👍 Mahallalarda “Mahalla servis kompaniyasi” faoliyatini tashkil etishga qaratilgan videokonferensiya yig‘ilishi o‘tkazildi

🔍O‘zbekiston Respublikasi Prezidentining 2024-yil 25-iyundagi "Mahallalarni obodonlashtirish, ko‘kalamzorlashtirish va qiyofasini tubdan yaxshilashga doir qo‘shimcha chora-tadbirlar to‘g‘risida"gi PQ-234-sonli qarori ijrosini ta’minlash yuzasidan zoom platformasi orqali videokonferensiya o‘tkazildi.

🔍Unda vazirlik va idoralar rahbariyati, Qoraqalpog‘iston Respublikasi Vazirlar Kengashi, Toshkent shahar va viloyatlar hokimlarining o‘rinbosarlari, O‘zbekiston mahallalari uyushmasi rahbariyati, hududiy boshqarma boshliqlari va tegishli tashkilotlar hamda idoralar mas’ullari ishtirok etishdi.

🔍Yig‘ilishda mahallalar obodligini ta’minlash, ko‘kalamzorlashtirishni tashkil etish va mahallalardagi tadbirkorlarni sohaga jalb etish, sinov tariqasida yo‘lga qo‘yilayotgan “Mahalla servis kompaniyasi” faoliyatini to‘g‘ri tashkil etish, bunda Farg‘ona viloyati Bag‘dod tumanidagi “Yuksalish” MFY tajribasidan keng foydalanish masalalariga alohida to‘xtalib o‘tildi.

🔍Shuningdek, “Mahalla servis kompaniyasi”ni moliyalashtirish uchun aholidan pul yig‘ilmasligi, balki xodimlarning shtat birligini saqlash maqsadida O‘zbekiston mahallalari uyushmasiga 2024-moliya yilida ajratilgan mablag‘lar hamda mahallani obodonlashtirish ishlari uchun Jamoat ishlari jamg‘armasi mablag‘lari hisobidan har oyda 20 million so‘mdan ajratilishi tushuntirildi.

🔍Muloqot yakunida, mazkur servis kompaniyalari ko‘p qavatli uylar joylashgan mahallalarda tashkil etilgan xizmat ko‘rsatish sub’ektlaridan tubdan farq qilishi ta’kidlandi. Ya’ni bunda mahallani obodonlashtirish va ko‘kalamzorlashtirish ishlari bepul amalga oshiriladi. Hovli joylarda istiqomat qiluvchi fuqarolar ehtiyoji va istagiga ko‘ra daraxtlarga shakl berish, o‘simliklarni zararli hasharotlarga qarshi dorilash, ko‘chat ekish, uyni ta’mirlash, quduq qazib berish, yer haydash va shu kabi 30 ga yaqin xizmatlar alohida kelishuv asosida bajarilishi ko‘zda tutilgan.

🔍Ahamiyatlisi, bu orqali mahallalardagi ishsiz fuqarolar ish bilan ta’minlanib, zarur xizmat ko‘rsatish turlari markazlashtiriladi.

#Mahallalaruyushmasi #mahalla_servis_kompaniyasi

✅ Facebook | ✅ Instagram | ✅ X |✅ Telegram | ✅ You tube

👍 Qorovulbozorda “Boʻzachi mahalla servis kompaniyasi” oʻz faoliyatini boshladi.

🔍Buxoro viloyati Qorovulbozor tumani “Boʻzachi" mahallasida “Mahalla servis kompaniyasi” tashkil etildi.

🔍Tadbirkor Shahlo Hakimova tomonidan tashkil etilgan “Boʻzachi mahalla servis kompaniyasi” endilikda aholiga  20 dan ortiq xizmat turlarini koʻrsatadi. Bu esa aholining ham vaqtini ham naqtini tejashga xizmat qiladi.

#Mahallalaruyushmasi #mahalla_servis_kompaniyasi

✅ Facebook | ✅ Instagram | ✅ X |✅ Telegram | ✅ You tube

👍 Navoiy viloyatida ayni paytda 11 ta mahalla servis kompaniyasi ish boshladi

🔍O'zbekiston mahallalari uyushmasi Navoiy viloyati boshqarmasi tomonidan kompaniyalarga texnika va jihozlar topshirildi.

#Mahallalaruyushmasi #mahalla_servis_kompaniyasi

✅ Facebook | ✅ Instagram | ✅ X |✅ Telegram | ✅ You tube