🔴 #LIVE

😎 Фракция йиғилишида Президентимизнинг Қашқадарё вилоятига ташрифи доирасида белгиланган устувор вазифалар ижросида партия фракцияси олдидаги муҳим масалалар муҳокама қилинди.

🔍Таъкидланганидек, ташриф доирасида Президентимиз “Alp texno servis” экспортчи корхонаси, Шаҳрисабздаги кардиология маркази, барпо этилган янги боғлар ва туризм мажмуаси, Яккабоғ туманидаги Янги Ўзбекистон массиви ҳамда Кўкдала тумани маъмурий марказидаги улкан бунёдкорлик ишлари билан танишди. Аҳоли билан очиқ мулоқотлар ўтказилиб, ислоҳотларнинг амалий натижалари ва уларни янада самарали давом эттириш масалалари муҳокама қилинди.

🔍Шунингдек, давлатимиз раҳбари ҳудудни комплекс ривожлантириш, иқтисодий ва ижтимоий ислоҳотлар самарадорлигини оширишга қаратилган йиғилиш ўтказди. Йиғилишда вилоят саноатини диверсификация қилиш, қишлоқ хўжалигини ривожлантириш, сув ва энергия ресурсларидан самарали фойдаланиш, аҳоли бандлигини таъминлаш ва камбағалликни қисқартириш бўйича аниқ вазифалар белгиланди.

🔍Фракция йиғилишида Қашқадарё вилоятида белгиланган вазифалар ижросини таъминлашда депутатларнинг масъулиятини ошириш, маҳаллий Кенгашларда назорат ва ташаббусларни кучайтириш, ислоҳотларни жойларда тарғиб қилиш борасида аниқ вазифалар белгилаб олинди. ЎзЛиДеП фракцияси бу каби ислоҳотларни амалга оширишда “Инсон қадри учун” тамойилини бош мезон сифатида қабул қилган ҳолда, жойларда фаол иштирокини давом эттириши таъкидланди.

#uzlidep #fraksiya

🖥 Расмий саҳифаларимизга уланинг

🔘 #LIVE

😎 Озарбайжонга ташриф давомида имзоланган ҳужжатлар мамлакатимизнинг иқтисодий салоҳиятини янада юксалтиришга хизмат қилади

🔍Бугун Олий Мажлис Қонунчилик палатасидаги ЎзЛиДеП фракциясининг навбатдаги йиғилиши бўлиб ўтмоқда. Унда дастлаб давлатимиз раҳбарининг Озарбайжонга ташрифи давомида эришилган келишувлар аҳамияти ҳақида сўз юритилди.

🔍Таъкидланганидек, ташриф давомида имзоланган Иттифоқчилик муносабатлари тўғрисидаги шартномани 2025-2029 йилларда амалга ошириш бўйича "йўл харитаси", Атроф-муҳитни муҳофаза қилиш соҳасида ҳамкорлик тўғрисида ҳукуматлараро битим, Фан, касб-ҳунар ва олий таълим соҳаларида ҳамкорлик тўғрисида ҳукуматлараро битим ва 2025-2026 йилларга мўлжалланган саноат кооперацияси дастури каби ҳужжатлар икки томонлама муносабатларни янада ривожлантиради.

🔍Шунингдек, 2030 йилга қадар товар айирбошлашни 1 миллиард долларга етказиш дастури, 2025-2027 йилларда қишлоқ хўжалиги ва озиқ-овқат таъминоти соҳасидаги ҳамкорликни янада ривожлантириш бўйича амалий ҳаракатлар режаси мамлакатимиз иқтисодий салоҳиятини янада юксалтиради.

#uzlidep #fraksiya

🖥 Расмий саҳифаларимизга уланинг

🔘 #LIVE

😎 Президентимиз томонидан илгари сурилган ташаббуслар ИҲТ фаолиятини янги босқичга олиб чиқади

🔍Фракция йиғилишида давлатимиз раҳбарининг Хонкенди шаҳрида бўлиб ўтган Иқтисодий ҳамкорлик ташкилотининг 17-саммитида иштироки аҳамияти ҳақида ҳам сўз юритилди.

🔍Президентимизнинг можаро ва низоларни дипломатия ва конструктив музокаралар йўли билан ҳал этишга алоҳида эътибор қаратгани мамлакатимизнинг тинчликсевар ташқи сиёсатининг амалдаги ифодаси экани қайд этилди.

🔍Давлатимиз раҳбарининг “Иқтисодий ҳамкорликнинг стратегик мақсадлари – 2035” концепциясини қабул қилиш, Тошкент шаҳрида савдо вазирларининг учрашувини ўтказиш, “яшил йўлаклар” тизимини яратиш, “Экоинвест” дастурини қабул қилиш, Рақамли транспорт ва божхона идорасини ташкил этишни тезлаштириш таклифлари ҳалқаро ҳамкорликни янада ривожлантириш қайд этилди.

🔍Депутатлар саммитда илгари сурилган ташаббуслар ИҲТ фаолиятини янги босқичга олиб чиқишини эътироф этишди.

#uzlidep #fraksiya

🖥 Расмий саҳифаларимизга уланинг

🔘 #LIVE

😎 “Хавфсиз йўл” миллий дастури йўлларимизни обод қилиш билан бир қаторда, пиёдаларнинг хавфсизлиги учун ҳам муҳим аҳамиятга эга

🔍Бугун ЎзЛиДеП фракциясининг навбатдаги йиғилиши бўлиб ўтмоқда. Унда депутатлар дастлаб давлатимиз раҳбари раислигида жорий йил 9 июл куни “Йўл ҳаракати хавфсизлигини таъминлаш, инфратузилмасини яхшилаш ва тирбандликларни камайтириш чора тадбирлари” юзасидан ўтказилган видеоселектор йиғилишидаги таклиф ва ташаббусларнинг аҳамияти хусусида сўз юритишди.

🔍Таъкидланганидек, видеоселектор йиғилишда “Хавфсиз йўл” миллий дастурини жорий қилиш борасида вазифалар белгиланди. Мазкур дастурни амалга ошириш мақсадида “Хавфсиз йўл ва хавфсиз пиёда” республика жамғармаси фаолияти қайта ташкил қилиниб, ушбу жамғарма тўғридан-тўғри ҳукумат қарамоғига ўтади ва ҳар бир вилоятда филиаллари фаолият юритади.

🔍Жамғармага 2025 йилда 400 млрд сўм тушиши кутилмоқда. Бундан ташқари, фото ва видео радарлар орқали тушадиган жарималарнинг 25% ҳам ушбу жамғармага йўналтирилади. Энг муҳим жиҳати — бу маблағлар биринчи навбатда авария ўчоқлари бўлган хавфли нуқталарни тартибга солишга сарфланади. Йўл ажратувчи тўсиқлар, пиёда йўлаклари, ёритгичлар, светофор ва белгилар ўрнатиш устувор вазифа бўлади.

🔍Депутатлар “Хавфсиз йўл” миллий дастури йўлларимизни обод қилиш билан бир қаторда, пиёдаларнинг хавфсизлиги учун ҳам муҳим аҳамиятга эга эканини қайд этишди.

#uzlidep #fraksiya

🖥 Расмий саҳифаларимизга уланинг

🔘#LIVE

😎 Мўғулистон билан қишлоқ хўжалиги соҳасидаги ҳамкорлик мамлакатимизда озиқ-овқат хавфсизлигини таъминлашда муҳим аҳамият касб этади

🔍Бугун O‘zLiDeP фракциясининг навбатдаги йиғилиши бўлиб ўтмоқда. Унда дастлаб давлатимиз раҳбарининг “Мўғулистонга олий даражадаги ташриф давомида қишлоқ хўжалиги ва озиқ-овқат соҳаларида эришилган келишувларни амалга ошириш чора-тадбирлари тўғрисида”ги қарори мазмун моҳияти ҳақида сўз юритилди. Хусусан, босқичма-босқич жун ва кашемирни қайта ишлаш ҳамда тайёр маҳсулотлар ишлаб чиқаришни йўлга қўйиш, мева-сабзавот ва озиқ-овқат маҳсулотларининг Мўғулистонга экспорт ҳажмини ҳар йили ошириб бориб, 10 баробарга кўпайтириш каби вазифалар озиқ-овқат соҳасини ривожлантиришда муҳим қадам экани қайд этилди.

🔍Қарорда соҳани малакали кадрлар билан таъминлаш мақсадида ўзбекистонлик мутахассислар Мўғулистонда малака ошириши белгиланган.

🔍Депутатлар таъкидлаганидек, давлатимиз раҳбарининг мазкур қарори нафақат озиқ-овқат хавфсизлигини таъминлашга, балки O‘zLiDeP сайловолди дастуридаги устувор вазифалар рўёбига ҳам хизмат қилади. Зотан, партиямиз кейинги 5 йилликда қишлоқ хўжалигидан олинадиган даромадни кесин ошириш ва шу орқали аҳолимиз турмуш фаровонлигини янада яхшилашни ўзининг устувор вазифаси, деб билади.

#uzlidep #fraksiya

🖥 Расмий саҳифаларимизга уланинг

🔘#LIVE

😎 Марказий Банкка жисмоний ва юридик шахсларга имтиёзли кредит ажратишда коррупция омилларини бартараф этиш бўйича парламент сўрови юборилди

🔍Фракция йиғилишида Ўзбекистон Республикаси Марказий банки раиси Т.Ишметовга парламент сўровини юбориш масалаласи ҳам атрофлича муҳокама қилинди.

🔍“Банкларни трансформатсиялаш жараёнини тезлаштириш борасида олиб борилаётган ишлар тўғрисида”ги мазкур сўровда давлат улуши мавжуд бўлган тижорат банкларини комплекс трансформатсия қилиш, уларнинг қимматли қоғозларини “IPO”га чиқариш, банк ишининг замонавий стандартларини, ахборот технологияларни ва дастурий маҳсулотларни жорий этиш, соҳага тажрибали хорижий мутахассисларни жалб этиш, шунингдек давлат улуши мавжуд бўлган тижорат банклари ва корхоналарни бир вақтнинг ўзида ислоҳ қилиш орқали банк секторида давлат улушини камайтириш каби масалалар бўйича амалга оширилаётган ишлар тўғрисида маълумот бериш сўралган.

🔍Шунингдек, депутатларга кредит портфелининг сифатини ва таваккалчиликларни бошқариш сифатини яхшилаш, кредитлаш ҳажмлари ўсишининг мўътадил даражасига амал қилиш орқали банк тизимининг молиявий барқарорлигини таъминлаш, аҳоли ва кичик бизнес учун масофавий хизматларни кенг жорий қилиш, молиявий хизматлар оммабоплигини ва сифатини ошириш, ахборот технологияларини банк тизимига кенг жорий этиш, ахборот хавфсизлигини лозим даражада таъминлаш юзасидан амалга оширилаётган ишлар бўйича ҳам ҳисобот тақдим этилади.

🔍Бундан ташқари, 10 кундан сўнг юбориладиган жавобда тижорат банклари томонидан жисмоний ва юридик шахсларга имтиёзли кредит ажратишда коррупция омилларини бартараф этиш, шу жумладан, молиявий хизматлар кўрсатишда инсон омилини чеклаш, бу борада рақамлаштириш жараёнини жадаллаштиришга қаратилган чора-тадбирлар тўғрисида ҳам ахборот берилади.

#uzlidep #fraksiya

🖥 Расмий саҳифаларимизга уланинг

🔘#LIVE

😎 Президентимиз ташаббуслари мамлакатимизнинг иқтисодий салоҳиятини янада юксалтиришга хизмат қилади

🔍Бугун O'zLiDeP фракциясининг навбатдаги йиғилиши бўлиб ўтмоқда. Унда дастлаб давлатимиз раҳбарининг Жиззах вилоятига амалга оширган ташрифи ҳақида сўз юритилди.

🔍Таъкидланганидек, давлатимиз раҳбари дастлаб Зомин технопарки махсус саноат зонасини бориб кўрди. Бу мажмуа қурилишини ўтган йил 27 июнда давлатимиз раҳбари бошлаб берган эди. 400 гектарда барпо этилаётган технопаркда хитойлик инвесторлар билан биргаликда 1 миллиард 200 миллион долларлик 31 та лойиҳа амалга оширилади.

🔍Ўтган даврда зарур инфратузилма ва иншоотлар барпо этилди. Яқинда илк корхона - “Xinjiang Honglin Tiandi” компанияси томонидан қиймати 10 миллион долларлик бетон маҳсулотлари тайёрлаш лойиҳаси ишга туширилди. 60 кишининг бандлиги таъминланди. Айни кунларда 42 миллион долларлик иккинчи лойиҳа бўйича ишлар якуний босқичда. Унда “Midea” бренди остида йилига 300 минг дона маиший электр техникалари ишлаб чиқарилади. 150 та иш ўрни очилади.

🔍Шунингдек, Президентимиз Зомин туманида қурилаётган маиший техника заводини ҳам кўздан кечирди.

🔍“Навоий” махсус саноат паркининг филиали сифатида ташкил этилган мажмуа 80 гектарда жойлашган. Лойиҳанинг умумий қиймати 150 миллион доллар. Бу ерда кир ювиш машинаси, совуткич, телевизор, электр сув иситкич каби йилига 1 миллион дона маиший техника ҳамда бутловчи қисмлар ишлаб чиқарилади. 100 турдаги маҳсулотлар натижасида маҳаллийлаштириш даражаси 70 фоизга етади.

🔍Муҳими, йиллик ишлаб чиқариш ҳажми 320 миллион доллар бўлади. Шундан 140 миллион долларлик маҳсулот экспортга йўналтирилади. 7 мингдан зиёд аҳоли иш билан таъминланади.

🔍Фракция аъзолари, давлатимиз раҳбарининг Жиззах вилоятига амалга оширган ташрифи давомида билдирган таклиф-ташаббуслари мамлакатимизнинг иқтисодий салоҳиятини янада юксалтиришини қайд этишди.

#uzlidep #fraksiya

🖥 Расмий саҳифаларимизга уланинг