OʻzLiDePдан янги лойиҳа: “Инклюзив жамият сари”

😎 OʻzLiDeP Сиёсий Кенгаши Ижроия қўмитаси ҳамда Олий Мажлис Қонунчилик палатасидаги партия фракцияси ҳамкорлигида “Инклюзив жамият сари” лойиҳаси ташкилий қўмитасининг йиғилиши бўлиб ўтди.

✔️ Лойиҳа жамоат жойларида ногиронлиги бўлган шахсларнинг эркин ва хавфсиз ҳаракатланишини таъминлаш учун инфратузилмани ихтисослаштириш ва мослаштириш, барча таълим босқичларида ногиронлиги бўлган шахсларнинг тенг ҳуқуқли таълим олишига шароит яратиш, уларнинг уйдаги таълим шаклидан чиқиб, жамоа муҳитида таълим олишларини таъминлашни мақсад қилган.

⏩ Лойиҳа орқали аҳолини ногиронлиги бўлган шахсларнинг шахсий, ижтимоий ва иқтисодий ривожланиши учун амалий ёрдам кўрсатиш ва ногиронлиги бўлган шахслар учун жорий этилган имтиёзлар ҳамда хуқуқларидан хабардор қилиш режалаштирилган.

🔗 Батафсил

#uzlidep_fraksiya #loyiha

🖥 Расмий саҳифаларимизга уланинг

"Яшил иқтисодиёт: Барқарор ривожланиш сари" мавзусида очиқ мулоқот ўтказилди

😎 O'zLiDeP Қорақалпоғистон Республикаси Кенгаши томонидан Нукус давлат педагогика институтида "Ёш тадбиркорлар" лигаси лойиҳаси доирасида "Яшил иқтисодиёт: Барқарор ривожланиш сари" мавзусида очиқ мулоқотда ана шу масалалар атрофлича муҳокама қилинди.

💬 Мулоқот давомида 2030 йилгача Ўзбекистон Республикасида “яшил” иқтисодиётга ўтиш ва “яшил” ўсишни таъминлаш дастури , “Яшил тараққиёт”нинг драйвери бўла оладиган энергетика, илм-фан ва инновациялар, туризм каби соҳалар, муқобил энергия манбалари билан ишлаш, қуёш ёки бошқа турдаги қайта тикланадиган энергия манбаларидан самарали фойдаланиш масалалари атрофлича муҳокама қилинди.

#uzlidep #loyiha

🖥 Расмий саҳифаларимизга уланинг

😎 “Инклюзив жамият сари” лойиҳаси доирасида давра суҳбати ташкил қилинди

🔍O’zLiDeP Хоразм вилоят Кенгашида "Инклюзив жамият сари" лойиҳаси доирасида “Инклюзив таълим: Имкониятлар тенглиги ва келажак пойдевори” мавзусида давра суҳбати ташкил этилди.

🔍Учрашувда иштирок этган Олий Мажлис Қонунчилик палатаси депутатлари Жасур Жумаев, Барно Бердиева таълим соҳасидаги ислоҳотлар, ногиронлиги бор инсонлар учун махсус дастурлар ва қўллаб-қувватлаш чоралари ҳақида маълумот берди. Шунингдек, инклюзив таълимни такомиллаштириш учун тегишли қонунчилик базасини мустаҳкамлаш муҳимлиги таъкидланди.

🔍Тадбир иштирокчилари ўз фикр-мулоҳазаларини билдириб, инклюзив таълимни ривожлантириш борасидаги таклифларини ўртага ташладилар. Шу билан бирга, тажриба алмашиш ва ҳамкорликни кучайтириш мақсадида бир қатор ташаббуслар муҳокама қилинди.

#uzlidep #loyiha

🖥 Расмий саҳифаларимизга уланинг