👍 Uyushma raisi AQSH elchisini qabul qildi

🔍Bugun O'zbekiston mahallalari uyushmasi raisi Qahramon Quronboyev AQShning O'zbekistondagi favqulodda va muxtor elchisi Jonatan Xenik va USAIDning O'zbekistondagi missiyasi direktori Devid Hofman bilan uchrashdi.

🔍Uchrashuv avvalida Qahramon Quronboyev O'zbekiston Prezidenti tashabbusi bilan tashkil etilgan "mahalla yettiligi" faoliyati, mahalla tizimidagi islohotlar haqida mehmonlarga batafsil ma'lumot berdi.

🔍O'z o'rnida AQSH elchisi Jonatan Xenik ko'rsatilgan yuksak ehtirom uchun o'zining samimiy minnatdorligini bildirdi.

🔍Elchi janoblari mahalla tizimida jamoatchilik bilan aloqalar, biznes-marketing va boshqa qator loyihalarda birga ishlashdan mamnun ekanini ta'kidladi.

🔍USAIDning O'zbekistondagi missiyasi direktori Devid Hofman tashkilotning mamlakatdagi loyihalari bevosita mahalla uyushmasi bilan bog'liq ekanini ta'kidlab, USAID bu borada hamkorlikka tаyyor ekanini qayd etdi.

🔍Uchrashuv so'ngida kelgusida hamkorlikda amalga oshiriladigan rejalar belgilab olindi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 O‘zbekiston mahallalari uyushmasi vakillaridan iborat delegatsiya O‘zbekistonning Ostona shahridagi elchixonasi xodimlari bilan birgalikda Qozog‘iston Respublikasi mehnat va aholini ijtimoiy himoya qilish vazirligiga tashrif buyurdi.

🔍U yerda vazirlik huzuridagi Migratsiya qo‘mitasi raisi vazifasini bajaruvchi Y. Abulxatin, IIV tashqi migratsiya boshqarmasi katta inspektori A. Musabekov va qo‘mita vakillari bilan uchrashuv o‘tkazildi.

🔍Uchrashuvda chet el fuqarolarini Qozog‘iston hududida mehnat faoliyatini olib borish tartibi, mehnat migrantlariga kvotalar ajratish va o‘zbekistonlik mehnat migrantlariga qurilish, umumiy ovqatlanish va xizmat ko‘rsatish, shuningdek dehqonchilik hamda boshqa sohalarda ham kvotalar ajratish masalasi muhokama qilindi.

🔍Migratsiya qo‘mitasi vakillarining ma’lum qilishicha, joriy yilda 260 mingta uy xo‘jaligi xizmatkori, yuridik shaxslar uchun 22 mingta kvotalangan ish o‘rinlari ajratilgan.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 Mahalliy boshqaruvda Turkiya tajribasi o'rganilmoqda

🔍O'zbekiston mahallalari uyushmasi delegatsiyasi Turkiyaga tashrif buyurdi. Safardan ko'zlangan maqsad mahalliy boshqaruvda Turkiya tajribasini o'rganish.

🔍Dastavval delegatsiya a'zolari Turkiyaning Anqara shahridagi "Sanchak" mahallasi faoliyati bilan tanishdi.

🔍Ayni paytda mazkur mahallada 15 mingdan ortiq aholi istiqomat qiladi. Delegatsiyamiz vakillariga Turkiyada mahalla raislari saylovini o'tkazish jarayonlari xususida ma'lumot berildi.

🔍Mahalla raisligiga nomzodlarni mahalliy aholining o'zi ko'rsatadi va saylaydi.

🔍Qayd etilishicha, mamlakatda mahalla tizimidagi faoliyat 2009-yildan to'liq elektron shaklga o'tkazilgan. Aholi barcha jarayonni onlayn kuzatish imkoniyatiga ega.

🔍O'zbekistondagi amaldagi tizimdan farqli o'laroq turk mahallasini bir kishi, ya'ni rais boshqaradi. Rais infratuzilma va boshqa masalalardagi muammolarni hokimiyatga yetkazadi.

🔍Tashrif davom etmoqda.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 O'zbekiston mahallalari uyushmasi delegatsiyasi a'zolari Anqara shahridagi Respublika migratsiya agentligida turk tomoni bilan uchrashuv o'tkazdi.

🔍Unda mamlakatning migratsiya bo'yicha besh yillik dasturi bilan tanishildi. Hamkorlikning istiqbollari muhokama etildi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 O'zbekiston mahallalari uyushmasi delegatsiyasi Turkiya mehnat vazirligida bo'lib, mutasaddilar bilan mozokara olib bordi.

🔍Unda o'zbekistonlik mehnat migrantlari huquqlarini himoya qilishda Turkiyada amalga oshirilayotgan ishlar tahlil qilindi.

🔍Fuqarolarimizga mamlakatda erkin mehnat qilishi uchun qulayliklar ko'lamini oshirish bo'yicha takliflar muhokama qilindi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 Elchixonada vatandoshlar bilan suhbatlashildi

🔍Delegatsiyamiz a'zolari O'zbekistonning Anqaradagi elchixonasida 50 nafarga yaqin vatandoshlar bilan ochiq muloqot o'tkazdi.

🔍Uchrashuvda dastavval, O'zbekistonda bugungi kunda amalga oshirilayotgan islohotlar xususida ma'lumot berildi.

🔍Yurtdoshlarimiz duch kelayotgan muammolar tinglanib, ularning yechimi bo'yicha mutasaddilarga topshiriqlar berildi.

🔍Uchrashuvda 11 nafar vatandoshimiz shu oyning o'zida yurtimizga qaytish istagini bildirdi. Ular vatanga qaytgach bandligiga ko'maklashiladi. Ijtomoiy himoyaga olinadi.

🔍Tashrif davom etmoqda.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

🇹🇷 Ishchi guruh Istanbulda o'zbekistonliklar hayotini o'rganmoqda

👍 O'zbekiston mahallalari uyushmasi delegatsiyasi Istanbulda ham bo'lib, u yerdagi yurtdoshlarimiz ish faoliyati, hayotida uchrayotgan muammolarni o'rganmoqda.

🔍Ishchi guruh O'zbekistonning Istanbuldagi bosh konsuli Sherzod Abdunazarov bilan uchrashuv o'tkazdi. Unda O'zbekiston va Turkiya o'rtasidagi migratsiya masalalari muhokama qilindi.

🔍Shu yerning o'zida Istanbulda yashab mehnat qilayotgan, ta'lim olayotgan yurtdoshlarimiz bilan ochiq muloqot o'tkazildi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 DVV International Mahallalar uyushmasi bilan birga yangi loyihalarni boshlaydi

🔍Nemis xalq universitetlari assotsiatsiyasi – DVV International O'zbekistonda ijtimoiy sohani rivojlantirish, xususan, ishsiz aholining bandligini ta'minlashga qaratilgan qator loyihalarni muvaffaqiyatli amalga oshirib kelmoqda. Ayni sohaga ixtisoslashgan O'zbekistonning turli davlat va nodavlat tashkilotlari bilan faol hamkorlik o'rnatgan.

Uchrashuv avvalida O'zbekistondagi mahalla tizimi, Uyushma faoliyati xususida ma'lumot berildi.

🔍Nemis xalq universitetlari assotsiatsiyasi mintaqaviy direktori Galina Veremeychik Prezident Shavkat Mirziyoyev tashabbusi bilan mahallalarda yo'lga qo'yilgan "yettilik" faoliyatini e'tirof etarkan, bu unikal tizim mamlakatda qisqa fursatda o'zining samarasini bera boshlaganini alohida qayd etdi. Buni O'zbekistonda kambaga'llik darajasining keskin kamayish ko'rsatkichlari bilan ifodaladi.

🔍Uchrashuvda hamkorlikning kelgusi istiqbollari belgilab olindi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

🇨🇳 Lanchjou partiya qoʻmitasi kotibi O‘zbekiston mahallalari uyushmasi faoliyatini e’tirof etdi

👍 Lanchjou partiya qoʻmitasi kotibi, Gansu provinsiyasi doimiy partiya qoʻmitasi aʼzosi Chjan Syaosyan boshchiligidagi Xitoy delegatsiyasi vakillari O’zbekiston mahallalari uyushmasida Uyushma raisi Qahramon Quronboyev, Yoshlar ishlari agentligi direktori Alisher Sa'dullayev, Ma'naviyat va ma'rifar markazi direktori Otabek Hasanov bilan uchrashdi.

🔍Uchrashuv davomida O‘zbekiston - Xitoy o’rtasidagi hamkorlik istiqbollari keng muhokama qilindi. Xususan, O’zbekiston mahalla tizimidagi islohotlar, Prezidentimiz tashabbusi bilan tashkil etilgan “mahalla yettiligi” faoliyati xususida mehmonlarga ma’lumot berildi.

“O‘zbekiston mahallalari uyushmasi tashkil etilganiga ko‘p bo‘lmadi, ammo natijalar ancha salmoqli, yutuqlar katta. Shu bois sizning tajribangizni o‘rganishimiz va buni provinsiyamizda keng tadbiq etishimiz joiz, deb o‘ylayman” – deya ta’kidlab o‘tdi delegatsiya rahbari Chjan Syaosyan.

🔍Uchrashuvda qator masalalarda hamkorlik yo‘nalishlari muhokama qilindi.

🔍Ma’lumot o‘rnida: O‘zbekiston mahallalari uyushmasi delegatsiyasi bundan 3 oy oldin Xitoy Xalq Respublikasiga tashrifi davomida o‘rgangan tajribasi asosida yo‘l xaritasi ishlab chiqilgan.
Unga ko‘ra, “Mahalla servis kompaniyalari”ga xitoy tajribasi joriy etilmoqda.

🔍Shuningdek, Xitoyning Sariq daryo bo‘yida tashkil etilgan aholining sport bilan shug‘ullanishi, madaniy xordiq chiqarishi uchun yaratilgan sharoitni Surxondaryo viloyati Denov tumani Qizilsuv daryosi hamda Xorazm viloyati Urganch shahridagi Shovot kanali bo‘yida tadbiq etish loyihasi ishlab chiqildi.

🔍Tashrif davomida mehmonlar Jizzax va Samarqand viloyatlarida bo‘lib, mahallalar faoliyati bilan yaqindan tanishishadi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

🇰🇿 Qozog‘iston delegatsiyasi O'zbekistondagi mahalla tizimi faoliyatini o'rganmoqda

🔍O'zbekiston mahallalari uyushmasi raisi Qahramon Quronboyev Qozog'iston Respublikasi Senati raisi o'rinbosari Jakip Asanov boshchiligidagi delegatsiyani qabul qildi.

🔍Uchrashuv avvalida mehmonlarga yurtimiz mahalla tizimi xususida ma'lumot berildi. Prezident Shavkat Mirziyoyev tashabbusi bilan tashkil etilgan "mahalla yettiligi" faoliyati mehmonlarda katta taassurot qoldirdi.

🔍"Biz bu yerga o'zaro tajriba almashish uchun keldik. Janob Prezident tomonidan hayotga tatbiq etilgan unikal tizim – "yettilik"ning qisqa fursatdagi samarasini ko'rib guvohi bo'ldim. Sizdagi kabi bir mahallani tashkil etish uchun avvalo nimalar qilish kerak, faoliyati uchun qancha mablag' lozim bo'ladi kabi o'zimdagi savollarga javob topdim", - dedi Jakip Asanov.

🔍Uchrashuvda tomonlarning o'zini-o'zi boshqarish tizimida kelgusida ham izchil hamkorlik qilishdan manfaatdorligi bildirildi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube

👍 O'zbekiston mahallalari uyushmasi va UNDP o'rtasida Memorandum imzolandi

🔍O'zbekiston mahallalari uyushmasida Birlashgan Millatlar Tashkilotining Taraqqiyot Dasturi (UNDP)ning O'zbekistondagi doimiy vakili Akiko Fujii xonim boshchiligidagi delegatsiya bilan uchrashuv o'tkazildi.

🔍Muloqot avvalida Uyushma raisi Qahramon Quronboyev mamlakatimizdagi mahalla tizimi, Prezidentimiz tomonidan tashkil etilgan "mahalla yettiligi" faoliyati haqida ma'lumot berdi.

🔍Akiko Fujii xonim so'zining avvalida ko'rsatilgan yuksak ehtirom uchun o'z minnatdorchiligini bildirib, O'zbekistonda mahalla tizimida amalga oshirilayotgan islohotlarni alohida e'tirof etdi.

"Janob Prezident boshchiligida ayni sohada qilinayotgan ishlar tahsinga loyiq. Mahallalarda kambag'allikni qisqartish, gender tenglikni ta'minlash, jinoyatchilik, oilaviy ajrimlarni oldini olishga qaratilgan chora-tadbirlar Tashkilotimiz olib borayotgan missiyaga to'liq hamohangdir. Kelgusida ikki tashkilot o'rtasidagi aloqalarni yanada rivojlantirishda bugungi kelishuvimiz dasturul amal bo'ladi", - dedi Fujii xonim.

🔍Uchrashuv so'nggida O'zbekiston mahallalari uyushmasi va UNDP o'rtasida Memorandum imzolandi.

#Mahallalaruyushmasi #hamkorlik

✅ Facebook | ✅ Instagram | ✅ X |✅ Telegram | ✅ You tube