➡️ “Маҳлиё дизайн”да маҳорат дарси ташкил этилди

🗣 ЎзЛиДеП Поп туман Кенгаши ташаббуси билан “Маҳлиё дизайн” корхонасида ишсиз ёшлар ҳамда хотин-қизлар учун маҳорат дарси ташкил этилди.

– Президентимизнинг аёлларни қўллаб-қувватлаш, уларга ҳар томонлама кўмак беришга қаратилган ташаббуслари минглаб хотин-қизларнинг қалбида ишонч, шижоат ҳамда миннатдорлик туйғуларини уйғотмоқда, — дейди тадбиркор. – Аёллар ишбилармонлигини ривожлантиришга қаратилаётган бундай эътибор биз каби тадбиркор, фаол аёлларга янада куч-ғайрат бағишламоқда.

✅ Маҳорат дарсида иштирок этган 20 нафарга яқин ишсиз хотин-қизлар Маҳлиё Исмоиловадан тадбиркорликни бошлаш учун керакли тавсияларни олишди.

#uzlidep #mahorat_darslari

🌐 Rasmiy sahifalarimiz

➡️“Darital Shoes” масъулияти чекланган жамиятида
маҳорат дарси ташкил этилди

🗣O’zLiDeP Хоразм вилоят Кенгаши “Аёллар қаноти” бўлими томонидан “Бунёдкор аёллар” лойиҳаси доирасида Урганч шаҳридаги “Darital Shoes” масъулияти чекланган жамиятида ишсиз ёшлар ва хотин-қизлар учун маҳорат дарси ташкил этилди.

– Мазкур корхонада 5 йилдан буён фаолият юритаман, – дейди Гулора Авазметова. – Ишимдан жуда мамнунман. Чунки корхонада шарт-шароитлар етарли, ойлик маошларимиз яхши.

✅Таъкидлаш керак, корхонада кунига 200 жуфт пойабзал ишлаб чиқарилади. Маҳсулотлар воҳамиздан ташқари, Тошкент ва Самарқанддаги бозорларда ҳам сотилади. Жорий йилнинг ўтган даври мобайнида Россия ва Қозоғистонга 150 минг долларлик маҳсулот экспорт қилинди. Айни кунда корхонада аёллар пойабзалини ишлаб чиқариш ҳам йўлга қўйилмоқда.

#uzlidep #mahorat_darslari

@uzlidep

➡️“Истиқлол лаззати”да хотин-қизлар учун маҳорат дарси ташкил этилди

🗣Хоразм вилоятидаги “Истиқлол лаззати” корхонасида 30 турдан ортиқ қандолатчилик маҳсулотлари ишлаб чиқарилмоқда. Туркия ва Хитойдан келтирилган замонавий технологиялар воситасида ишлаб чиқарилаётган маҳсулотлар ички бозорларни тўлдириш билан бирга, қўшни мамлакатларга ҳам экспорт қилинмоқда.

✅Бу ҳақида “Бунёдкор аёллар” лойиҳаси доирасида Урганч туманидаги “Истиқлол лаззати” масъулияти чекланган жамиятида ташкил этилган маҳорат дарсида маълумот берилди.

– Тадбиркор деганда янги иш ўринлари яратиб, нафақат оиласига, балки бутун жамиятга наф келтирадиган ишбилармон инсонни тушунаман, – дейди корхона бош мутахассиси Дилбар Худойберганова, – Шу боис биз каби хотин-қизларни иш билан таъминлаётган тадбиркорлардан кўп нарсани ўрганишга ҳаракат қиламан. Келажакда мен ҳам қандолатчилик йўналишида фоаолият юритмоқчиман. Бугунги маҳорат дарсидан кейин ниятим янада жиддийлашди.

✅Дарвоқе, келгусида корхона ўз маҳсулотларини Осиёнинг бошқа мамлакатларига ҳам экспорт қилишни режалаштиряпти.

#uzlidep #mahorat_darslari

Расмий саҳифаларимизга уланинг:
🌐Web-site |📱Telegram|📱You tube|📱 Tik tok|📱Facebook|📱Twitter