Maktab o‘qituvchilarining haftalik yuklamasi kamaytiriladi — Shavkat Mirziyoyev

Buxorolik saylovchilar bilan uchrashuvda prezidentlikka nomzod Shavkat Mirziyoyev pedagoglarni qo‘llab-quvvatlashga oid rejalari haqida so‘zlab berdi. Jumladan:

➖ “Muallimlarning mashaqqatli mehnatini munosib rag‘batlantirish maqsadida, ularning ko‘p yillik ish staji uchun ilk bor ustama haqi to‘lash tizimi joriy etiladi.

➖ Boshlang‘ich sinf o‘qituvchilarining haftalik yuklamasi 18 soatdan 16 soatga, yuqori sinf o‘qituvchilariniki 20 soatdan 18 soatga tushiriladi.

Bu orqali, to‘liq stavkada ishlamayotgan jami 150 ming nafar muallimning oyligi o‘rtacha 30 foizga oshiriladi.

O‘qituvchilarga har yili sihatgohlarda sog‘lig‘ini tiklashi uchun imtiyozli yo‘llanmalar beriladi. Shuningdek, har yili 1 ming nafar muallim stajirovka o‘tash uchun xorijga yuboriladi”, — dedi nomzod.

✅Ta’lim nazorati rasmiy kanali

❗️Diplomatiya universiteti va Xalqaro Islom akademiyasiga qabul avval OTM saytlari orqali bo‘ladi

Sababi Jahon iqtisodiyoti va diplomatiyasi universiteti hamda Xalqaro islom akademiyasi, dastlab, abituriyentlarni o‘zlari imtihon qilishadi. Undan yetarli ball to‘plolganlargagina qolgan barcha abituriyentlar kabi hujjat topshirishga ruxsat beriladi. Agar kerakli ball to‘plolmasa, abituriyent umumiy qabul orqali bu OTMlarga hujjat topshira olmaydi.

Qanday hujjat topshirish mumkin?
Jahon iqtisodiyoti va diplomatiyasi universitetiga – admission.uwed.uz sayti orqali;
Xalqaro islom akademiyasiga – admission.iiau.uz orqali.

Xalqaro Islom akademiyasiga qabul boshlangandan 20 kun davomida onlayn ariza yuborish mumkin. Shundan so‘ng imtihonlar bo‘lib o‘tadi. Diplomatiya universitetiga esa imtihon 1–6-iyul kunlari bo‘lib o‘tishi reja qilingan.

✔️ Islom akademiyasida dastlabki imtihon:
➖abituriyentning intellektual darajasi (40 ball);
➖ma’naviyat va ma’rifat asoslari bo‘yicha bilim darajasi (30 ball);
➖xorijiy tillarni bilish darajasi (30 ball) aniqlanadi.

✔️JIDUda esa:
➖IQ darajasi (40 ball)
➖Ona tilidan esse (30 ball)
➖Chet tilini bilish darajasi (30 ball) aniqlanadi.

Har 2 OTMda ham jami to‘plash mumkin bo‘lgan ball 100 ball, shuning 50 foizini to‘plagan talabgor bemalol boshqa abituriyentlar bilan birga hujjat topshirishi mumkin. Ular ham 5 ta yo‘nalishni tanlay olishadi.

✅Ta’lim nazorati rasmiy kanali

❓Qabul komissiyasi 1-sinfga qabul qilish arizasini rad etishi mumkinmi?

Qabul komissiyasi 3 ta holatda arizani rad etishi mumkin:

👉bolaning tibbiy ma’lumotnomasida umumta’lim maktabida ta’lim olish tavsiya etilmagan bo‘lsa;

👉tanlagan ta’lim tilida boshlang‘ich so‘zlashuv ko‘nikmasiga ega bo‘lmasa;

👉so‘rovnomada keltirilgan ma’lumotlar noto‘g‘riligi aniqlansa.

✔️ Arizasi rad etilgan fuqarolar avvalgi ariza raqamini ko‘rsatib, aniqlangan kamchilikni bartaraf etgan holda qayta ariza berishlari mumkin.

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

Abituriyentlar ta’lim yo‘nalishi va davlat granti ustuvorlikni belgilashlari mumkin

👨🏻‍💻 Abituriyentlarga onlayn ro‘yxatdan o‘tish vaqtida ta’lim yo‘nalishlarini tanlash bilan birga tanlov ustuvorligini ham belgilaydi.

✅ Bunda 2 ta tanlov ustuvorligi mavjud bo‘lib, abituriyent ustuvorlik sifatida:

1️⃣ “Davlat granti”ni tanlasa — tanlagan barcha ta’lim yo‘nalishlarida dastlab davlat granti, so‘ngra to‘lov-kontrakt asosida;

2️⃣ “Ta’lim yo‘nalishi”ni tanlasa — har bir ta’lim yo‘nalishida davlat granti va to‘lov-kontrakt asosida ketma-ket tanlovda ishtirok etadi.

👆 Yuqoridagi rasmda ularning aniq mexanizmi ko‘rsatilgan.

📌 Tanlov abituriyent tanlagan ta’lim yo‘nalishlarining qat’iy ketma-ketligi bo‘yicha u tanlagan ustuvorlik asosida amalga oshiriladi.

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

#Qabul2023 #Abituriyent2023
Joriy yil bitiruvchilarining tugatgan ta’lim muassasasi ma’lumotlari tegishli vazirliklardan olinadi

🏫 my.uzbmb.uz saytida onlayn ro‘yxatdan o‘tishda ta’lim muassasasini tugatgan yili sifatida 2022-yilgacha bo‘lgan yillarni tanlash mumkin. Bunda 2023-yil chiqmaydi.

📌 Chunki joriy yil bitiruvchilarining tugatgan ta’lim muassasasi ma’lumotlari ular tahsil olgan ta’lim muassasasi qaysi vazirlik tasarrufida bo‘lsa, mazkur vazirlikning bazasidan real vaqt rejimida olinadi.

❗️ Lekin ayrim ta’lim muassasalari tomonidan o‘z bitiruvchilari to‘g‘risidagi ma’lumotlar to‘liq shakllantirilmagani sababli abituriyentlar onlayn ro‘yxatdan o‘tgan vaqtda ularning tugatgan ta’lim muassasasi ma’lumotlari chiqmayapti.

✅ Shunday holatda abituriyentlardan tugatgan ta’lim muassasasi ma’lumotlarini kiritmasdan, o‘zlari tahsil olgan ta’lim muassasasi (maktab, litsey, kasb-hunar maktabi) ga murojaat qilishlarini so‘raymiz.

👨‍💻 Ta’lim muassasasi tomonidan tegishli ma’lumotlar bazaga kiritilganidan so‘ng abituriyentlar “Tugatgan ta’lim muassasasi” bo‘limidan “Yangilash” tugmasini bosish orqali tugatgan ta’lim muassasasi ma’lumotlarini yangilab olishlari mumkin.

✅Ta’lim nazorati rasmiy kanali

Oʻqishga kirishda maktab baholari hisobga olinishi nega ortga surilayotganiga izoh berildi

Shu yilgi bitiruvchilarning maktabdagi o‘rtacha baholari kirish imtihonlarida hisobga olinishi kerak edi. Lekin avvalroq bu tartib qayta ko‘rib chiqilayotgani haqida xabar berilgandi.

Mas’ullarning javob berishicha, tartib haliyam ko‘rib chiqilyapti. Agar baho qo‘shiladigan bo‘lsa, u mandatdan keyin qo‘shib qo‘yilaversa ham qiyin bo‘lmaydi.

❗️Biroq buning muammoli tarafi bor

Baholarni hisobga olishda faqat shu yilgi bitiruvchilarniki elektron bazada mavjud bo‘ladi va qarorda ham bu nazarda tutilgan. Biroq oldingi yillarda maktablarni va kollej, litseylarni tugatgan abituriyentlarning bahosi elektron bazada yo‘q. Shuning uchun baholashda tenglik prinsipi buziladi.

✅Ta’lim nazorati rasmiy kanali

Toshkent davlat yuridik universiteti qoshidagi akademik litseyga talabgorlarni ro‘yxatga olish boshlandi

✅ Toshkent davlat yuridik universiteti qoshidagi akademik litseyga o‘qishga kirish uchun talabgorlarni ro‘yxatga olish boshlandi.

🖥 Talabgorlarni ro‘yxatga olish Bilim va malakalarni baholash agentligining litsey.uzbmb.uz sayti orqali onlayn tarzda amalga oshirilmoqda.

📆 Ro‘yxatga olish jarayoni “Toshkent davlat yuridik universiteti qoshidagi akademik litseyga o‘qishga qabul qilish uchun test sinovlarini o‘tkazish tartibi to‘g‘risidagi” nizomga muvofiq 10-iyulga qadar (shu kuni ham) davom etadi.

✅Ta’lim nazorati rasmiy kanali

⚡️ Maktablarni kompyuter jihozlari bilan to‘liq ta’minlash bo‘yicha xatlov ishlari boshlandi

O‘zbekiston Respublikasi Prezidentining 2023-yil 26-maydagi PF-79-son Farmoniga muvofiq, yangi o‘quv yilidan boshlab umumiy o‘rta ta’lim muassasalarining boshlang‘ich sinflarida informatika fani, xususan, 1-sinfdan “Informatika va axborot texnologiyalari” fani o‘qitilishi belgilangan.

Mazkur vazifalar ijrosini ta’minlash maqsadida ayni vaqtda mamlakatimizning barcha umumta’lim maktablarining kompyuter sinfxonalarini qayta jihozlashga doir xatlov jarayonlari boshlandi.

Maktabgacha va maktab ta’limi vazirligi mas’ul xodimlari tomonidan olib borilayotgan o‘rganishlar davomida kompyuter sinfxonalarining moddiy-texnik bazasi ko‘zdan kechiriladi.

Yakuniy xulosalar asosida tegishli maktablar zamonaviy kompyuter jihozlari bilan to‘liq ta’minlanadi.

👉 Hozirda Toshkent shahrida joylashgan mavjud 335 ta maktabda mazkur yo‘nalishga doir keng xatlov ishlari boshlandi.

✅Ta’lim nazorati rasmiy kanali

Hurmatli ota-onalar!

📹 Ushbu video-yo'riqnomada, tizim moderatorlari tomonidan tasdiqlangan, "Maktabga yuborildi" holatdagi arizalar asosida biriktirilgan mikro-hududdagi maktabga tashrif buyurish uchun “navbat”ga yozilish qay tarzda amalga oshirilishi ko‘rsatib berilgan.

💭 Eslatma! Maktabga borish kuni va vaqtini o‘zingiz belgilab, shu vaqtda bolaning sog‘lig‘i to‘g‘risidagi tibbiy maʼlumotnomani olgan holda farzandingiz bilan birgalikda maktab borishingiz talab etiladi.

💬 Qabul jarayonlari bo‘yicha qo‘shimcha maʼlumotlarni 📞 71 203 07 04 telefon raqami orqali olishingiz mumkin.

✅Ta’lim nazorati rasmiy kanali

❗️“Oʻqituvchilarga taʼtil pulidagi farq toʻlab beriladi” — masʼullar

Kambagʻallikni qisqartirish va bandlik vazirligi boshqarma boshligʻi Laziz Qarshiyevning Kun.uz soʻroviga javoban maʼlum qilishicha, taʼtil davomiyligini 48 kalendar kuni (41 ish kuni) deb hisoblash noqonuniy hisoblanadi.

“Kim shunaqa qilayotgan boʻlsa, qonunbuzilish hisoblanadi. Agar shunday holatlar kuzatilsa, tumanlardagi vazirlikning bandlik boʻlimlariga murojaat qilishsa, kam taʼtil puli toʻlanayotganlarga 7 kun farqi, albatta, toʻlab beriladi”, – dedi u.

Qarshiyev oʻqituvchilarning taʼtil davomiyligi borasida normativ hujjat loyihasi Vazirlar Mahkamasiga kiritilganini aytdi.

“Ammo bu hujjat hali qabul qilinmadi degani oʻqituvchilarga 41 ish kuniga taʼtil belgilanishi kerak deganimas. Chunki mehnat shartnomalari oʻz kuchida, shartnoma 48 ish kuni deb berilgan, demak yakshanbalarni ham qoʻshib 56 kalendar kuni deb belgilab berishi kerak”, – dedi u.

Vazirlik masʼuliga koʻra, bunday holat hamma hududda ham kuzatilmayapti. “Qonunlarni tushunmagan adliya boʻlimlari tomonidan bunday xatoga yoʻl qoʻyilayotgan boʻlishi mumkin”, – dedi Qarshiyev.

Maktab va maktabgacha taʼlim vazirligi masʼullarining Kun.uzʻga maʼlum qilishicha, Adliya vazirligi hududiy yuridik xizmat koʻrsatish markazlariga Vazirlar Mahkamasi qarori chiqquncha, eski Mehnat kodeksi boʻyicha taʼtil davomiyligi belgilanishi borasida xulosa berishni tavsiya qilgan. Vazirlar Mahkamasi qarori chiqqanidan keyin, taʼtil 56 kalendar kuni deb hisoblanadimi yoki 48 kalendar kunimi – oʻrtadagi farq toʻlab berilishi aytilmoqda.

✅Ta’lim nazorati rasmiy kanali

Bu yil 50,6 ming xotin-qiz o‘qishga kirish uchun tavsiyanoma oldi

◼️ Oila va xotin-qizlar qo‘mitasi 2 000 ta grant o‘rni va 500 ta kontrakt kvota uchun tavsiyanomaga ariza topshirgan xotin-qizlarning telefoniga tavsiyanoma berish-bermaslik haqida xabar yuborilganini bildirdi.

Bu yil 38,7 ming ehtiyojmand xotin-qiz tavsiyanoma oldi. Ular 2 mingta grant kvota uchun harakat qiladi. Bu grant uchun kerakli ball yig‘olmaganlar hamma qatori umumiy tanlovda qatnashadi.

5 yillik stajlilar uchun ajratilgan qo‘shimcha 500 ta kontrakt kvota uchun esa 11,9 ming odam tavsiyanoma olgan.

✅ Hozir tavsiyanoma ma’lumotlari elektron bazaga kiritilyapti.

✅Ta’lim nazorati rasmiy kanali

Magistraturaga imtihon qanday bo‘ladi?

◼️ Magistraturada o‘qish uchun chet tili sertifikati majburiy. Bunda barcha yo‘nalishlar uchun B2, filologiyaga oid yo‘nalishlar uchun esa C1 sertifikati talab etiladi.

❗️Shu sertifikati tasdiqlangan abituriyent magistratura uchun tanlovda ishtirok etadi. Lekin talabgorlar o‘rtasida alohida imtihon o‘tkazilmaydi.

Davlat OTMlari magistraturasiga qabul abituriyentning bakalavriat diplom bali o‘rtacha ko‘rsatkichi hamda xorijiy tilni bilish darajasi bo‘yicha tegishli milliy yoki xalqaro sertifikat bali asosida, ballar ketma-ketligiga qat’iy rioya qilgan holda amalga oshiriladi.

Eslatib o‘tamiz, bu yil magistraturaga faqat bir marta yoz oyida qabul bo‘ladi. Qishki qabul bo‘lmaydi. Yozgi qabul — avgust oyida.

✅Ta’lim nazorati rasmiy kanali

#Savol_javob

❔ Olis hududdagi maktabga borib ishlash niyatida boʻlgan pedagog xodim oliy yoki birinchi toifali oʻqituvchi boʻlishi kerak, toʻgʻrimi?

➖ Albatta. Endigina oliy ta’limni tamomlagan oʻqituvchilarga bunday imkoniyat mavjud emas.

Qolaversa, pedagog xodim beriladigan imtiyozlardan foydalanishi uchun, albatta, boshqa hududdan kelgan boʻlishi kerak.

Yanada tushunarliroq qilib aytadigan boʻlsak, oʻqituvchining oʻzi shundoq ham olis hududdagi manzilda yashaydigan boʻlsa, ularga bu imtiyozlar berilmaydi.

Oʻqituvchi boshqa tuman yoki viloyatdan kelib ishlagan taqdirdagina, ustama toʻlanishi mumkin.

Oyina.uz saytida ushbu mavzu bo'yicha foydali maqola e’lon qilindi:
👉 https://oyina.uz/uz/article/1723

✅Ta’lim nazorati rasmiy kanali

⚡️2023/2024-o‘quv yilida YANGI TASHKIL ETILGAN BAKALAVRIAT TA’LIM YO‘NALISHLARI ro‘yxati va ularga mos test sinovi (kasbiy/ijodiy imtihon) topshiriladigan FANLAR MAJMUASI

Ushbu ta'lim yo'nalishi qaysi OTMlarda mavjudligi bilish uchun 2023/2024-o‘quv yili uchun tasqiqlangan davlat OTMlariga davlat granti kvotalaridan qidirib ko'rish mumkin.

✅Ta’lim nazorati rasmiy kanali

⚡️Taʼlim darajasi yuqori boʻlmagan maktablar roʻyxati tasdiqlandi

Maktabgacha va maktab taʼlimi vazirligi tomonidan 2023-2024 oʻquv yilida boshqa hududlardan pedagoglar jalb etiladigan taʼlim darajasi yuqori boʻlmagan maktablar roʻyxati tasdiqlandi.

Ushbu maktablarda dars berish uchun boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar toʻlanadi. Bunda:

bir maʼmuriy-hududiy birliklar doirasida boshqa tuman va shaharlardan kelib faoliyat yuritayotgan oʻqituvchi-pedagoglarning bazaviy tarif stavkalariga 50 foiz;

boshqa maʼmuriy-hududiy birlikdan kelib faoliyat yuritayotgan oʻqituvchi-pedagoglarning bazaviy tarif stavkalariga 100 foiz maxsus ustamalar toʻlanadi.

Ushbu maktablarda dars berish uchun boshqa hududda kamida bir yil ishlagan oliy va birinchi toifaga ega oʻqituvchi-pedagoglar jalb qilinadi.

Boshqa hududlardan jalb qilingan oliy va birinchi toifaga ega oʻqituvchi-pedagoglarning bazaviy tarif stavkalariga maxsus ustamalar ular borgan maktab taʼlim darajasi yuqori boʻlmagan maktablar roʻyxatidan chiqarilgan yildan keyingi yil uchun ham toʻlanadi.

Roʻyxatdan oʻtish muddatlari haqida kanalimiz (@uztdi) orqali xabar beramiz.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

⚡️Hamshiralar akademiyasi tashkil etiladi

Bu haqdagi Prezident qarori (PQ–197-son, 20.06.2023 y.) qabul qilindi.

Qarorga ko‘ra, 2023/2024-o‘quv yilidan quyidagilar tashkil etiladi:

➖ Chilonzor Abu Ali ibn Sino nomidagi Jamoat salomatligi texnikumi negizida Hamshiralar akademiyasi;

➖ 27 ta tibbiyot kolleji negizida Abu Ali ibn Sino nomidagi Jamoat salomatligi texnikumlari;

Shuningdek, quyidagilar joriy etiladi:

👉 tibbiyot OTMda o‘qish muddati 4 yillik “oliy malakali hamshira” bakalavriat ta’lim yo‘nalishi bo‘yicha mutaxassislarni tayyorlash;

👉 texnikumlarning takliflari asosida qabul parametrlari hamda qo‘shimcha ravishda tabaqalashtirilgan to‘lov-kontrakt asosida o‘qishga qabul qilish tartibi;

👉 tibbiyot yo‘nalishidagi davlat OTM talabalarining bilimlarini 2 bosqichli (fundamental va klinik-amaliy ko‘nikmalar) baholash va ularning malakasini tasdiqlash milliy tizimi.

✅Ta’lim nazorati rasmiy kanali

#Qabul2023 #Abituriyent2023
Chet tilidan ijodiy imtihonlarni o‘tkazish tartibi

Bu yil 8 ta OTMda chet tilidan ijodiy imtihon olinadi. Ularga hujjat topshirgan abituriyentlar faqat shu OTMlar ichidan 5 ta yo‘nalish tanlashi kerak. Chet tilidan test olinadigan OTMdagi yo‘nalishni tanlash imkoni yo‘q. Sababi test va ijodiy imtihon formati va beriladigan ballar bir-biridan farq qiladi.

👉 Chet tilidan ijodiy imtihon olinadigan OTMlar ro‘yxati

❓Ijodiy imtihon qanday olinadi?
Ijodiy imtihonlarda abituriyentlarning tinglab tushunish, o‘qish, yozish va gapirish ko‘nikmalari sinovdan o‘tkaziladi.

📚 Imtihonlar 11 ta chet tili — ingliz, nemis, fransuz, ispan, xitoy, koreys, yapon, hindiy, turk, arab va fors tillari bo‘yicha tashkil etildi va chet tillarni bilishning B1 darajasi bo‘yicha bo‘lib o‘tadi.

📆 Imtihon natijalarini hisoblash oliy ta’lim muassasalarining bakalavriat ta’lim yo‘nalishlariga kirish test sinovlariga qadar yakunlanadi va natijalar abituriyentlarning shaxsiy kabinetida e’lon qilinadi. So‘ng abituriyent qolgan bloklar uchun bo‘lib o‘tadigan test sinovida qatnashadi.

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

❓ Kimlar test sinovi uchun to‘lovni amalga oshirmasligini bilasizmi?

🔰 Ma’lumki, abituriyentlar test sinovida ishtirok etish uchun bazaviy hisoblash miqdorining yarim baravari miqdorida to‘lovni amalga oshiradi.

📌 Bunda quyidagi abituriyentlardan to‘lov undirilmaydi:

✅ Prezidentning 2019-yil 14-maydagi PQ-4319-son qaroriga muvofiq:

🔸 test sinovlari tashkil etilayotgan yilda ta’lim muassasalarini tugatgan abituriyentlar (maktab, akademik litsey va kasb-hunar maktablari bitiruvchilari);
🔸 nogironligi bo‘lgan shaxslar;
🔸 to‘liq davlat ta’minotidagi shaxslar (“Mehribonlik” uyi va Bolalar shaharchasining bitiruvchilari).

✅ Prezidentning 2022-yil 20-apreldagi PF-113-son Farmoniga muvofiq:

🔹 “Ijtimoiy himoya yagona reyestri” axborot tizimida ro‘yxatga olingan shaxslar va ularning farzandlari;
🔹 “Yoshlar daftari”ga kiritilgan yoshlar.

❇️ To‘lovni amalga oshirmaydigan abituriyentlar uchun invoys shakllantirilmaydi va qayd varaqasining quyi qismida nima uchun to‘lovdan ozod etilgani to‘g‘risida ma’lumot ko‘rsatiladi.

📩 Qoʻshimcha savollarni Telegram botimiz (✅@uztdibot)ga yuborishingiz mumkin.

✅Ta’lim nazorati rasmiy kanali

2023-2024-o‘quv yilida 5-, 6-, 7-, 8-, 9-, 10-, 11-sinflarga o‘quvchilar qabuli bo‘ladigan yangi tashkil etiladigan ixtisoslashtirilgan maktab va maktab-internatlari ro‘yxati

❗️ Eslatib o‘tamiz, yangi tashkil etiladigan ushbu maktablarga
➖ aniq fanlar yo‘nalishi bo'yicha 5-,6-,7-,8-,9-,10-,11-sinflarga;
➖ tabiiy fanlar yo‘nalishi bo'yicha 7-,8-,9-,10-,11-sinflarga qabul qilinadi.

Hujjatlar joriy yilning 30-iyuniga qadar ariza.piima.uz sayti orqali qabul qilinadi.

Agentligi tizimidagi quyidagi tayanch ixtisoslashtirilgan maktablariga turli viloyatlardan o‘quvchilar o‘qishga hujjat topshirishlari mumkin:
🔸Muhammad al-Xorazmiy nomidagi ixtisoslashtirilgan maktabining
➖ aniq fanlar yo'nalishi bo'yicha 5-sinfga;
🔸Mirzo Ulug'bek nomidagi ixtisoslashtirilgan maktabining
➖ aniq fanlar yo'nalishi bo'yicha 7-sinfga;
🔸Abu Ali ibn Sino nomidagi ixtisoslashtirilgan maktabining
➖ tabiiy fanlar yo'nalishi bo'yicha 7-sinfga qabul qilinadi.

Ushbu maktablarga hujjatlar qabuli 10-iyulga qadar ONLAYN shaklda ariza.piima.uz sayti orqali amalga oshiriladi.

✅Ta’lim nazorati rasmiy kanali

Akademik litseylarga hujjat topshirish davom etmoqda

20-iyun kuni boshlangan onlayn hujjat topshirish 30-iyunga qadar davom etadi.

Ro‘yxatdan o‘tish my.edu.uz platformasi orqali amalga oshirilmoqda.

👉 Barcha test topshiruvchilar uchun topshiriqlar soni jami 60 ta bo‘lib, shundan 20 tasi o‘quvchining intellektual qobiliyat darajasi (IQ)ni aniqlash bo‘yicha hamda ta’lim yo‘nalishlariga mos ikkita fan bo‘yicha esa, jami 40 ta test savollari tushadi.

📌 To‘plash mumkin bo‘lgan maksimal ball — 146:
🔹IQ — 1.1*20 =22;
🔸1-fan — 3.1*20=62;
🔹2-fan — 3.1*20=62.

👉Akademik litseylarga qabul kvotalari

Yuqorida akademik litseylarga onlayn ariza topshirish bo‘yicha videoyo‘riqnoma bilan tashishingiz mumkin.

✅Ta’lim nazorati rasmiy kanali