kelishlari so‘raladi.

✅Ta’lim nazorati rasmiy kanali

⚡️Respublikadagi professional ta’lim muassasalarida o‘quvchilar oʻqishini koʻchirish uchun arizalar qabuli boshlandi

Professional ta’lim muassasalari (Adliya vazirligining yuridik texnikumlaridan tashqari) o‘quvchilarning o‘qishini ko‘chirish yuzasidan arizalar joriy yilning 20-iyulidan 10-avgustiga qadar o‘quvchi tahsil olayotgan professional ta’lim muassasalarining o‘zida qabul qilinadi.

O‘qishni boshqa ta’lim muassasalariga ko‘chirish yuzasidan berilgan arizalar qabul qiluvchi ta’lim muassasasi bo‘ysunuvchi tegishli vazirliklar va idoralar tomonidan joriy yilning 15 avgust kunidan boshlab ko‘rib chiqiladi.

Davlat granti asosida ta’lim olayotgan o‘quvchilar o‘qishini ko‘chirish yoki qayta tiklashda ularga davlat granti asosida ta’limni davom ettirish imkoniyati beriladi.

✅Ta’lim nazorati rasmiy kanali

⚡️ Ro‘yxatdan o‘tgan abituriyentlar soni 1 mln nafardan oshdi

2023-yil 20-iyul soat 22:00 holatiga OTMlarning bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tgan abituriyentlar soni — 1 000 594 nafar.

✅Ta’lim nazorati rasmiy kanali