⚡️ Chet tili imtihoni sanalari e’lon qilindi

✅ Chet tilini bilish darajasini aniqlash bo‘yicha fevral oyida bo‘lib o‘tadigan test sinovi sanalari e’lon qilindi.

Unga ko‘ra:

📝 test sinovining yozma qismi — 17-18-fevral kunlari;

🎤 gapirish ko‘nikmasini baholash imtihonlari — 19-fevraldan 1-martga qadar bo‘lib o‘tadi.

📱 Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.

6️⃣ Talabgorlardan test sinoviga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari so‘raladi.

✅Ta’lim nazorati rasmiy kanali

Taʼlimni rivojlantirish respublika ilmiy-metodik markazi tashabbusi bilan joriy yilning 15-fevral kuni umumiy o‘rta ta’lim tashkilotlarida tashkil etilgan inklyuziv taʼlim sinflarida faoliyat olib borayotgan pedagoglar uchun Metodik marafon oʻtkazilmoqda.

Marafonda quyidagi mavzular bo‘yicha ma’lumotlar beriladi:

👉 Inklyuziv sinflarda yordam berishning asosiy nuqtalari (14:00)

🎙 Trener-oʻqituvchi: Takako Homma, Yaponiya Kokushikan universiteti Adabiyot fakulteti, Ta’lim kafedrasi dotsenti

👉 Inklyuziv taʼlim: kecha, bugun, ertaga. Masʼuliyat kimda? (14:45)

🎙 Trener-oʻqituvchi: Feruza Qodirova, Chirchiq davlat pedagogika universiteti Maxsus pedagogika kafedrasi professori

👉 Angliyada inklyuziv ta’lim (15:25)

🎙 Trener-oʻqituvchi: Aziz Zikriyoyev, Toshkent davlat iqtisodiyot universiteti Jahon iqtisodiyot kafedrasi dotsenti, PhD

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz

Maktabgacha va maktab taʼlimi vazirligining 2024-yil 14-fevraldagi 03-01/14-623-sonli xati bilan 2024-2025-oʻquv yili uchun umumtaʼlim muassasalaridagi oʻqituvchilarning bazaviy taʼrif stavkalariga har oylik ustamalar belgilashda inobatga olishga tavsiya etilayotgan fan olimpiadalari, koʻrik tanlovlar, musobaqalar va tadbirlar roʻyxati eʼlon qilindi.

👉 PDF formatida yuklab olish

✅Ta’lim nazorati rasmiy kanali

Pedagog kadrlarini kasbiy sertifikatlash boʻyicha asosiy maʼlumotlar

Birinchi marta kasbiy sertifikat olish boʻyicha nazorat sinovida ishtirok etish uchun talabgordan toʻlov undirilmaydi. Qayta ishtirok etish uchun talabgor tomonidan BHMning bir baravari miqdorida toʻlov toʻlanadi.

Kasbiy sertifikat olganidan soʻng pedagoglar pedagogik faoliyatida besh va undan koʻp yil davomida uzilishlar boʻlgan faoliyatini qayta boshlagan vaqtdan boshlab bir yil davomida kasbiy sertifikatga ega boʻlishi lozim.

Davlat maktablarida oʻrindoshlik asosida dars beradigan va asosiy ish joyi boʻyicha pedagogik faoliyat bilan shugʻullanmaydigan talabgor oʻrindoshlik asosida faoliyat yuritayotgan taʼlim tashkilotidan kasbiy sertifikatlash jarayonlariga jalb etiladi.

Talabgorning diplomida bittadan ortiq tayyorlov yoki taʼlim yoʻnalishi, mutaxassislik yoxud ixtisoslik koʻrsatilgan boʻlsa yoki diplomida koʻrsatilmagan oʻquv fanlaridan dars berish huquqiga ega boʻlsa, ular dars berayotgan har bir oʻquv fani boʻyicha alohida kasbiy sertifikat olishi lozim.

Quyidagilar kasbiy sertifikatlashga jalb etilmaydi:

➖fan nomzodi, falsafa doktori (PhD) yoki fan doktori (DSc) darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega boʻlgan pedagog kadrlar;

➖magistr darajasiga ega mutaxassislar.

Nazorat sinovi 50 ta topshiriqdan iborat boʻladi, har bir toʻgʻri bajarilgan topshiriq 2 ball bilan baholanib, nazorat sinovi uchun jami 100 ball beriladi.

Nazorat sinovi kompyuterda (onlayn platforma) viloyat markazlaridagi katta sigʻimli binolarda oʻtkaziladi.

✅Ta’lim nazorati rasmiy kanali

"Maktabgacha va umumiy o‘rta ta’lim tashkilotlarini attestatsiyadan o‘tkazish hamda ta’lim sifati monitoringini amalga oshirish tizimini takomillashtirish chora-tadbirlari to‘g‘risida" VMQ-91 qabul qilindi.

✅Ta’lim nazorati rasmiy kanali

Namangan Xalqaro Universitetining litsenziyasi bekor qilinishi munosabati talabalarni koʻchirish borasida

Oliy taʼlim, fan va innovatsiyalar vazirligi tomonidan 15-fevral kuni Namangan Xalqaro Universiteti (NamXU)ning litsenziyasi bekor qilingani toʻgʻrisida maʼlumot berilgandi.

Shu munosabat bilan 16-fevralda vazirlik mutasaddilari tomonidan joyiga borgan holda mazkur universitetning barcha talabalariga, professor-oʻqituvchilariga vaziyat boʻyicha tushuntirish ishlari olib borildi, ularning barcha savollariga javoblar berildi. Shu kunning oʻzida 1200 nafar talabalardan boshqa oliy taʼlim tashkilotlariga oʻqishlarini koʻchirish boʻyicha arizalar olindi.

17-fevral kuni ham bu jarayon davom etdi. Hozirda har bir guruh boʻyicha alohida grafik tuzilgan boʻlib, mazkur grafikka asosan talabalar kelib, oʻzlari xohlagan oliy taʼlim tashkilotiga ariza yozyapti. Bu jarayon bir necha kun davomi etishi kutilmoqda.

Oliy taʼlim, fan va innovatsiyalar vazirligi har bir talabani boshqa oliy taʼlim tashkilotiga koʻchirish uchun masʼuliyatni oʻz zimmasiga oladi va ularning har birining muammosi yechib beriladi. Birorta talabaning masalasi eʼtiborsiz qoldirilmaydi.

Talabalarning arizalari tegishli oliy taʼlim tashkilotlariga joʻnatiladi va oʻqishi boshlangunga qadar talabalar vazirlik nazoratida boʻladi.

✅Ta’lim nazorati rasmiy kanali

Navbatdan tashqari attestatsiya uchun toʻlov miqdori qancha?

Pedagog kadrlarni navbatdan tashqari attestatsiyadan oʻtkazish boʻyicha davlat xizmatini koʻrsatganlik uchun bazaviy hisoblash miqdori(BHM)ning bir baravari miqdorida yigʻim undiriladi.

Toʻlovlar miqdori:

a) davlat xizmatlari markazlari orqali murojaat etilganda BHMning 100 foizi (hozirgi kunda 340 ming soʻm)

b) https://pedkadr.uzedu.uz/ — platformasi orqali murojaat etilganda, BHMning 90 foizi (hozirgi kunda 306 ming soʻm)

v) Yagona interaktiv davlat xizmatlari portali orqali murojaat etilganda,murojaat etilganda BHMning 90 foizi (hozirgi kunda 306 ming soʻm)

Toʻlovlar attestatsiyada ishtirok etish uchun roʻyxatdan oʻtish va murojaat yuborilayotgan vaqtda amalga oshiriladi. Yaʼni, “navbatdan tashqari attestatsiya” turi tanlanganda har bir pedagog uchun toʻlov toʻgʻrisidagi barcha maʼlumotlar koʻrsatilgan xabarnoma (kvitansiya) yuboriladi. Toʻlovlarni shu kvitansiyada koʻrsatilgan INVOYS raqamiga oʻtkazish kerak.

❗️To‘lov qilishdan avval toifa sertifikatingiz muddatiga qarab aniqlashtirib oling. Siz uchun joriy attestatsiya navbatdagi (majburiy)mi yoki navbatdan tashqarimi? Agar siz uchun joriy attestatsiya majburiy bo‘la turib, navbatdan tashqariga hujjat topshirsangiz arizangiz rad etiladi va toʻlangan yigʻim qaytarilmaydi.

✅Ta’lim nazorati rasmiy kanali

❗️Nodavlat universitetlar talabalari ko‘chada qolmasligi amalda ko‘rindi

So‘nggi voqea va hodisalar fonida nodavlat oliy ta’lim tashkilotlari haqidagi ko‘p miflar puchga chiqdi.

Misol uchun, "Nodavlat OTM yopilib ketsa, nima bo‘ladi?", "Talabalar ko‘chada qoladimi?", "Boshqa universitetga ko‘chira oladimi?" degan savollarga mutaxassislar javob berib kelayotgan bo‘lsa-da jamoatchilik uncha ishonmay kelayotgandi.

Mana endi talabalarning aldanib, ko‘chada qolmasligi lisenziyasi bekor qilingan nodavlat universitetlar misolida ko‘rinib turibdi.

Misol uchun, Oliy ta’lim, fan va innovatsiyalar vazirligi ishchi guruhi dam olish kunlari ham Namanganda NamXU talabalarini qabul qilib, o‘zlari xohlagan nodavlat universitetga ko‘chirishlari uchun yordam bermoqda.

Ayrim ijtimoiy tarmoq foydalanuvchilari Namangandagi vazirlik xodimlarini tanqid qilmoqda.

Ularda nima ayb? Qarorni sud chiqargan. Vazirlik xodimlari esa shunchaki, topshiriqni bajarmoqda. Talabalar sarson bo‘lmasin, kimdir aldab pulini olmasin deb harakat qilmoqda.

Yuqoridagi voqea hodisalardan ko‘rinib turibdiki, nodavlat universitet talabalari ko‘chada qolmaydi.

Shunday ekan, bu borada ikkilanishga hojat yo‘q.

Manba

✅Ta’lim nazorati rasmiy kanali

Diqqat!
Ommalashtirish.uz platformasi 1-mart kunidan ishga tushuriladi.

Hurmatli pedagoglar, Sizdan ommalashtirishga topshiriladigan metodik ishlarni 2024-yilning 1-mart sanasigacha maktab pedagogik kengashida tasdiqlatish so'raladi.

2024-yil 7-fevralda maktabgacha va maktab taʼlimi vazirining “Oʻqituvchilarni ilgʻor ish tajribasi va faoliyati davomida qoʻllab kelayotgan zamonaviy metodikalarni ommalashtirish tartibini takomillashtirish toʻgʻrisida”gi 32-sonli buyrugʻi qabul qilingan edi.

✅Ta’lim nazorati rasmiy kanali

⚡️ Ingliz tili bo‘yicha B2 va undan yuqori darajaga ega bo‘lgan yoshlarning professional darajadagi xalqaro IT-sertifikatlarni olish hamda o‘qish xarajatlari to‘liq qoplab beriladi – Vazirlar Mahkamasi qarori

🔰 Vazirlar Mahkamasining “Xalqaro IT-sertifikatlarga ega yosh mutaxassislarni rag‘batlantirishga oid qo‘shimcha chora-tadbirlar to‘g‘risida” 2024-yil 17-fevraldagi 95-son qarori qabul qilindi.

Qarorga ko‘ra, 1-martdan boshlab:

👉 Xalqaro IT-sertifikatlarga ega yoshlarning o‘qishi hamda ushbu sertifikatlarni olish uchun sarf qilgan xarajatlarining 60 foizgacha bo‘lgan qismi qoplab beriladi.

👉 Shuningdek, ingliz tili bo‘yicha B2 va undan yuqori darajaga ega bo‘lgan yoshlarning professional darajadagi xalqaro IT-sertifikatlarni olish hamda o‘qish xarajatlari to‘liq qoplab beriladi.

👉 Bunda yoshlar xalqaro IT-sertifikatlarni olish xarajatlarini qoplab berish bo‘yicha Yagona interaktiv davlat xizmatlari portali orqali elektron tarzda ariza yuboradi.

✅Ta’lim nazorati rasmiy kanali

⚡️ Milliy sertifikat imtihoni uchun talabgorlarni ro‘yxatga olish boshlandi

✅ Biologiya hamda qoraqalpoq tili va adabiyot fanlaridan milliy sertifikat imtihoni uchun talabgorlarni ro‘yxatga olish boshlandi.

🖥 Ro‘yxatga olish Vazirlar Mahkamasining 2024-yil 10-yanvardagi 17-son qaroriga muvofiq Yagona interaktiv davlat xizmatlari portali (my.gov.uz sayti) orqali amalga oshirilmoqda.

📅 Talabgorlarni ro‘yxatga olish 25-fevral kuniga qadar, to‘lovni amalga oshirish esa 26-fevral kuniga qadar (shu kunlari ham) davom etadi.

✅ Test sinovi 2-3-mart kunlari Qoraqalpog‘iston Respublikasi, viloyatlar va Toshkent shahrida bo‘lib o‘tadi.

🔗 Ro‘yxatdan o‘tish uchun havola: https://my.gov.uz/oz/service/891

❕ Izoh: imtihon natijalari Rash modeli asosida hisoblanadi.

✅Ta’lim nazorati rasmiy kanali

Ommalashtirishning yangi tartibi haqida asosiy ma’lumotlar

Yangi tartib bo’yicha, metodik ishlar uchun ovoz yig’ish amaliyoti bekor qilindi. Uning o’rniga ommalashtirish.uz platformasiga yuborilgan ishlar Respublika taʼlim markazi va Pedagoglarni yangi metodikalarga oʻrgatish milliy markazlaridagi Metodik xizmat koʻrsatish boʻlimining tegishli fanlar bo‘yicha Oʻquv metodik kengashi tomonidan oʻrganib chiqiladi.

✅ Tavsiya etilgan ilgʻor ish tajribalar metodik qoʻllanma yoki metodik tavsiya ko‘rinishda boʻlishi lozim.

❗️Oʻtgan yillar davomida ommalashtirilgan metodik ishlar oʻrganilmaydi.

Metodik ishlar 2024-yilning 1-mart sanasigacha maktab pedagogik kengashida tasdiqlanishi kerak.

📤 Quyidagi hujjatlar ommalashtirish.uz platformasiga jaylashtiriladi:

– metodik ishiga ijobiy xulosa to‘g‘risida Pedagogik kengash qarorining elektron (pdf) nusxasi;
– ommalashtirish uchun tavsiya etiladigan metodik ish (metodik qoʻllanma yoki metodik tavsiya)ning elektron (pdf) nusxasi;
– oʻzi toʻgʻrisida maʼlumotnoma (obyektivka) va mutaxassisligi boʻyicha diplom nusxasi.

Metodik ishlar quyidagi bosqichlarda ommalashtiriladi: maktab, tuman (shahar), viloyat miqyosida hamda respublika miqyosida.

Tuman (shahar), viloyat (Toshkent shahar, Qoraqalpogʻiston Respublikasi) miqyosida ommalashtirish toʻgʻrisida Metodik xizmat koʻrsatish boʻlimining oʻquv metodik kengashi qarori har yili 15-mayga qadar ommalashtirish.uz platformasiga joylashtirilishi lozim.

➖50-65 ball bilan baholangan metodik ishlar tuman (shahar) miqyosida,

➖66-80 ball bilan viloyat miqyosida ommalashtirilgan deb hisoblanadi va sertifikat olish uchun ommalashtirish.uz platformasi orqali Respublika taʼlim markaziga yuboriladi.

➖75-80 ball bilan baholangan metodik ish respublika miqyosida ommalashtirish uchun tavsiya etiladi.

Maktab miqyosida ommalashtirilgan metodik ish uchun sertifikat berilmaydi va maktab miqyosida ommalashtirilganligi toʻgʻrisida Pedagogik kengash qarori asos hisoblanib, uch yilga amal qiladi.

Tuman, viloyat va respublika miqyosida ommalashtirilganligi toʻgʻrisidagi sertifikat berilgan kundan boshlab uch yil amal qiladi.

✅Ta’lim nazorati rasmiy kanali

Maktablarda “Oʻquvchi yoshlar halollik tarafdori” 10 kunligi va “Halollik” toʻgaraklari yoʻlga qoʻyiladi

Korrupsiyaga qarshi kurashish agentligi axborot xizmati rahbari Sherzod Saparov maʼlum qilishicha, maktabgacha va maktab taʼlimi muassasalarida:

➖“Oʻquvchi yoshlar halollik tarafdori” 10 kunligi va “Halollik” toʻgaraklari tizimli ravishda yoʻlga qoʻyiladi.

➖“Profilaktika kunlari” va “Sinf soat”lari doirasida “Halollik qadriyatlari”, “Toʻgʻrilik, mehnatsevarlik xotirjam hayot asosi” mavzularida targʻibot-tashviqot tadbirlari tashkil etiladi.

🏛 Kasb-hunar taʼlimi va oliy taʼlim muassasalarida:

➖“OTM–viloyat–respublika” tizimi asosida bilimlar bellashuvi tashkil etiladi.

➖“Aksilkorrupsiya kovorking” markazlari faoliyati yoʻlga qoʻyiladi.

➖9-dekabr — Xalqaro korrupsiyaga qarshi kurashish kuni” munosabati bilan barcha oliy taʼlim muassasalarida “Yoshlar korrupsiyaga yoʻq deydi!” mavzusida eng yaxshi rasmlar tanlovi, OTMlarning ijtimoiy tarmoqlardagi sahifalarida #Stop_korrupsiya xeshtegi ostida chellenj, ota-onalar oʻrtasida “Isteʼmolchilarning taʼlim xizmatlari sifatidan qanoatlanganligi” mavzusi boʻyicha sotsiologik soʻrovnoma oʻtkaziladi.

✅Ta’lim nazorati rasmiy kanali

⚡️Direktorlar har besh yilda bir marotaba attestatsiyadan o‘tkaziladi

Joriy yil 21-fevral kuni Prezidentimizning “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida"ga farmoni qabul qilindi.

2024/2025 o‘quv yilidan boshlab umumiy o‘rta ta’lim muassasalari direktorlarini menejerlik bo‘yicha sertifikatsiyalash tizimi joriy etiladi. Bunda, direktorlarga malakaviy talablar aniq belgilanib, ular har besh yilda bir marotaba attestatsiyadan o‘tkaziladi.

✅Ta’lim nazorati rasmiy kanali

⚡️Sertifikati bor ona tili va adabiyot hamda tarix fanlari o‘qituvchilariga har oylik qo‘shimcha 50 foiz ustama to‘lanadi

Joriy yil 21-fevral kuni Prezidentimizning “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida"ga farmoni qabul qilindi.

Farmonga asosan 2025-yil 1-yanvardan boshlab Maktabgacha va maktab ta’limi vazirligi tizimidagi umumiy o‘rta ta’lim muassasalarida ona tili va adabiyot hamda tarix fanlari bo‘yicha Bilim va malakalarni baholash agentligining milliy baholash tizimida olingan tegishli darajadagi sertifikatga ega bo‘lgan va ushbu fanlardan dars beruvchi pedagog kadrlarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanishi belgilandi.

✅Ta’lim nazorati rasmiy kanali

Ayrim maktablarga bazaviy hisoblash miqdorining 150 barobarida mablag‘ ajratiladi

✅ O‘zbekiston Respublikasi Prezidentining “O‘zbekiston – 2030” strategiyasini “Yoshlar va biznesni qo‘llab-quvvatlash yili”da amalga oshirishga oid davlat dasturi to‘g‘risida” Farmoni qabul qilindi.

2024-2025-o‘quv yilidan boshlab:

➖Qoraqalpog‘iston Respublikasi, viloyatlar va Toshkent shahrining 1 tadan tumanida (shahrida) sinov tariqasida “Mening maktabim” loyihasi amalga oshirilsin hamda buning doirasida Davlat byudjeti mablag‘lari hisobidan maktablarga bazaviy hisoblash miqdorining 150 barobarida mablag‘ ajratilib, ushbu mablag‘ 5–11-sinf o‘quvchilari tanloviga ko‘ra, elektron doska, kompyuter, sport jihozlari, kitoblar kabi maktablar uchun zarur tovarlarga sarflanishi belgilandi.

2024-yil 1-sentabrdan boshlab:

➖2024 yil 1 sentyabrdan boshlab Qashqadaryo va Surxondaryo viloyatlarida tajriba-sinov tariqasida umumiy o‘rta ta’lim maktablariga olis hududlardan qatnaydigan o‘quvchilar uchun autsorsing asosida bepul avtobuslar qatnovi yo‘lga qo‘yiladi.

✅Ta’lim nazorati rasmiy kanali