🇮🇱Бугун Вазирлар Маҳкамаси ҳузуридаги Миграция агентлиги раҳбари Беҳзод Мусаев Исроилнинг мамлакатимиздаги фавқулодда ва мухтор элчиси Гидеон Лустиг билан учрашув ўтказди

Дастлаб, дипломатга янгидан ташкил қилинган Агентлик фаолияти, миграция географияси ҳақида маълумотлар берилди.

Элчи жаноблари алоҳида қайд этдики, Исроилда кўплаб тармоқларда ишчи кучига талаб юқори. Айниқса, тиббиёт, хизмат кўрсатиш, қурилиш соҳалари бу рўйхатнинг бошида турибди.

Шу боис учрашувда тиббиёт ва қурилиш йўналишларида Исроил технологиялари асосида мутахассислар тайёрлаш бўйича ҳамкорлик ўрнатиш муҳимлиги таъкидланди.

Агентлик раҳбари, асосий мақсад хорижда ишлаш истагида бўлган фуқароларимиз учун хавфсиз, яъни, кам харажатли, юқори маошли, ижтимоий ҳимояланган, коррупциядан холи миграцияни ташкил қилиш эканлигига эътибор қаратди.

Томонлар, миграция соҳасида биргаликда ишлаш, мутахассислар тайёрлаш бўйича ҳамкорликнинг ҳуқуқий асосларини мустаҳкамлашга келишиб олишди.

🌐Migratsiya agentligining "xorijda ish" e’lonlar kanali
🌐@uzmigration

#матбуот_анжумани

Ахборот ва оммавий коммуникациялар агентлигида Вазирлар Маҳкамаси ҳузуридаги Миграция агентлигининг "Миграция соҳасидаги ўзгариш ва янгиликлар, жорий йилга белгиланган режалар" мавзусидаги матбуот анжумани бошланди.

💬Анжуманни "Ўзбекистон" ва "Узрепорт" телеканали ҳамда қуйидаги ҳавола орқали жонли эфирда томоша қилишингиз мумкин.

👉жонли эфир

@uzmigration

🇷🇺Миграция агентлиги вакиллари Россияда ишлаб юрган ҳамюртларимизнинг шарт-шароитларини ўрганиб сайёр қабуллар ўтказмоқда

Хабарингиз бор, Вазирлар Маҳкамаси ҳузуридаги Миграция агентлиги хорижда ишлаш истагида бўлган фуқароларни аниқлаш, танловларга жалб қилиш, қулай ва шаффоф бўлган “Бир иш берувчи – бир ҳудуд” тамойили асосида танловларни самарали ташкил этишга киришган.

Россия Федерацияси иш берувчилари томонидан тақдим этилаётган таклифларни тўлақонли ўрганиш, ишчилар учун яратилган яшаш ва меҳнат шароитлари билан яқиндан танишиш ва Россиянинг турли ҳудудларида вақтинча меҳнат фаолиятини олиб бораётаган юртдошларимиздан хабар олиш мақсадида Агентлик ишчи гуруҳи ушбу давлатда бўлиб турибди.

Москва шаҳри ва вилояти, Санкт-Петербург, Перм шаҳарлари, Свердловск вилояти, Ставропол ўлкаси, Татарстон Республикаси (Қозон), Ямало Ненеск автоном округива Амур вилояти (Благовещенск)да ишлаётган ватандошларимиз билан сайёр учрашувлар ташкил этилмоқда.

Унда, ишчи гуруҳ аъзолари Ўзбекистон ҳамда Россия миграция қонунчилигидаги муҳим ўзгариш ва янгиликлар моҳиятини кенгроқ тушунтириш билан бирга, мурожаатлар, мавжуд муаммоларни ҳал қилиш чораларини кўришмоқда.

🌐Migratsiya agentligining "xorijda ish" e’lonlar kanali
🌐@uzmigration