Ҳурматли устозлар онлайн мулоқот ярим соатдан сўнг бошланади!

Мулоқотда қатнашиш учун Сиз фойдаланаётган телеграм дастури сўнгги талқин (версия)да бўлиши керак.

"Ёшлар — келажагимиз" жамғармаси томонидан ўтган қарийб 3 йил давомида 42 мингдан ортиқ янги иш ўрни яратилди

2018 йил Ўзбкистонда ёшлар тадбиркорлигини ривожлантириш мақсадида "Ёшлар – келажагимиз" жамғармаси ташкил қилинган эди.

Жамғарма томонидан ўтган давр мобайнида ёшларнинг 8 635 та бизнес лойиҳаларига жами 1 трлн. 830 млрд. сўм миқдорида имтиёзли кредит маблағлари ажратиш орқали 42 мингдан ортиқ янги иш ўрни яратилди.

Охирги 2 йилда ҳудудларда жами 19 та "Yosh tadbirkorlar" коворкинг-марказлари ҳамда 202 та «Yoshlar mehnat guzari» комплекслари фойдаланишга топширилган.

Батафсил видеолавҳада

#Қонунчиликдаги_янгиликлар

1 апрелдан халқ таълими тизими методистлари ҳамда Ҳарбий чақириққача тайёргарлик раҳбарлари иш ҳақлари оширилмоқда

Ўзбекистон Республикаси Президентининг жорий йил 6 ноябрдаги “Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги Фармонига мувофиқ 2021 йил 1 апрелдан бошлаб Халқ таълими вазирлиги тизимидаги методистларнинг иш ҳақи миқдори — олий тоифали ўқитувчининг базавий тариф ставкаси миқдорига тенглаштирилиши белгиланган.

Шунингдек, Ўзбекистон Республикаси Президентининг жорий йил 6 ноябрдаги “Таълим-тарбия тизимини янада такомиллаштиришга оид қўшимча чора-тадбирлар тўғрисида”ги қарорида 2021 йил 1 апрелдан бошлаб умумтаълим муассасаларининг Ватанпарварлик руҳида ёшларни тайёрлаш бўйича директор ўринбосари — Ҳарбий чақириққача тайёргарлик раҳбарининг иш ҳақи миқдорини умумтаълим мактабининг олий маълумотли (тоифасиз) ўқитувчиси базавий тариф ставкасига тенглаштириш кўрсатилган.

Ушбу Фармон ва Қарор ижросини таъминлаш мақсадида Хaлқ тaълими вaзирлиги, Бaндлик вa меҳнaт муносaбaтлaри вaзирлиги, Мaдaният вaзирлиги, Жисмоний тaрбия вa спорт вaзирлиги, Президент, ижод вa ихтисослaштирилгaн мaктaблaрни ривожлaнтириш aгентлигининг “Халқ таълими, маданият ва спорт муассасалари педагог ва раҳбар ходимларининг базавий тариф ставкалари ҳамда туман (шаҳар) халқ таълими бўлимлари ходимларининг лавозим маошлари миқдорларини тасдиқлаш тўғрисида” қaрорида ушбу лавозимларнинг базавий тариф ставкалари оширилиши белгиланган.

Ҳозирги кунда, мазкур масала юзасидан жойларда тушунмовчиликлар ва ҳар хил талқинлар бўлаётганлиги муносабати билан Халқ таълими вазирлиги томонидан жойларга қўшимча тарзда расмий кўрсатма хат ҳам юборилди.

🔰Унга кўра:

✅ 2021 йил 1 апрелдан бошлаб умумтаълим муассасаларининг Ватанпарварлик руҳида ёшларни тайёрлаш бўйича директор ўринбосари — Ҳарбий чақириққача тайёргарлик раҳбарининг иш хақи миқдори умумтаълим муассасаларининг барча гуруҳлари учун ягона 2 090 399 сўм ҳамда методистлар учун 2 881 828 сўм этиб белгиланганлигини жойларга етказиш;

✅ мазкур лавозимлар учун жорий йил апрель ойи аванс тўловларини оширилган иш ҳақи миқдоридан келиб чиққан ҳолда ҳисоблаш ва тўлаш;

✅ жойларда ушбу лавозимлар учун белгиланган иш ҳақи тўловлари бўйича муаммолар ва ноаниқликлар юзага келганга зудлик билан бартараф этиш ва тегишли тушунтириш ишларини олиб бориш;

✅ бир ҳафта муддатда юқоридаги топшириқлардан келиб чиқиб амалга оширилган ишлар юзасидан вазирликка ёзма ахборот тақдим этилиши каби вазифалар ҳудудий халқ таълими бўлинмалари раҳбарларига юклатилди.

Таълим сифатини назорат қилиш давлат инспекциясининг ижтимоий тармоқлардаги саҳифалари👇👇👇
Telegram | Facebook| YouTube|Instagram

Онлайн мулоқотлар яна ташкил қилинади

Бугун, 26 март куни илк маротаба Таълим инспекциясининг телеграм канали орқали овозли чат хизмат хизматидан фойдаланган ҳолда онлайн мулоқот ўтказилди.

1 500 нафарга яқин педагоглар иштирок этган мулоқотда инспекция ходимлари аттестация жараёнлари бўйича педагоглар томонидан берилган саволларга тўғридан-тўғри эфирда жавоб қайтаришди.

Мулоқотдан сўнг, Таълим инспекцияси телеграм боти(@uztdibot)га ушбу мавзудаги онлайн мулоқотни давом эттириш бўйича кўплаб мурожаатлар келиб тушмоқда.

Мазкур талаб ва истаклардан келиб чиққан ҳолда, Таълим инспекцияси томонидан бу каби тадбирлар мунтазам тарзда ўтказиб борилишини маълум қиламиз.

Шунингдек, тадбир ҳақидаги фикрларингиз, кузатилган камчиликлар ва келгусида шу каби тадбирларни ташкил этишда инобатга олиниш лозим бўлган жиҳатлар (қайси ижтимоий тармоқда ?, қандай кўринишда ?) бўйича таклифларинингиз телеграм ботимиз (@uztdibot)га юборишингизни сўраймиз.

Таълим сифатини назорат қилиш давлат инспекциясининг ижтимоий тармоқлардаги саҳифалари👇👇👇
Telegram | Facebook| YouTube|Instagram

📌4-sinf o'quvchilarining o'qish savodxonliklarini baholash bo'yicha o'tkaziladigan PIRLS xalqaro tadqiqoti haqida rossiyalik xalqaro ekspert Sidorova Galina Aleksandrovna tomonidan tayyorlangan ushbu videotaqdimotni ko'rish orqali qimmatli ma'lumotlarga ega bo'ling❗️

👉Ko'rish uchun https://bit.ly/2PySrDL havolasi ustiga bosing.

📍Milliy markazning rasmiy sahifalariga ulanish✅
Facebook|Telegram|Youtube|Instagram

📙PIRLS dasturi topshiriqlari doirasida o'qish savodxonligingizni sinab ko'ring‼️

✅"Dovyurak Sharlotta" hamda "Kapalak qurtining chiroyli kapalakka aylanishi" matnlari bilan tanishib chiqib, savollarga javob berishga harakat qiling.

💢"Dovyurak Sharlotta" matnidan parcha quyida berilgan💢

"…Boshqa barcha qo‘ylar uxlab yotganida, u o‘zining maxsus joyiga sirpanib chiqib, oyga tikilib turardi. Hatto Jek ham buni payqamas edi. Chunki uning quloqlari yaxshi eshitmas edi. Bir kun daxshatli voqea ro‘y berdi…"(Batafsil)

Milliy markazning rasmiy sahifalariga ulanish✅
Facebook|Telegram|Youtube|Instagram

#Qonunchilikdagi_yangiliklar

Barcha maktablarda 4-sinf bitiruvchilarini fanlar boʻyicha ixtisoslashtirilgan sinflarga saralab olish tizimi joriy etiladi

Batafsil: https://tdi.uz/news/737/

Ta'lim sifatini nazorat qilish davlat inspeksiyasining ijtimoiy tarmoqlardagi sahifalari 👇👇👇
Telegram | Facebook| YouTube|Instagram

#Қонунчиликдаги_янгиликлар

Барча мактабларда 4-синф битирувчиларини фанлар бўйича ихтисослаштирилган синфларга саралаб олиш тизими жорий этилади

Жорий йил 26 март куни Таълим сифатини назорат қилиш давлат инспекцияси, Давлат тест маркази, Халқ таълими вазирлиги ҳамда Президент, ижод ва ихтисослаштирилган мактабларни ривожлантириш агентлигининг “Умумий ўрта таълим мактаблари 4-синф битирувчиларини фанлар бўйича ихтисослаштирилган синфларга саралаб олиш тизимини жорий этиш тўғрисида”ги қарори қабул қилинди.

Мазкур қарор билан умумий ўрта таълим мактаблари 4-синф битирувчиларини ўқишини келгусида ихтисослаштирилган синфларда давом эттириши учун саралаб олиш тизими ҳамда умумий ўрта таълим мактабларида ихтисослаштирилган синфларни ташкил этиш мезонлари тасдиқланди.

Белгиланишича:

👉 ўқувчиларнинг қизиқиши ва қобилиятларини инобатга олган ҳолда ихтисослаштирилган синфлар қуйидагича ташкил этилиши мумкин:

▫️ўқувчиларнинг ақл-идрок даражаси ва эришган натижалари асосида муайян фанларга ихтисослаштирилган доимий синфлар;

▫️ ўқувчиларнинг қобилияти ва қизиқишидан келиб чиққан ҳолда муайян фан доирасида турли синфлардан гуруҳлар кўринишида жамланадиган ўзгарувчан синфлар;

👉 умумий ўрта таълим мактабларининг 4-синф битирувчиларини фанлар бўйича саралаш ва йўналтириш Ўзбекистон Республикаси Халқ таълими вазирлигининг Ўқувчиларни касб-ҳунарга йўналтириш ва психологик-педагогик республика ташхис маркази томонидан ўқувчиларнинг қизиқиши ва майлларини аниқлаш бўйича ишлаб чиқилган психологик-педагогик диагностика методикаларидан фойдаланган ҳолда амалга оширилади;

👉 фанлар бўйича ихтисослаштирилган синфларга ҳужжатларни қабул қилиш, расмийлаштириш, тегишли фанлардан синовлар ўтказиш ва ўқувчиларни ихтисослаштирилган синфдан четлатиш Халқ таълими вазирлиги ва Давлат тест марказининг 2011 йил 26 декабрдаги 38 ва 42 қ/қ-сон қарори (рўйхат рақами 2321, 2012 йил 1 февраль) билан тасдиқланган Айрим фанлар чуқур ўрганиладиган давлат умумтаълим муассасаларининг ихтисослаштирилган синфларига, давлат ихтисослаштирилган умумтаълим муассасаларига ўқувчилар қабул қилиш тартиби тўғрисидаги низом асосида амалга оширилади;

👉 фанлар бўйича ихтисослаштирилган синфларнинг йўналишлари рўйхати Халқ таълими вазирлиги ҳамда Таълим сифатини назорат қилиш давлат инспекцияси томонидан белгиланади;

👉 фанлар бўйича ихтисослаштирилган синфлар ташкил этиш имконияти мавжуд бўлмаган умумий ўрта таълим мактабларида махсус фан тўгараклари фаолияти йўлга қўйилади.

Батафсил: https://tdi.uz/news/737/

Таълим сифатини назорат қилиш давлат инспекциясининг ижтимоий тармоқлардаги саҳифалари👇👇👇
Telegram | Facebook| YouTube|Instagram

#Pedagoglar_attestatsiyasi

Toifani faqat yosh o‘qituvchilar emas, balki o֥‘z mutaxassisligini kuchli biladigan, bugungi yoshlardan qolishmaydigan, katta tajribaga ega ustozlar ham olishyapti

Ijtimoiy tarmoqlarda pedagog kadrlar attestatsiyasi haqida o‘qituvchilar o‘z fikrlarini yozib qoldirmoqda. Ulardan biri Surxondaryo viloyati Sho‘rchi tumani 4-maktab boshlang‘ich sinf o‘qituvchisi Ozoda Jangirova "Ma'rifat mushtariylari" guruhida shunday fikr bildirgan:

“Ustozlar uchun navbatdan tashqari toifa olish imkoniyati berilganini ham qadrlash kerak. Keyingi 5 yilni kutib, sarson bo'lmay tezgina toifasini oshirayotganlar buni qadrini bilishar (men ham shular qatori). Men boshlang'ich sinf o'qituvchisiman. 2019, 2020- yillarda attestatsiya testlarini topshirib, 75 ball va 87,5 ballar bilan oliy toifa oldim. Testlar asosan, maktab darsliklaridan tuzilib, zamon talablariga mos mantiqiy fikrlashga asoslangan topshiriqlardan iborat. Bilimi borlar uchun savollar u qadar qiyinchilik tug‘dirmaydi. Men bilan kirgan 51 yoshli ustoz 92,5 ball oldi. Garchi oliy toifaga yetarli ball olgan bo‘lsam ham shu ustozga havas qildim. Toifani faqat “xotirasi kuchli”, “test yodlay oladigan” yosh ustozlar emas, balki o'z mutaxassisligini kuchli biladigan, bugungi yoshlardan qolishmaydigan, katta tajribaga ega o‘qituvchilar ham olishyapti. Bu haqiqatni tan olishimiz kerak.

Xullas, tuzilgan testlar bilimi bor ustozlar uchun qiyinchilik tug‘dirmaydi. Faqat biroz takrorlab, biroz o'z ustimizda ishlasak bas. Hammaga omad."

P.S: Ushbu fikrlar o'qituvchining ruxsati bilan e'lon qilinmoqda. Pedagog kadrlar attestatsiyasi bilan bog'liq fikr va mulohazalaringizni Ta'lim inspeksiyasining Telegram boti (@uztdibot) ga yuborishingiz mumkin.

Ta'lim sifatini nazorat qilish davlat inspeksiyasining ijtimoiy tarmoqlardagi sahifalari 👇👇👇
Telegram | Facebook| YouTube|Instagram