SAVOL: Bu yil qabul qachondan boshlanadi?

✅ JAVOB: Bu yilgi qabul uchun abituriyentlarning hujjat topshirish jarayoni 20-iyundan 20-iyulga qadar (shu kuni ham) davom etadi. Chet tilidan kasbiy ijodiy imtihon topshiruvchi abituriyentlar esa, 10-iyulgacha hujjatini topshirib bo‘lishi kerak.

Xalqaro press klubning“Qabul-2023: kvotalar, imkoniyat va imtiyozlar” mavzusidagi sessiyasidan

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

#talabalar_diqqatiga

⚡️Talabalar uchun har oylik stipendiya toʻlanadigan oʻquv kurslari tashkil etiladi

Vazirlar Mahkamasining “Mirzo Ulugʻbek vorislari” tayyorlov oʻquv kurslarini tashkil etish chora-tadbirlari toʻgʻrisida”gi qarori (19.05.2023 206-son) qabul qilindi.

Oʻquv kurslari quyidagi yoʻnalishlarda tashkil etiladi:

➡️ axborot texnologiyalaridan va kommunikatsiyalaridan foydalanish (boshlangʻich);
➡️ matematik statistika;
➡️ algoritmlash asoslari;
➡️ maʼlumotlarni qayta ishlash;
➡️ dasturlash tillari (Phthon);
➡️ ingliz tili;
➡️ qaror qabul qilish asoslari.

⏺ Oʻquv kurslari jamoa boʻlib ishlash va boshqa yoʻnalishlar boʻyicha ham tashkil etilishi mumkin.

Birinchi oʻquv yilida kamida 60 nafar tinglovchi qabul qilinadi, keyingi yillarda tinglovchilar soni ehtiyojdan kelib chiqib, oshirib boriladi.

Taʼlim olish 34 hafta muddat davomida “Blending learning — aralash taʼlim texnologiyasi” asosidagi oʻquv dasturiga muvofiq tashkil etiladi.

❕ Ushbu kurslarda oʻqish uchun tanlovning birinchi yilida respublika davlat OTMlarining bakalavriat bosqichida (barcha taʼlim shakli boʻyicha) 2-kursni muvaffaqiyatli tamomlagan (akademik qarzdorligi boʻlmagan) talabalari ishtirok etishlari mumkin.

Ushbu oʻquv kurslariga qabul qilingan respublika hududlaridagi talabalarining oʻqishini mos va turdosh yoʻnalishlarda Toshkent shahrida joylashgan davlat OTMlariga akademik mobillik asosida bir yil muddatga koʻchiriladi.

Oʻquv kurslariga qabul qilingan talabalar(tinglovchilar):

💰 ushbu oʻquv kurslarida oʻqishi davomida BHMning toʻrt baravari (1 mln 320 ming soʻm) miqdorida har oyda bir marotaba ragʻbatlantirib boriladi;

🏠 Turar joy bilan taʼminlanadi yoki asosiy oʻqish joyi boʻlgan hududlardagi davlat OTMlari tomonidan belgilangan tartibda ijara toʻlovlarining bir qismi qoplab beriladi;

🍱 Oʻqishi davomida bir mahal issiq ovqat bilan taʼminlanadi;

💻 taʼlim olish muddatiga zarur kompyuter jihozlari (noutbuk va boshqalar) taqdim etiladi;

🧑‍💻 IT-park rezidentlari boʻlgan tashkilotlarda amaliyotlarda qatnashishi taʼminlanadi;

🧾 Oʻquv kurslarini muvaffaqiyatli tamomlagan tinglovchilarga Isteʼdodli yoshlarni qoʻllab-quvvatlash “Ulugʻbek” jamgʻarmasi va Toshkent shahridagi Inxa universiteti tomonidan tasdiqlanadigan tegishli yoʻnalishi boʻyicha davlat namunasidagi sertifikat beriladi.

Tez fursatda kanalimiz (@uztdi) orqali ushbu kurslarga tanlov shartlari haqida batafsil maʼlumot beramiz.

✅Ta’lim nazorati rasmiy kanali

⚡️ “Mirzo Ulugʻbek vorislari” oʻquv kurslariga nomzodlar uch bosqichli tanlov asosida qabul qilinadi

Vazirlar Mahkamasi qarori (19.05.2023 206-son) bilan tinglovchilari (talabalar) har oylik stipendiya, bir mahal issiq ovqat bilan va zarur kompyuterlar ta’minlanadigan “Mirzo Ulugʻbek vorislari” tayyorlov oʻquv kurslarini tashkil etilishi haqida xabar bergan edik.

Ushbu o‘quv kurslariga tanlov jarayonlari shartlari:

👉 Tanlovning birinchi yilida davlat OTMlarining bakalavriat bosqichida (barcha ta’lim shakli bo‘yicha) 2-kursni muvaffaqiyatli tamomlagan (akademik qarzdorligi bo‘lmagan) talabalari ishtirok etadi.

O‘quv kurslariga iqtidorli tinglovchilarni qabul qilish jarayoni har yili iyun-avgust oylarida quyidagi uch bosqichda amalga oshiriladi:

➡️ 1- bosqich – onlayn ariza va IQ test (onlayn test) topshirish. (100 ballik tizimda baholanadi)

Nomzodlar tanlovda ishtirok etish uchun onlayn arizani Iste’dodli yoshlarni qo‘llab-quvvatlash “Ulug‘bek” jamg‘armasining dscience.uz veb-sayti orqali to‘ldiradi.

Jami 300 nafar eng yuqori ball to‘plagan nomzodlar 2-bosqichga o‘tkaziladi.

➡️ 2-bosqich – imtihon. Bunda quyidagi mezonlar asosida 100 ballik tizim bo‘yicha baholanadi:

➖ axborot-kommunikasiya texnologiyalaridan foydalanish (boshlang‘ich);
➖ algoritmlash va dasturlashtirish asoslari;
➖ mantiqiy savol va masalalar;
➖ matematikadan mantiqiy masalalar;
➖ matematik statistika masalalarini yechish;
➖ algebradan misollar yechish;
➖ tenglamalar yechish;
➖ kompleks sonlar va ular ustida amallar.

120 nafar eng yuqori natija ko‘rsatgan nomzodlar 3-bosqichda ishtirok etishga tavsiya etiladi.

➡️ 3-bosqich – suhbat. (100 ballik tizimda baholanadi)

Suhbatda quyidagi mezonlardan kelib chiqqan holda savollar beriladi:

➖ respublikada raqamlashtirish sohasida amalga oshirilayotgan keng qamrovli islohotlarning mazmun-mohiyati va ahamiyatini tushunish (elektron hukumat, raqamli iqtisodiyot, raqamli ta’lim, telekommunikasiya va boshqa sohalardagi islohotlar haqida tasavvur va fikrlash qobiliyatining mavjudligi.

🗓 Tanlovning uchinchi bosqichi g‘oliblari to‘g‘risida ma’lumot tashkilotchilar tomonidan o‘n ish kuni ichida e’lon qilinadi.

✅Ta’lim nazorati rasmiy kanali

🖊 5 yil mehnat stajiga ega bo‘lgan xotin-qizlardan tavsiyanoma olish shartlari

Mutaxassisligi boʻyicha kamida 5 yil mehnat staji mavjud, biroq oliy maʼlumotga ega boʻlmagan xotin-qizlardan tavsiyanoma olish uchun arizalar qabul qilish joriy yilning 1-iyuniga qadar davom etadi.

➡️ Tavsiyanoma olish uchun talabgorlar:

➖ oʻrta maxsus yoki professional taʼlim boʻyicha mutaxassislikka ega boʻlishi;

➖ tavsiyanoma olgunga qadar oliy taʼlim olmaganligi yoki olmayotganligi;

➖ oʻrta maxsus yoki professional taʼlim mutaxassisligi boʻyicha kamida besh yillik mehnat stajiga ega boʻlishi kerak.

➖ 1-7-iyun kunlari tuman (shahar) Ishchi guruhlari tomonidan talabgorlar tomonidan taqdim etilgan ariza va hujjatlar oʻrnatilgan tartibda koʻrib chiqiladi va tavsiyanoma berish yoki tavsiyanoma berishni rad etish toʻgʻrisida xulosa qabul qilinadi.

#️⃣ Bu haqda Oila va xotin-qizlar qoʻmitasi boshqarma boshligʻi Oʻgʻiloy Oʻrozova brifingda maʼlum qildi.

✅Ta’lim nazorati rasmiy kanali

⚡️ Maktabgacha ta’lim tashkilotlarining oliy ma’lumotli pedagog xodimlarining maoshi oshiriladi

❗️2023-yil 1-maydan boshlab umumiy o‘rta ta’lim muassasalarining byudjetdan tashqari jamg‘armalari mablag‘larini shakllantirish va ulardan foydalanish bo‘yicha belgilangan tartib maktabgacha ta’lim tashkilotlari va ixtisoslashtirilgan ta’lim muassasalari uchun ham tatbiq etiladi;

❗️2024 yil 1-yanvardan boshlab markazlashtirilgan moliya-buxgalteriya xizmati xodimlarining bazaviy tarif stavka miqdorlari 1,5 baravarga oshiriladi;

❗️2024-yil 1-iyundan boshlab davlat maktabgacha ta’lim tashkilotlarining oliy ma’lumotli pedagog xodimlarining bazaviy tarif stavkalari umumiy o‘rta ta’lim muassasalarining tegishli pedagog xodimlari bazaviy tarif stavkalarining amaldagi miqdorlariga tenglashtiriladi.

Maktabgacha va maktab taʼlimi vazirligi

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

Joriy o‘quv yili qabulida 8 ta OTMda chet tilidan kasbiy (ijodiy) imtihon bo‘ladi

Bular xorijiy tillar bo‘yicha mutaxassislarni tayyorlashga ixtisoslashgan

👉 O‘zbekiston davlat jahon tillari universiteti;
👉 Samarqand davlat chet tillar instituti;
👉 Toshkent davlat sharqshunoslik universiteti;
👉 Andijon davlat chet tillar instituti;
👉 Namangan davlat chet tillar institutining fanlar majmuasiga chet tili birinchi fan sifatida kiritilgan bakalavriat ta’lim yo‘nalishlariga hamda

👉 Toshkent davlat pedagogika universiteti;
👉 Qo‘qon davlat pedagogika instituti;
👉 Nukus davlat pedagogika institutining xorijiy tillar bo‘yicha pedagoglarni tayyorlovchi bakalavriat ta’lim yo‘nalishlariga kirish imtihonlarida chet tili fanidan tinglab tushunish, o‘qish, yozish hamda gapirish kompetensiyalarini aniqlash va baholashga qaratilgan kasbiy (ijodiy) imtihon o‘tkaziladi.

Ma’lumot uchun, ushbu tartib Vazirlar Mahkamasining qarori bilan o‘tgan 2022/2023-o‘quv yili qabulidan boshlangan edi.

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

⚡️Pedagoglarni sertifikatlash tizimi yoʻlga qoʻyiladi

Prezident Shavkat Mirziyoyev 22-may kuni maktabgacha ta’lim va maktab ta’limi tizimini rivojlantirish bo‘yicha takliflar taqdimoti bilan tanishdi.

Xabar berilishicha, maktablarni malakali kadrlar bilan taʼminlash maqsadida pedagoglarni sertifikatlash tizimi yoʻlga qoʻyiladi. Yaʼni, ishga kirayotgan pedagog 1 yil davomida oʻqituvchi-stajyor sifatida faoliyat yuritib, shu muddatda sertifikat olishi kerak boʻladi.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

⚡️Malaka sertifikati olgan pedagoglarning oylik maoshiga 70 foizgacha miqdorida ustama toʻlanishi mumkin

Prezident Shavkat Mirziyoyev 22-may kuni maktabgacha ta’lim va maktab ta’limi tizimini rivojlantirish bo‘yicha takliflar taqdimoti bilan tanishdi.

Xabar berilishicha, oʻqituvchilarga malaka toifasini berish boʻyicha sinovlar 2 bosqichda tashkil etiladi. Birinchi bosqichda talabgorning mutaxassislik fani boʻyicha bilimi, ikkinchisida pedagogik mahorati baholanadi. Malaka sertifikati olgan pedagoglarning oylik maoshiga 70 foizgacha miqdorida ustama toʻlanishi mumkin.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

❗️Maktabgacha va maktab taʼlimi vazirligining tuman (shahar) boʻlimlarining maktablar faoliyatini tekshirish va taʼlim sifatini baholash vakolatlari tugatiladi.

Bu haqida Prezident matbuot xizmati xabar berdi

✅Ta’lim nazorati rasmiy kanali

Quyidagi holatlarda oʻquvchilar yakuniy davlat attestatsiyasi va bosqichli nazoratdan ozod etilishi mumkin

Vazirlar Mahkamasining 2017-yil 15-martdagi 140-son qarori bilan tasdiqlangan “Umumiy oʻrta taʼlim toʻgʻrisida”gi nizomga koʻra tibbiy-maslahat komissiyasining xulosasi va umumtaʼlim muassasasining pedagogik kengashi qarori bilan oʻquvchilar yakuniy davlat attestatsiyasi va bosqichli nazoratdan ozod etilishi mumkin.

Oʻquvchilarga sinfdan sinfga koʻchirish imtihonlari va yakuniy davlat attestatsiyasidan ozod boʻlish huquqini beruvchi kasalliklar roʻyxati Maktabgacha va maktab taʼlimi vazirligi hamda Sogʻliqni saqlash vazirligi tomonidan belgilanadi.

Oʻquvchilarning xalqaro va respublika olimpiadalari, tanlovlari, musobaqalari hamda boshqa koʻrik-tanlovlardagi ishtiroki yakuniy davlat attestatsiyasi va bosqichli nazorat muddatlariga toʻgʻri kelib qolgan taqdirda, ular tegishli yakuniy davlat attestatsiyasi va bosqichli nazoratlardan ozod etiladi.

Ularning bilimlarini yakuniy baholash va reytingini aniqlash yillik baholar asosida amalga oshiriladi.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

Maktabgacha va maktab ta’limi vazirligi ijtimoiy tarmoqlarda tarqalayotgan O‘zbekiston maktablarida so‘nggi qo‘ng‘iroq kuni bilan bog‘liq taqiqlar hech qanday asosga ega emasligini ma’lum qiladi.

Avvalroq vazirlik tomonidan maktablarda “So‘nggi qo‘ng‘iroq” tadbirlarini o‘tkazish bo‘yicha zarur tavsiyalar ishlab chiqilgani haqida xabar berilgandi.

***

Министерство дошкольного и школьного образования сообщает, что распространяемые в социальных сетях запреты, связанные с последним звонком в школах Узбекистана, не имеют никаких оснований.

Ранее министерство разработало необходимые рекомендации по проведению мероприятий «Последний звонок» в школах.

“Soʻnggi qoʻngʻiroq” bayram tadbiri boʻyicha namunaviy ssenariy

✅Ta’lim nazorati rasmiy kanali

“Soʻngi qoʻngʻiroq” tadbirlarida Prezident tabrigi oʻqib eshittiriladi

Maktabgacha va maktab taʼlimi vazirligi (24.05.2023-y 06-06/3-1083-sonli xat) tomonidan joriy yilning 25-may kuni maktablarda oʻtkaziladigan “Soʻngi qoʻngʻiroq” tadbirlarini yuqori saviyada tashkil etish, barcha darajadagi hokimlar, sektorlar, yirik korxona va tashkilot rahbarlari, oliy taʼlim muassasalari rektorlari, ziyolilar, yozuvchi va shoirlar hamda jamoatchilik vakillarining mazkur tadbirlarda bevosita ishtirokini taʼminlab, Oʻzbekiston Respublikasi Prezidenti Sh.M.Mirziyoyevning mamlakatimiz maktablarining bitiruvchilariga tabrigini tantanali oʻqib eshittirish hamda yurtimizda taʼlim sohasida olib borilayotgan keng koʻlamli chuqur islohotlarning mazmun-mohiyatini batafsil tushuntirish soʻralgan.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

⚡️Talabalar kontrakti uchun qilingan to’lovlardan 12%ini qaytarib olish maqsadida soliq organlariga borish shart emas

Buning uchun my3.soliq.uz orqali shartnoma va toʻlov hujjatlarini biriktirgan holda deklaratsiya yuborish mumkin.

“Soliq deklaratsiyalarini yuborish” elektron xizmatida foydalanuvchining ish haqi va boshqa daromadlari toʻgʻrisidagi maʼlumotlar avtomatik shakllanadi.

Jismoniy shaxslarning quyidagilar uchun yoʻnaltirilgan daromadlaridan 12% miqdorida daromad soligʻini masofadan qaytarib olish mumkin:

➡️ kontrakt;
➡️ nodavlat bog’cha va maktablar;
➡️ ipoteka kreditlari.

❗️Deklaratsiya elektron raqamli imzodan foydalangan holda yuboriladi.

👉 Elektron raqamli imzo olish bo‘yicha videoqo‘llanma

✅Ta’lim nazorati rasmiy kanali

💵 Kechki yoki sirtqi taʼlimda oʻqiyotgan xodimlarga sessiya topshirish uchun oylik saqlangan holda beriladi

Oliy ta’lim muassasalari, texnikum yoki kollejlarda kechki yoki sirtqi ta’limda o‘qiyotgan xodimlarga laboratoriya-imtihon sessiyalarida qatnashish uchun o‘rtacha ish haqi saqlangan holda quyidagi muddatlarda o‘quv ta’tillari beriladi:

👉 OTMda kechki ta’limda o‘qiyotgan 1-2-kurs talabalariga – kamida 20 kun, texnikum yoki kollejlarda – kamida 10 kun, OTM va texnikum yoki kollejlarda sirtqi ta’limda o‘qiyotganlarga esa – kamida 30 kun;

👉 OTMda kechki ta’limda 3-4-kurslarda yoki undan yuqori kurslarda o‘qiyotganlarga – kamida 30 kun, texnikum yoki kollejlarda – kamida 20 kun, OTM va texnikum yoki kollejlarda sirtqi ta’limda o‘qiyotganlarga esa kamida 40 kalendar kun.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

2023-YIL BITIRUVCHILARIGA MUROJAAT

Vazirlar, muftiy, Eldor Shomurodov, Konsta, Doniyor G‘aniyev, hokim, diplomatlar, ekspertlar, sanʼatkorlar, sportchilar hamda jamoatchilikning boshqa faollari 2022/2023-o‘quv yili bitiruvchilariga o‘z maslahatlari va tilaklarini bildirishdi.

“Gazeta.uz” davlat arboblari, xalqaro tashkilotlar va jamoatchilikning faol vakillaridan 2022/2023 o‘quv yili bitiruvchilari va yoshlarga o‘z maslahatlari va tilaklari bilan murojaat qilishlarini so‘radi.

Ularga an’anaviy ravishda uchta savol berildi:

1. O‘zingizni bitiruvchi deb tasavvur qilsangiz, o‘zingizga nimalarni maslahat berardingiz?
2. Yangi avlod vakillari qanday uchta muhim xislatlarga ega bo‘lishlari kerak?
3. 2022/2023 o‘quv yili bitiruvchilariga maslahat va tilaklaringiz?

👉 Lotin alifbosida o‘qish

👉Кириллда ўқиш

👉Рус тилида ўқиш

✅Ta’lim nazorati rasmiy kanali

🏘 Toshkent shahri va viloyatida davlat-xususiy sheriklik asosida 13 ta maktab tashkil etiladi

Prezidentining yangi qarori (25.05.2023-yildagi PQ-163-son) ga asosan 2023-2024-yillarda Osiyo taraqqiyot banki bilan hamkorlikda Toshkent shahri va Toshkent viloyatida davlat-xususiy sheriklik asosida 13 ta umumiy oʻrta taʼlim maktablari tashkil etiladi.

Xususiy sherik “Davlat-xususiy sheriklik toʻgʻrisida”gi Qonuniga muvofiq oʻtkaziladigan xalqaro tender natijalari boʻyicha aniqlanadi hamda u bilan maktablarni keyinchalik tasarruf etish huquqisiz qurish, jihozlash va ekspluatatsiya qilish yuzasidan davlat-xususiy sheriklik toʻgʻrisidagi bitim tuziladi.

➡️ Xususiy sherik:

➖ oʻz mablagʻlari va kreditlarni jalb qilish hisobiga maktablarni loyihalashtirish, qurish va jihozlash ishlarini amalga oshiradi;

➖qurilgan maktablarni davlat sherigiga foydalanishga topshiradi;

➖ bitim amal qilish muddati davomida maktablarni saqlash va ekspluatatsiya qilish bilan bogʻliq barcha zarur choralarni koʻradi;

➖ bitim muddati tugagandan soʻng maktablarni davlat sherigiga mulk qilib topshiradi.

➡️ Davlat sherigi:

➖ Maktablarda taʼlim jarayonni tashkil etadi;

➖ Maktablardan erkin foydalanish uchun toʻlovlarni amalga oshiradi. Ushbu toʻlovlar Davlat byudjetidan qoplanadi.

➡️ Ushbu maktablar quriladigan yer uchastkalari qarorga 1-ilova sifatida tasdiqlangan.

✅Ta’lim nazorati rasmiy kanali

Abituriyentlar diqqatiga!

📌 2022-yil 21-dekabrda Oliy ta’lim, fan va innovatsiyalar vazirligi tomonidan 2023-2024-o‘quv yili uchun bakalavriat ta’lim yo‘nalishlari ro‘yxati va ularga mos test sinovi topshiriladigan fanlar majmuasi tasdiqlanib, e’lon qilingan. Unda “Yurisprudensiya” ta’lim yo‘nalishi uchun huquqshunoslik fanlari 1-mutaxassislik fani sifatida belgilangan.

📔 Bilimni baholash agentligi tomonidan 2022-yil 28-oktabrda abituriyentlar test sinovlariga tayyorgarlik ko‘rishlari uchun tavsiya etilgan darsliklar va o‘quv adabiyotlar ro‘yxati e’lon qilingan. Bunda huquqshunoslik fanlari bo‘yicha tavsiya etilgan darsliklar ro‘yxatida O‘zbekiston Respublikasi Konstitutsiyasi ham mavjud bo‘lib, unda qonunchilik hujjatlariga o‘zgartirish kiritilgan taqdirda qonunchilikning asl manbaiga murojaat qilinishi belgilangan.

👉 Ma’lumki, 2023-yil 30-aprel kuni o‘tkazilgan referendum natijalariga ko‘ra O‘zbekiston Respublikasining “O‘zbekiston Respublikasi Konstitusiyasi to‘g‘risida” O‘RQ-837-son Konstitutsiyaviy Qonuni qabul qilindi.

➡️ Shu sababli 2023-yil 22-23-may kunlari Maktabgacha va maktab ta’limi hamda Oliy ta’lim, fan va innovatsiyalar vazirliklari tomonidan tavsiya etilgan huquqshunoslik fanlari bo‘yicha ta’lim beruvchi mutaxassislar ishtirokida yig‘ilish o‘tkazildi.

✔️ Unda huquqshunoslik fanidan test topshiriqlarini shakllantirish masalasi muhokama qilinib, test topshiriqlari o‘quv dasturlariga kiritilgan mavzular doirasida qonunchilik hujjatlariga kiritilgan o‘zgarishlarni inobatga olgan holda amaldagi qonunchilik hujjatlari, jumladan, yangi tahrirdagi O‘zbekiston Respublikasi Konstitutsiyasi asosida shakllantirilishi maqsadga muvofiq deb topildi.

❗️ Shu sababli “Yurisprudensiya” ta’lim yo‘nalishiga o‘qishga kirish istagida bo‘lgan abituriyentlar test sinovlariga amaldagi qonunchilik hujjatlari, shu jumladan, yangi tahrirdagi O‘zbekiston Respublikasi Konstitutsiyasi asosida tayyorgarlik ko‘rishlari lozimligini ma’lum qilamiz.

✅Ta’lim nazorati rasmiy kanali

⚡️Abituriyentlar bilishi kerak bo‘lgan muhim yangiliklar

📣 Bu yilgi qabul 20-iyundan 20-iyulgacha davom etadi. Chet tilidan ijodiy imtihon olinadigan OTMlarga qabul 10-iyulda tugaydi. Bu haqida qabulga oid ovozli chatda ma'lum qilindi.

🧑‍🎓 Abituriyentlar soni 1 mln 200 ming bo‘lishi prognoz qilinyapti.

🏢 Test sinovlari yopiq binolarda o‘tishi bo‘yicha taklif ishlab chiqilgan va 92 ta bino ro‘yxati shakllantirilgan.

⚖️ Bu yil yuridik universitetlarga kirish imtihonlarida birinchi fan huquqshunoslik bo‘ladi. Konstitutsiyaga oid savollar yangi qabul qilingan Konstitutsiyadan tuziladi. Bundan tashqari, Mehnat kodeksi ham yangilangan.

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

⚡️Maktab baholarini OTMga kirish imtihonlarida hisobga olish tartibi ko‘rib chiqilmoqda

Maktab baholarini kirish imtihonlarida to‘plangan ballga qo‘shib hisoblash haqida qaror chiqqan bo‘lsa-a, biroq hozir bu tartib qaytadan ko‘rib chiqilmoqda.

📍 Bu haqida Bilimni baholash agentligi tomonidan o‘tkazilayotgan Oliy ta’lim muassasalariga kirish test sinovlari bo‘yicha ovozli chatda ma’lum qilindi.

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

❓Kirish imtihonlarida savollar qiyinlik darajasi qanday bo‘ladi?

◼️ Yengil va qiyin darajadagi savollar bitta variantda 15 %dan 25 %gacha bo‘lishi mumkin. O‘rta qiyinlikdagi savollar esa bitta variantda 50 %dan 70 %gachani tashkil qiladi.

📍 Bu haqida Bilimni baholash agentligi tomonidan o‘tkazilayotgan Oliy ta’lim muassasalariga kirish test sinovlari bo‘yicha ovozli chatda ma’lum qilindi.

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali