❓ Texnika yo‘nalishidagi matematika savollari iqtisod yo‘nalishidagi matematika savollaridan farq qiladimi?

▶️ Bir fan doirasida barcha ta’lim yo‘nalishlari uchun bir xil test topshiriqlari spetsifikatsiyasidan foydalaniladi.

📌 Demak, texnika yo‘nalishidagi matematika savollari iqtisod yo‘nalishidagi matematika savollaridan farq qilmaydi.

✅Ta’lim nazorati rasmiy kanali

❓O‘tgan yilgi savollar bu yil takrorlanishi mumkinmi?

📚 Test sinovlari bir kunda ikki smenada bo‘lib o‘tadi. Birinchi smenada tushgan test variantlari ikkinchi smenada takrorlanmaydi.

🗂 Test sinovlari 15 kun davomida 2 smenada bo‘lib o‘tadigan bo‘lsa, har bir smena uchun tegishli fanlar bo‘yicha alohida test topshiriqlari bazasi shakllantiriladi.

📌 Bunda test variantlarining teng kuchliligi ta’minlanadi.

Bilim va malakalarni baholash agentligi

✅Ta’lim nazorati rasmiy kanali

⚡️Qabul kvotalari tasdiqlandi. Unda xususiy universitetlar uchun 1000 ta grant bor

◼️ 2022-yilgi qabuldan boshlab nodavlat OTMlar uchun ham 1000 ta davlat granti ajratilishi boshlandi.

Bu yilgi kvotalar to‘g‘risidagi prezident farmoyishida ham nodavlat universitet va institutlar uchun 1000 ta grant o‘rni ajratilishi belgilangan.

❓Bu o‘rinlar OTMlar o‘rtasida qanday taqsimlanadi?

Bu o‘rinlar xususiy va xorijiy OTMlar yo‘nalishlari bo‘yicha taqsimlanib, Qabul komissiyasi tomonidan tasdiqlanishi va 1-iyulgacha Oliy ta’lim, fan va innovatsiyalar vazirligi saytida e’lon qilinishi kerak.

Xususiy OTMlar imtihonlari tugagach, eng yuqori ball to‘plab talaba bo‘lganlar va grant olishni istaganlar OTM va vazirlik bilan birgalikda 3 tomonlama shartnoma imzolaydi. Bu shartnoma asosida ular o‘qishni tugatib o‘z yo‘nalishi bo‘yicha ishlab berish majburiyatini oladi. Ishlash muddati yo‘nalish xususiyatiga qarab turlicha belgilanadi.

✅Ta’lim nazorati rasmiy kanali

Bu yil 16 ta bakalavriat ta’lim yo‘nalishi va 23 ta magistratura mutaxassisligi ochildi

Ma’lumki, Prezident farmoyishi bilan 2023/2024-o‘quv yili uchun davlat oliy ta’lim muassasalariga davlat granti kvotalari tasdiqlandi.

Farmoyish bilan joriy yildan 16 ta bakalavriyat yo‘nalishi va 23 ta magistratura mutaxassisligiga yangidan qabul tashkil etilmoqda.

Oliy ta’lim muassasalari kesimida ro‘yxat ilovada 👆

Oliy ta’lim, fan va innovatsiyalar vazirligi

✅Ta’lim nazorati rasmiy kanali

❓ Matematika va ba’zi fanlarda kerakli formulalar beriladimi?

▶️ Joriy yilgi OTMlarga kirish test sinovlarida ham abituriyentlarga fanlar majmuasidan kelib chiqqan holda quyidagi jadvallarni berish rejalashtirilmoqda:

🔹 kimyo fanidan kimyoviy elementlar davriy jadvali;
🔹 fizika fanidan doimiy fizik kattaliklar va shartli belgilashlar jadvali;
🔹 kimyo, fizika va matematika fanlaridan asosiy formulalar jadvali.

Bilim va malakalarni baholash agentligi

✅Ta’lim nazorati rasmiy kanali

⚡️Ўзбекистонда Қурбон ҳайити 2023 йил 28 июнь куни нишонланади.

Қурбон ҳайити муносабати билан иш ҳафтасининг туридан қатъи назар барча ходимлар учун 29-30 июнь кунлари, олти кунлик иш ҳафтасида ишлайдиган ходимлар учун 1 июль куни қўшимча дам олиш куни сифатида белгиланди.

✅Ta’lim nazorati rasmiy kanali

❓ Qizim IELTS 5,5 oldi. Andijon davlat chet tillar institutiga kirmoqchi. Qizimga ingliz tilidan maksimal ball beriladimi?

🔰 Vazirlar Mahkamasining 2019-yil 13-maydagi 395-son qaroriga muvofiq chet tilidan B2 va undan yuqori darajadagi milliy yoki xalqaro sertifikatga ega abituriyentlar chet tili bo‘yicha imtihondan ozod qilinadi.

📌 Ularga chet tili fanidan to‘plash mumkin bo‘lgan maksimal ball beriladi. Chet tili fani:

1️⃣-mutaxassislik fani bo‘lsa — 93 ball;
2️⃣-mutaxassislik fani bo‘lsa — 63 ball.

❇️ Ushu tartib chet tilidan ijodiy imtihon bo‘ladigan yo‘nalishlar (OTMlar) uchun ham, chet tilidan test sinovi bo‘ladigan yo‘nalishlar (OTMlar) uchun ham o‘rinli.

Bilim va malakalarni baholash agentligi

✅Ta’lim nazorati rasmiy kanali

MAKTAB BITIRUVCHILARI DIQQATIGA!

⚡️ Sizlar uchun yana bir qulaylik yaratilganini maʼlum qilamiz.

Endilikda Siz e-shahodatnoma.uz axborot tizimi orqali o‘z shahodatnomangizni joriy yilning 20-iyun kunidan boshlab onlayn tarzda yuklab olishingiz mumkin.

Ma’lumot uchun, 11-sinf maktab bitiruvchilarning shahodatnoma maʼlumotlari "Bilim va malakalarni baholash agentligi" (sobiq DTM)ning OTM qabul bo‘yicha elektron platformasiga integratsiya qilingan.

Shu bois, oliy taʼlim muassasalariga elektron hujjat topshirish jarayonida bitiruvchining shahodatnoma maʼlumotlari avtomatik tarzda taqdim etiladi. Bitiruvchilar shahodatnomalarini shaxsan taqdim etishlariga ehtiyoj yo'q.

Ma'lumot o'rnida, joriy o‘quv yilida umumtaʼlim maktablarini 390 mingdan ortiq bitiruvchilar tamomlaydi.

Shu o'rinda eslatib o'tamiz, e-shahodatnoma.uz elektron platformasiga quyidagi umumiy o'rta ta'lim maktablari 11-sinf bitiruvchilarining shahodatnoma ma'lumotlari kiritilgan:

➖ Maktabgacha va maktab ta'limi vazirligi tizimidagi umumiy o'rta ta'lim maktablari;
➖ Ixtisoslashtirilgan ta'lim muassasalari agentligi tasarrufidagi Prezident maktablari, ijod maktablari va ixtisoslashtirilgan maktablar;
➖ Yoshlar siyosati va sport vazirligi tasarrufidagi olimpiya va paralimpiya sport turlariga tayyorlash markazlari;
➖ Nodavlat ta'lim tashkilotlarining 11-sinf bitiruvchilari.

Akademik litseylar va kasb-hunar maktablari bitiruvchilarining diplom ma'lumotlari Oliy ta’lim, fan va innovatsiyalar vazirligining elektron tizimiga kiritiladi.

✅Ta’lim nazorati rasmiy kanali

2023-2024-O‘QUV YILI UCHUN 1-SINFGA QABUL 20-IYUNDAN BOSHLANADI

✅ O‘rnatilgan tartibga ko‘ra, 1-sinfga qabul jarayonlari 2 bosqichda amalga oshiriladi.

1-BOSQICH: mikro-hudud doirasida
(20-iyun – 31-iyul)
2-BOSQICH: mikro-hududdan tashqarida
(1 - 15-avgust)

✅ 43 ta tuman (shahar)da 1-sinfga qabul jarayonlari elektron shaklda davlat xizmatlari orqali amalga oshiriladi.

Bunda, ota-onalar 20-iyun soat 10-00dan boshlab my.maktab.uz elektron platformasi orqali ro‘yxatdan o‘tib, ariza topshirishlari mumkin.

✅ Qolgan tumanlarda an’anaviy shaklda, ya’ni bevosita maktab tomonidan qabul qilinib, 1-sinfga qabul qilingan o‘quvchilar vazirlik elektron tizimi (adm.maktab.uz)ga kiritiladi va nazorat etib boriladi.

Ma’lumot uchun: 2023-2024-o‘quv yilida respublikamiz bo‘yicha 730 mingdan ortiq bolalar 1-sinfga qabul qilinishi rejalashtirilgan.

Muhim eslatma!
“Ta’lim to‘g‘risida”gi Qonunning (9-moddasi)ga asosan bolalar, ular 7️ yoshga to‘ladigan yilda maktabga qabul qilinadi. Ya’ni bu yil 1-sinflarga 2016-yilning 1-yanvaridan 31-dekabriga qadar tug‘ilgan bolalar qabul qilinadi.

Elektron qabul jarayonlari yuzasidan Vazirlik Call-markazining 71-203-07-04 raqami orqali qo‘shimcha ma’lumot olishingiz mumkin.

✅Ta’lim nazorati rasmiy kanali

⚡️ Abituriyentlarni ro‘yxatga olish kunning ikkinchi yarmida boshlanadi

📄 Ma’lumki, oliy ta’lim muassasalarining bakalavriat ta’lim yo‘nalishlariga abituriyentlarni ro‘yxatga olish har yili 20-iyundan 20-iyulga qadar amalga oshirilishi belgilangan.

👨🏻‍💻 Ayni vaqtda 2023-2024-o‘quv yili uchun maqsadli qabul parametrlari va qabul parametrlarining tillar kesimidagi taqsimotini my.uzbmb.uz saytiga joylashtirish ishlari yakunlanmoqda.

✅ 2023-2024-o‘quv yili uchun abituriyentlarni onlayn ro‘yxatga olish my.uzbmb.uz sayti orqali kunning ikkinchi yarmida boshlanadi.

✅Ta’lim nazorati rasmiy kanali

⚡️Bu yil ham magistraturada o‘qiydigan xotin-qizlarning kontrakt pullari to‘lab beriladi

◼️Kvota to‘g‘risidagi prezident farmoyishida kontrakt asosida magistraturaga kiradigan talaba xotin-qizlarning kontrakt pullarini to‘lab berish qayd etilgan.

Kontrakt pullari hech qanday qaytarish shartlarisiz to‘lab beriladi.

❗️Buning uchun:

Magistraturada o‘qiyotgan xotin-qizlar har yili 15-sentyabrgacha o‘zlari o‘qiyotgan OTM rektori nomiga ariza bilan murojaat qilishadi. Bu sanadan kech qolganlarning kontrakti to‘lanmaydi. Talabgorlarning arizalari yig‘ilib OTM tegishli bo‘lgan vazirlikka yuboriladi.

15-oktyabrgacha OTMlarning rektorlari talabgorlarning kontrakt pullarini to‘lab berish to‘g‘risida buyruq qabul qiladi.

Ma'lumot uchun: magistratura uchun chet tili sertifikati majburiy. Bunda filologiya ta’lim yo‘nalishlari uchun sertifikat darajasi kamida C1, boshqa barcha ta’lim yo‘nalishlari uchun esa B2 bo‘lishi kerak.

✅Ta’lim nazorati rasmiy kanali

Hurmatli ota-onalar!

📹 Umumtaʼlim maktablariga 2022-2023 oʻquv yili uchun oʻquvchilarni 1-sinfga onlayn qabul qilish tizimi - my.maktab.uz elektron platformasi orqali roʻyxatdan oʻtish hamda onlayn arizalarni topshirish boʻyicha VIDEO-YOʻRIQNOMA

Eslatib oʻtamiz, joriy yilning 20-iyunidan 31-iyuliga qadar faqat biriktirilgan mikrohudud boʻyicha arizalar yuboriladi.

✅Ta’lim nazorati rasmiy kanali

2023-2024-o‘quv yili uchun abituriyentlarni ro‘yxatga olish boshlandi

🖥 2023-2024-o‘quv yili uchun maqsadli qabul parametrlari va qabul parametrlarining tillar kesimidagi taqsimoti Bilimni baholash agentligining my.uzbmb.uz saytiga joylashtirildi.

✅ Abituriyentlar my.uzbmb.uz saytining “Oliy ta’lim muassasalarining bakalavriatiga qabul” bo‘limi orqali onlayn ro‘yxatdan o‘tishlari mumkin.

👨🏻‍💻 Bunda abituriyentlar fanlar majmuasi va ketma-ketligi bir xil bo‘lgan beshtagacha bakalavriat ta’lim yo‘nalishini tanlash imkoniyatiga ega.

📆 Abituriyentlarni ro‘yxatga olish 20-iyulga qadar (20-iyul kuni ham) davom etadi. Chet tilidan ijodiy imtihon o‘tkaziladigan ta’lim yo‘nalishlariga qabul esa 10-iyul kuni yakunlanadi.

❇️ Mazkur muddat davomida abituriyentlar o‘z ma’lumotlarini o‘zgartirishlari hamda chet tilidan sertifikatga ega bo‘lsa, sertifikat ma’lumotlarini tizimga kiritishlari mumkin.

✅Ta’lim nazorati rasmiy kanali

Ismailov Abduvali Abdumalikovich — Maktabgacha va maktab ta’limi vazirligi huzuridagi Abdulla Avloniy nomidagi milliy-tadqiqot instituti rektori etib tayinlandi.

U bugunga qadar Maktabgacha va maktab ta’limi vazirligi huzuridagi Ta’lim sifatini baholashning xalqaro tadqiqotlar milliy markazi direktori lavozimida faoliyat olib borgan.

1986-yil Toshkent shahrida tug‘ilgan. 2006-yil Toshkent davlat iqtisodiyot universiteti (bakalavr), 2011-yil Toshkent kimyo-texnologiya instituti (magistratura)ni tamomlagan. 2017-yil O‘zbekiston Respublikasi Prezidenti huzuridagi davlat boshqaruvi akademiyasida tahsil olgan. Pedagogika fanlari bo‘yicha falsafa doktori (PhD).

Abduvali Abdumalikovichni mamlakatimizda ta’lim sifatini baholash bo‘yicha xalqaro tadqiqotlarni o‘tkazishda jonbozlik ko‘rsatgan tajribali mutaxassis sifatida bilamiz.

Uning keyingi faoliyatiga omad tilaymiz!

✅Ta’lim nazorati rasmiy kanali

Shavkat Mirziyoyev: Kelgusi 7 yilda o‘qituvchilarning oyligi 2 barobarga oshiriladi

Prezidentlikka nomzodning aytishicha, o‘qituvchilarga malaka sertifikatini berish tizimiga o‘tiladi va 2030-yilgacha muallimlarning oylik maoshi 2 barobar ko‘paytiriladi.

Prezidentlikka nomzod Shavkat Mirziyoyev buxorolik saylovchilar bilan uchrashuvda ta’lim sohasiga oid rejalarini ma’lum qildi.

“Endi muallimlarning nafaqat bilimi, balki malaka va mahoratini ham baholab, malaka sertifikatini berish tizimi joriy etiladi. Umuman, kelgusi yetti yilda muallimlarning oylik maoshi 2 karra oshiriladi”, dedi Shavkat Mirziyoyev.

Mirziyoyev o‘qituvchilar haqida quyidagilarni ham aytib o‘tdi:

👉 pedagogika oliygohlarining o‘quv dasturlari ham, Prezident maktablaridagi o‘qitish va baholash uslublariga moslashtiriladi;
👉 malaka sertifikatini olgan o‘qituvchiga hozirgi 40 foizdan 70 foizga oshirilgan qo‘shimcha haq to‘lanadi;
👉 ilg‘or texnologiyalarni biladigan, dars berish va o‘quvchilar bilimini baholashda yangicha yondashadigan muallimlar qo‘llab-quvvatlanadi.

✅Ta’lim nazorati rasmiy kanali

Maktab o‘qituvchilarining haftalik yuklamasi kamaytiriladi — Shavkat Mirziyoyev

Buxorolik saylovchilar bilan uchrashuvda prezidentlikka nomzod Shavkat Mirziyoyev pedagoglarni qo‘llab-quvvatlashga oid rejalari haqida so‘zlab berdi. Jumladan:

➖ “Muallimlarning mashaqqatli mehnatini munosib rag‘batlantirish maqsadida, ularning ko‘p yillik ish staji uchun ilk bor ustama haqi to‘lash tizimi joriy etiladi.

➖ Boshlang‘ich sinf o‘qituvchilarining haftalik yuklamasi 18 soatdan 16 soatga, yuqori sinf o‘qituvchilariniki 20 soatdan 18 soatga tushiriladi.

Bu orqali, to‘liq stavkada ishlamayotgan jami 150 ming nafar muallimning oyligi o‘rtacha 30 foizga oshiriladi.

O‘qituvchilarga har yili sihatgohlarda sog‘lig‘ini tiklashi uchun imtiyozli yo‘llanmalar beriladi. Shuningdek, har yili 1 ming nafar muallim stajirovka o‘tash uchun xorijga yuboriladi”, — dedi nomzod.

✅Ta’lim nazorati rasmiy kanali

❗️Diplomatiya universiteti va Xalqaro Islom akademiyasiga qabul avval OTM saytlari orqali bo‘ladi

Sababi Jahon iqtisodiyoti va diplomatiyasi universiteti hamda Xalqaro islom akademiyasi, dastlab, abituriyentlarni o‘zlari imtihon qilishadi. Undan yetarli ball to‘plolganlargagina qolgan barcha abituriyentlar kabi hujjat topshirishga ruxsat beriladi. Agar kerakli ball to‘plolmasa, abituriyent umumiy qabul orqali bu OTMlarga hujjat topshira olmaydi.

Qanday hujjat topshirish mumkin?
Jahon iqtisodiyoti va diplomatiyasi universitetiga – admission.uwed.uz sayti orqali;
Xalqaro islom akademiyasiga – admission.iiau.uz orqali.

Xalqaro Islom akademiyasiga qabul boshlangandan 20 kun davomida onlayn ariza yuborish mumkin. Shundan so‘ng imtihonlar bo‘lib o‘tadi. Diplomatiya universitetiga esa imtihon 1–6-iyul kunlari bo‘lib o‘tishi reja qilingan.

✔️ Islom akademiyasida dastlabki imtihon:
➖abituriyentning intellektual darajasi (40 ball);
➖ma’naviyat va ma’rifat asoslari bo‘yicha bilim darajasi (30 ball);
➖xorijiy tillarni bilish darajasi (30 ball) aniqlanadi.

✔️JIDUda esa:
➖IQ darajasi (40 ball)
➖Ona tilidan esse (30 ball)
➖Chet tilini bilish darajasi (30 ball) aniqlanadi.

Har 2 OTMda ham jami to‘plash mumkin bo‘lgan ball 100 ball, shuning 50 foizini to‘plagan talabgor bemalol boshqa abituriyentlar bilan birga hujjat topshirishi mumkin. Ular ham 5 ta yo‘nalishni tanlay olishadi.

✅Ta’lim nazorati rasmiy kanali