🗣️ Таклиф этилаётган “Ўзбекистон–2030” стратегиясини “Атроф-муҳитни асраш ва “яшил иқтисодиёт” йилида амалга оширишга оид давлат дастурида иқтисодиётимизни “яшил трансформацияси” бўйича комплекс чора-тадбирларни ўз ичига олган.

🗣️ Айни пайтда кенг жамоатчилик томонидан “Ўзбекистон – 2030” стратегиясини “Атроф-муҳитни асраш ва “яшил” иқтисодиёт йили”да амалга ошириш бўйича давлат дастури лойиҳасимуҳокама қилинмоқда. Ушбу ҳужжатнинг тарихий аҳамияти шундан иборатки, унда мамлакатимизни ҳар томонлама ривожлантиришга қаратилган жуда катта вазифалар қамраб олинган.

🗣️ “Ўзбекистон–2030” стратегиясида ҳамда Олий Мажлис палаталарининг 2024 йилнинг 18-20 нябрь куни бўлиб ўтган мажлисларида давлатимиз раҳбари томонидан озиқ-овқат хавфсизлигини таъминлаш, дастурхонимиз тўкинлиги ва нарх-навонинг барқарорлигини таъминлашдаги муҳим бўғин вакиллари – деҳқон ва фермер хўжаликлари, томорқа ер эгаларини қўллаб-қувватлаш белгилаб берилган вазифалар “Атроф-муҳитни асраш ва “яшил иқтисодиёт” йилида амалга оширишга оид давлат дастури лойиҳасида ўз ифодасини топмоқда.

🗣️ Маълумотларга кўра, ўтган йилда республикамиз миқёсида 9 минг 452 та маҳаллада ўтказилган хатлов орқали 8,3 миллион ёшнинг “ёшлар баланси” шакллантирилиб, қатор тизимли ишлар амалга оширилди. Хусусан, 377 минг ёшнинг “Ёшлар бандлиги дастури” ижросини таъминлаш мақсадида 152 минг 232 нафар ёшга 55,6 минг гектар ер майдонлари ажратилиб, 2 та мавсумда 165,4 минг тонна маҳсулот етиштирилди.

🗣️ 2025 йилги Давлат дастури лойиҳасида белгилаб берилган инсон салоҳиятини рўёбга чиқаришга яқиндан кўмаклашиш, тадбиркорликни ривожлантириш борасида амалий ишларни кўпайтириш, халқимиз бойлиги бўлган табиий ресурслардан тежаб фойдаланиш, “яшил иқтисодиёт” тамойилларини амалиётга татбиқ этиш, сувдан тежамкорлик билан фойдаланиш борасидаги вазифалар биздан янада кўпроқ изланиш, янги-янги лойиҳаларни амалиётга татбиқ этишда ташаббускор бўлишимизни тақозо этаётир.

🗣️ Президентимиз Шавкат Мирзиёев жорий йилнинг 14 январь куни Бирлашган Араб Амирликлари Президенти Шайх Муҳаммад Ол Наҳаённинг таклифига биноан “Абу-Даби барқарор ривожланиш ҳафталиги” саммитида иштирок этиб, ўз нутқида сўнгги йилларда Янги Ўзбекистонда экологик барқарорликни таъминлаш, иқтисодий ўсишнинг ресурслар тежамкорлигига асосланган “яшил ривожланиш” моделига ўтиш йўлида амалга оширилаётган муҳим ислоҳотлар ва эришган натижалар, мамлакатимизнинг халқаро майдондаги ташаббуслари ҳақида тўхталиб ўтди. Шу билан бирга, халқаро ҳамжамиятни, хорижий “ақл марказлари” ҳамда инвесторларни мамлакатимизда турли жабҳаларда амалга оширилаётган кенг кўламли “яшил трансформация” жараёнларида фаол ҳамкорликка чорлади.