😎 Халқ депутатлари туман ва шаҳар Кенгашларидаги ЎзЛиДеПдан янги сайланган депутатлар фаолиятини ташкил этиш бўйича ўқув  - семинарлар ташкил этилмоқда

✅ Қайд этилганидек, депутатлар аввало тадбиркорларни қўллаб-қувватлаши, учрашув ўтказаётганда жойларнинг котибияти ва маъмурияти билан маслаҳатлашган ҳолда муаммо ва масалаларни кўтариши лозим эканлиги, маҳалла паспортини яхшилаб ўрганиб, маҳалла еттилиги билан бирга иш олиб бориши кераклигини ва маҳаллалардаги муаммоларни ҳал қилишда фаол иштирок этиш, қонунларнинг ижро этилишини таъминлаш, айниқса, ёшларимиз ўртасида соғлом турмуш тарзини кенг тарғиб қилишга қаратилган партиявий лойиҳалар тўғрисида сўз юритилди.

🗣️ Шунингдек, йиғилишда мамлакатимиз ҳаётининг барча жабҳаларига тааллуқли долзарб мавзуларни кенг жамоатчилик эътиборига олиб чиқиш ва жамоатчилик назоратини амалга ошириш муҳим эканлиги таъкидлаб ўтилди.

#uzlidep #samarqand

🖥 Расмий саҳифаларимизга уланинг

Депутат сайловчилар билан муаммоларини жойига чиқиб ўрганди

😎 Жомбой тумани 18-Ширинкент сайлов округидан Халқ депутатлари туман Кенгашига сайланган депутат Арслон Тошпўлатов "Ширинкент" маҳалласидаги 17, 42, 37 мактаблари ва 19-МТМ фаолиятини ўрганди.

📍 Ўрганишлар давомида мактабларда ўқув сиғими ва иситиш тизимида муаммолар борлиги аниқланди. 19-сонли мактабгача таълим муассасаси чиқинди машинаси келмаётганлиги шу масалада амалий ёрдам сўралди, депутат мутассадилар билан боғланиб ижроси назоратга олинди.

📌 Шунингдек, депутат маҳалладаги ишсиз ёшлар билан ҳам суҳбатлашди. Бандлиги таъминланмаган ёшлар депутат кўмаги билан “BRADJUS” MChJ корхонасига ишга қабул қилинди.

#uzlidep #samarqand

🖥 Расмий саҳифаларимизга уланинг

😎 Халқ депутатлари туман Кенгашига 12-Қўнғирот сайлов округидан сайланган депутат Меҳрож Файзилов ўзи сайланган ҳудуддаги ижтимоий соҳа обеъктлари билан танишди.

📌 Депутат борган 21-мактабгача таълим муассаасида электр токида узилишлар борлиги сабаб хоналар яхши исимаётгани кузатилди.

📍 Шунингдек, ҳудуддаги 9-умумтаълим мактабида бўлган депутат куз-қиш мавсумида синфхоналарни иситиш тизимлари билан ҳам яқиндан танишди.

✅ Мулоқотлар давомида билдирилган таклиф ва аниқланган муаммолар юзасидан тегишли ташкилотларга “Депутат сўрови” юборилди.

#uzlidep #samarqand

🖥 Расмий саҳифаларимизга уланинг

Депутат томонидан тиббий кўрик ташкил этилди

😎 Халқ депутатлари Самарқанд вилояти Кенгаши депутати Наргиза Абдуллаева томонидан 3-Сўзангарон сайлов округига қарашли "Абдураҳмон Жомий" махалласида яшовчи фуқаролар учун тиббий кўрик ташкил қилди.

✔️ Тиббий кўрик давомида фуқаролар умумий қон ва сийдик таҳлили, Сухарев бўйича қон ивиш вақти, ЭКГ, УТТ диагностик текширувларидан ўтказилиб, ревматолог, кардиолог, офталмолог, невропатолог, терапевт, проктолог мутахассислари томонидан керакли тавсиялар берилди.

🗣️ Шунингдек, фуқароларга соғлом турмуш тарзи, ўзи ва яқинларининг саломатлигига эътиборли бўлиш, маҳаллада яшаётган ёши улуғ инсонлар, ногиронлиги бор шахслар билан суҳбат ўтказилди. Соғлом турмуш тарзини шакллантиришда жисмоний тарбия ва спортнинг ўрни, тўғри овқатланиш юзасидан ҳам маслаҳатлар берилди.

#uzlidep #samarqand

🖥 Расмий саҳифаларимизга уланинг

“Хўжақишлоқ”да енгил конструкцияли кутубхона қурилади

😎 Халқ депутатлари Самарқанд вилоят Кенгашига OʻzLiDeP’дан сайланган депутат Мўтабар Юлдашова ва 13-Хўжақишлоқ сайлов округидан Тойлоқ туман Кенгашига сайланган депутат Насиба Мўминова “Хўжақишлоқ” ва “Ястепа” маҳалласидаги 60-сонли мактаб, “Жумабозор” ва “Ястепа” маҳаллаларидаги 35-сонли МТМда бўлиб, муассасалар фаолиятини ўрганди.

✔️ Дастлаб депутатлар “Хўжақишлоқ” аҳолиси билан мулоқот қилди. Мулоқот давомида фуқаролар маҳалла ҳудудида енгил турдаги конструкциялар асосида маҳалла ёшлари ва нуронийлари учун кутубхона ташкил этиш бўйича таклиф билдиришди. Ушбу масала депутатлар томонидан назоратга олинди.

🗣️ Шундан сўнг OʻzLiDeP томонидан “Бир депутат 100 аёлга кўмакчи” лойиҳаси доирасида депутатлар маҳалладаги ўқув марказида чеварлик ва касаначилик ҳунарларини ўрганаётган хотин-қизлар билан суҳбатлашди.

➡️ Суҳбат давомида Муножат Бозорова депутатлардан субсидия ажратиш бўйича амалий ёрдам сўради. Мазкур масала ҳам депутатлар томонидан назоратга олинди.

#uzlidep #samarqand

🖥 Расмий саҳифаларимизга уланинг

Вилоят Кенгаши депутати Ҳайдар Ураков сайловчилар билан учрашди

🗣 Жомбой туманида қиш мавсумини беталофат ўтказиш, аҳолига муносиб шароитлар яратиш ҳамда ижтимоий соҳа объектларининг фаолиятини ўрганиш мақсадида 16-Ҳалвойи сайлов округидан Халқ депутатлари вилоят Кенгашига OʻzLiDePдан сайланган депутат Ҳайдар Ураков Жомбой туманидаги бир қатор маҳалла ва таълим муассасаларининг фаолиятини ўрганди.

✔️ Хусусан, Ҳ.Ураков 46-умумтаълим мактаби ва 56 ИДУМнинг иссиқлик билан таъминланганлик ҳолатини кўздан кечириб, ўқувчилар учун яратилган шароитлар билан танишди.

🗣️ Шундан сўнг депутат А.Навоий ва Гулистон маҳаллаларидаги ижтимоий ҳимояга муҳтож ҳамда ногиронлиги бор фуқароларни қўллаб қувватлаш мақсадида фуқаролар ҳолидан хабар олди.

✔️ Депутат аниқланган муаммоларни назоратига олиб, ўз тавсияларини берди.

#uzlidep #samarqand

🖥 Расмий саҳифаларимизга уланинг

Халқ депутатлари вилоят Кенгашидаги O'zLiDeP депутатлик гуруҳи аъзоси Мутабар Йўлдошова сайловчилар билан учрашди

😎 Депутат Мутабар Йўлдошова Тойлоқ туманининг Нуроний ҳамда Бўтавой маҳалла аҳлини мурожаатларини ўрганиш бўйича сайёр қабул ўтказди. Қабулга ташриф буюрган фуқаролар уй-жой таъмири, нафақа тайинлаш, моддий ёрдам, бандликни таъминлаш, коммунал ва ижтимоий соҳалар, тадбиркорликни ривожлантириш, субсидия ва банк кредити масалалари юзасидан ўз муаммолари борлигини айтишди.

✔️ Ҳар бир мурожаат тегишли мутасаддилар иштирокида атрофлича кўриб чиқилиб, уларни амалдаги тартиблар асосида ҳал этиш чоралари белгиланди. Муддат талаб қилган мурожаатлар назоратга олиниб, масъуллар томонидан ижро учун қабул қилинди. Айрим масалалар юзасидан эса шу жойнинг ўзида тегишли ҳуқуқий маслаҳатлар берилди.

#uzlidep #samarqand

🖥 Расмий саҳифаларимизга уланинг

Депутат аҳоли ва сайловчиларга кўрсатилаётган тиббий хизматлар сифатини ўрганди

😎 Халқ депутатлари вилоят Кенгашидаги OʻzLiDeP депутати, Самарқанд давлат тиббиёт университети даволаш ишлари проректори, профессор Наргиза Абдуллаева Онкология кафедраси ҳамда шифохонаси фаолияти билан танишди.

✔️ Танишув жараёнида 2024 йил бажарилган даволаш-консультатив ишлари ҳамда ўтказилган скрининг натижасида онкологик касалликка чалинганлиги аниқланган беморларни ташхислаш, даволаш онкологик касалликларни эрта босқичларда аниқлаш борасида амалга оширилаётган ишлар юзасидан кафедра ва шифохона мутахассислари билан суҳбат ўтказди.

🗣️ Депутат шифохона-бўлимлар фаолияти, иситиш тизими, мавжуд моддий-техника базаси, стационар маммограф, МРТ, МСКТ ва бошқа юқори технологияли диагностика хоналарини кўриб чиқди. Аниқлаган камчиликлар ва мавжуд муаммолар бўйича тегишли маслаҳатлар берилди.

📍 Куннинг иккинчи ярмида депутат Н.Абдуллаева Ғ.Ғулом маҳалласи фуқаролари билан учрашди. Учрашув давомида соғлом турмуш тарзи, соғлом овқатланиш ва уларнинг инсон соғлигини асрашда аҳамияти бўйича маълумотлар берди.

#uzlidep #samarqand

🖥 Расмий саҳифаларимизга уланинг

Халқ депутатлари Самарқанд вилоят Кенгаши депутати Акбарали Қаюмовнинг депутатлик қабулхонаси ташкил этилди

😎 Депутат Акбарали Қаюмовнинг мазкур депутатлик қабулхонасида O'zLiDePдан сайланган янги депутатлар ва туман шаҳар Кенгашлари аппарат раҳбарларига ўқув семинар бўлиб ўтди. Семинардан мақсад жойларда O'zLiDeP партиясидан сайланган депутатларнинг ишларини жонлантириш, депутатлик фаолиятини олиб бориш, гуруҳ йиғилишларини ташкил қилиш, депутатлик сўровларини чиқариш, депутатлик учрашувларни ўтказиш ҳамда мурожаатлар билан ишлаш бўйича амалий кўргазмалар ташкил этилди.

🔗 Батафсил

#uzlidep #samarqand

🖥 Расмий саҳифаларимизга уланинг

Самарқанд вилояти Бозорлар ва савдо комплекслари уюшмаси раиси депутатларга ҳисобот беришга келмади

😎 Халқ депутатлари Самарқанд вилоят кенгашидаги O‘zLiDeP депутатлик гуруҳининг навбатдаги йиғилиши бўлиб ўтди.

🔗 Батафсил

#uzlidep #samarqand

🖥 Расмий саҳифаларимизга уланинг

O'zLiDeP Нуробод туман депутатлик гуруҳининг йиғилиши ўтказилди

😎 Йиғилишда Ўзбекистон Республикаси Президентининг “Аҳолига ижтимоий хизматлар ва ёрдамлар кўрсатиш тизимини янада такомиллаштириш чора-тадбирлари тўғрисида”ги қарори ижроси юзасидан Ижтимоий ҳимоя миллий агентлиги туман маркази раҳбарининг ҳисоботи тингланди. Ҳисоботда айтилишича, 2023 йилдан бошлаб  марказ томонидан 102 турдаги ижтимоий хизматлар ва ёрдамлар кўрсатишнинг янги тизими йўлга қўйилган.

✔️ 2025 йил 12 февралга қадар 9322 та ижтимоий хизмат ва ёрдамлар кўрсатилган бўлса, 2024 йил давомида марказ томонидан 403 та ногиронлиги бўлган шахслар реабилитация техник воситалари билан таъминланган. 140 нафар шахсларга ногиронлик аравачалари, 75 нафарига протезортопедик маҳсулотлар берилган бўлса, 478 нафар реабилитация марказига юборилган. Шунингдек, 90 нафар ногиронлиги бўлган шахслар касб-ҳунарга ўқитилган.

✅ Йиғилишда депутатларнинг фикрлари тингланиб, депутатлик гуруҳининг қарорлари қабул килинди.

#uzlidep #samarqand

🖥 Расмий саҳифаларимизга уланинг

😎 O'zLiDeP Каттақўрғон туман Кенгаши ва партия депутатлик гуруҳининг қўшма йиғилиши бўлиб ўтди.

🔼 Йиғилишда Кенгаш ва депутатлик гуруҳининг 2025 йилги иш режалари муҳокама қилинди ва тасдиқланди.

✔️ Шунингдек йиғилишда туман МТМБ бўлими раҳбари Ш.Султонов ва туман Ёшлар ишлари агентлиги бўлимининг директори Л. Абдуқаҳҳаровнинг ҳисоботи тингланди.

🗣️ Ташкилот раҳбарлари депутатларнинг саволларига жавоб берди. Депутатлар келгусидаги ташкилот раҳбарларининг ишлари учун кўрсатмалар берди.

#uzlidep #samarqand

🖥 Расмий саҳифаларимизга уланинг

O'zLiDeP Ургут туман Кенгаши ва депутатлик гуруҳининг қўшма йиғилиши бўлиб ўтди

😎 Қўшма йиғилишда O'zLiDeP Ургут туман Кенгаши фаолияти, 2024 йил якунлари ҳамда навбатдаги устувор вазифаларнинг ижроси юзасидан сўз юритилди.

🔼 Унда Олий Мажлис Қонунчилик палатаси депутати М.Холмухаммедов, партия вилоят Кенгаши бўлим мудири Ж.Хужамкулов, O'zLiDeP Ургут туман Кенгаши депутатлари, корхона ва ташкилот раҳбарлари ва партия фаоллари иштирок этди.

⏩ Йиғилишда партиянинг туман Кенгаши аппарат раҳбари О.Исмоилов сўзга чиқиб, партия томонидан амалга оширилган ишлар юзасидан ҳисобот берди.

🟢 Мазкур йиғилишда туман газ филиали бошлиғи Э.Рустамов, туман электр тармоқлари корхонаси раҳбари О. Холиқовнинг ахбороти тингланди.

🗣️ Кун тартибига қўйилган қарорлардан келиб чиқиб, Олий Мажлис депутати М.Холмуҳаммедов ўз фикр-мулоҳазаларини билдирди ва муаммоли масалаларни назоратига олди.

#uzlidep #samarqand

🖥 Расмий саҳифаларимизга уланинг

😎 O'zLiDeP Тойлоқ туман Кенгаши ва партия депутатлик гуруҳининг қўшма йиғилиши бўлиб ўтди.

⚡️ Йиғилишда Кенгаш ва депутатлик гуруҳининг 2025 йилги иш режалари муҳокама қилинди ва тасдиқланди. Шунингдек, йиғилишда туман тиббиёт бирлашмаси раҳбарининг ҳисоботи тингланди.

⚡️ Ташкилот раҳбари депутатларнинг саволларига жавоб берди. Депутатлар келгусидаги ишлар учун кўрсатмалар берди.
Йиғилишда туман ҳокими, туман Кенгаши депутати Б. Бобоназаров иштирок этди.

#uzlidep #samarqand

🖥 Расмий саҳифаларимизга уланинг

Вилоят солиқ бошқармаси бошлиғи депутатларга ҳисоб бергиси келмади

😎 O’zLiDeP депутатлик гуруҳи йиғилишида Самарқанд вилоят транспорт ва соғлиқни сақлаш соҳаларидаги долзарб масалалар муҳокама қилинди.

🔼 Вилоят транспорт бошқармаси раҳбари Равшан Тожиевнинг маълум қилишича, ҳудудда 2772 та жамоат транспорти йўналишларда ҳаракатланмоқда. Бундан ташқари, 18 мингдан ортиқ фуқаро шахсий автомобиллари орқали йўналишсиз такси хизмати кўрсатмоқда. 2024 йилда 250 дан ортиқ янги автобус ва микроавтобус йўлга қўйилган бўлиб, йил охиригача яна 50 та электр автобус олиб келиниши режалаштирилган.

✅ Соғлиқни сақлаш бошқармаси раҳбари Суҳроб Зайниев вилоят аҳолисига 342 та тиббий муассаса хизмат кўрсатаётганини маълум қилди. Бундан ташқари, сурункали касалликларга чалинган беморларга 27 турдаги дори-дармон воситалари электрон рецепт асосида бепул берилмоқда. Шунингдек, 2310 нафар бемор юқори технологик даволаниш учун электрон йўлланма олган.

📌 Кун тартибида вилоят давлат солиқ бошқармаси бошлиғи Элёр Толлиевнинг ҳисоботини эшитиш ҳам белгиланган бўлиб, бошқарма бошлиғи мутахассисни юборганлиги сабаб ҳисобот тингланмаган ва кейинги эшитувга қолдирилган.

⏩ Йиғилишда депутатлар ҳар икки соҳа раҳбарига сайловчилар манфаатларидан келиб чиқиб саволлар йўллади ва хизмат кўрсатиш сифатини ошириш бўйича тавсиялар берди. Шунингдек, тегишли қарорлар қабул қилинди.

#uzlidep #samarqand

🖥 Расмий саҳифаларимизга уланинг