🇬🇧Кўплаб кузатувчиларимиз Миграция агентлиги томонидан Англияга мавсумий иш ўринлари учун эълон қачон берилишини сўрашмоқда.

Яқин кунларда Буюк Британиянинг “HOPS” рекрутинг компанияси томонидан таклиф этилаётган бўш иш ўринлари, ойлик маошлари, яшаш шароитлари ҳақидаги эълон Агентликнинг ижтимоий тармоқларидаги саҳифалари, хусусан, “XORIJDA ISH” телеграм канали ва платформаси, бошқа ОАВ орқали тарқатилишини маълум қиламиз.

⚠️ Эслатиб ўтамиз, “HOPS” рекрутинг компанияси Ўзбекистон ҳудудида фақатгина Вазирлар Маҳкамаси ҳузуридаги Миграция агентлиги билан икки томонлама тузилган Битим асосида фаолият олиб боради.

⚠️ Миграция агентлиги мамлакатимиздаги бирорта хусусий компанияга “HOPS” орқали Англияга ишчи ёллаш ҳуқуқини бермаган!

Кўча-куйдаги турли фирмалар ушбу компания орқали Англияга мавсумий ишларга юбораман, деса ишонманг! Алданиб уларга пул тўламанг!

Ижтимоий тармоқларимизни кузатиб боринг!

📱@uzmigration 📱 xorijda ish

Биз 10 000 дан ошдик

Ҳар бир обуначимизга миннатдорлик билдирамиз!

Жамоамиз соҳага оид:

▪️энг фойдали;
▪️энг долзарб;
▪️энг сўнгги;
▪️энг ишончли маълумотларни тақдим этади.

Ишончингиз учун раҳмат!

📱@uzmigration
📱 xorijda ish

❗️Жорий йилнинг сентябрь ойи бошида Сербияга мавсумий ишларга юборилган бир гуруҳ юртдошларимиз Вазирлар Маҳкамаси ҳузуридаги Миграция агентлиги билан боғланиб сербиялик иш берувчи ўртасида келишмовчилик борлигини билдирди.

Бу ҳолат раҳбарият ўртасида муҳокама қилинди ва назоратга олинди. Миграция агентлиги, Ташқи ишлар вазирлиги вакилларидан иборат ишчи гуруҳ Сербияга жўнаб кетди.

Афсуски, иш берувчилар ўртасида ҳам шартнома шартларини бажармаслик ҳолатлари учраб турибди. Ишчи гуруҳ фуқароларимиз ҳамда иш берувчи ташкилот вакилларининг фикрларини тинглаб масалани ижобий ечиш чораларини кўради.

@uzmigration

🇬🇧Англияга мавсумий ишларга кетма-кет уч йилдирки чақирув қоғози олишнинг сири нимада?

Қорақалпоғистонлик ҳамюртимиз Дилмурод Ҳудойберганов ўз тажрибаси ҳақида қисқача гапириб берди.

@uzmigration

⚡️Кореяга ишлаш учун борган икки нафар юртдошимиз иш жойидан қочиб кетди

Миграция агентлиги ҳар доим хорижда вақтинча ишлаб юрган ҳамюртларимизни ўша давлатнинг қонунчилиги, урф-одатларини ҳурмат қилишга чақириб келади.

Жорий йилнинг 11 ноябрь куни Е-9 ишчи визаси орқали Кореяга 100 нафар юртдошимиз жўнаб кетганди. Уларнинг орасидан икки нафари (Самарқанд ва Жиззах вилоятларидан) орадан 3-4 кун ўтганидан сўнг ўз иш жойини сабабсиз ташлаб кетгани ойдинлашди.

Ўзларига билдирилган ишончни оқламасдан, шартнома шартларини қўпол тарзда бузган икки ҳуқуқбузарнинг маҳаллаларига масъуллар борди ва уларнинг ота-оналари, маҳалла аҳли иштирокида ҳолат муҳокама қилинди. Ҳозирда уларга жарима қўллаш ва керак бўлса Ўзбекистонга қайтариш чоралари кўрилмоқда.

❗️Ўзбекистон фуқаролари Кореяда иш жойини сабабсиз ташлаб кетса, орадан ўтадиган ҳар бир ой учун кафилликка олган қариндошига 2000$ жарима қўлланилишига асос бўлади.

@uzmigration

🇰🇷 Кемасозлик касби — Ўзбекистон меҳнат бозорига кириб келмоқда

Хабар берганимиздек, шу кунларда юртимизда Корея Республикасининг Улсан шаҳри ҳокимлиги ҳамда жаҳонга машҳур "Hyundai” корпорацияси вакилларидан иборат делегация меҳмонда бўлиб турибди.

Улар охирги 3-4 кун ичида Тошкент, Фарғона ва Самарқанд шаҳарларидаги Касбга ўқитиш марказлари фаолияти билан танишди. Бугун Миграция агентлиги раҳбарияти билан бўлиб ўтган учрашувда келажакдаги режалар муҳокама қилинди.

Мавжуд келишувларга кўра, "Hyundai” корпорацияси 2025 йилда мамлакатимизда “Касб-ҳунарга ўқитиш маркази"ни ташкил қилади. Шу ерда тил ва юқори технологиялар асосида Корея стандартларига биноан касбга ўқитилади.

“Бошланғич даврда Ўзбекистондан 350 нафар ишчи кучини жалб қиламиз”,

- деди Улсан шаҳар ҳокими ўринбосари Song Yeon Ju.

Учрашувда Улсанда хорижлик ишчиларга талаб юқори эканлиги қайд этилди. "Hyundai” кемасозлик компанияси ишлаб чиқариш ва хизмат кўрсатиш йўналишида дунёда етакчи ўринларда туради. 2500 дан ортиқ кемага хизмат кўрсатади. 2027 йилги буюртмалар ҳам шаклланиб бўлган. Талабдан келиб чиқиб, 5 000 нафар чет эллик ишчи ишлаб келади.

“Ўзбекистондан ишчи жалб қилишимизга сабаб бўлаётган омиллардан бири — ўзбек ёшлари меҳнаткаш, янгиликни тезда ўзлаштиради, атрофдагилар билан чиқишиб кетиш кўникмалари юқорилиги билан ажралиб туради”,

- деди “Hyundai Heavy Industries” компанияси вице-президенти Kim Seong Hoon.

Мулоқотда 2025 йилнинг февраль ойидан “Hyundai”га мақсадли ўқитиш ишларини бошлашга келишиб олинди. Унгача, Кореядан тажрибали ходимлар, Корея технологиялари бўйича ўқув дастурлари, ускуналар олиб келинади.

Учрашувда Корея Республикасининг Ўзбекистондаги фавқулодда ва мухтор элчиси Von Do Yon ҳам иштирок этди.

@uzmigration

🇹🇷Хабар берганимиздек, Туркиянинг “Kalyon Insaat Sanayi Ve Ticaret A.Ş.” компанияси Миграция агентлиги билан даслабки босқичда 60 нафар, келгуси йил январь ойидан 1350 нафар ўзбекистонлик қурилиш соҳаси мутахассисларини Туркияда иш билан таъминлаш бўйича келишувга эришган эди.

Бугун, 20 нафар ҳамюртимиз Тошкентдан Истанбулга учиб кетди. 3 декабр куни яна 40 нафари Самарқанддан жўнаб кетади.

@uzmigration

🇰🇷Охирги бир ойнинг ўзида 400 нафар юртдошимиз Кореядаги турли корхоналарга ишга жойлашди

Бугун яна 100 нафар ҳамюртимиз жўнаб кетди. Йил якунига қадар 230 нафар юртдошимизни юбориш режа қилинган.

Бугунги кузатув тадбирида, хорижий давлатда ишлаш, яшаш, қонунларига амал қилиш бўйича мутасаддилар ҳаётий тажрибаларидан келиб чиқиб маълумотлар берди. Шунингдек, алоҳида қайд этилдики, Ўзбекистондан борадиган ўғил-қизларнинг ўз иш жойини ҳеч қандай арзигулик сабабларсиз ташлаб кетаётгани, иш берувчиларнинг эътирозларига сабаб бўлмоқда.

Йиғилганларга, Кореяга 12 ноябрь куни ишга бориб, орадан 3-4 кун ўтгач иш жойини ташлаб кетган юртдошларимиз ҳақида тайёрланган видеолавҳа кўрсатилди. Токи, бундан-буёғига ҳар бир қонунбузарга чора кўрилиши таъкидланди.

@uzmigration

🇷🇺Санкт-Петербург билан Самарқанд вилояти ўртасида Миграция соҳасида ҳамкорлик ўрнатилади

Бу ҳақда Миграция агентлигида Санкт-Петербург ҳокимияти вакиллари билан бўлиб ўтган учрашувда маълум қилинди.

Унда келгусида ҳамкорлик алоқаларини янада мустаҳкамлаш, Ўзбекистон фуқароларининг ижтимоий-тиббий ҳуқуқларини таъминлаш, хавфсиз ва тартибли миграцияни ташкил қилишга келишиб олинди.

@uzmigration

🇰🇷 Энди — "Samsung”

Миграция агентлигининг таклифига асосан "Samsung Heavy Industries" компаниясининг Глобал инсон ресурсларини бошқариш бўйича раҳбари Jinho Bae Ўзбекистонга ташриф буюрди.

Агентликда бўлиб ўтган музокараларда 2025 йилда ўзбекистонлик малакали мутахассисларни Е-7 визаси асосида мамлакатимизда тайёрлаб, "Samsung Heavy Industries" компаниясида юқори даромадли иш билан таъминлашга келишиб олинди.

“Е-7 - малакали мутахассисларнинг Кореяда фаолият юритиши учун 3 йилгача муддатга бериладиган кўп мартали виза”

@uzmigration