❗️Talaba boʻlish istagidagi xotin-qizlar shoshiling: Oila va xotin-qizlar qoʻmitasidan tavsiyanoma olish uchun arizalar qabuli boshlandi

Hukumat qaroriga muvofiq mutaxassisligi boʻyicha kamida 5 yil mehnat staji mavjud, biroq oliy maʼlumotga ega boʻlmagan xotin-qizlar davlat oliy taʼlim muassasalariga alohida qabul parametrlari (jami 500 ta kvota) doirasida toʻlov-kontrakt asosida oʻqishga qabul qilinishi belgilangan.

Ushbu imtiyozdan foydalanmoqchi boʻlgan xotin-qizlar Oila va xotin-qizlar qoʻmitasining tavsiyanomasiga ega boʻlishlari lozim.

Tavsiyanoma olish uchun talabgorlar quyidagi mezonlarning barchasiga muvofiq kelishi kerak:

➖ oʻrta maxsus yoki professional taʼlim boʻyicha mutaxassislikka ega boʻlishi;

➖ tavsiyanoma olgunga qadar oliy taʼlim olmaganligi yoki olmayotganligi;

➖oʻrta maxsus yoki professional taʼlim mutaxassisligi boʻyicha kamida besh yillik mehnat stajiga ega boʻlishi.

▪️Talabgorlar joriy yilning 1-iyuniga qadar (shu kuni ham) ariza bilan doimiy yashash yoki vaqtincha roʻyxatda turgan joyidagi tuman (shahar) Ishchi guruhlariga murojaat etadilar va quyidagi hujjatlarni taqdim etadilar:

➖ fuqarolik pasporti yoki ID karta nusxasi;
➖ mehnat daftarchasi (elektron mehnat daftarchasi)dan koʻchirma;
➖ oʻrta-maxsus yoki professional taʼlim boʻyicha diplom.

▪️ Talabgorlar tomonidan taqdim etilgan ariza va hujjatlar tuman (shahar) Ishchi guruhlari tomonidan oʻrnatilgan tartibda 1-7-iyun kunlari koʻrib chiqiladi va tavsiyanoma berish yoki tavsiyanoma berishni rad etish toʻgʻrisida xulosa qabul qilinadi.

❗️2022/2023 oʻquv yilida tavsiyanoma olgan, biroq oliy taʼlim muassasalarida talabalikka tavsiya etilmagan xotin-qizlarning tavsiyanomalari 2023-2024-yillar uchun ham amal qiladi.

👉 Кириллда ўқиш

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

Xorijiy davlatlarda ta’lim olganlik haqidagi hujjatlarni tan olish uchun hujjat topshirgan talabgorlar diqqatiga!

Xorijiy davlatlarda ta’lim olganlik haqidagi hujjatlarni tan olish bo‘yicha navbatdagi test sinovlari 2023-yilning 20-may kuni o‘tkazilishi belgilandi.

Testi sinovlari quyidagi binolarda o‘tkaziladi:

Jizzax, Sirdaryo, Toshkent viloyatlari va Toshkent shahrida yashovchi (arizada ko‘rsatiladi) nomzodlar uchun – Toshkent shahridagi “Alfraganus University” nodavlat oliy ta’lim tashkilotining Axborot resurs markazida (2-bino)

Andijon va Namangan viloyatlarida yashovchi (arizada ko‘rsatiladi) nomzodlar uchun – Andijon shahridagi Prezident maktabining Axborot resurs markazida

Qoraqalpog‘iston Respublikasi va Xorazm viloyati yashovchi (arizada ko‘rsatiladi) nomzodlar uchun – Qoraqalpog‘iston Respublikasi axborot texnologiyalari texnikumida

Farg‘ona viloyatida yashovchi (arizada ko‘rsatiladi) nomzodlar uchun – Farg‘ona politexnika institutining Axborot resurs markazida

Buxoro va Navoiy viloyatlarida yashovchi (arizada ko‘rsatiladi) nomzodlar uchun – Bilim va malakalarni baholash agentligining Buxoro viloyati bo‘limi binosida

Qashqadaryo va Samarqand viloyatlarida yashovchi (arizada ko‘rsatiladi) nomzodlar uchun – Qarshi davlat universiteti Axborot texnologiya markazida

Surxondaryo viloyatida yashovchi (arizada ko‘rsatiladi) nomzodlar uchun – Termiz davlat universiteti Axborot texnolgiyalari fakulteti (yangi 7 qavatli bino)da. (mo'ljal viloyat Xalq banki ro'parasi)

Quyida 20-may kuni o‘tkaziladigan test sinovlarida ishtirok etadigan talabgorlar ro‘yxati bilan tanishishingiz mumkin:

✅Ta’lim nazorati rasmiy kanali

Oliy taʼlim muassasalariga oʻqishga kiritish bilan bogʻliq noqonuniy holatlarga chek qoʻyildi

Davlat xavfsizlik xizmatining Namangan viloyati boʻyicha boshqarmasi va viloyat IIB xodimlari hamkorligida oʻtkazilgan tezkor tadbirda Namangan davlat universiteti oʻqituvchisi oʻzganing ishonchiga kirib, tanishlari orqali uning qarindoshini Qirgʻiz Respublikasidagi oliy oʻquv yurtiga oʻqishga kiritib, soʻngra Oʻzbekistondagi oliy taʼlim muassasasiga koʻchirib berish evaziga 4 ming AQSH dollari olgan vaqtida ashyoviy dalillar bilan ushlangan.

Samarqand viloyati Pastdargʻom tumanidagi umumtaʼlim maktabining ingliz tili oʻqituvchisi tanishlari yordamida Tayloq tumanida yashovchi fuqaroni xorijiy oliy taʼlim muassasasi talabasi ekanligi toʻgʻrisida soxta hujjat tayyorlab, Samarqand davlat tibbiyot universitetining 2-bosqichiga oʻqishga kiritib qoʻyish evaziga 6000 AQSH dollari hamda uning qarindoshiga ingliz tili boʻyicha milliy sertifikat olib berish uchun 1200 AQSH dollari, jami 7200 AQSH dollari olgan vaqtida DXX Samarqand viloyati boʻyicha boshqarmasi va IJQK Departamentining hududiy boshqarmasi xodimlari tomonidan ushlangan.

Guliston shahrida yashovchi, 1997-y.t. shaxs Yangiyer shahrida istiqomat qiluvchi fuqaroni Guliston davlat universitetining sirtqi boʻlimiga oʻqishga kiritib qoʻyish evaziga 6 ming AQSH dollari talab qilib, oldindan 5100 AQSH dollari olgan vaqtida Davlat xavfsizlik xizmati va Bosh prokuratura huzuridagi Departament xodimlari tomonidan ushlandi.Tezkor surishtiruv harakatlari davomida, u mazkur pul mablagʻining 4600 AQSH dollarini viloyat Pedagoglarni yangi metodikalarga oʻrgatish milliy markazi oʻqituvchisiga berishi kerakligi maʼlum boʻlib, ushbu shaxs ham 200 AQSH dollari olgan vaqtida ushlangan.

Hozirda barcha holatlar yuzasidan mazkur fuqarolarga nisbatan Jinoyat Kodeksining 168 va 28,211-moddalari bilan jinoyat ishlari qoʻzgʻatilib, tergov harakatlari olib borilmoqda.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

“El-yurt umidi” jamgʻarmasining 2023-yilgi 1-ochiq stipendiya tanloviga nomzodlarni saralash uchun o‘tkazilgan test sinovlarida bakalavriat dasturi uchun 65 balldan yuqori, magistratura va doktorantura dasturi uchun 50 ball va undan yuqori ball toʻplagan nomzodlar tanlovning keyingi bosqichi suhbat jarayoniga tavsiya etildi.

✅Ta’lim nazorati rasmiy kanali

⚡️Kasb-hunar maktablari uchun qabul kvotalar tasdiqlandi

Oliy ta’lim, fan va innovatsiyalar vazirining buyrug‘i bilan 2023/2024-o‘quv yilida kasb-hunar maktablariga kunduzgi va dual ta’lim shakllari bo‘yicha jami 98 042 ta qabul parametrlari tasdiqlandi.

✔️Shundan:

➡️ Kunduzgi ta’lim shakli bo‘yicha – 93 310 ta;
➡️ Dual ta’lim shakli bo‘yicha – 4 732 ta.

💾 KUNDUZGI ta’lim shakli bo‘yicha kvotani yuklab olish👈

💾 DUAL ta’lim shakli bo‘yicha kvotani yuklab olish👈

Hujjatlar 1-iyuldan 20-iyulga qadar (shu kuni ham) qabul qilinadi.

Ma’lumot o‘rnida, kasb-hunar maktablarida o‘qish to‘liq davlat granti asosida amalga oshiriladi.

✅Ta’lim nazorati rasmiy kanali

⚡️ Tarix va geografiya fanlaridan milliy sertifikat imtihoni uchun ruxsatnoma berish boshlandi

📆 2023-yil 21-may (yakshanba) kuni bo‘lib o‘tadigan tarix va geografiya fanlaridan milliy sertifikat imtihoni uchun ruxsatnomalarni berish boshlandi.

🖥 Test sinovida ishtirok etadigan talabgorlar ruxsatnomani my.uzbmb.uz saytining “Milliy sertifikat” bo‘limidan olishlari mumkin.

✅ Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

📌 Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida 07:30 dan boshlab kiritiladi va test sinovlari 09:00 da boshlanadi.

❕ Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

#bilasizmi

Hukumat qarori (№715 11.11.2020)ga ko‘ra:

Kasb-hunar maktablariga 9-sinf bitiruvchilarining hujjatlarini qabul qilish jarayoni har yili 1-iyuldan 20-iyulga qadar (shu kuni ham),

Kollej va texnikumlarga abituriyentlarning hujjatlarini qabul qilish jarayoni esa har yili 10-avgustdan 10-sentyabrga qadar (shu kuni ham) amalga oshiriladi.

Kollejlarga o‘rta yoki boshlang‘ich professional ta’lim dasturlari bo‘yicha o‘quvchilarni qabul qilish boshqa muddatlarda ham amalga oshirilishi mumkin.

Bunda abituriyentlarning hujjatlarini qabul qilish muddati vazirlikning taklifi asosida Davlat komissiyasi tomonidan belgilangan muddatdan boshlab bir oydan oshmagan vaqt ichida tashkil etiladi.

✅ Professional ta’lim muassasalariga yetim bolalar va ota-ona qaramog‘idan mahrum bo‘lgan o‘quvchilar hamda ijtimoiy himoyaga muhtoj oila farzandlari qabul parametrlaridan tashqari qo‘shimcha davlat granti asosida o‘qishga qabul qilinadi.

✅Ta’lim nazorati rasmiy kanali

Joriy yilda umumtaʼlim muassasalari pedagoglari majburiy attestatsiyaga jalb qilinmaydi.

Maktabgacha va maktab ta’lim vazirligi mas’ul xodimi Safarali Xamrayev pedagoglar attestatsiyasiga oid savollarga javob berdi

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

O‘zbekistonda YTTB mablag‘lari asosida 15 ta maktab quriladi

Samarqand shahrida o‘tkazilayotgan Yevropa tiklanish va taraqqiyot banki (YTTB) Boshqaruvchilar kengashi yig‘ilishida Maktabgacha va maktab ta’limi vazirligi, Iqtisodiyot va moliya vazirligi hamda YTTB o‘rtasida uch tomonlama texnik yordam berish shartnomasi imzolandi.

Shartnomaga ko‘ra, dastlabki bosqichida YTTB mutaxassislari tomonidan grant olish, Namangan va Farg‘ona viloyatida 15 ta maktab qurish rejalashtirilgan.

Loyihaning kapital qiymati 55-75 million AQSH dollarini tashkil etadi.

Ta’kidlash lozim, Prezident farmoniga (08.04.2022-yil, PF-101-son) ko‘ra, davlat-xususiy sheriklik shartlari asosida 2022-2024 yillar davomida mas’ul vazirlik va idoralar oldiga YTTB ko‘magida davlat-xususiy sheriklik shartlarida umumta’lim maktablarini xalqaro standartlar bo‘yicha rekonstruksiya qilish va jihozlash ishlari belgilab berilgan.

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

Bitiruvchilarga oltin va kumush medal hamda qizil shahodatnoma quyidagi holatlarda beriladi

Hukumat qarori(№140, 15.03.17)ga koʻra:

🥈Kumush medal — maktabning 11-sinfni tugatgan, taʼlim dasturlarini DTS talablari darajasida oʻzlashtirgan va yakuniy davlat attestatsiyasini muvaffaqiyatli topshirgan, 9-sinfini bitirganlik toʻgʻrisidagi aʼlo darajali shahodatnomasi mavjud, 10-11-sinflardagi barcha fanlardan yillik baholari aʼlo boʻlgan, namunali xulq-atvorli va jamoat ishlarida faollik koʻrsatgan bitiruvchilarga beriladi;

🥇Oltin medal — maktabning 11-sinfni tugatgan, taʼlim dasturlarini DTS talablari darajasida oʻzlashtirgan, 9-sinfini bitirganlik toʻgʻrisidagi aʼlo darajali shahodatnomasi mavjud, 10-11-sinflardagi barcha fanlardan choraklik, yillik va yakuniy davlat attestatsiya baholari aʼlo boʻlgan, namunali xulq-atvorli va jamoat ishlarida faollik koʻrsatgan 11-sinf bitiruvchilariga beriladi.

📕Tayanch oʻrta taʼlim toʻgʻrisidagi aʼlo darajali shahodatnoma — maktabning 9-sinfni tugatgan, taʼlim dasturlarini DTS talablari darajasida oʻzlashtirgan, 7-sinfdagi musiqa va tasviriy sanʼat fanlaridan, 8-9-sinflardagi barcha fanlardan choraklik, yillik va yakuniy davlat attestatsiya baholari aʼlo hamda namunali xulqqa ega boʻlgan bitiruvchilarga beriladi.

👉 Кириллда ўқиш

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

#Bilasizmi

Maktab bitiruvchilari uchun yakuniy attestatsiyaga oid maʼlumotlar attestatsiyadan kamida 10 kun oldin eʼlon qilinishi shart

✅ Maktablarda bitiruvchi sinflarda yakuniy attestatsiya oʻtkaziladigan fanlar roʻyxati, shakli va muddatlari har oʻquv yilida Maktabgacha va maktab taʼlimi vazirligi tomonidan tasdiqlanadi.

📌 Yakuniy attestatsiya maktab direktori tomonidan tasdiqlangan jadval asosida oʻtkaziladi. Jadval yakuniy attestatsiya boshlanishidan kamida 10 kun oldin koʻrinadigan joyga osib qoʻyiladi.

Yakuniy attestatsiya jadvalini tuzishda quyidagilarga eʼtibor beriladi:
🔹oʻquv fanlari boʻyicha oʻtkaziladigan yakuniy attestatsiya oraligʻi ikki kundan kam boʻlmasligi kerak;
🔹jismoniy tarbiya fanidan avval amaliy, keyin nazariy yakuniy attestatsiya oʻtkaziladi.

Yakuniy attestatsiya uchun maktabda keng va yorugʻ xonalar ajratiladi.

Yozma yakuniy attestatsiya vaqtida bitiruvchilar partalar (stollar)ga bittadan oʻtqaziladi.

Barcha maktablarda yakuniy attestatsiya ertalab soat 8.00 dan boshlanadi.

❗️Ogʻzaki yakuniy attestatsiyadan oʻtishda bitiruvchilarning soni 20 nafardan ortiq boʻlsa, yakuniy attestatsiya ikki guruhda ketma-ket bir kunda oʻtkazilishi mumkin.

👉 Кириллда ўқиш

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali

OTMga kirish imtihonlarida shaffoflikni taʼminlash boʻyicha amalga oshirilayotgan ishlar haqida maʼlumot berildi

Bilim va malakalarni baholash agentligi direktori Majid Karimov Xalqaro press-klubning navbatdagi sessiyasida maʼlum qilishiga joriy yilda OTMlarga kirish imtihonlari:

🏫 Sovitish tizimi bilan taʼminlangan yopiq binolarda ikki smenada oʻtkaziladi.

👫 Har bir smenada 45 ming nafarga yaqin abituriyentlar imtihon topshiradi.

📹 Imtihonlar internet tarmogʻi va televideniye orqali onlayn translyatsiya qilinadi.

🔎 Identifikatsiya tizimlari, xususan, barmoq izi va FaceControl (yuzni tanish) orqali oʻrniga kirishlarning oldi olinadi.

📥 Test topshirgan abituriyentlarning natijasi imtihon oʻtgan kunning kelasi kuni kechgacha natija shaxsiy kabinetga yuboriladi.

📌 Yakuniy mandat barcha imtihonlar yakunlanganidan keyin bir hafta muddatda eʼlon qilinadi.

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

⚡️ Endi OTMlarga hujjat topshirishda ta’lim shakllari cheklanmaydi

Bu haqda Bilim va malakalarni baholash agentligi direktori Majid Karimov Xalqaro press-klubning navbatdagi sessiyasida ma’lum qildi.

💬 "Avvallari abituriyentga 1 ta’lim shakli bo‘yicha 5 tagacha yo'nalishni tanlash imkoniyati taqdim etilgan bo'lsa, hozirda talabalar ta'lim shaklidan qat'i nazar o‘zlari qiziqqan yo‘nalishlarni tanlashlari mumkin.

Bunda talabalar bitta yo'nalishni tanlab, ta'lim shakliga ko'ra barchasida ham ishtirok etishi mumkin," – dedi Majid Karimov.

📌 Ta’kidlash lozim, oldinroq OTMga kirish imtihonlarida shaffoflikni taʼminlash boʻyicha amalga oshirilayotgan ishlar haqida maʼlumot berilgandi.

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

📹 Bilim va malakalarni baholash agentligi direktori: "Abituriyent nafaqat ta’lim yo‘nalishlari, balki ta’lim shaklini ham tanlashlari mumkin"

Bilim va malakalarni baholash agentligi direktori Majid Karimov Xalqaro press-klubning navbatdagi sessiyasida abituriyentlarning OTMlarga hujjat topshirishda ta’lim shakllari cheklanmasligi haqida ma’lum qildi.

💬 "Ilgari har bir abituriyent yo‘nalish tanlayotganda 5 tagacha tanlardi. Hozir o‘sha 5 ta yo‘nalish, agar kunduzgi ta’lim shaklini tanlasa, o‘sha doirada cheklanardi.

Agar kechki [ta’lim yo‘nalishi]ni tanlasa, kunduzgiga o‘tolmasdi. Bu yil shunday qilyapmizki, nafaqat ta’lim yo‘nalishlari, balki ta’lim shaklini ham tanlashlari mumkin.

Hozir bilamizki, ta’lim shakli 4 tagacha ko‘paydi: kunduzgi, kechki, sirtqi, masofaviy. Talaba o‘zi xohlagan [ta’lim shakli]da o‘qishi mumkin. Bitta yo‘nalishni tanlab, o‘shaning ta’lim shakliga qarab, barchasida ishtirok etishi mumkin. Mana shu yangilik bu yil joriy qilinyapti," – dedi Majid Karimov.

👉 OTMga kirish imtihonlarida shaffoflikni taʼminlash boʻyicha amalga oshirilayotgan ishlar haqida maʼlumot berildi

Qabul bo‘yicha boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

Davlat granti asosida tamomlagan bitiruvchilarning uch yil ishlab berish majburiyati oʻz kuchini yoʻqotmagan

Ijtimoiy tarmoqlarda grant asosida tahsil olgan OTM bitiruvchilarini majburiy tartibda kamida 3 yil ishlab berish talabi bekor boʻlgani haqida tarqalayotgan xabarlar boʻyicha Oliy ta’lim, fan va innovatsiyalar vazirligi bayonot berdi.

Prezidentning 2005-yil 2-iyundagi qarori 6-bandida Oliy va oʻrta maxsus taʼlim vazirligiga tegishli vazirlik va idoralar bilan birgalikda Kadrlarni davlat grantlari asosida maqsadli tayyorlash toʻgʻrisidagi nizomni ishlab chiqish yuklatilgan.

Mazkur topshiriqqa muvofiq 2005-yil 7-iyuldagi 58, 154-1, 19 va 02/2658-sonli qaror bilan tasdiqlangan nizomga ko‘ra, Oliy taʼlim muassasalarini davlat granti asosida tahsil olib tamomlagan bitiruvchilarning uch yil ishlab berish majburiyati belgilangan.

Davlat rahbarining 2022-yil 15-iyundagi 279-son qarori bilan Prezidentning ayrim qarorlari, jumladan, 2005-yil 2-iyundagi 92-son qarori oʻz kuchini yoʻqotgan deb hisoblandi.

Ammo mazkur qaror ijrosiga koʻra ishlab chiqilib, tasdiqlangan Kadrlarni davlat grantlari asosida maqsadli tayyorlash tartibi toʻgʻrisidagi nizom oʻz kuchini yoʻqotmagan.

Vazirlik izohiga ko‘ra, nizomdagi tartiblar yangi huquqiy normalarga zid emas va ushbu nizomni oʻz kuchini yoʻqotgan deb topish boʻyicha qoida biror-bir normativ hujjatda koʻzda tutilmagan.

Ya’ni, oliy taʼlim muassasalarini davlat granti asosida tamomlagan bitiruvchilarning uch yil ishlab berish majburiyati hozirgi kunda ham amal qiladi.

Oliy ta’lim muassasalariga doir boshqa yangiliklar haqida kanalimiz (@uztdi) orqali xabar berib boramiz.

✅Ta’lim nazorati rasmiy kanali

❓Malaka toifalarini berish uchun o‘tkaziladigan attestatsiya savollari qaysi manbalardan tuziladi?

✅ Vazirlar Mahkamasining 2021-yil 17-sentyabrdagi 572-sonli qaroriga muvofiq, 2022-yil 1-yanvardan boshlab, pedagog xodimlarga malaka toifasi berishning yangi tizimi amaliyotga joriy qilingan.

Unga ko'ra malaka test sinovlari doirasida barcha umum ta'lim fanlardan test topshiriqlari formati, jumladan fan mazmuni tarkibi, savollar soni, topshiriqlar turi, vaqt me'yori hamda baholash mezonlari ishlab chiqildi.

O'tgan vaqt davomida belgilangan umum ta'lim fanlardan test formati, hamda baholash mezonlari yuzasidan tizim xodimlari va pedagoglar ishtirokida muhokamalar o'tkazib kelindi.

Ma'lumot uchun, mazkur qaror asosida tasdiqlangan nizom talablariga muvofiq, pedagog kadrlarni attestatsiyadan o'tkazish jarayoni uchun sinov materiallari testologiyaning xalqaro talablari asosida xolislik va maxfiylikni ta'minlagan holda shakllantiriladi.

Attestatsiya jarayoni uchun  sinov materiallarini shakllantirish manfaatdor vazirliklar va idoralar, ularning hududiy va idoraviy bo‘ysunuvidagi tashkilotlar, ilmiy-tadqiqot institutlarining yetakchi olimlari va malakali mutaxassislari, mahalliy va xorijiy ekspertlar, shuningdek, nodavlat tashkilotlar vakillari jalb etilishi mumkin.

Maktabgacha va maktab ta'limi vazirligi

@Oylikhisoblaydigan_bot – oylik hisoblash uchun bot

✅Ta’lim nazorati rasmiy kanali