❓Maktabgacha ta’lim tashkilotlarida mehnat qilayotgan tarbiyachilarning sohaga doir ilmiy yoki ijodiy faoliyati uchun qo‘shimcha ustamalar belgilanganmi?

✅ Vazirlar Mahkamasining 2019-yil 24-dekabrdagi 1030-sonli qarori bilan ilm-fan va ta’lim sohasidagi davlat tashkilotlarida ilmiy, ilmiy-pedagogik va mehnat faoliyati bilan shug‘ullanuvchi ilmiy darajaga ega xodimlarga qo‘shimcha haq to‘lash tartibi belgilangan.

Unga ko‘ra, maktab yoshigacha bo‘lgan bolalarni tarbiyalashga oid har bir ishlab chiqilgan va amaliyotga joriy qilingan ilmiy-metodik qo‘llanma, ilmiy-tahliliy uslub (yondashuv)lar uchun lavozim maoshiga nisbatan 30 foizgacha;

ta’lim va tarbiya sohasida tegishli tashkilot bilan bog‘liq ilmiy maqola (monografiya) nashr qilganligi uchun:

jurnalning darajasi va muhimligidan kelib chiqqan holda milliy ilmiy jurnallardagi nashr uchun lavozim maoshiga nisbatan 15 foizgacha;

xalqaro jurnallarda e’lon qilingan har bir maqola (monografiya) uchun mualliflarga lavozim maoshiga nisbatan 30 foizgacha har oylik qo‘shimcha haq to‘lanishi belgilanishi ko‘zda tutilgan.

Maktabgacha va maktab ta’limi vazirligi

Kanalga ulanish👇
https://t.iss.one/uztdi

❓Tug‘ruq ta’tiliga ketgan bir o‘qituvchining dars soatlari mazkur fandan dars beruvchi boshqa o‘qituvchilar orasida qay tartibda taqsimlanadi? Kimlarga ko‘proq ustuvorlik beriladi?

✅ Amaldagi tartibga ko‘ra, homiladorlik va tugʻish taʼtillariga ketgan oʻqituvchilarning dars soatlari maktab pedagogik kengashi tomonidan tegishli fan oʻqituvchilar oʻrtasida qayta taqsimlanishi mumkin.

Bunda quyidagi koʻrsatkichlar hisobga olinadi:

👉 xalqaro olimpiadalar gʻoliblarini tayyorlagan oʻqituvchilar;

👉 oʻqituvchi boʻlib faoliyat yuritayotgan xalqaro olimpiadalar gʻoliblari;

👉 chet tili va STEAM fanlaridan mutaxassisligi boʻyicha xalqaro sertifikatlarga ega oʻqituvchilar (TESOL Level 5, CEFR B2, IELTS 6 va undan yuqori, shuningdek, Oʻzbekiston Respublikasi Xalq taʼlimi vazirligi tomonidan belgilanadigan boshqa sertifikatlar);

👉 TOP-1000 universitetlar reytingiga kiradigan dunyoning yetakchi universitetlarini bitirgan oʻqituvchilar;

👉 asosiy olimpiadalarning respublika bosqichi gʻoliblarini tayyorlagan oʻqituvchilar;

👉 oʻqituvchi boʻlib faoliyat yuritayotgan asosiy olimpiadalarning respublika bosqichi gʻoliblari;

👉 respublika bosqichidagi koʻrik tanlovlarda (yil oʻqituvchisi) sovrinli oʻrinlarga ega boʻlgan oʻqituvchilar;

👉 oliy malaka toifasiga ega oʻqituvchilar;

👉 birinchi malaka toifasiga ega oʻqituvchilar;

👉 asosiy olimpiadalarning viloyat va tuman bosqichi gʻoliblarining oʻqituvchilari;

👉 ikkinchi malaka toifaga ega oʻqituvchilar;

👉 pedagogik yoʻnalish boʻyicha magistr darajasiga ega oʻqituvchilar;

👉 belgilangan tartibda oʻz fanidan oʻtkazilgan nazariy va amaliy sinovlar natijasi boʻyicha aʼlo baholarga ega oʻqituvchilar;

👉 oliy maʼlumotli toifasiz oʻqituvchilar;

👉 qayta tayyorlash boʻyicha diplomga ega oʻqituvchilar;

👉 oliy taʼlim muassasalarining pedagogik yoʻnalish boʻyicha bitiruvchi bosqich talabalari;

👉 pedagogik yoʻnalish boʻyicha xorijiy davlatlarning oliygohlarini bitirgan, biroq diplomi tan olinmagan oʻqituvchilar;

👉 oliy maʼlumotli oʻqituvchilar bilan taʼminlanguniga qadar oʻrta maxsus, professional maʼlumotga ega oʻqituvchilar;

👉 oliy maʼlumotli oʻqituvchilar bilan taʼminlanguniga qadar umumtaʼlim muassasasining tegishli mutaxassisligi boʻyicha rahbar xodimlari.

Maktabgacha va maktab ta’limi vazirligi

Kanalga ulanish👇
https://t.iss.one/uztdi

#tadqiqot

"O‘quvchilarning o‘zlashtirishi ularning ijtimoiy qatlamiga ham bog‘liq" – Britaniyalik olimlar

Bolalar oilasining ijtimoiy toifasi ota-onalari ular bilan o'tkazadigan vaqtdan ko'ra ularning maktabda o'qishlariga ko'proq ta'sir qiladi.

Bu haqda Britaniya sotsiologiya assotsiatsiyasining Manchesterdagi konferensiyasida taqdim etiladigan tadqiqot natijalarida ma’lum qilingan.

Unga ko‘ra, ota-onalarning oliy ma'lumotli yoki yaxshi ta'minlangan yoki yuqori ijtimoiy-iqtisodiy sinfga mansub bo'lishi bolalarning o'qituvchilari tomonidan "o'rtachadan yuqori" deb baholanishi ehtimolini taxminan ikki baravar oshiradi.

Ma'lumotlar shuni ko'rsatadiki, yuqori ijtimoiy-iqtisodiy sinfga mansub oilalaridagi yetti yoshli bolalarning deyarli har beshtadan ikkitasi (39 foizi) o'qituvchilar tomonidan matematika bo'yicha "o'rtachadan yuqori" deb hisoblangan.

Shuningdek, ota-onasi qo'l mehnati bilan shug'ullanganlarda ushbu ko‘rsatkich atigi 21 foizni tashkil etgan. Bu esa tahlilda foydalanilgan beshta sinf orasida eng past ko‘rsatkich degani.

Ijodiy fanlar yo‘nalishida yuqori ijtimoiy qatlamga tegishli oilalar farzandlarining 28 foizi "o‘rtachadan yuqori" natija qayd etgan. O‘z navbatida qo‘l mehnati bilan shug‘ullanuvchi oila farzandlarida ushbu raqam 14 foizni tashkil etgan.

Bundan tashqari, bolalar tomonidan qayd etilgan ko'rsatkichlar eng badavlat va kambag'al sinfdagi hamda diplomli va malakasiz ota-onalari bilan solishtirilganda, o'xshash ekanligi ko‘zga tashlandi.

📌 Yana qaysi mavzulardagi xalqaro tadqiqotlarni tarjima qilib e‘lon qilishimizni xohlasangiz Telegram boti(@uztdibot)mizga yozib yuboring.

Kanalga ulanish👇
https://t.iss.one/uztdi

Mustaqil izlanuvchilikka hujjat topshirish boshlandi

✅ Joriy yilning 15-aprelidan 2023 yil 3-chorak uchun oliy ta’limdan keyingi ta’limning shakllaridan biri bo‘lgan mustaqil izlanuvchilikka onlayn hujjat topshirishga start berildi.

💻 Hujjatlar 15-mayga qadar yagona elektron tizim – phd.mininnovation.uz orqali qabul qilinadi.

👉 Mustaqil izlanuvchilik – falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajalariga da’vogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi bo‘yicha oliy ta’limdan keyingi ta’lim shakli hisoblanadi.

☝️Ma’lumot uchun, hujjatlar ilmiy yoki ta’lim tashkiloti tomonidan ko‘rib chiqilib, qabul qilinadi yoki rad etiladi. Shuningdek, yuqorida belgilangan muddatlarda talabgorlarning hujjatlari qabul qilinishi lozim.

Kanalga ulanish👇
https://t.iss.one/uztdi

Sunʼiy intellekt oʻqituvchilar oʻrnini egallaydimi?!

Business Insider nashri ChatGPT (sunʼiy intellekt) sabab yoʻqolib ketishi mumkin boʻlgan 10 ta kasbni eʼlon qildi, ular orasida oʻqituvchilik ham bor.

Rivojlangan mamlakatlarining barcha oʻqituvchilari o‘quvchi va talabalarning uy vazifalarini tayyorlashda ChatGPT dan foydalanib, belgilangan qoidalarni buzishlaridan xavotirda.

❗️Rochester texnologiya institutining Hisoblash texnikasi va axborot fanlari fakulteti dekani o‘rinbosari Pengcheng Shining fikricha, o‘qituvchilar sunʼiy intellekt ularning ish o‘rniga xavf solishi haqida ham o‘ylashlari kerak.

“ChatGPT endilikda darslarni osonlikcha oʻrgatishi mumkin”, – deydi Shi New York Post nashriga bergan intervyusida — Bilim nuqtayi nazaridan xato va noaniqliklar mavjud boʻlsa-da, buni osongina yaxshilash mumkin, buning uchun tizimda tegishli koʻnikmani shakllantirish kerak”.

✅ Ammo oʻrta maktabning matematika va tabiiy fanlar oʻqituvchisi Shannon Ahern ChatGPT uning oʻrnini egallashidan xavotirda emas. U dars jarayonlarini rejalashtirishda ayni tizimdan foydalanadi.

“Biz insonlar yuzma-yuz mashgʻulotlarda yuzaga keladigan, oʻzaro shaxsiy muloqotlarga doim muhtojmiz”, – deydi u, Insider nashriga bergan intervyusida.

Shuningdek, roʻyxatdan oʻqituvchilikdan tashqari quyidagi kasblar ham oʻrin olgan:

1. Texnik vakansiyalar (koderlar, dasturchilar, dasturiy taʼminot muhandislari, maʼlumotlar tahlilchilari);
2. Media ishlari (reklama, kontent yaratish, kopirayting , jurnalistika);
3. Yuridik sohadagi ish oʻrinlari (parayurist, yurist yordamchisi);
4. Marketologlar;
5. Moliyaviy ish oʻrinlari (moliyaviy tahlilchilar, shaxsiy moliyaviy maslahatchilar);
6. Treyderlar, grafik dizaynerlar;
7. Buxgalterlar, qoʻllab-quvvatlash xizmati xodimlari.

ChatGPT nima o‘zi? 👉 https://kun.uz/uz/42292599

Kanalga ulanish👇
https://t.iss.one/uztdi

⚡️ Kimyo va fizika fanlaridan milliy sertifikat natijalari e’lon qilindi

📣 2023-yil 2-aprel kuni o‘tkazilgan kimyo va fizika fanlari bo‘yicha milliy sertifikat imtihoni natijalari e’lon qilindi.

👨🏻‍💻 Test natijalari my.uzbmb.uz saytida e’lon qilingan bo‘lib, talabgorlar “Milliy sertifikat” bo‘limi orqali o‘z natijalari bilan tanishishlari mumkin.

📋 Test natijalariga ko‘ra eng yuqori ballning kamida 60 foizini to‘plagan talabgorlarga elektron shakldagi sertifikat taqdim etiladi.

✅ Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:

🔹 60 foizdan 86 foizgacha — maksimal ballga nisbatan tabaqalashtirilgan (proporsional) ball;

🔹 86 foiz va undan yuqori — maksimal ball.

Kanalga ulanish👇
https://t.iss.one/uztdi

⚡️ Akademik litseylarga hujjat topshirish 1-iyundan 30-iyungacha davom etadi – Qaror loyihasi

Normativ-huquqiy hujjatlar loyihalari muhokamasi portaliga “Akademik litseylarga oʻquvchilarni oʻqishga qabul qilish, oʻqishini koʻchirish, qayta tiklash va oʻqishdan chetlatish tartibini takomillashtirish haqida”gi Vazirlar Mahkamasi qarori loyihasi muhokamaga qoʻyildi.

Qaror bilan tasdiqlanishi nazarda tutilgan Nizomga ko‘ra:

▶️ Akademik litseylarga abituriyentlarni о‘qishga qabul qilish uchun rо‘yxatdan о‘tkazish Yagona interaktiv davlat xizmatlari portali yoki Oliy ta’lim, fan va innovatsiyalar vazirligining rasmiy veb-sayti orqali har yili 1-iyundan 30-iyunga qadar bepul amalga oshiriladi.

▶️ Abituriyent о‘zi tо‘g‘risida taqdim etilgan ma’lumotlariga 30-iyundan sо‘ng о‘zgartirish va qо‘shimchalar kiritishi taqiqlanadi.

Shuningdek:

➖ imtihonlar (dastlabki yozma imtihon va kirish test sinovlari) akademik litseyda ta’lim olib boriladigan tilda (о‘zbek, rus, qoraqalpoq tili) о‘tkaziladi;

➖ imtihon (dastlabki yozma imtihon va kirish test sinovlari) materiallari (topshiriqlari) umumta’lim fanlari (5-9 sinflar) dasturlari asosida tuziladi;

➖ dastlabki yozma imtihon natijalari qoniqarli va undan yuqori baholangan abituriyentlarga Bilimni baholash agentligi tomonidan о‘tkaziladigan kirish test sinovlarida ishtirok etishga ruxsat beriladi;

➖ abituriyentlarning dastlabki yozma imtihonda tо‘plangan ballari tanlov natijalarini e’lon qilishda inobatga olinmaydi.

Kanalga ulanish👇
https://t.iss.one/uztdi

Internetda 14-aprel kuni Surxondaryo, Uzun tumani 31-maktabda oʻqituvchilar ommaviy doʻpposlangani haqida video tarqaldi.

Bosh prokuratura tomonidan ushbu videoyozuvdagi holat oʻrganildi.

Aniqlanshicha, 2023-yil 14-aprel kuni soat 12:00 larda Uzun tumanidagi 31-sonli oʻrta taʼlim maktabining direktor xonasida oʻtkazilayotgan yigʻilishda 34 yoshli erkak (oʻqituvchi) ikki nafar ayol oʻqituvchilar bilan janjallashib, ularga tan jarohati yetkazgan.

Mazkur holat yuzasidan 18-aprel kuni Jinoyat kodeksining 277-moddasi (Bezorilik) bilan jinoyat ishi qoʻzgʻatilgan.

Gumonlanuvchi shaxs protsessual tartibda ushlangan.

Tergov harakatlari davom etmoqda.

Kanalga ulanish👇
https://t.iss.one/uztdi

Vazirning munosabati

Surxondaryo viloyati Uzun tumanidagi maktabda oʻqituvchilar doʻpposlangani holati Maktabgacha va maktab ta’limi vaziri Hilola Umarova tomonidan nazoratga olindi

Ayni damda zo’ravon o’qituvchi hibsga olingan, tergov ishlari olib borilmoqda. Ayol o’qituvchilar esa shifoxonada vazir ularning holatini o’z nazoratiga oldi.

Kanalga ulanish👇
https://t.iss.one/uztdi

❓ Dunyo mamlakatlarida oʻqituvchilarga nisbatan zoʻravonliklar qanday jazolanadi?

👉 Kanadada Alberta Oʻqituvchilari Assotsiatsiyasi (ATA) oʻtkazgan soʻrov natijalariga koʻra, oʻqituvchilarning 70 foizi oʻquvchilar, ularning ota-onalari hamda hamkasblari tomonidan jismoniy, ogʻzaki yoki ruhiy zarar koʻrgan.

👉 Buyuk Britaniyada Maktab oʻqituvchilari milliy assotsiatsiyasining Ayollar oʻqituvchilari uyushmasi tomonidan oʻtkazilgan soʻrovga koʻra, oʻqituvchilarning 44 foizi jismoniy, 72 foizi esa ogʻzaki tahqirlangan.

👉 Hindistonda Milliy Taʼlim Tadqiqotlari va Taʼlim Kengashi (NCERT) tomonidan oʻtkazilgan tadqiqotga koʻra, oʻqituvchilarning 53 foizi jismoniy tajovuzlardan tashqari ogʻzaki haqorat va qoʻrqitish kabi psixologik zoʻravonliklarga uchragan.

Xoʻsh, ushbu mamlakatlarda oʻqituvchilarga nisbatan zoʻravonliklarga qanday chora koʻriladi?

🇺🇸 AQSHda zoʻravonlik darajasi va oʻqituvchiga yetkazilgan zararga qarab, jarima, sinov muddati, jamoat ishlari yoki qamoqqa olish kabi bir qator jazolar qoʻllanilishi mumkin.

🇬🇧 Buyuk Britaniyada bir muddat ozodlikdan mahrum qilish yoki katta miqdorda jarimaga tortilishi mumkin.

🇦🇺 Avstraliyada jarima, shartli jazo, jamoat ishlari yoki ozodlikdan mahrum qilish kabi bir qator jazolar qoʻllanilishi mumkin.

🇮🇳 Hindistonda oʻqituvchiga nisbatan jismoniy tajovuz qilish intizomsizlik hisoblanadi va jinoyatchiga nisbatan maktabdan haydalish, hibsga olinish yoki jamoat ishlari kabi jazolar qoʻllanilishi mumkin.

➡️ Eslatib o‘tamiz, Davlat dasturida 2023-aprel oyida “Pedagog xodimning maqomi to‘g‘risida”gi qonun loyihasini Qonunchilik palatasiga kiritish vazifasi belgilangan.

Kanalga ulanish👇
https://t.iss.one/uztdi

“Xorijiy tillarni o‘qitish bo‘yicha eng yaxshi maktab” tanlovining tuman bosqichi o‘tkazilmoqda

Bugun, 19-aprel kuni O‘zbekiston Respublikasi Prezidenting sovrini uchun “Xorijiy tillarni o‘qitish bo‘yicha eng yaxshi maktab” tanlovining tuman (shahar) bosqichi o‘tkazilmoqda.

📊 Tanlovda Respublika bo‘ylab 6885 ta maktab Maktabgacha va maktab ta’limi vazirligining axborot tizimda ro‘yxatdan o‘tgan.

1-bosqichda maktablar 100 ballik tizim bo‘yicha baholanadi: test topshiriqlari uchun — 50 ball, asosiy ko‘rsatkichlar uchun — 50 ball.

➡️ Maktab jamoasining har bir a’zosi sinovlar jarayonida individual baholanib, ishtirokchilarning natijalari umumlashtiriladi va asosiy ko‘rsatkichlarga qo‘yilgan ballar qo‘shilgan holda maktabning umumiy natijasi chiqariladi.

Umumiy natijaga ko‘ra, eng yuqori ball to‘plagan 1-,2- va 3-o‘rinlarni egallagan maktablar g‘olib deb topiladi.

🏆 Tanlov gʻoliblari quyidagi miqdorlarda Prezident sovrini bilan mukofotlanadi:

➖ 1-oʻrin – 100 million soʻm;
➖ 2-oʻrin – 75 million soʻm;
➖ 3-oʻrin – 50 million soʻm.

👉 Tuman bosqichida 1-o‘rinni ko‘lga kiritgan maktab viloyat bosqichida qatnashish huquqini qo‘lga kiritadi.

Xorijiy tillarni o‘qitish bo‘yicha maktabning asosiy ko‘rsatkichlarini baholash mezonlari bilan quyida tanishishingiz mumkin:

Kanalga ulanish👇
https://t.iss.one/uztdi

❓ “Xorijiy tillarni o‘qitish bo‘yicha eng yaxshi maktab” tanlovining g‘olib maktablarida Prezident sovrini mablag‘lari qanday yo‘naltiriladi?

Pul mukofotlari tanlovning belgilangan bosqichi yakunlangandan so‘ng 5 ish kuni ichida g‘olib maktabning budjetdan tashqari shaxsiy g‘azna hisobvarag‘iga o‘tkazib beriladi.

➡️ G‘olib maktabning budjetdan tashqari jamg‘armasiga o‘tkazilgan mablag‘lar quyidagicha yo‘naltiriladi:

➖ asosiy ko‘rsatkichlar bo‘yicha maktabning yuqori baholanishiga hissa qo‘shgan hamda o‘quvchilarni tanlovga tayyorlagan xorijiy tillar o‘qituvchilarini rag‘batlantirish uchun — mukofot summasining 25 foizigacha;

➖ tanlovda qatnashib yuqori natijalar ko‘rsatgan terma jamoa a’zolari bo‘lgan o‘quvchilarni esdalik sovg‘alar yoki naqd pul shaklida rag‘batlantirish uchun — mukofot summasining 25 foizigacha;

➖ maktabning boshqa ehtiyojlari, jumladan, tanlovning keyingi bosqichiga tayyorgarlik uchun zarur xarajatlar, xorijiy tillarni o‘qitishni yanada yaxshilash uchun shart-sharoitlar yaratish uchun — mukofot summasining qolgan qismi.

🔘 Terma jamoa a’zolariga bir xil qiymatdagi sovg‘alar ajratiladi yoki mukofot summasi jamoa a’zolari o‘rtasida teng taqsimlanadi.

Kanalga ulanish👇
https://t.iss.one/uztdi

RASMAN: RAMAZON HAYITI 2023-YIL 21-APREL KUNI NISHONLANADI

🌙 Oʻzbekiston musulmonlari idorasi diyorimizda joriy yilda Ramazon hayiti 2023-yil 21-aprel juma kuniga toʻgʻri kelishi haqida qaror qabul qildi.

Kanalga ulanish👇
https://t.iss.one/uztdi

Eslatma!

Qadrli kuzatuvchilar!

Eksternat tartibidagi imtihonlarda ishtirok etish uchun ariza berish (hujjat topshirish) muddati tugashiga 10 kun qoldi.

Avval xabar berganimizdek, turli sabablarga ko‘ra o‘z vaqtida umumiy o‘rta ta’lim olmagan, ya’ni maktabni tamomlamagan fuqarolar eksternat tartibida yakuniy attestatsiyalarni topshirish uchun ariza berish muddati my.gov.uz portali orqali 1-mayga (shu kuni ham) qadar davom etadi.

➡️ Shu kunga qadar eksternat tartibidagi imtihonlarda ishtirok etish uchun 8990 nafar fuqaro ariza topshirgan.

Kanalga ulanish👇
https://t.iss.one/uztdi

Aholining Ramazon hayiti bayramini munosib kutib olishi va yuksak saviyada oʻtkazishi uchun qulay shart-sharoit yaratish maqsadida 2023-yil 24-aprel (dushanba) kuni ish haftasining turidan qatʼi nazar barcha xodimlar uchun qoʻshimcha dam olish kuni sifatida belgilandi.

Prezident farmoni

Kanalga ulanish👇
https://t.iss.one/uztdi

⚡️Rasman: 4 kun ketma-ket dam olish kuni boʻladi

Prezident farmoniga koʻra, Ramazon Hayiti munosabati bilan quyidagi kunlar dam olish kuni boʻladi:

➖ 21-aprel, juma — Hayit bayrami;
➖ 22-aprel, shanba — 6 kunlik ish haftasidagi xodimlar uchun qoʻshimcha dam olish kuni;
➖ 23-aprel, yakshanba — odatdagi dam olish kuni;
➖ 24-aprel, dushanba —barcha uchun qo‘shimcha dam olish kuni.

Kanalga ulanish👇
https://t.iss.one/uztdi

Dam olish kunlariga toʻgʻri kelgan mavzular oʻquv yilining 4-choragi davomida tigʻizlashtirib oʻtilishi tavsiya etiladi

O‘zbekiston Respublikasi Prezidentining tegishli Farmoniga asosan Ramazon hayiti munosabati bilan berilayotgan qo‘shimcha dam olish kunlari 21-apreldan 24-aprelga qadar mamlakatimizdagi barcha umumta’lim va maktabgacha ta’lim muassasalarida o‘quv jarayonlari bo‘lmasligini, o‘quv jarayonlari joriy yilning 25-aprelidan boshlanishini ma’lum qilamiz.

Dam olish kunlariga to‘g‘ri kelgan mavzular o‘quv yilining 4-choragi davomida tig‘izlashtirib o‘tilishi tavsiya etiladi.

Maktabgacha va maktab ta’limi vazirligi

Kanalga ulanish👇
https://t.iss.one/uztdi

Ўзбекистон халқига Рамазон ҳайити табриги
—
Поздравление народу Узбекистана с праздником Рамазан хайит

Prezident.uz|Facebook|Instagram|YouTube|Twitter