Сифатли тиббиёт орқали халқ фаровонлигини ошириш - устувор мақсадимиз!

📍 РШТЁМ Наманган филилади очиқ мулоқот шаклидаги тадбир ташкил этилди. Унда марказда фаолият юритаётган тиббиёт ходимлари ҳамда партия вакиллари иштирок этишди.

😎 Тадбирда “Ўзбекистон – 2030” стратегиясида аҳоли саломатлигини таъминлаш, тиббиёт сифатини ошириш бўйича кўплаб вазифалар белгилангани, бу борадаги ислоҳотларни тобора жадаллаштирилиб, ҳаётга самарали татбиқ этиш чоралари кўрилаётгани ҳақида сўз юритилди.

✅ Сифатли тиббиётни халққа янада яқинлаштириш орқали унинг фаровонлигини ошириш – давлатнинг устувор мақсадига айланаётгани эътироф этилди.

Хусусан, ундаги ўртача умр кўриш давомийлигини 78 ёшга етказиш, тиббиётга йўналтириладиган маблағлар ҳажмини 2 баробарга ошириш, онкология, юрак-қон томир, диабет ва нафас йўллари касалликлари бўйича эрта ўлимни 2,5 баробар камайтириш, сил касаллиги билан касалланиш даражасини 100 минг аҳолига нисбатан ҳозирги 34 нафардан кескин камайтириш назарда тутилгани замирида ҳам энг аввало инсон ва унинг бахтли, фаровон ҳаёт кечириши ётганига эътибор қаратилди.

🗣️ Мулоқот сўнггида унга жам бўлганлар мавзу доирасидаги ўзларини қизиқтирган барча саволларга батафсил жавоблар олишди. Шундан сўнг филиал директори Умиджон Раҳматуллаевга партия аъзолик гувоҳномаси топшрилди.

#uzlidep #namangan

🖥 Расмий саҳифаларимизга уланинг

“Конституция – халқчил давлат, барқарор тараққиёт ва фаровон ҳаёт асоси!”

😎 Ўзбекистон Республикаси Конституцияси қабул қилинганлигининг 32 йиллиги муносабати билан РИКИАТМ Наманган филиалида партия вилоят Кенгаши раиси иштирокида давра сухбати ташкил этилди.

🗣️ Учурашувда ЎзЛиДеП Наманган вилояти Кенгаши вакиллари, марказ ишчи ходимлари, шифокорлар, ёзувчилар ҳамда партия фаоллари иштирок этишди.

✔️ Мулоқотда Янги таҳрирдаги Конституция юртимизнинг бугунги ҳаёти ва эртанги тақдири, суд-ҳуқуқ ислоҳотлари изчил амалга оширилиши ва инсон ҳуқуқлари мустаҳкам кафолатланиши учун хизмат қилиши таъкидланди.

#uzlidep #namangan

🖥 Расмий саҳифаларимизга уланинг

Ис газига қарши “ҳушёр посбон”

😎 Халқ депутатлари Наманган шаҳар Кенгаши 8-Обиҳаёт округи депутати Ёдгора Маҳкамова, OʻzLiDeP Наманган вилоят ва шаҳар Кенгаши масъулллари билан биргаликда эҳтиёжманд хонадонга “ҳушёр посбон” – ис газини аниқловчи ускуна ўрнатишди.

✔️ Мазкур ташаббус хонадон аҳолисининг хавфсизлигини таъминлаш ва турмуш шароитларини яхшилашга қаратилган бўлиб, бундай амалий кўмак чоралари келгусида ҳам давом эттирилади.

#uzlidep #namangan

🖥 Расмий саҳифаларимизга уланинг

😎 O'zLiDeP Уйчи туман Кенгаши депутатлик гуруҳининг навбатдаги йиғилиш бўлиб ўтди. Йиғилиш кун тартибига қўйилган масала юзасидан “Наманган сувтаъминот” туман филиали бош мухандиси Б.Мухаммадазимовнинг “Сув таъминоти ва канализация тизимларини модернизация қилиш лойиҳасини амалга ошириш чора-тадбирлари тўғрисида”ги Қонунининг ижроси юзасидан қилинган ишлар бўйича депутатлар олдида ҳисобот маърузаси тингланди.

✅ Сўзга чиққан депутатлар худудларда айрим канализация тизимларини носозликлари юзасидан сув таъминоти корхонаси мутасадди раҳбарлари олдига ўз мурожаатларини қўйдилар. Депутатлар туманнинг Ахси, Гулистон ва Бўстон маҳаллаларига тоза ичимлик суви тармоғини тўлиқ етказиб бериш каби масалаларни Ҳалқ депутатлари Уйчи туман Кенгаши сессиясига киритиш бўйича келишиб олдилар.

#uzlidep #namangan

🖥 Расмий саҳифаларимизга уланинг

Уч авлод учрашуви – тажриба, ҳурмат ва келажакка ишонч уйғунлиги!

💠 Наманган вилояти Давлатобод туманидаги “Юксалиш” маҳалла фуқаролар йиғинида жойлашган 92-умумтаълим мактабида "Уч авлод учрашуви" тадбири ўтказилди.

😎 Тадбирда Олий Мажлис Қонунчилик палатаси депутати Ҳилола Юсупова иштирок этиб, ёшларга ҳаётда муваффақиятга эришиш, Ватанга садоқат ва жамият равнақи йўлида ҳаракат қилиш муҳимлигини алоҳида таъкидлади.

🔼 Шунингдек, нуронийлардан ибрат олиш ва уларнинг тажрибаларидан фойдаланиш зарурияти ҳақида сўз юритди.
Учрашувда шунингдек, Давлатобод тумани ҳокимининг ўринбосари Дилрабо Набиева, вилоят Кенгаши депутати, "Юксалиш" халқаро ҳаракати раҳбари Наргиза Муҳаммадиева, нуронийлар ва жамоатчилик вакиллари ёшлар билан самимий мулоқот ўтказдилар. Улар ўз ҳаёт йўллари, эришган ютуқлари ва ўзгаришлар давридаги тажрибалари билан ўртоқлашдилар.

Ҳилола Юсупова таъкидлаганидек, уч авлод мулоқоти – бу ўтмиш ва келажакни боғловчи муҳим кўприк! Шунинг учун ҳам бундай тадбирлар ёшларнинг келажакка ишончи ва уларнинг эзгу мақсад сари интилишига катта туртки беради.

#uzlidep #namangan

🖥 Расмий саҳифаларимизга уланинг

Тадбиркорлар муаммолари муҳокама марказида

📍 Уйчи туманида якка тадбиркорлик фаолиятини қўллаб-қувватлаш, мавжуд муаммоларни бартараф этиш ва таклифларни ўрганиш мақсадида O’zLiDeP Уйчи туман Кенгаши депутатлик гуруҳининг навбатдаги йиғилиши бўлиб ўтди.

🗣️ Йиғилишда туман савдо-саноат палатаси бош мутахассиси Қ. Жалолиддинов Қумтепа ва Ёркатай кичик саноат зоналарида 2024 йил давомида амалга оширилган ишлар юзасидан ҳисобот берди. Шу билан бирга, тадбиркорлардан келиб тушаётган мурожаатлар, ҳал этилмаган айрим муаммолар ҳам муҳокама қилинди.

📌 Ҳозирда тадбиркорлар асосан қўшимча ер майдони ажратилиши ҳамда кредит олиш масалаларида муаммоларга дуч келмоқда. Йиғилишда иштирок этган депутатлар И. Қаххарова ва Б. Муминовлар мазкур масалаларни вилоят ва республика савдо-саноат палатасига киритиш, шунингдек, келгуси чора-тадбирларни белгилаш юзасидан тегишли қарорлар қабул қилдилар.

✔️ Бу каби йиғилишлар тадбиркорларнинг қонуний манфаатларини ҳимоя қилиш ҳамда уларнинг фаолиятини янада ривожлантиришга хизмат қилади.

#uzlidep #namangan

🖥 Расмий саҳифаларимизга уланинг