Уважаемые родители!

В начале нового учебного года, в результате перехода учеников из одной школы в другую, в частности изменения языка обучения может наблюдаться нехватка учебников.

На местах, такие проблемы должны решаться руководством школы вместе с территориальными отделениями или управлениями народного образования, путем незамедлительной доставки (переброски) учебников в школу, где наблюдается нехватка, из школы, где есть запас данных учебников.

Если Ваше обращение остаётся без внимания или вопрос не решается, вы можете написать, точную информацию через телеграм-бот (@uzedudarslik_bot) в Министерство народного образования.

Министерство возьмет на контроль доставку необходимых учебников из соседней школы, района и если необходимо из другого региона.

Также сообщаем, что электронные версии всех учебников можно скачать по этой ссылке.

Министерство народного образования

Официальные страницы Государственной инспекции по надзору за качеством образования 👇👇👇
Telegram | Facebook| YouTube|Instagram

Ҳурматли ота-оналар!

Янги ўқув йили бошида айрим ўқувчиларнинг мактабдан-мактабга ўтиши, жумладан таълим тилини ўзгартириши натижасида баъзи мактабларда дарсликларнинг етишмовчилиги кузатилиши мумкин.

Жойлардаги бундай муаммоларни ўша мактаб раҳбарияти ҳамда ҳудудий халқ таълими бўлими ва бошқармалари ҳудуддаги китоб ортиқча бўлган бошқа мактаблардан китоб етишмаётган мактабларга ўтказиш орқали зудлик билан ҳал этиш чораларини кўриши белгиланган.

Агар мурожаатингиз ижобий ҳал этилмаса ва дарслик етиб бормаса Халқ таълими вазирлиги томонидан ишга туширилган махсус телеграмм-бот (@uzedudarslik_bot) орқали сиз дарслик билан юзага келган муаммо бўйича аниқ маълумотни юборишингиз мумкин бўлади.

Вазирлик ҳар бир мурожаатни назоратга олади ва зарур китобни қўшни мактаб, туман ва керак бўлса вилоятдан етказилишини назоратга олади.

Шу билан биргаликда, барча дарсликларнинг электрон версияларини ушбу ҳавола орқали юклаб олиш мумкинлигини ҳам маълум қиламиз.

Халқ таълими вазирлиги

Таълим инспекцияси телеграм каналига уланиш👇
https://t.iss.one/uztdi

#haftadayjesti

Taʼlim inspeksiyasi faoliyatidagi haftaning eng muhim voqealari | 13–17.09.2021

📹Youtube(HD)da ko‘rish: https://youtu.be/VCsggPTEwE0

Taʼlim inspeksiyasi telegram kanaliga ulanish👇
https://t.iss.one/uztdi

Hurmatli ustozlar!

📖 “TIMSS xalqaro tadqiqoti va qamrov doirasi” hamda "Matematika fanidan TIMSS topshiriqlari va ularning baholash mezonlari" mavzularida tashkil etiladigan onlayn vebinarning boshlanishiga oz vaqt qolmoqda.⏰

Ushbu onlayn vebinarda taqdimotchilar tomonidan beriladigan qimmatli ma'lumotlarni o'tkazib yubormang❗️

♻️Vebinarga quyidagi havola orqali ulanishingiz mumkin – https://bit.ly/3nJanuA

☝️Eslatib o'tamiz, vebinar xalqaro tadqiqotlarga tayyorgarlik ko'rish bo'yicha boshlangan turkum seminarlarning davomi hisoblanadi.

📍Milliy markazning rasmiy sahifalariga ulanish
Telegram | Facebook | YouTube |Instagram

Zoom Video
Join our Cloud HD Video Meeting
Zoom is the leader in modern enterprise video communications, with an easy, reliable cloud platform for video and audio conferencing, chat, and webinars across mobile, desktop,

#Қонунчиликдаги_янгиликлар

⚡️ Ҳар йили 100 нафар хотин-қизнинг тўлов-контракти ҳокимликлар томонидан тўлаб берилади

Ҳукумат қарори (577-сон, 17.09.2021 й.) билан Ота-онаси ёки уларнинг биридан айрилган муҳтож қизлар, боқувчиси йўқ ёлғиз аёллар олий таълим олишларини моддий жиҳатдан қўллаб-қувватлаш тартиби тўғрисидаги низом тасдиқланди.

🎓 Низомга кўра, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2021/2022 ўқув йилидан бошлаб ҳар йили ўзларининг ҳудудларидан ўқишга кирган 25 нафардан ҳамда 2-4-курсларда ўқиётган 75 нафар (ҳар бир курсдан – 25 нафардан), жами 100 нафар хотин-қизлар учун тўлов-контракт суммасини тўрт ўқув йилининг якунланишига қадар тўлаб беради.

☑️ Молиявий барқарор давлат ОТМ томонидан уларнинг кенгашлари қарорига мувофиқ, 50 нафаргача хотин-қизлар биринчи ўқув йилида бепул ўқитилади.

Бунда талабгорларнинг кейинги ўқув йиллари учун таълим кредитлари расмийлаштирилади. Ҳокимликлар ўз ҳудудларидаги талабгорлар учун учинчи шахс кафиллигини беради ҳамда ўқишни тамомлагандан сўнг уларни иш жойи билан таъминлайди.

🔰 Талабгорларни танлаб олиш қуйидаги мезонлар асосида амалга оширилади:

👉 отаси ёки онаси ёхуд уларнинг иккаласи ҳам вафот этган муҳтож қизлар;
👉 боқувчиси йўқ эҳтиёжманд ёлғиз аёллар.

Бунда юқоридаги мезонларга мос келувчи хотин-қизлар тест натижалари эълон қилинган кундан бошлаб ижтимоий ҳолати тўғрисидаги маълумотномани ҳар йили 10 кун ичида ОТМ қабул комиссиясига тақдим этади.

📝 Давлат ОТМ 5 кун мобайнида рўйхатни шакллантириб, ҳокимликларга ёзма равишда маълумотларни юборади.

🧾 Шунга кўра, Ота-онаси ёки уларнинг биридан айрилган муҳтож қизлар, боқувчиси йўқ ёлғиз аёллар олий таълим олишларини моддий жиҳатдан қўллаб-қувватлаш комиссияси 15 кунда (лекин ҳар ўқув йилида 15 сентябрдан кеч бўлмаган муддатда) талабгорлар рўйхатини ҳамда шартномани имзолаш бўйича хулосаларни давлат ОТМга ёзма равишда киритади ва белгиланган тартибда шартномаларни расмийлаштиради.

📌 Мазкур тартиб тўлов-контракт асосида давлат ОТМ бакалавриатига (кундузни, сиртқи, кечки таълим шаклидан қатъи назар) талабаликка тавсия этилган ҳамда 2-4 курсларда таҳсил олаётган талабгорларга қўлланилади.

🚫 Қуйидагиларга нисбатан татбиқ этилмайди:

➖ иккинчи ва ундан кейинги олий таълим олиш учун танловда иштирок этган талабгорларга;
➖ Ўзбекистонда жойлашган хорижий ОТМ ёки уларнинг филиаллари, нодавлат таълим хизматлари билан шуғулланувчи тадбиркорлик субъектларига;
➖ олий ҳарбий таълим муассасаларига.

❕Талабгорлар жорий ўқув йили давомида ОТМни ёки таълим йўналишини ўзгартирса ёхуд талабалар сафидан четлаштирилса мазкур имтиёздан фойдаланиб бўлмайди.

✅ Талабгорларни танлаб олиш натижалари “Aziz-ayol.uz” Ягона интерактив миллий платформаси орқали эълон қилинади.

Таълим инспекцияси телеграм каналига уланиш👇
https://t.iss.one/uztdi

❗️Давлат органларининг телеграмдаги расмий саҳифаларини кузатиб боринг!

Ўзбекистонда расмий ахборотнинг биринчи манбаси - ахборот хизматлари ҳисобланади. Хозирги кунда барча давлат органлари телеграмда ўз саҳифаларини юритишмоқда.

Мазкур телеграм каналларида янги қонун ҳужжатлари шарҳи, аҳамиятли мавзулар юзасидан экспертлар фикри, муҳокамаларга сабаб бўлаётган мавзуларга оид расмий идоралар позициясидан бохабар бўлиш имконияти мавжуд.

🔔 Давлат органларининг расмий каналлари билан танишиб, аъзо бўлишни тавсия қиламиз.

⚡️Президент топшириғига асосан малака тоифаси бериш жараёни такомиллаштирилди

Яқинлашиб келаётган устоз ва мураббийлар куни олдидан Ўзбекистон Республикаси Вазирлар Маҳкамасининг “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартибини такомиллаштириш чора-тадбирлари тўғрисида”ги қарори қабул қилинди.

Ўзбекистон Республикаси Президенти Олий Мажлисга Мурожаатномасида ўқитувчиларнинг ўз фанини билиши, педагогик маҳорати ва психологик тайёргарлигидан келиб чиқиб, тоифа бериш мезонлари ҳам қайта кўриб чиқиш вазифани белгилаб берган эди.

Шунингдек, Давлатимиз раҳбарининг 2021 йил 3 февралдаги “2017–2021 йилларда Ўзбекистон Республикасини ривожлантиришнинг бешта устувор йўналиши бўйича “Ёшларни қўллаб-қувватлаш ва аҳоли саломатлигини мустаҳкамлаш йили”да амалга оширишга оид давлат дастури тўғрисида”ги фармонида педагог ходимларга малака тоифасини бериш тизимини қайта кўриб чиқиш, шаффофлик ва автоматлаштириш асосидаги янги тизимни жорий қилиш аниқ чора-тадбирлар белгиланган эди.

Ушбу вазифалар ижросини таъминлаш мақсадида Таълим инспекцияси томонидан ҳукумат қарори лойиҳаси тайёрланди. Соҳа мутахассислари, хорижий экспертлар ва бевосита амалиётчи ўқитувчилар иштирокида бир неча маротаба муҳокама қилиниб такомиллаштирилди.

Янги қарорни ишлаб чиқишда аввало Президентимиз таъкидлаганларидек жамиятда ўқитувчи касби нуфузли ва обрўли касб бўлишини таъминлаш ҳамда муаллимларимизга сифатли таълим бериш ва ўз устида ишлашдан бошқа нарса ҳақида ўйламаслиги учун давлат барча шароитларни яратиб беришга эътибор қаратилди.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

#Қонунчиликдаги_янгиликлар

⚡️Педагогларга малака тоифаси беришда аттестация комиссиялари тузиш ва йиғма жилд орқали ҳужжат топшириш амалиёти бекор қилинди

«Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартибини такомиллаштириш чора-тадбирлари тўғрисида»ги Ҳукумат қарори (572-сон, 17.09.2021 й.) қабул қилинди.

Мазкур қарорга асосан:

педагог кадрларини аттестациядан ўтказиш бўйича вазирликлар ва идоралар, Қорақалпоғистон Республикаси, вилоятлар, Тошкент шаҳри, туманлар (шаҳарлар) ҳамда таълим муассасалари миқёсидаги аттестация комиссиялари тузиш ва йиғма жилд орқали ҳужжат топшириш амалиёти бекор қилинади;

Педагог кадрларни аттестациядан ўтказиш уларнинг педагогик маҳорати ва психологик тайёргарлигини таълим ташкилотлари педагогик (кузатув) кенгашлари томонидан баҳолаш ҳамда Таълим инспекцияси томонидан ўқув фани бўйича малака синовини ўтказиш орқали амалга оширилади.

📌 Таъкидлаш лозим, мазкур қарор Ўзбекистон Республикаси Президентининг Олий Мажлисга ва халқимизга йўллаган Мурожаатномасида белгиланган вазифалар ижросини таъминлаш мақсадида қабул қилинди.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

#Қонунчиликдаги_янгиликлар
#Педагоглар_аттестацияси

⚡️Қоғоз шаклдаги аттестация сертификати бериш бекор қилиниб, QR-код қўйилган электрон сертификат бериш жорий этилади

Ҳукумат қарори (572-сон, 17.09.2021 й.) билан педагог кадрларга қоғоз шаклдаги аттестациядан ўтганлик тўғрисидаги сертификат бериш амалиёти бекор қилиниб, электрон рақамли имзо билан тасдиқланган ва QR-код қўйилган электрон шаклдаги сертификат бериш тартиби жорий этилади.

💻Бунда, ўқитувчи хоҳлаган пайтида QR-код қўйилган электрон шаклдаги сертификатни ўзининг шахсий кабинетидан юклаб олиши мумкин.

Таълим инспекциясининг “pedkadr.tdi.uz” платформаси UzASBO ҳамда мактаб бошқарув (ERP) дастурлари билан интеграция қилинмоқда. Бу ўз навбатда, мактаб бухгалтериясига ўз тоифасини оширган ўқитувчилардан ҳеч қандай ҳужжат талаб қилмасдан, уларнинг иш ҳақини автоматик тарзда қайта ҳисоблаш ва тўлаб боришга имкон беради.

👨‍🏫 Педагог кадрларга ушбу қарор қабул қилингунга қадар берилган аттестациядан ўтганлик тўғрисидаги сертификатлар ўз кучида қолади ҳамда амалдаги малака тоифасини (лавозимини) тасдиқлашда ва амал қилиш муддати тугагунга қадар сертификатда кўрсатилган малака тоифаси (лавозими) бўйича базавий тариф ставкалари асосида ҳақ тўлашда ҳисобга олинади.

📌 Таъкидлаш лозим, мазкур қарор Ўзбекистон Республикаси Президентининг Олий Мажлисга ва халқимизга йўллаган Мурожаатномасида белгиланган вазифалар ижросини таъминлаш мақсадида қабул қилинди

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

#Қонунчиликдаги_янгиликлар
#Педагоглар_аттестацияси

⚡️ Нодавлат таълим ташкилотлари педагогларига аттестациядан ўтиб тоифа олиш ҳуқуқи берилади

Ҳукумат қарори (572-сон, 17.09.2021 й.) билан мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида низом тасдиқланди.

👉 Унга кўра, нодавлат таълим ташкилотлари педагогларига ўз хоҳишига кўра аттестациядан ўтиб тоифа олиш ҳуқуқи берилади. Бунда педагогларнинг малака тоифалари улар бошқа таълим ташкилотига, таълим ташкилотининг бир туридан бошқасига ёки нодавлат таълим ташкилотидан давлат таълим ташкилотига ишга ўтганда сақлаб қолинади.

❗️Қайд этиш лозим, амалдаги тартиб бўйича малака тоифалари фақат давлат таълим ташкилотлари педагогларига берилаётганди. Бу эса, нодавлат таълим ташкилотлари педагогларининг кўплаб мурожаатлари ва эътирозларига сабаб бўлаётганди.

📌 Таъкидлаш лозим, мазкур қарор Ўзбекистон Республикаси Президентининг Олий Мажлисга ва халқимизга йўллаган Мурожаатномасида белгиланган вазифалар ижросини таъминлаш мақсадида қабул қилинди.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

#Қонунчиликдаги_янгиликлар
#Педагоглар_аттестацияси

⚡️Иш жойи ўзгарган педагоглар малака тоифаларини йўқотмайди

Ҳукумат қарори (572-сон, 17.09.2021 й.) билан мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида низом тасдиқланди.

Педагог кадрларнинг малака тоифалари (лавозимлари) бошқа таълим ташкилотларига, таълим ташкилотларининг бир туридан бошқасига ёхуд нодавлат таълим ташкилотидан давлат таълим ташкилотига ишга ўтганда сақлаб қолинади.

Бунда мактабгача, умумий ўрта ва мактабдан ташқари таълим ташкилотлари педагог кадрларининг

🔹 иккинчи малака тоифаси ўрта махсус ва профессионал таълим ташкилотларининг катта ўқитувчи лавозимига,

🔹 биринчи малака тоифаси – етакчи ўқитувчи лавозимига,

🔹 олий малака тоифаси – бош ўқитувчи лавозимига тенглаштирилади.

📌 Таъкидлаш лозим, мазкур қарор Ўзбекистон Республикаси Президентининг Олий Мажлисга ва халқимизга йўллаган Мурожаатномасида белгиланган вазифалар ижросини таъминлаш мақсадида қабул қилинди.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

⚡️Педагог кадрлар аттестацияси йил давомида ўтказилади

Ҳукумат қарори (572-сон, 17.09.2021 й.) билан мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида низом тасдиқланди.

Унга кўра аттестациядан ўтиш учун педагог кадрлар ҳар йили 1 январдан 1 мартга қадар ва 1 августдан 1 октябрга қадар бевосита давлат хизматлари марказлари орқали ёки Ягона интерактив давлат хизматлари портали ёхуд Таълим инспекциясининг расмий веб-сайтида рўйхатдан ўтган ҳолда мурожаат қиладилар.

❗️Таъкидлаш жоизки, қарорга асосан педагог ходимларга малака тоифасини беришнинг янги тизими 2022 йил 1 январдан бошлаб жорий қилинади.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

⚡️Навбатдаги мажбурий аттестацияга жалб этилмайди педагоглар рўйхати тасдиқланди

Ҳукумат қарори (572-сон, 17.09.2021 й.) билан мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида низом тасдиқланди.

Унга кўра қуйидагилар навбатдаги мажбурий аттестацияга жалб этилмайди:

🔹 фан номзоди, фалсафа доктори (Doctor of Philosophy (PhD) ёки фан доктори (Doctor of Science (DSc) даражасига ҳамда Олий аттестация комиссияси томонидан берилган катта илмий ходим, доцент ва профессор илмий унвонига эга бўлган педагог кадрлар;

🔹таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар;

🔹 педагогик фаолият билан шуғулланаётган пенсия ёшига тўлган педагог кадрлар;

🔹 педагогик фаолият бўйича уч йилдан кам бўлган иш стажига эга педагог кадрлар;

🔹 ҳомиладор аёллар, улар ҳомиладор бўлган даврда ҳамда ишга чиққанидан кейин бир йил давомида;

🔹 ҳомиладорлик ва туғиш ҳамда болани парвариш қилиш таътилларида бўлган аёллар, улар таътилда бўлган даврда ҳамда ишга чиққанидан кейин бир йил давомида;

🔹 педагогик фаолият билан шуғулланаётган уч ёшгача болалари бор аёллар;

🔹 узоқ (уч ойдан ортиқ вақт мобайнида) даволанишни ўтаётган педагог кадрлар, улар даволанаётган даврда ҳамда ишга чиққанидан кейин олти ой давомида;

🔹 мазкур низомнинг 8 ва 9-бандларида кўрсатилган педагог кадрлар, уларга малака тоифаси тўғридан-тўғри берилган ёки бир поғона оширилган вақтдан бошлаб кейинги беш йил давомида;

🔹 республика ва чет эл давлатларига ўқишга, қайта тайёрлаш ва малака ошириш курсларига юборилган педагог кадрлар;

🔹 ижтимоий муҳофазага муҳтож, иш топишда қийналаётган ва меҳнат бозорида тенг шартлар асосида рақобатлаша олмайдиган шахслар учун энг кам миқдордаги иш ўринларига захирага олиб ишга жойлаштирилган педагог кадрлар, бу иш жойларига қабул қилинган кундан бошлаб уч йил давомида.

🔹 Қонунчилик ҳужжатларига мувофиқ мазкур бандда кўрсатилмаган бошқа педагог кадрлар ҳам навбатдаги мажбурий аттестациядан озод қилиниши мумкин.

❗️Иш жойи ўзгарган педагоглар малака тоифаларини йўқотмайди

❗️Нодавлат таълим ташкилотлари педагогларига аттестациядан ўтиб тоифа олиш ҳуқуқи берилади

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

⚡️Ўқувчилари ғолиб ва совриндор бўлган педагогларга малака тоифаси тўғридан-тўғри (аттестациядан ўтказилмасдан) берилади

Ҳукумат қарори (572-сон, 17.09.2021 й.) билан мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида низом тасдиқланди.

Унга кўра қуйидаги педагог кадрларига малака тоифаси (лавозим) тўғридан-тўғри (аттестациядан ўтказилмасдан) берилади:

туман (шаҳар) миқёсидаги спорт мусобақаларининг биринчи ўрин совриндорларини тайёрлаган таълим ташкилотлари жисмоний тарбия фани ўқитувчиларига – иккинчи малака тоифаси (катта ўқитувчи лавозими);

Қорақалпоғистон Республикаси, вилоятлар ва Тошкент шаҳри миқёсидаги спорт мусобақаларининг биринчи ўрин совриндорларини тайёрлаган таълим ташкилотлари жисмоний тарбия фани ўқитувчиларига – биринчи малака тоифаси (етакчи ўқитувчи лавозими);

халқаро ҳамда республика миқёсидаги спорт мусобақаларининг биринчи, иккинчи ва учинчи ўрин совриндорларини тайёрлаган таълим ташкилотлари жисмоний тарбия фани ўқитувчиларига – олий малака тоифаси (бош ўқитувчи лавозими);

халқаро математика (IMO), физика (IPhO), кимё (IChO), биология (IBO) информатика (IOI) олимпиадаларида олтин, кумуш ёки бронза медаль (биринчи, иккинчи ва учинчи ўрин) совриндорларини тайёрлаган таълим ташкилотларининг педагог кадрларига – олий малака тоифаси (бош ўқитувчи лавозими).

Халқаро математика олимпиадаси — International Mathematical Olympiad (https://www.imo-official.org);
Халқаро физика олимпиадаси — International Physics Olympiad (https://ipho-unofficial.org/);
Халқаро кимё олимпиадаси — International Chemistry Olympiad (https://www.icho2021.org/);
Халқаро биология олимпиадаси — International Biology Olympiad (https://www.ibo-info.org/en/);
Халқаро информатика олимпиадаси — International Olympiad in Informatics (https://ioinformatics.org/).

📌 Таъкидлаш лозим, мазкур қарор Ўзбекистон Республикаси Президентининг Олий Мажлисга ва халқимизга йўллаган Мурожаатномасида белгиланган вазифалар ижросини таъминлаш мақсадида қабул қилинди.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

⚡️Давлат мукофотлари соҳиблари, “Устоз” миллий мукофоти ғолиблари ҳамда Worldskills мусобақалари ва фан олимпиадалари ғолибларини тайёрлаганларнинг тоифаси бир поғона оширилади

Ҳукумат қарори (572-сон, 17.09.2021 й.) билан мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида низом тасдиқланди.

Унга кўра қуйидаги педагог кадрларининг малака тоифаси (лавозими) бир поғонага оширилади:

👉Ўзбекистон Республикасининг давлат мукофотлари билан тақдирланган педагог кадрлар;

👉“Устоз” миллий мукофоти ғолиблари;

👉Worldskills мусобақалари совриндорларини тайёрлаган таълим ташкилотларининг педагог кадрлари;

👉республика миқёсидаги фан олимпиадалари ва кўрик-танловларда ғолибликни қўлга киритган ўқувчиларни тайёрлаган педагог кадрлар.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

“Xorijda hech qanday imtihonsiz oʼqing” – usti yaltiroq reklamalar tahlili

▪️OTMlarga hujjat topshirgan abituriyentlarning hammasi ham talaba boʼla olmaydi. Sababi kvota chegaralangan. Imtihondan yiqilganlar uchun “Hech qanday imtihonsiz talaba boʼling”, “1 yildan keyin oʼqishingizni Oʼzbekistonga koʼchirishga yordam beramiz”, degan takliflar esa juda koʼp. Xpress.uz chiroyli reklamalarga “tushib” qolmaslik, ularni to'g'ri tekshirish haqida material tayyorladi.

↗️ Batafsil

➡️ Xpress.uz – Siz kutgan format

⚡️Педагог кадрларни аттестациядан ўтказиш тартибига киритилган асосий янгиликлар

Яқинлашиб келаётган устоз ва мураббийлар куни олдидан Ўзбекистон Республикаси Вазирлар Маҳкамасининг “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартибини такомиллаштириш чора-тадбирлари тўғрисида”ги қарори (572-сон, 17.09.2021) қабул қилинди.

Қарор билан педагог кадрларини аттестациядан ўтказиш тартибига киритилган асосий янгиликлар:

👉Педагогларга малака тоифаси беришда аттестация комиссиялари тузиш ва йиғма жилд орқали ҳужжат топшириш амалиёти бекор қилинди

👉Қоғоз шаклдаги аттестация сертификати бериш бекор қилиниб, QR-код қўйилган электрон сертификат бериш жорий этилади

👉Нодавлат таълим ташкилотлари педагогларига аттестациядан ўтиб тоифа олиш ҳуқуқи берилади

👉Иш жойи ўзгарган педагоглар малака тоифаларини йўқотмайди

👉Педагог кадрлар аттестацияси йил давомида ўтказилади

👉Навбатдаги мажбурий аттестацияга жалб этилмайди педагоглар рўйхати тасдиқланди

👉Ўқувчилари ғолиб ва совриндор бўлган педагогларга малака тоифаси тўғридан-тўғри (аттестациядан ўтказилмасдан) берилади

👉Давлат мукофотлари соҳиблари, “Устоз” миллий мукофоти ғолиблари ҳамда Worldskills мусобақалари ва фан олимпиадалари ғолибларини тайёрлаганларнинг тоифаси бир поғона оширилади

❗️ Таъкидлаш жоизки, қарорга асосан педагог ходимларга малака тоифасини беришнинг янги тизими 2022 йил 1 январдан бошлаб жорий қилинади.

Ушбу қарор билан педагог кадрлар аттестациясига оид бир қатор янгиликлар киритилган бўлиб, улар ҳақида Таълим инспекциясининг телеграм канали (@uztdi) орқали батафсил маълумот бериб борилади.

Таълим инспекцияси телеграм каналига уланиш👇
https://t.iss.one/uztdi

#Pedagoglar_attestatsiyasi

⚡️ Pedagog kadrlar attestatsiyasiga oid yangiliklar boʻyicha onlayn muloqot oʻtkaziladi

Joriy yilning 21-sentyabr kuni soat 16:00 dan 17:00 ga qadar pedagog kadrlar attestatsiya boʻyicha Ta'lim inspeksiyasining masʼul xodimlari ishtirokida onlayn muloqot oʻtkaziladi.

🎙Muloqot telegramning ovozli chat xizmatidan foydalangan holda tashkil etiladi.

📌 Muloqot davomida Hukumat qaroriga asosan pedagog kadrlarni attestatsiyadan o'tkazishda joriy etilayotgan yangi tizim boʻyicha savollarga javob beriladi.

❗️Taʼlim inspeksiyasi masʼullariga bevosita mavzu bo‘yicha savol yoki taklif laringizni @uztdibot orqali #savol xeshtegi bilan yuborishingiz yoki inspeksiya matbuot kotibi (https://t.iss.one/sh_xujaqulov) kanalida ushbu e`longa izoh sifatida yozib qoldirishingiz mumkin. Savollarga ovozli chat davomida javob qaytariladi.

📌 Onlayn muloqotda ishtirok etish uchun Taʼlim inspeksiyasi telegram kanaliga obuna boʻling: https://t.iss.one/uztdi

⚡️Долзарб саволларга жавоблар:

❓Савол: Мен институтни 2020 йилда тугатдим. Ҳозирда мактабда ишлаяпман. Мен ҳам аттестациядан ўтсам бўладими ? Ёки 3 йил иш стажи стажи бўлиши шартми ?

❗️Жавоб: Низомнинг 4-банди: Педагог кадрлар ҳар беш йилда бир марта навбатдаги мажбурий аттестациядан ўтказилади.

Илгари аттестациядан ўтмаган ишга янги қабул қилинган педагог кадрларга ёки олий таълим ташкилотларини битириб биринчи бор ишга кирган педагог кадрлар касбий фаолиятига уч йил тўлгандан сўнг навбатдаги мажбурий аттестациядан ўтказилади.

Педагог кадрлар ўз хоҳишига кўра навбатдан ташқари аттестациядан ўтказилиши мумкин.

P.S. Уч йил тўлишини кутмасдан, навбатдан ташқари аттестацияда иштирок этишингиз мумкин!

Педагог кадрлар аттестациясига оид саволларга Таълим инспекциясининг телеграм канали (@uztdi) орқали жавоб бериб борилади.

Таълим инспекцияси телеграм каналига уланиш👇
https://t.iss.one/uztdi

Yana bir necha daqiqalardan so‘ng pedagog kadrlar attestatsiyasi boʻyicha Ta'lim inspeksiyasining masʼul xodimlari ishtirokida onlayn muloqot oʻtkaziladi.

🎙Muloqot telegramning ovozli chat xizmatidan foydalangan holda tashkil etiladi.

📌 Muloqot davomida Hukumat qaroriga asosan pedagog kadrlarni attestatsiyadan o'tkazishda joriy etilayotgan yangi tizim boʻyicha savollarga javob beriladi.

❗️Taʼlim inspeksiyasi masʼullariga bevosita mavzu bo‘yicha savol yoki taklif laringizni @uztdibot orqali #savol xeshtegi bilan yuborishingiz yoki inspeksiya matbuot kotibi (https://t.iss.one/sh_xujaqulov) kanalida ushbu e`longa izoh sifatida yozib qoldirishingiz mumkin. Savollarga ovozli chat davomida javob qaytariladi.

📌 Onlayn muloqotda ishtirok etish uchun Taʼlim inspeksiyasi telegram kanaliga obuna boʻling: https://t.iss.one/uztdi