⚡️ "Perevod" qilib berishni va o‘qishga kiritib qo‘yishni va’da qilganlar ushlandi

◼️ Huquq organlari tomonidan o‘tkazilgan tezkor tadbirlarda:

➖ fuqaro A.U. fuqaro J.R.ni tanishlari yordamida 8 ming dollar evaziga Chimkent davlat universitetida o‘qiyotgani haqida hujjat tayyorlab, o‘qishini Toshkent tibbiyot akademiyasiga ko‘chirtirib berish uchun oldindan 4 ming dollar olgan vaqtida;

➖ Fuqaro O.X. fuqarolar G.R. va A.A.ning Tojikiston universitetidagi o‘qishini Chirchiq davlat pedagogika institutiga  ko‘chirtirib berish evaziga 6 ming dollar olganda;

➖ fuqaro D.A. fuqaro M.A.ni Andijon davlat universitetiga 2-bosqichdan o‘qishga kiritib qo‘yish evaziga 4 ming dollar olgan vaqtida dalillar bilan ushlangan.

Bu holatlar yuzasidan Jinoyat kodeksining 168-moddasi — firibgarlik va 28, 211-moddasi — pora berish bilan jinoyat ishlari qo‘zg‘atilib, tergov boshlangan.

Avvalroq ham o‘qishga kiritib qo‘yishni va’da berganlar ushlangani haqida xabar bergandik.

✅Ta’lim nazorati rasmiy kanali

⚡️Yettinchi kun natijalari e’lon qilindi

📆 2023-yil 7-avgust kuni o‘tkazilgan oliy ta’lim muassasalarining bakalavriat ta’lim yo‘nalishlariga kirish test sinovi natijalari e’lon qilindi.

Quyidagi telegram botga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda:

Natijani aniqlaydigan botlar:
👉 @e_dtm_mandatbot
👉 @e_dtm_mandat1bot
👉 @e_dtm_mandat2bot
👉 @e_dtm_mandat3bot

✅Ta’lim nazorati rasmiy kanali

⚡️9–10-avgust kunlari magistraturaga qabul bo‘yicha rad etilgan arizalarni tahrirlash uchun imkoniyat berildi

2023/2024-o‘quv yili uchun davlat oliy ta’lim muassasalari magistraturasiga qabul bo‘yicha magistr.edu.uz elektron tizimi orqali onlayn ro‘yxatdan o‘tgan talabgorlarning arizalari ko‘rib chiqildi.

Arizalarni ko‘rib chiqish natijasida ko‘plab murojaatlar turli sabablarga ko‘ra (tanlangan mutaxassislik bitiruvchining ta’lim yo‘nalishi bo‘yicha mos yoki turdosh emasligi, so‘ralgan hujjat o‘rniga boshqasi yuklangan yoki to‘liq yuklanmagan, hujjatlar sifatsizligi va b.) rad etilgan.

Shuni inobatga olib, davlat oliygohlari magistraturasiga o‘qishga kirish uchun onlayn ariza yuborgan, lekin arizasi rad etilgan talabgorlarga 9–10-avgust kunlari arizalarni qayta tahrirlash imkoniyati yaratildi.

Rad etilgan arizalarni tahrirlash uchun 10-avgust kuni soat 18:00 ga qadar so‘nggi imkoniyat beriladi.

Ushbu muddatdan so‘ng tahrirlashga yo‘l qo‘yilmaydi va kamchiliklar bartaraf etilmagan arizalar ko‘rib chiqilmaydi.

Shuni alohida ta’kidlaymizki, xorijiy tilni bilish darajasi bo‘yicha tegishli milliy yoki xalqaro sertifikati talab darajasida bo‘lmaganligi sababli rad etilgan arizalarni tahrirlash tavsiya etilmaydi, mazkur holda qayta tahrirlangan arizalar ko‘rib chiqilmaydi.

✅Ta’lim nazorati rasmiy kanali

⚡️ Xorazmda barcha boshlangʻich sinf oʻquvchilari taʼlim planshetlari bilan taʼminlanishi mumkin – Prezident qarori loyihasi

Normativ-huquqiy hujjatlar loyihalari muhokamasi portaliga Oʻzbekiston Respublikasi Prezidentining tegishli qarori loyihasi joylashtirildi.

Unga koʻra,

2024-yil 1-yanvardan boshlab:

👉 Xorazm viloyatida eksperiment tariqasida, kelgusida esa, barcha boshlangʻich sinf oʻquvchilari taʼlim planshetlari bilan bosqichma-bosqich taʼminlanishi;

davlat maktabgacha taʼlim tashkilotlarida tarbiyalanuvchilarga

👉 oqsil, vitamin va minerallar bilan boyitilgan sut, yod bilan toʻyintirilgan non mahsulotlari berilishi yoʻlga qoʻyilishi;

👉 umumiy oʻrta taʼlim muassasalari boshlangʻich sinf oʻqituvchilarining oʻquv yuklamasi 18 soatdan 16 soatga, yuqori sinf oʻqituvchilarinikini esa, 20 soatdan 18 soatga qisqartirilishi;

davlat maktabgacha va umumiy oʻrta taʼlim tashkilotlari pedagog kadrlariga

👉 koʻp yillik xizmat qilganligi uchun pedagogik stajiga qarab 30 foizgacha miqdorda ustama toʻlab borilishi mumkin.

✅Ta’lim nazorati rasmiy kanali

Ishlayotgan talabalarga ham milliy yoki xalqaro Sertifikatlar uchun 20 yoki 50 foizlik ustamalar to‘lanadi

Savol: Men 4-kurs talabasiman. Maktabda asosiy xodim sifatida oʻqituvchi boʻlib ishlayman. Ona tili va adabiyot fanidan milliy sertifikat olsam, menga ona tili va adabiyot fanidan oʻtadigan darslarim uchun 20 foizlik ustama toʻlanadimi? Baʼzilar “Siz talabasiz, talabalarga ustama toʻlanmaydi”- deyapti, shu toʻgʻrimi?

✅ Bu noto‘g‘ri albatta, ("Siz talabasiz, talabalarga ustamlar to‘lanmaydi"-degan gaplar). Ishlayotgan talabalarga milliy yoki xalqaro Sertifikatlar uchun 20 yoki 50 foizlik ustamalar to‘lashni cheklash bo‘yicha normativ-huquqiy hujjatlar mavjud emas.

Hukumatning 2005 yil 21-dekabridagi 275-son qarorida "Oliy ta’lim muassasasining kunduzgi, kechki, sirtqi ta’lim shakllarining pedagogika yo‘nalishlarida o‘qiyotgan shaxslar 3-kursdan boshlab o‘qishiga xalaqit bermagan holda pedagoglik ishini amalga oshirish uchun umumta’lim muassasalarida asosiy ish joyi sifatida ishga qabul qilinishi mumkinligi" belgilab qo‘yilgan.

📆 Joriy yilning 28-iyul kuni Maktabgacha va maktab ta’limi vazirligi hamda Iqtisodiyot va moliya vazirligining 2023-2024-o‘quv yilida ustama to‘lanadigan Sertifikatlar ro‘yxatini tasdiqlash to‘g‘risidagi qaror tasdiqlandi.

📃 Ushbu qarorda Bilim va ko‘nikmalarni baholash agentligi ( sobiq DTM- Davlat test markazi) tomonidan Ona tili va adabiyoti fanidan beriladigan Milliy Sertifikatlar uchun ustama to‘lashning eng kam miqdori sifatida yuqori sinf o‘qituvchilari uchun 80 ball, boshlang‘ich ta’lim o‘qituvchilari uchun esa 60 ball belgilab qo‘yilgan.

✅Ta’lim nazorati rasmiy kanali

Nodavlat bog‘cha va maktab ochish uchun 7 foizlik stavkada 10 yil muddatga kredit berilishi mumkin

Normativ-huquqiy hujjatlar loyihalari muhokamasi portaliga Oʻzbekiston Respublikasi Prezidentining tegishli qarori loyihasi joylashtirildi.

Unga koʻra, 2023-yil 1-sentyabrdan boshlab:

➖ nodavlat maktabgacha va maktab taʼlimi tashkilotlari faoliyatini yoʻlga qoʻyish uchun foiz stavkalarini subsidiyalash hisobiga 7 foizlik stavkada 10 yil muddatga kredit berish amaliyoti yoʻlga qoʻyish;

➖yuridik shaxslarning maktabgacha va maktab taʼlimi tashkilotini qurishga sarf etiladigan xarajatlari barcha soliqlardan toʻliq ozod etish;

➖“Ijtimoiy himoya yagona reyestri” axborot tizimiga kiritilgan oilalarning farzandlari uchun maktabgacha taʼlim tashkilotlarida taʼlim va tarbiya olish xarajatlarini davlat tomonidan qoplab berish tartibi joriy etish;

➖umumiy oʻrta taʼlim tizimida “Yiliga 500 ming oʻquvchi oʻrni” dasturi amalga oshirilsin va uning doirasida 2023/2024-oʻquv yilida 500 ming yangi oʻquvchi oʻrni tashkil etish taklif etilmoqda.

✅Ta’lim nazorati rasmiy kanali

⚡️Bugun ikkinchi va undan keyingi ta’lim bo’yicha o’qishga kirish uchun onlayn qabul yakunlanadi

2023/2024-oʻquv yilida ikkinchi va undan keyingi taʼlim (ikkinchi mutaxassislik) uchun talabgorlardan hujjat qabul qilish Yagona taʼlim xizmatlari portali my.edu.uz orqali joriy yilning 10-avgust kuniga qadar onlayn shaklda amalga oshiriladi.

▪️Bunda nomzodlar platformada:
➖oʻzining pasport maʼlumotlari, JSHSHIR maʼlumoti haqida axborotlarni kiritadi;
➖diplom va uning ilovasining elektron nusxasini yuklaydi;
➖hamda oʻqish istagini bildirgan oliy taʼlim muassasasi va taʼlim yoʻnalishini tanlaydilar.

💰Ikkinchi va undan keyingi oliy maʼlumot boʻyicha oʻqitish toʻlov-kontrakt asosida amalga oshiriladi. Kontrakt miqdori OTM kengashi tomonidan belgilanadi.

🧾 Ikkinchi va undan keyingi oliy ta’limga qabul qilish tartibi (kirish imtihoni shakli, baholash mezonlari, imtihon o‘tkazish muddatlari) OTM rasmiy veb-saytida e’lon qilinadi.

🗓 Natijalar har yili 30-avgustga qadar oliy ta’lim muassasalari tomonidan e’lon qilinadi.

Ma’lumot uchun, ikkinchi va undan keyingi oliy ta’lim bo‘yicha qabul parametrlari oliy ta’lim muassasasining ilmiy-pedagogik salohiyati va moddiy-texnik bazasi hisobga olingan holda oliy ta’lim muassasasi kengashi tomonidan belgilanadi.

✅Ta’lim nazorati rasmiy kanali

Yuridik texnikumlarga qabul ketyapti — Ularda o‘qish bilan nimaga erishish mumkin?

1-avgustdan 20-avgustgacha my.uzbmb.uz sayti “Adliya vazirligining yuridik texnikumlari” bo‘limi orqali yuridik texnikumlarga qabul davom etyapti.

Qaysi yo'nalishlar bor?

Masalan, Andijon viloyati yuridik texnikumida:
🏢 Davlat-huquqiy faoliyat;
⚖️ Yuridik xizmat;
🛡 Sud-huquqiy faoliyat yo'nalishlarida kadrlar tayyorlanadi.

❓Yuridik texnikumni tugatganlar qayerda kim bo‘lib ishlaydi?

Yuridik texnikumda o‘qiganlar jami 90 dan ortiq lavozimda ishlashi mumkin. Jumladan:
➖ Davlat xizmatlari agentligining hududiy tuzilmalari,
➖ Bosh prokuratura huzuridagi Majburiy ijro byurosining hududiy organlari,
➖ notarial idoralar, advokatlik tuzilmalari va shu kabi qator idoralarda ishlashlari mumkin.

Imtihon qaysi fanlardan bo‘ladi?

Yuridik texnikumlarga imtihon test bo‘ladi. Qonunchilikka ko‘ra, test sinovi topshiriladigan fanlar majmuasi, baholash mezonlari, test topshiriqlari soni Toshkent davlat yuridik universiteti bakalavriatiga kirish uchun belgilangan talablarga muvofiq aniqlanadi.

Bu degani, bu yil yuridik texnikumlarga ham kirish imtihonlari huquq va ingliz tilidan hamda 3 ta majburiy fandan bo‘lishini anglatadi.

📩 Qoʻshimcha savollarni Telegram botimiz (@uztdibot)ga yuborishingiz mumkin.

✅Ta’lim nazorati rasmiy kanali

⚡️ Ichki ishlar vazirligining akademik litseylari hamda “Temurbeklar maktabi” va “Yosh chegarachilar” harbiy-akademik litseyiga kirish test sinovlari

📆 Ichki ishlar vazirligining akademik litseylariga o‘qishga qabul qilish bo‘yicha test sinovlari 2023-yil 14-avgust kuni 1-smenada bo‘lib o‘tadi va 09:00 da boshlanadi.

📌 Talabgorlardan test sinovi o‘tkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 08:00 dan kechikmagan holda kelishlari so‘raladi.

🔖 Test sinovida ishtirok etish uchun ruxsatnoma talabgor hujjat topshirgan Ichki ishlar vazirligining akademik litseyi tomonidan tarqatiladi.

*****

📆 “Temurbeklar maktabi” va “Yosh chegarachilar” harbiy-akademik litseyiga kirish test sinovlari 2023-yil 14-avgust kuni 2-smenada bo‘lib o‘tadi va 15:00 da boshlanadi.

📌 Talabgorlardan test sinovi o‘tkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 14:00 dan kechikmagan holda kelishlari so‘raladi.

🔖 Test sinovida ishtirok etish uchun ruxsatnoma talabgor hujjat topshirgan “Temurbeklar maktabi” va “Yosh chegarachilar” harbiy-akademik litseyi tomonidan tarqatiladi.

✅Ta’lim nazorati rasmiy kanali

❓ Nima sababdan my.maktab.uz saytida qo‘shimcha kvotaga ariza topshirayotgan vaqtim, maktabda qolgan bo‘sh o‘rinlar soni nolni ko'rsatmoqda. Ammo, qabul qilingan arizalar soni oshib bormoqda?

✅ Saytda jami qabul reja va qabul qilingan bolalar soni ko‘rsatiladi.

Bunda mikro-hududdan tashqari qo‘shimcha kvota bo‘yicha faqat bo‘sh o‘rinlar mavjud bo‘lganda ariza topshirish mumkin.

Amaldagi qonunchilikka muvofiq, maktab yoshidagi bolalarni mikro-hudud bo‘yicha davlat umumiy o‘rta taʼlim muassasalariga qabul qilish huquqi kafolatlanganligi bois,  mikro-hudud bo‘yicha qabul 15-avgustga qadar amalga oshiriladi.

✅Ta’lim nazorati rasmiy kanali

⚡️ChQBT fani o‘qituvchilariga ham toifa berilishi mumkin

Normativ-huquqiy hujjatlar loyihalari muhokamasi portaliga Vazirlar Mahkamasining tegishli qarori loyihasi joylashtirildi.

Unga koʻra, 2024-yil yanvar oyidan boshlab chaqiruvga qadar boshlangʻich tayyorgarlik fani oʻqituvchilariga boshqa fan oʻqituvchilari uchun belgilangan tartibda malaka toifasi berish hamda Toshkent davlat pedagogika universiteti, Fargʻona davlat universiteti, Buxoro davlat pedagogika instituti tasarrufidagi harbiy taʼlim fakultetlarida malakasini oshirish ishlarini yoʻlga qoʻyish;

Mudofaa vazirligi, Favqulodda vaziyatlar vazirligi va Sogʻliqni saqlash vazirligi bilan hamkorlikda 2024-yil 20-fevralga qadar chaqiruvga qadar boshlangʻich tayyorgarlik fanining yangi oʻquv dasturi va darsligini ishlab chiqish taklif etilmoqda.

✅Ta’lim nazorati rasmiy kanali

⚡️ Kollej va texnikumlarga qabul boshlandi

✅ 2023-yil 10-avgust kuni professional ta’lim muassasalari (kollej va texnikumlar) ga abituriyentlarni onlayn ro‘yxatga olish boshlandi.

👨🏻‍💻 Abituriyentlarni ro‘yxatga olish Bilimni baholash agentligining my.uzbmb.uz saytida “Professional ta’lim muassasalariga qabul” bo‘limi orqali amalga oshirilmoqda.

📆 Ro‘yxatga olish 10-sentabrga qadar (10-sentabr kuni ham) davom etadi va abituriyentlar 10-sentabrga qadar o‘z ma’lumotlarini o‘zgartirishlari mumkin bo‘ladi.

✅Ta’lim nazorati rasmiy kanali

⚡️To‘qqizinchi kun natijalari e’lon qilindi

📆 2023-yil 9-avgust kuni o‘tkazilgan oliy ta’lim muassasalarining bakalavriat ta’lim yo‘nalishlariga kirish test sinovi natijalari e’lon qilindi.

Quyidagi telegram botga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda:

Natijani aniqlaydigan botlar:
👉 @e_dtm_mandatbot
👉 @e_dtm_mandat1bot
👉 @e_dtm_mandat2bot

✅Ta’lim nazorati rasmiy kanali

Maktab bitiruvchilari bilan harbiy poligonlarda amaliy otish mashg‘ulotlari o‘tkaziladi

Vazirlar Mahkamasining “Ta’lim muassasalarida chaqiruvga qadar boshlang‘ich tayyorgarlikni tashkillashtirish tartibi to‘g‘risidagi nizomni tasdiqlash haqida”gi qarori loyihasi e’lon qilindi.

Qaror loyihasida quyidagilar nazarda tutilgan:

🏢 Hokimliklari tomonidan ChQBTning moddiy-texnik jihatdan ta’minlanishi va o‘quv-moddiy bazasini barpo etish ishlarini amalga oshirish mexanizmlarini belgilab berish;

🏵 ChQBT fani o‘qituvchisi lavozimida faoliyat yuritayotgan zaxiradagi (rezervdagi) ofitserlarga navbatdagi harbiy unvon va malaka toifasi berilishi tartibini belgilash;

📕umumta’lim maktablari, akademik litseylar, kasb-hunar maktablarida ChQBT fani o‘quv dasturi soatlari miqdorini ta’lim sohasida ro‘y bergan islohotlarni inobatga olgan holda yangidan belgilash;

📝ChQBT fani o‘quv-moddiy bazasi obyektlarini va ChQBT sinfi jihozlari ro‘yxatini tasdiqlash;

💣 mudofaa ishlari bo‘limlari va ta’lim muassasalarida o‘quv qurollarini (AK-74 o‘quv quroli, o‘quv granata va minalari, o‘quv patronlar) saqlanishi tartibini belgilash;

🪖 umumta’lim maktablari, akademik litseylar, kasb-hunar maktablari bitiruvchilari (11-sinf va 2-kurs o‘g‘il bolalar) bilan harbiy poligonlarda amaliy otish mashg‘ulotlari o‘tkazilishini tashkillashtirish;

🤝ChQBT fani o‘qitilishi tashkil etilishiga oid hisobot hujjatlarini yagona tartibga keltirish va ushbu yo‘nalishda mas’ul organlar orasida hamkorlikni yo‘lga qo‘yish.

✅Ta’lim nazorati rasmiy kanali

⚡️Stajor-o‘qituvchilarni ishga qabul qilish tartibi ishlab chiqildi

Xabaringiz bor, O‘zbekiston Respublikasi Prezidentining tegishli Farmoniga asosan 2023/2024-o‘quv yilidan boshlab pedagogik kasblarga birinchi marta ishga qabul qilinadigan oliy ma’lumotli talabgorlar stajor-o‘qituvchi sifatida faoliyat yuritishi belgilangan.

Shu munosabat bilan Maktabgacha va maktab ta’limi vazirligi tomonidan stajor-o‘qituvchilarni ishga qabul qilish bo‘yicha tegishli ko‘rsatma ishlab chiqildi.

Unga ko‘ra, ilk bor ishga qabul qilingan stajor-o‘qituvchilardan ishga qabul qilingan vaqtdan boshlab bir yil muddat davomida kasbiy sertifikatga ega bo‘lishi talab etiladi. Stajor-o‘qituvchilarga ular kasbiy sertifikat olguniga qadar oliy ma’lumotli (toifasiz) o‘qituvchining bazaviy tarif stavkasi qo‘llaniladi.

“O‘qituvchi-stajor” bilan Mehnat kodeksining 104-moddasida muvofiq mehnat shartnomasiga kiritilishi shart bo‘lgan holatlar, jumladan o‘qituvchi-stajorlarning bir yil davomida kasbiy sertifikat olishi majburiyati ko‘rsatilgan holda mehnat shartnomasi tuziladi.

Shu munosabat bilan, vazirlikning 2023-yil 9-avgustdagi tegishli xati bilan o‘qituvchi-stajorlarni ishga qabul qilish jarayonini mazkur ko‘rsatmalarga muvofiq amalga oshirish vazifalari yuklatildi.

Eslatib o‘tamiz, Farmonga ko‘ra, Maktabgacha va maktab ta’limi vazirligiga 2023-yil 1-noyabrga qadar umumiy o‘rta ta’lim muassasalarida faoliyat yuritadigan pedagog kadrlarni kasbiy sertifikatlash sinovlaridan o‘tkazish tartibini belgilovchi Hukumat qarori loyihasini Vazirlar Mahkamasiga kiritish hamda 2024-yil 1-yanvardan boshlab tizimni amaliyotga joriy etish topshirilgan.

✅Ta’lim nazorati rasmiy kanali

⚡️O‘ninchi kun natijalari e’lon qilindi

📆 2023-yil 10-avgust kuni o‘tkazilgan oliy ta’lim muassasalarining bakalavriat ta’lim yo‘nalishlariga kirish test sinovi natijalari e’lon qilindi.

Quyidagi telegram botga abituriyent qayd varaqasi yoki ruxsatnomasida ko‘rsatilgan abituriyentning ID raqamini yuborgan holda:

Natijani aniqlaydigan botlar:
👉 @e_dtm_mandatbot
👉 @e_dtm_mandat1bot
👉 @e_dtm_mandat2bot
👉 @e_dtm_mandat3bot

✅Ta’lim nazorati rasmiy kanali

⚡️Talabalar uchun nomli stipendiyalar roʻyxati yangilandi

Prezident Farmoni (10.08.2023, PF-132) qabul qilindi. Unga ko‘ra PF-555-son Farmon 2-bandiga quyidagi o‘zgarishlar kiritildi.

Barcha fanlardan oʻzlashtirish koʻrsatkichlari “aʼlo” (koʻpi bilan 25 foizi “yaxshi”) boʻlgan hamda ijodiy ishda qatnashadigan bakalavriat taʼlim yoʻnalishida oʻqiyotgan oxirgi ikki kurs (keyingi oʻrinlarda — yuqori kurs) talabalari uchun quyidagi nomli davlat stipendiyalari taʼsis etildi:

▪️texnika yoʻnalishlarida — Beruniy,
▪️tibbiyot yoʻnalishlarida — Ibn Sino,
▪️gumanitar yoʻnalishlarda — Navoiy,
▪️tasviriy va amaliy sanʼat hamda dizayn yoʻnalishlarida — Kamoliddin Behzod,
▪️tabiiy yoʻnalishlarda — Ulugʻbek,
▪️kinematografiya yoʻnalishida — Xudoybergan Devonov,
▪️tarix va geografiya yoʻnalishlarida — Bobur,
▪️ jismoniy tarbiya va sport yoʻnalishlarida — Pahlavon Mahmud,
▪️Oʻzbekiston xalqaro islom akademiyasida — Imom al-Buxoriy,
▪️Qoraqalpogʻiston Respublikasidagi oliy taʼlim muassasalarida — Toʻlepbergen Qaipbergenov va Ibroyim Yusupov,
▪️shuningdek, barcha yoʻnalishlarda — Islom Karimov nomli.

Belgilandiki:

➖Beruniy, Ibn Sino, Navoiy, Kamoliddin Behzod va Ulugʻbek nomli davlat stipendiyalari bakalavriat taʼlim yoʻnalishlari boʻyicha yuqori kurslarning har ming nafar talabasiga bittadan;

➖Imom al-Buxoriy nomli davlat stipendiyasi Oʻzbekiston xalqaro islom akademiyasining uch nafar yuqori kurs talabasiga;

➖Xudoybergan Devonov nomli davlat stipendiyasi kinematografiya sohasi uchun kadrlar tayyorlovchi har bir oliy taʼlimmuassasasining bir nafar yuqori kurs talabasiga;

➖Bobur nomli davlat stipendiyasi tarix va geografiya yoʻnalishlari uchun kadrlar tayyorlovchi har bir oliy taʼlimmuassasasining bir nafar yuqori kurs talabasiga;

➖Pahlavon Mahmud nomli davlat stipendiyasi jismoniy tarbiya va sport yoʻnalishlari uchun kadrlar tayyorlovchi har bir oliy taʼlim muassasasining bir nafar yuqori kurs talabasiga;

➖Toʻlepbergen Qaipbergenov va Ibroyim Yusupov nomli davlat stipendiyalari Qoraqalpogʻiston Respublikasidagi har bir oliy taʼlim muassasasining bir nafar yuqori kurs talabasiga;

➖Islom Karimov nomli davlat stipendiyasi har bir oliy taʼlim muassasasining bir nafar yuqori kurs talabasiga tayinlanadi”.

✅Ta’lim nazorati rasmiy kanali