🇺🇿🇵🇰 Ўзбекистон – Покистон фармацевтика соҳасидаги ҳамкорликни мустаҳкамламоқда🔴 Покистон Ислом Республикасининг Савдо бўйича федерал вазири Жам Камал Хон расмий ташриф доирасида
“Tashkent Pharma Park” инновацион илмий-ишлаб чиқариш фармацевтика кластерида бўлди.
📌 Ташриф давомида,
Фармацевтика тармоғини ривожлантириш агентлиги директори Абдулла Азизов томонидан амалга оширилаётган лойиҳалар, ишлаб чиқариш имкониятлари ва келгуси ривожланиш йўналишлари бўйича батафсил маълумот берилди. Шунингдек, Покистон фармацевтика компаниялари билан ҳамкорлик қилиш имкониятлари муҳокама қилиниб, ўзаро ҳамкорликни кенгайтиришга тайёр эканлик таъкидланди.
✔️ Шу билан бирга,
вазири Жам Камал Хон жаноблари, Фармацевтика Техник Университетидаги таълим жараёнлари, илмий-тадқиқот фаолияти ва малака ошириш дастурлари билан танишди. Университетда қўлланилаётган
инновацион ёндашувлар ва малакали мутахассислар тайёрлаш тизими меҳмонлар томонидан юксак баҳоланди.
✔️ Шунингдек, ташриф доирасида кластер ҳудудида жойлашган
"Grand Pharm Logistics" логистика маркази ҳам кўздан кечирилиб, унинг фармацевтика маҳсулотларини сақлаш ва тарқатишдаги замонавий инфратузилмаси намойиш этилди.
✔️ Жам Камал Хон жаноблари “Tashkent Pharma Park” кластери доирасида амалга оширилаётган лойиҳаларга катта қизиқиш билдириб, уларни юқори баҳолади ҳамда ушбу ташаббусларни қўллаб-қувватлашини таъкидлади. Шунингдек, Покистон-Ўзбекистон билан фармацевтика соҳасида ўзаро ҳамкорликни янада кенгайтиришга тайёр эканини билдирди.
✔️ Мазкур ташриф
Ўзбекистон ва Покистон ўртасида фармацевтика саноати соҳасидаги ҳамкорликни мустаҳкамлаш йўлида муҳим қадам бўлиши кутилмоқда.
#Ўзбекистон #Покистон #фармацевтика #ҳамкорлик
Website | Telegram | Instagram | Facebook | Youtube 