#uzlidep_21yoshda

😎 O‘zLiDeP ташкил этилганлигининг 21 йиллиги муносабати билан Хоразм вилоят Кенгаши Аёллар қаноти томонидан “Соғлом оила-мустаҳкам оила” лойиҳаси доирасида хотин кизлар, партия фаоллари орасида спортнинг волейбол тури бўйича мусобақа бўлиб ўтди.

✅ Мусобақа кўтаринки руҳда ўтиб, унда ҳар бир жамоа аъзолари бирдамлик билан ғалаба учун беллашдилар.

–Хотин-қизларни спортга кенг жалб этишда O‘zLiDeP томонидан ўтказилаётган спорт мусобақаларининг ўрни бениҳоя катта бўлмоқда, – дейди Ҳазорасп туман Оила ва хотин қизлар бўлими бошлиғи Муҳайё Нуруллаева. – Чунки партия ташаббуси билан ташкил этиладиган ҳар бир спорт анжуманида жисмоний маданиятни ҳамда спорт билан шуғулланишни хотин-қизларнинг кундалик ҳаёт тарзига айлантириш ғоясини сингдиришга алоҳида эътибор қаратиляпти. Бу эса хотин-қизлар саломатлигини мустаҳкамлаш билан бирга, оилаларда соғлом турмуш тарзини қарор топтиришда муҳим омил бўлмоқда.

📌 Қизғин кечган баҳсларда “Гўзаллар” жамоаси 3-ўринга, “Эпчиллар” жамоаси 2-ўринга, “Зукколар” жамоаси эса 1-ўринга муносиб деб топилди.

➡️ Мусобақа якунида ғолиб ва совриндорларга партиянинг диплом ва эсдалик совғалари топширилди.

#uzlidep #xorazm

🖥 Расмий саҳифаларимизга уланинг

#uzlidep_21yoshda

Аёллар сиёсат бобида ҳам фаол

😎 Республика ихтисослаштирилган Она ва бола саломатлиги илмий-амалий тиббиёт маркази Навоий вилояти филиалида O‘zLiDeP Навоий вилояти Кенгаши томонидан “Жамиятда “Аёл сиёсатчи” образи тўғрисида ижобий фикрни шакллантириш” мавзусида тарғибот тадбири ташкил этилди.

📢 Унда турли соҳаларда фаолият олиб бораётган аёллар ва уларга яратилган имкониятлар, юртимизда гендер тенгликни таъминлаш борасида амалга оширилаётган чора-тадбирлар ҳақида сўз юритилди.

✅ Таъкидланишича, Марказий Осиё давлатлари орасида биринчи бўлиб 2030 йилга қадар Ўзбекистон Республикасида гендер тенгликка эришиш стратегияси қабул қилинган. 2030 йилга келиб вазир ва вазирга тенглаштирилган лавозимларда хотин-қизлар улуши 15 фоизга, маҳаллий ижроия ҳокимияти органларида раҳбарлик (ҳокимлар) лавозимидаги хотин-қизлар улуши 20 фоизга, илмий, муҳандислик, ишлаб чиқариш ва қурилиш соҳалари битирувчилари орасида 10 фоизга, юридик маслаҳатхона ташкил этиб, унга раҳбарлик қилаётган хотин-қизлар улуши 25 фоизга, иқтисодиётнинг ишлаб чиқариш секторларида фаолият юритаётган хотин-қизларнинг улуши 15 фоизга ошиши назарда тутилган.

– Авваллари аёллар билан ҳеч кимнинг иши бўлмаган. Ҳаттоки аксарият ота-оналар уларнинг олий таълим муассасаларида ўқишига ҳам рухсат бермаган. Уларни фақатгина ўқитувчилик, шифокорлик, тикувчилик ва пазандачиликка ўқитишган ёки мактабни тугатиши билан турмушга беришган, – дейди “Саодат сари” ижтимоий кўмак маркази нодавлат нотижорат ташкилоти раҳбари Шалола Шокирова. – Бугун эса вазият ўзгарди. Кейинги вақтларда давлат бошқарувида раҳбарлик курсини эгаллаётган аёллар сафи йил сайин ортиб бормоқда. Бугунги хотин-қизлар орасида депутатлар, сенаторлар, вазирлар, Бош вазирлар ва ҳатто мамлакатнинг биринчи шахси – Президентлар ҳам бор. Аслида аёл жамиятда ўз ўрнига эга бўлиши керак. Шу нуқтаи назардан олиб қарасак, юртимизда хотин-қизларимиз учун давлатимиз томонидан барча имкониятлар яратиб берилмоқда. Турли соҳаларда эркаклар билан тенг шароитларда меҳнат қилмоқда, уларга имтиёзли шартларда имкониятлар берилмоқда. Раҳбарлик лавозимларида ҳам ўзларини кўрсатиб, сиёсат бобида ҳам тенгсиз эканликларини исботлашмоқда.

Янги таҳрирдаги Ўзбекистон Республикаси Конституциясининг 58-моддасида ҳам хотин-қизлар ва эркаклар тенг ҳуқуқлилиги алоҳида белгилаб қўйилган.

– Жамиятда аёлларнинг фаоллиги ва ўрнини янада оширишга алоҳида эътибор қаратилмоқда, – дейди халқ депутатлари Навоий вилояти Кенгашига ЎзЛиДеП дан сайланган депутат Маҳфуза Ҳамроева. – Жумладан, ўтган галги Олий Мажлис Қонунчилик палатаси ва маҳаллий Кенгашларга бўлган сайловларда кўрсатилган номзод хотин-қизларнинг сони 30 фоиз этиб белгиланган бўлса, бу йилги сайловларда бу кўрсатгич камида 40 фоиз қилиб белгиланди. Аслида аёлларимизнинг сиёсат билан шуғуллангани бугун ёки кеча бошланган эмас. Тўмарис, Темурий маликалар – Бибихоним, Гавҳаршодбегим, Хонзода бегим, Гулбадан бегим, Мумтоз Маҳал, Жаҳон Оро бегим ва Аврангзеб Оламгирнинг қизи – Зебуннисо бегим, ҳаммамизга маълуми машҳур Нодирабегим кабиларнинг сиёсат бобида амалга оширган ишларини тарихдан яхши биламиз. Бугун халқ депутатлари вилоят Кенгашида фаолият бошлаган 40 нафар депутатнинг 13 нафари ёки депутатларнинг 32,5 фоизини хотин-қизлар ташкил этаётгани ҳам аёлларимизнинг юрт тинчлиги, Ватан тараққиёти ва халқ фаровонлигига бефарқ эмасликларини билдиради.

Тадбирда иштирокчилар ўзларни қизиқтирган саволларга атрофлича жавоб олди.

#uzlidep #navoiy

🖥 Расмий саҳифаларимизга уланинг

#uzlidep_21yoshda

😎 O’zLiDeP Хоразм вилоят Кенгаши “Аёллар қаноти” томонидан “Бунёдкор аёллар” лойиҳаси доирасида тадбир ташкил этилди. Унда вилоятда фаолият юритаётган тадбиркор аёлларнинг фаолияти билан яқиндан танишилмоқда.

✔️ Бугунги кунда Ҳазорасп туманида фаолият юритаётган якка тадбиркор Замира Абдуллаева ишлаб чиқараётган кийим-кечаклар ички бозорларимизга етказиб берилмоқда.

📊 З.Абдуллаева тадбиркорлик фаолиятини 2020 йилда 3 та тикув машинаси билан бошлаган. Кейинги йилларда тадбиркорнинг банк томонидан молиявий қўллаб-қувватланиши натижасида ривожланган хорижий давлатлардан илғор технологиялар, янги-янги дастгоҳлар олиб келиб ўрнатилди. Натижада бугунги кунга келиб корхонада ишловчилар сони 13 нафарга етди.

– Ҳар бир тадбиркорнинг асосий мақсади ишлаб чиқариш ҳажмини ошириш, маҳсулотни экспортга йўналтириш ҳисобланади, – дейди корхона раҳбари З.Абдуллаева. – Тадбиркорлик фаолиятини ҳам ана шу мақсадни амалга ошириш учун “Агробанк”дан 100 миллион сўм миқдорида кредит олиб Хитойдан тўқув дастгоҳлари олиб келиб ўрнатди. Натижада “Тайёр маҳсулотларга турли рангдаги гулларни босиш” лойиҳасини амалга оширдик.

#uzlidep #munosabat

🖥 Расмий саҳифаларимизга уланинг

#uzlidep_21yoshda

Муҳим вазифалар белгилаб олинди

Бугун ЎзЛиДеП Сиёсий Кенгаши Ижроия қўмитасининг навбатдаги йиғилиши бўлиб ўтди. Йиғилишда Олий Мажлис Қонунчилик палатаси ва халқ депутатлари маҳаллий кенгашларга бўлиб ўтган сайловларда ЎзЛиДеПнинг қўлга киритган ютуқлари ҳамда партия олдида турган устувор вазифалар муҳокама қилинди.

Йиғилишда партия Сайловолди дастуридаги вазифаларни бажариш учун 500 пунктдан иборат “Йўл харитаси” ишлаб чиқилгани ва унинг ижросини таъминлаш партиянинг бош мақсадига айланиши кераклиги таъкидланди.

5 устувор мақсад асосида ишлаб чиқилган мазкур “Йўл харитаси” аҳолимизнинг фаровон ҳаёт кечириши, фарзандларимиз сифатли таълим ва тиббиётдан баҳраманд бўлиши, халқимиз дастурхони янада тўкин, эртанги кунимиз эса ёруғ бўлишини кафолатлайди.

Йиғилишда ЎзЛиДеП раиси А. Хаитов партия ташкил этилганининг 21 йиллиги муносабати билан барча партия аъзоларини табриклади. Кун тартибида муҳокама қилинган масалалар бўйича тегишли қарорлар қабул қилинди.

🖥 Расмий саҳифаларимизга уланинг