Ҳурматли маҳалла тизими ходимлари!

Маҳаллада онгу шууримиз, дунёқарашимиз, эътиқод ва тафаккуримиз шаклланади. Ундаги ҳар бир оила, қўни-қўшниларимиз мисолида юрт тупроғининг муқаддаслигини, ота ва онамиздек азиз бўлиб қолган маҳалладошларимиз иссиқ меҳри ва қайноқ қалбини ҳис қиламиз, доимо уларга интиламиз.

Маҳалла сўнгги йилларда чинакам халқ ва давлат ўртасидаги кўприк, аҳоли мурожаатлари ва ташаббусларини дастлаб тинглайдиган, уларга зарур ёрдам кўрсатадиган ижтимоий тузилмага айланди.
Айниқса, “маҳалла еттилиги” тизими йўлга қўйилгани қисқа фурсатларда ўзининг ижобий самарасини бермоқда.

Сиз, азизларни бугунги байрам билан, юртимизда давом этаётган Наврўз айёми ҳамда муборак Рамазон ойи билан чин қалбимдан самимий табриклайман.

Барчангизга мустаҳкам соғлиқ, хонадонларингизга файзу барака, серқирра ва масъулиятли фаолиятингизда ютуқ ва омадлар тилайман.

Байрамингиз муборак бўлсин, азиз маҳалла тизими ходимлари!

Ўзбекистон маҳаллалари уюшмаси раиси Қаҳрамон Қуронбоев

#Mahallalaruyushmasi #kuntarixi

✅ Facebook | ✅ Instagram | ✅ X |✅ Telegram | ✅ You tube

👍 Egasi bor yurt

Bayramga ulandi ajib tantana,      
Ramazon kunlari qo‘shaloq to‘ylar.
Mahalla kunidir qutlug‘ bu sana,  
Xalqchil, adolatli, mehrli o‘ylar.

Egasi bor yurtning – ertasi bordir,       
Elga dardkash bo‘lgan buyuk Sarbondir. 
Mahalla atalmish mehr karvoniga,              
Adolat yo‘lin ochgan suyuk O‘g‘londir.     

Ha, eshiklar ochildi – qalb eshiklari,         
Ko‘zlarda porladi ishonch quyoshi,           
Qarang, yelkadosh bo‘ldik  bir-birimizga,   
Shukronalar aytaylik biz Tangrimizga.     

Keling, bugun Sizga iftor berayin,  
Ilingim kelyapti oqibat nonin.  
Birga bayram qilaylik bir dasturxonda,
Yuraklarda quvonch jo‘sh urgan onda.  

Muborak bo‘lsin-yey aziz bu bayram,  
Ezgulik ifori quchsin borliqni.
Madh etaylik jonajon O‘zbekistonni,
Alloh nazari tushgan jannatmakonni. 

🔍 Shuhratbek Hoshimov,
✈️Sergeli tumani, “Madadkor” MFY raisi.

#Mahallalaruyushmasi #kuntarixi

✅ Facebook | ✅ Instagram | ✅ X |✅ Telegram | ✅ You tube