❗️Nodavlat oliy taʼlim tashkiloti filiali manzili litsenziyada koʻrsatilishi shart!

Telegam botimiz(@uztdibot)ga “Assalom alaykum. Qoraqalpogʻistonda yangi ochilgan nodavlat oliy taʼlim tashkilotining Samarqandda filiali ochilgani haqidagi eʼlonni koʻrib qoldim. Men koʻrgan litsenziyada Qoraqalpogʻistondagi manzil yozilgan. Nodavlat universitetlar boshqa viloyatda filial ochadigan boʻlsa, oʻsha manzil uchun ham litsenziya olishi kerakmi?”, degan savol kelib tushdi.

Vazirlar Mahkamasining 2022-yil 21-fevraldagi 80-sonli qarori bilan nodavlat oliy taʼlim xizmatlarini koʻrsatish boʻyicha litsenziya talablari va shartlari tasdiqlangan.

Har bir nodavlat oliy taʼlim tashkiloti litsenziyasida faoliyat manzili aniq koʻrsatilgan boʻladi va oliygoh faqatgina mazkur manzilda taʼlim xizmatlarini koʻrsatish huquqiga ega ekanligini bildiradi.

Litsenziyada faoliyat manzili aniq koʻrsatib oʻtilishining sababi litsenziya berishdan avval aynan ushbu manzildagi bino va hududning qarorda belgilangan talab va shartlarga muvofiqligi oʻrganib chiqiladi. Qonuniy filiali mavjud universitetlarning litsenziyasida filial manzili ham koʻrsatib oʻtilgan boʻladi.

Ayrim nodavlat oliygohlar fuqarolarga qulaylik yaratish maqsadida boshqa viloyatda ham qabul ofislari faoliyatini yoʻlga qoʻyishi mumkin. Biroq bu holat universitet oʻsha viloyatda ham oʻqitadi, degan maʼnoni anglatmaydi.

Agar qaysidir nodavlat universitetning vakillari Sizga boshqa manzilda filiali borligini maʼlum qilsa, litsenziyadagi faoliyat manzili qismida oʻsha manzil ham koʻrsatib oʻtilganligini tekshirib koʻring.

Nodavlat oliy ta’lim tashkilotlari bo‘yicha savollaringizni Telegram (@uztdibot) botimizga yuborishingiz mumkin.

Kanalga ulanish👇
https://t.iss.one/uztdi

Birozdan so’ng kanalimiz(@uztdi) da geografiya va tarix fanlari bo’yicha namuna testlarni ham e’lon qilamiz!

Kanalga ulanish👇
https://t.iss.one/uztdi

❓Dars soatlari qanday ko‘rsatkichlarga ko‘ra taqsimlanadi?

✅ Dars soatlari o‘qituvchilarning ko‘rsatkichlariga qarab taqsimlanadi:

🔹 xalqaro olimpiadalar g‘oliblarini tayyorlagan o‘qituvchilar;
🔹 o‘qituvchi bo‘lib ishlayotgan xalqaro olimpiadalar g‘oliblari;
🔹 xalqaro sertifikatlarga ega o‘qituvchilar;
🔹 TOP-1000 universitetlardan birini bitirgan o‘qituvchilar;
🔹 asosiy olimpiadalarning respublika bosqichi g‘oliblarini tayyorlagan o‘qituvchilar;
🔹 o‘qituvchi bo‘lib ishlayotgan asosiy olimpiadalarning respublika bosqichi g‘oliblari;
🔹 respublika bosqichidagi ko‘rik tanlovlarda (yil o‘qituvchisi) sovrinli o‘rinlarga ega bo‘lgan o‘qituvchilar;
🔹 oliy malaka toifasiga ega o‘qituvchilar;
🔹 birinchi malaka toifasiga ega o‘qituvchilar;
🔹 asosiy olimpiadalarning viloyat va tuman bosqichi g‘oliblarining o‘qituvchilari;
🔹 ikkinchi malaka toifaga ega o‘qituvchilar;
🔹 pedagogik yo‘nalish bo‘yicha magistr darajasiga ega o‘qituvchilar;
🔹 o‘z fanidan o‘tkazilgan sinovlar natijasi bo‘yicha a’lo baholarga ega o‘qituvchilar;
🔹 oliy ma’lumotli toifasiz o‘qituvchilar;
🔹 qayta tayyorlash bo‘yicha diplomga ega o‘qituvchilar;
🔹 OTMning pedagogik yo‘nalish bo‘yicha bitiruvchi bosqich talabalari;
🔹 pedagogik yo‘nalish bo‘yicha xorijiy davlatlarning oliygohlarini bitirgan, biroq diplomi tan olinmagan o‘qituvchilar;
🔹 o‘rta maxsus, professional ma’lumotga ega o‘qituvchilar;
🔹 umumta’lim muassasasining tegishli mutaxassisligi bo‘yicha rahbar xodimlari.

❗️ Dars soatlari umumta’lim muassasasining pedagogik kengashi tomonidan qayta taqsimlanishi mumkin.

Maktabgacha va maktab ta’limi vazirligi

Kanalga ulanish👇
https://t.iss.one/uztdi

Vazir jamg‘armasidan ustama olishga nomzodlarni saralash jarayonlarining 2-bosqichi boshlanmoqda: manzil va sanalar bilan tanishing

Vazir jamg‘armasi hisobidan har oylik ustama to‘lanadigan nomzodlarning kasbiy mahoratini baholash mezonlari maʼlum bo‘ldi.

Vazir jamg‘armasidan ustama olish uchun o‘tkaziladigan sinov jarayonlari bir-biriga bog‘liq bo‘lmagan holda ko‘p bosqichli tanlov asosida bevosita Vazirlar Mahkamasining qarori bilan belgilangan tartibda tashkil etilishi haqida avvalroq xabar bergan edik.

O‘zbekiston Respublikasi Vazirlar Mahkamasining 2022-yil 2-avgustdagi “Xalq taʼlimi vaziri jamg‘armasi faoliyatini tashkil etish chora-tadbirlari to‘g‘risida”gi Qaroriga ko‘ra, 2022-yil dekabr oyida ushbu Jamg‘armadan har oylik ustama to‘lanadigan malakali pedagog kadrlarni saralash sinovlarining dastlabki bosqichi bo‘lib o‘tgan edi.

Birinchi bosqichda qatnashgan hamda dars beradigan umumtaʼlim fani bo‘yicha bilim darajasini baholash uchun bo‘lib o‘tgan test sinovlarida maksimal ballning 80 va undan yuqori foiz natijani qayd etgan nomzodlar ikkinchi bosqichga tavsiya etiladi.

Ikkinchi bosqichda umumtaʼlim fanini bilish darajasini baholash bo‘yicha o‘tkazilgan test sinovlarida maksimal ballning 80 foizi yoki undan yuqori natija ko‘rsatgan nomzodlarning kasbiy mahoratini baholash uchun suhbat o‘tkaziladi. Ushbu havola orqali kasbiy mahoratni baholash uchun suhbatni baholash Nizomi va mezonlari bilan tanishishingiz mumkin.

Kasbiy mahoratini baholash bo‘yicha o‘tkazilgan suhbat natijalariga ko‘ra eng yuqori ball to‘plagan malakali pedagog kadrlarga joriy yilning aprel oyidan boshlab, 9 oy davomida mehnatga haq to‘lashning eng kam miqdorining 5,5 baravari miqdorida (bugungi kunda 5 mln so‘m) har oylik ustama to‘lanadi.

Vazir jamg‘armasi uchun o‘tkazilgan saralash sinovlarining birinchi bosqichi natijalari bilan ushbu havola orqali tanishishingiz mumkinligini eslatib o‘tamiz.

Suhbat jarayonlari joriy yilning 13-18-mart kunlari bo‘lib o‘tadi. Suhbat jarayonlari bo‘lib o‘tadigan manzillar bilan ushbu havola orqali tanishishingiz mumkin.

Kanalga ulanish👇
https://t.iss.one/uztdi

Nodavlat umumtaʼlim tashkilotlari soni ortib bormoqda
 
🏢 Statistika agentligining maʼlumotlariga koʻra, 2022/23-oʻquv yili boshiga faoliyat yuritayotgan nodavlat umumtaʼlim tashkilotlari soni jami 194 tani tashkil etgan.

✅ Ushbu koʻrsatkich 2018/2019 oʻquv yili boshiga nisbatan 136 taga koʻpaygan. 
 
✅ Yillar kesimida  faoliyat yuritayotgan nodavlat umumtaʼlim tashkilotlari soni: 
  
— 2018/2019-oʻquv yili boshiga – 58 ta 
— 2019/2020-oʻquv yili boshiga – 91 ta 
— 2020/2021-oʻquv yili boshiga – 102 ta 
— 2021/2022-oʻquv yili boshiga – 135 ta 
— 2022/2023-oʻquv yili boshiga – 194 ta

Kanalga ulanish👇
https://t.iss.one/uztdi

❓Moliyaviy savodxonlik fani yuqori sinf o'quvchilari uchun ham qo'yiladimi? Iqtisodiy bilim asoslari fanidan oshirilgan toifa tadbirkorlik asoslari fani uchun ham amal qiladimi? Moliyaviy savodxonlik fani uchun-chi?

Ushbu savolga o‘quv ishlarini boshqarish bo‘yicha 16 yillik tajribaga ega ekspert, telegramdagi O‘TIBD o‘rinbosarlari va "ЗАВУЧЛАР" guruhlari administratori Sanobar Ummataliyeva javob berdi.

Onlayn muloqotda berilgan shu kabi savollarga javoblar Ta’lim nazorati (@uztdi) kanali orqali e‘lon qilib boriladi.

Kanalga ulanish👇
https://t.iss.one/uztdi

⚡️ Dam olish kunlari va bayram kunlaridagi ishlar uchun kamida ikki hissa miqdorida haq toʻlanadi

📝 Xodimlarni bayram (ishlanmaydigan) kunlari ish beruvchining farmoyishi boʻyicha ishga jalb etishga faqatgina jamoa shartnomasida, agar u tuzilmagan boʻlsa, ish beruvchi tomonidan kasaba uyushmasi qoʻmitasi yoki xodimlarning boshqa vakillik organi bilan kelishib belgilangan asoslar boʻyicha yoʻl qoʻyiladi.

☑️ Ishlab chiqarish-texnika sharoitlari va boshqa sharoitlarga koʻra ishni toʻxtatib turish mumkin boʻlmagan joylarda, aholiga xizmat koʻrsatish zarurati boʻlgan ishlarda, shuningdek, kechiktirib boʻlmaydigan taʼmirlash va yuk ortish-tushirish ishlarida bayram (ishlanmaydigan) kunlari ishlashga yoʻl qoʻyiladi.

💰 Dam olish kunlari va bayram kunlaridagi ishlar uchun kamida ikki hissa miqdorida haq toʻlanadi.

‼️ Bayram (ishlanmaydigan) kunlari arafasida kundalik ish (smena) muddati barcha xodimlar uchun kamida 1 soatga qisqartiriladi.

Kanalga ulanish👇
https://t.iss.one/uztdi

Prezidenti Shavkat Mirziyoyevning Xalqaro xotin-qizlar kuniga bag‘ishlangan tantanali marosimdagi nutqidan:

"Yurtimizda xotin-qizlarning sifatli ta’lim va tarbiya olishiga alohida e’tibor qaratilmoqda. Mutafakkir jadid bobomiz Abdurauf Fitrat ta’biri bilan aytganda, “Onalar – butun bashariyatning tarbiyachilaridir”.

Darhaqiqat, oilada bir nafar qiz o‘qib, oliy ma’lumotga, zamonaviy kasb-hunarga ega bo‘lsa, xonadondagi muhit butunlay o‘zgaradi. Biz shu maqsadda xotin-qizlar ta’limini qo‘llab-quvvatlash bo‘yicha muhim dasturni qabul qildik.

Qiyoslash uchun bir misol keltirmoqchiman.

Agar bundan 6 yil avval oliygohlarda 110 ming nafar xotin-qiz tahsil olgan bo‘lsa, hozirgi vaqtda bu raqam qariyb 5 barobar ko‘payib, 500 ming nafarni tashkil etmoqda. Shu tariqa bugungi kunda oliy ta’lim olayotgan talabalar orasida qizlarimizning ulushi 50 foizga yetgani tariximizda misli ko‘rilmagan natijadir.

Yangi tartibga muvofiq, magistraturada o‘qiyotgan 10 mingdan ortiq talaba qizlar uchun 68 milliard so‘mdan ziyod kontrakt pullari davlat tomonidan to‘lab berildi. 65 mingdan ko‘proq talaba xotin-qizlarga 727 milliard so‘mga yaqin foizsiz ta’lim krediti ajratildi.

Ehtiyojmand oilalarda yashayotgan qariyb 2 ming nafar qizlar, shuningdek, mutaxassisligi bo‘yicha besh yillik mehnat stajiga ega bo‘lgan 500 nafardan ortiq xotin-qizlarimiz oliygohlarga alohida kvota asosida o‘qishga qabul qilindi.

Dunyoda chuqur iqtisodiy inqiroz davom etayotgan hozirgi kunda, qanchalik qiyin bo‘lmasin, zarur mablag‘ va imkoniyatlarni topib amalga oshirayotgan bunday sa’y-harakatlarimiz albatta o‘z natijasini beradi. Oliygohlarda tahsil olayotgan xotin-qizlarimiz orasidan ilm-fan, siyosat va jamoat arboblari, mashhur madaniyat va san’at, sport namoyandalari yetishib chiqadi, deb ishonaman."

Nutqning to‘liq matni: https://president.uz/oz/lists/view/6013

Kanalga ulanish👇
https://t.iss.one/uztdi

Ingliz tili o‘qituvchilari diqqatiga!

❓50 foizli ustamaga imtiyoz beruvchi sertifikat olishni xohlaysiz-u lekin IELTS yoki CEFR sertifikatlarini olishga qiynalyapsizmi?

💡 U holda siz uchun arzon narxdagi onlayn TKT 1, 2, 3 modul darslarini taklif qilamiz!

📚 Kurs davomida TKT testlarini tez va samarali ishlash texnikasi oʻrgatiladi.

📤 Bundan tashqari, kurs ishtirokchilariga testlar bazasi ham tashlab beriladi

🗓 Darslar 10-martdan boshlanadi!

❇️ Kurs narxi:

1-modul 200 ming so‘m

📌 (8- martgacha toʻlov qilganlar uchun chegirma narxda 150 ming so‘m)

🗂 Davomiyligi: 1 oy

2&3 -modul: 200 ming so‘m

🗂 Davomiyligi: 1 oy

📩 Murojaat uchun: 👉@tkt_teacher

❗️Aytgancha, imtihondan muvaffaqiyatli oʻtgan oʻquvchilariga imtihon xarajatlari toʻliq qoplab beriladi!

✅ Bu sertifikat faqat ingliz tili oʻqituvchilari uchun!

Kanalga ulanish va natijalarni koʻrish bu yerda👇
@TKT_CERTIFICATE

#Bilasizmi?

Tarifikatsiya roʻyxatiga belgilangan dars soatlariga koʻra uyda yakka tartibda dars beruvchi oʻqituvchilarga faqatgina oʻquv soatlari uchun ish haqi toʻlovlari amalga oshiriladi.

Bunda, uyda yakka tartibda dars beruvchi oʻqituvchilarga oʻquvchilar taʼtilda boʻlgan davrda ham tarifikatsiya roʻyxatida belgilangan oʻquv soatlar uchun haq toʻlab beriladi.

Ularning ish haqlari mehnat taʼtilini hisoblashda inobatga olinadi hamda ish haqi va unga tenglashtirilgan toʻlovlar 12 oyga rejalashtiriladi.

Tibbiy-maslahat komissiyasining xulosasiga asosan uyda yakka tartibda taʼlim berish vaqtincha toʻxtatilgan davrda oʻqituvchiga ish haqi toʻlanmaydi.

Bunda o‘qituvchining ish haqi miqdori malaka toifasiga ko‘ra bazaviy tarif stavkasini bir oylik ish yulkamasiga bo‘lish hamda ular tomonidan yakka tartibda o‘tkazilgan haqiqiy o‘quv soatlariga ko‘paytirish va Vazirlar Mahkamasining 1994-yil 29-sentabrdagi 490-sonli qarorida belgilangan o‘qituvchining ta’rif stavkasi hamda lavozim maoshlari miqdoriga 50 foiz qo‘shimcha haq to’lovini belgilash orqali hisoblanadi.

📌 Asos: O‘zbekiston Respublikasi Xalq ta’limi vazirligi va Moliya vazirligining "Yakka tartibda ta’lim berayotgan o‘qituvchilar ish haqlarini hisoblash metodikasini tasdiqlash to‘g‘risida"gi qo‘shma qarori

Kanalga ulanish👇
https://t.iss.one/uztdi

Hurmatli ustozlar!
Munis opa-singillar!

Sizlarni - vazirlik va uning tizimidagi barcha idora va tashkilotlarda, ta’lim muassasalarida farzandlarimiz kamoli, yurtimiz ravnaqi va kelajagi uchun fidoyilik bilan mehnat qilayotgan barcha xotin-qizlarni “8 mart — Xalqaro xotin-qizlar kuni” bilan chin qalbimdan samimiy muborakbod etaman.

Prezidentimiz tomonidan ayollarga ko‘rsatilayotgan yuksak e’tibor natijasida bugun jamiyatning turli sohalarida ayollarimizning faolligi yaqqol ko‘zga tashlanib bormoqda. Xususan ayni vaqtda umumta’lim muassasalaridagi 509 443 nafar pedagoglarning 352 085 nafari (69,1%), ixtisoslashtirilgan maktablardagi 6 611 nafar pedagoglarning 3 142 nafari (47,5%), maktabgacha ta’lim tashkilotlaridagi 151 746 nafar pedagoglarning 143 322 nafari (82.9%)ni xotin-qizlar tashkil etmoqda.
Kuni kecha e’lon qilingan “Zulfiya nomidagi Davlat mukofoti bilan taqdirlash to‘g‘risida”gi Prezident qarori asosida joriy yilda 8 nafar o‘quvchi-qiz hamda 1 nafar umumta’lim maktabining ijodiy-madaniy masalalar bo‘yicha targ‘ibotchisi Zulfiya nomidagi Davlat mukofoti bilan taqdirlandi.

Muhtarama opa-singillar!
Muhtaram Prezidentimiz poytaxtimizdagi Xalqaro kongress markazida “8 mart — Xalqaro xotin-qizlar kuni”ga bag‘ishlab o‘tkazilgan tantanali tadbirda mamlakatimiz xotin-qizlari uchun munosib sharoit yaratib berish – davlatimizning doimo e’tiborida bo‘lishini ta’kidlab o‘tdilar.
Mazkur tantanali marosimdagi “Yangi O‘zbekistonni barpo etishda, Uchinchi Renessans bunyodkori bo‘lgan yosh avlodni tarbiyalashda sizlarga, sizlarning buyuk murabbiylik fazilatlaringizga tayanamiz” degan so‘zlari yurtimizdagi barcha xotin-qizlar, xususan ayol o‘qituvchilarga bo‘lgan cheksiz hurmat va e’tiborning yorqin namunasidir.

Qadrli ayollar!
Munis opa-singillar!
Fursatdan foydalanib, Siz azizlarni yana bir bor ayyom bilan chin qalbimdan qutlayman!
Barchangizga sihat-salomatlik, oilangizga tinchlik-xotirjamlik, baxt-saodat tilayman!

Hilola Umarova,
Maktabgacha va maktab ta’limi vaziri