#Live

😎 Олий Мажлис Қонунчилик палатасидаги ЎзЛиДеП фракциясининг навбатдаги йиғилиши бўлиб ўтмоқда. Йиғилишда Ўзбекистон Республикасининг “Тадбиркорлик субъектлари айнан бир ҳуқуқбузарлик учун бир неча маротаба жавобгарликка тортилишининг олдини олиш ва солиқ маъмуриятчилигини янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги Қонуни лойиҳаси кўриб чиқилмоқда.

#uzlidep #fraksiya

🖥 Расмий саҳифаларимизга уланинг

#Live

🗣️ Қонун лойиҳаси солиққа оид ҳуқуқбузарликлар учун жавобгарлик чораларини адолатлилик тамойили асосида белгиланиши натижасида тадбиркорлик субъектлари ҳуқуқларининг самарали ҳимоя қилинишини таъминлашга ҳамда уларнинг зиммасига ортиқча харажатларни олдини олишга имконият яратади.

🗣 Бундан ташқари, солиққа оид ҳуқуқбузарликлар учун жавобгарлик чораларини адолатлилик тамойили асосида белгиланиши натижасида тадбиркорлик субъектлари ҳуқуқларининг самарали ҳимоя қилинишини таъминлашга бу ўз навбатида тадбиркорлик субъектлари олдидаги мажбуриятларни камайишига ва айланма маблағларининг ўз ихтиёрида қолишига хизмат қилади.

✔️ Фракция йиғилишда қонун лойиҳаси бўйича фикр-мулоҳазалар тингланиб, тегишли қарор қабул қилинди.

#uzlidep #fraksiya

🖥 Расмий саҳифаларимизга уланинг

⏺#LIVE

😎 Бугун Олий Мажлис Қонунчилик палатасидаги ЎзЛиДеП фракциясининг навбатдаги йиғилиши бўлиб ўтмоқда. Фракция йиғилишида мамлакатимиз ҳаётига даҳлдор бўлган қатор муҳим қонун лойиҳалари кўриб чиқилиши кўзда тутилган.

#uzlidep #fraksiya

🖥 Расмий саҳифаларимизга уланинг

⏺#LIVE

🌳 Сайилгоҳлар, хиёбонлар, истироҳат боғлари ва дарахтзорларни ҳамда улар жойлашган ерларни хусусийлаштириш ҳамда уларнинг ҳудудида бинолар ва иншоотлар қуриш тақиқланади

😎 Олий Мажлис Қонунчилик палатасидаги ЎзЛиДеП фракциясининг йиғилиши бўлиб ўтмоқда. Дастлаб депутатлар «Аҳолининг маданий ҳордиқ ва дам олиш масканлари муҳофазаси кучайтирилиши муносабати билан Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида»ги қонун лойиҳасини иккинчи ўқишда кўриб чиқишди.

🌳 Ушбу қонун лойиҳаси билан сайилгоҳлар, хиёбонлар, истироҳат боғлари ва дарахтзорларни ҳамда улар жойлашган ерларни хусусийлаштиришни ҳамда уларнинг ҳудудида бинолар ва иншоотлар қурилишини тақиқлаш назарда тутилмоқда.

✈️Мазкур қонун лойиҳасининг қабул қилиниши экология ва атроф-муҳитни муҳофаза қилишга, ҳаво ифлосланишининг олдини олишга ва дов-дарахтларни сақлаб қолишга, шунингдек аҳолининг маданий ҳордиқ чиқариш масканлари муҳофазасини кучайтиришга кўмаклашади.

#uzlidep #fraksiya

🖥 Расмий саҳифаларимизга уланинг

⏺#LIVE

🔍 Суд ҳокимиятининг нуфузи ва таъсирчанлиги янада кучайтирилади

😎 Фракция йиғилишида суд ҳужжатлари ва бошқа органлар ҳужжатларини ижро этиш тизимини такомиллаштиришга қаратилган қонун лойиҳаси биринчи ўқишда кўриб чиқишмоқди.

✈️Ушбу қонун лойиҳаси билан ижро иши юритувлари бўйича ягона электрон базаси юритилиши, шунингдек, қарздорнинг ундирув қаратилиши мумкин бўлган мол-мулки ёки даромадлари бўлмаса ва унинг мол-мулки ёки даромадларини қидириш юзасидан давлат ижрочиси томонидан қонунда йўл қўйиладиган доирада кўрилган барча чоралар натижасиз бўлса, ижро иши юритиш давомида қарздор учун белгиланган чекловлар қарздорлик тўлиқ қопланганидан сўнг бекор қилиниши тартиби белгиланмоқда.

🔍Бундан ташқари Солиқ кодексига ҳам қуйидаги ўзгартиришлар киритиляпти. Хусусан, шахснинг зиммасига ижро иши юритуви тартибида юклатилган жарималар солиқлар ёки йиғимлар жумласига кирмаслиги, мажбуриятлар реестрига киритилган солиқ қарзининг ҳисоби алоҳида юритилиши ҳамда ушбу реестрга киритилган санадан бошлаб пеня ҳисобланмаслиги , мажбуриятлар реестрига киритилган санадан бошлаб ўн йил давомида тўланмаган солиқ қарзи умидсиз солиқ қарзи ҳисобланиши билан боғлиқ ўзгартириш ва қўшимчалар киритилмоқда.

🔍Депутатларнинг фикрича, мазкур қонун лойиҳасининг қабул қилиниши суд ҳужжатлари ва бошқа органлар ҳужжатларини тўлиқ ва сўзсиз ижро этишни таъминлашга, жисмоний ва юридик шахсларнинг ҳуқуқларини самарали ҳимоя қилишга хизмат қилади.

#uzlidep #fraksiya

🖥 Расмий саҳифаларимизга уланинг

⏺#LIVE

🔍 Электрон сигареталар муомаласига чек қўйилмоқда

😎 Фракция аъзолари баъзи турдаги тамаки маҳсулотларининг, тамакини ҳамда никотинни истеъмол қилиш мосламаларининг, шу жумладан, электрон сигареталарнинг муомаласини тақиқлаш ҳамда жавобгарлик белгилашга қаратилган қонун лойиҳасини биринчи ўқишда атрофлича кўриб чиқишмоқда.

🔍 Таъкидланганидек, сўнгги йилларда тамаки ва никотин маҳсулотларининг “замонавий” ва “инновацион” турлари, хусусан, никотинни етказиб бериш мосламалари, электрон сигареталар ва улар учун суюқликлар ҳамда қиздириладиган тамаки маҳсулотларининг мамлакатимизга қонунга хилоф равишда олиб кириш ҳолатлари ва айланмаси ортиб бормоқда. Бундан ташқари, ушбу маҳсулотларни аҳоли, айниқса, ёшлар орасида истеъмол қилиш ҳолатлари кўпайди.

🔍Ушбу қонун лойиҳаси билан республика ҳудудида айрим турдаги тамаки маҳсулотларининг, тамакини ҳамда никотинни истеъмол қилиш мосламаларининг, шу жумладан, электрон сигареталарни ишлаб чиқариш, тайёрлаш, ўтказиш мақсадида уларни сақлаш, ташиш ёки ўтказиш тақиқланмоқда. Шунингдек, Ўзбекистон Республикаси ҳудудига олиб кириш ёки Ўзбекистон Республикаси ҳудудидан олиб чиқишга нисбатан таъсирчан чора сифатида маъмурий ва жиноий жавобгарлик белгиланишини назарда тутиляпти.

#uzlidep #fraksiya

🖥 Расмий саҳифаларимизга уланинг

⏺#LIVE

🔍Қишлоқ хўжалиги таваккалчиликлари суғурта қилинади

😎 ЎзЛиДеП фракциясида “Қишлоқ хўжалиги таваккалчиликларини суғурта қилиш тўғрисида”ги қонун лойиҳаси биринчи ўқишда муҳокама қилиняпти.

✈️Қонуннинг мақсади қишлоқ хўжалиги соҳасидаги таваккалчиликларни суғурта қилиш билан боғлиқ бўлган муносабатларни тартибга солишдан иборат.

🔍Ушбу Қонун қишлоқ хўжалиги суғуртасини амалга оширишда қишлоқ хўжалиги суғуртаси жамғармасини ташкил этиш, жамғарманинг даромадлари ва харажатлари, қишлоқ хўжалигида суғурталаниши лозим бўлган таваккалчиликлар, қишлоқ хўжалиги суғуртаси мукофотлари бўйича субсидиялар беришни кўзда тутади.

🔍Шунингдек, қишлоқ хўжалиги суғуртаси шартномаларини тузиш ва қайта суғуртани амалга ошириш, қишлоқ хўжалиги суғуртаси шартномаси бўйича зарарларни аниқлаш ва суғурта товонларини тўлаш ҳамда қишлоқ хўжалиги суғуртасини давлат томонидан мувофиқлаштириш билан боғлиқ муносабатларга татбиқ этилади.

🔍Бюджет субсидияси мувофиқлаштирувчи органнинг бюджет сўровномаси асосида ҳар йили келгуси йил учун мўлжалланган Давлат бюджети тўғрисидаги Қонунда назарда тутилади.

🔍Таъкидлаш керак, ЎзЛиДеП қишлоқ хўжалиги экинлари ва чорва молларини суғурталаш тизимининг ҳуқуқий асосларини такомиллаштиришни сайловолди дастурида устувор вазифа қилиб белгилаган эди. Шу нуқтаи-назардан мазкур қонун лойиҳаси партия таклиф-ташаббуслари ижросида муҳим аҳамият касб этади.

#uzlidep #fraksiya

🖥 Расмий саҳифаларимизга уланинг

⏺#LIVE

😎 Аҳолига тиббий хизматлар кўрсатиш сифати янада яхшиланади

🔍ЎзЛиДеП фракцияси мажлисида аҳолига тиббий ёрдамнинг кафолатланган ҳажмларига киритилмаган қўшимча тиббий ёрдам кўрсатишни ҳуқуқий тартибга солиш, шунингдек тиббиёт ва фармацевтика ходимларини давлат рўйхатидан ўтказиш орқали уларга касбий фаолиятни амалга ошириш ҳуқуқини бериш тизимини жорий этишга қаратилган қонун лойиҳаси биринчи ўқишда кўриб чиқилди.

🔍Мазкур қонун лойиҳаси аҳолининг юқори сифатли тиббий хизматдан фойдаланиш ҳуқуқларини самарали ҳимоя қилишга, жисмоний шахсларнинг тиббий ва фармацевтика фаолиятини давлат рўйхатига олишнинг мукаммал жараёнини татбиқ этишга, тиббиёт ва фармацевтика ходимларининг шахсий масъулиятини кучайтириш, билим ва кўникмаларини доимий ошириб боришга ҳамда республикада фаолият юритаётган тиббиёт ва фармацевтика ходимларининг реал вақт режимида маълумотлар базасини шакллантиришга хизмат қилади.

🔍Шунингдек, бирламчи тиббий-санитария ёрдами муассасаларида Ўзбекистон Республикаси Давлат бюджети маблағлари ҳисобидан қопланадиган тиббий ёрдамнинг кафолатланган ҳажмларига киритилмаган фуқароларга қўшимча тиббий ёрдам ҳамда оилавий шифокор ёки тиббиёт бригадаси йўлланмасисиз тўғридан-тўғри пулли асосда тиббий ёрдам кўрсатиш имконини беради.

🔍Фракция аъзолари қонун лойиҳаси юзасидан қатор таклифлар, фикрлар билдириб ўтишди. Депутатлар томонидан қонун лойиҳаси биринчи ўқишда маъқулланди.

#uzlidep #fraksiya

🖥 Расмий саҳифаларимизга уланинг

#Live

Энди фуқаролар суд биносига келмасдан онлайн иштирок этиши мумкин бўлади

📼 Фракция мажлиси «Аҳолига суд муҳокамаларида масофадан иштирок этиш учун янада қулай шароитлар яратилиши муносабати билан Ўзбекистон Республикасининг айрим қонун ҳужжатларига ўзгартиришлар киритиш тўғрисида»ги қонуни лойиҳаси муҳокамаси билан қизғин давом этмоқда.

⚖️ Қонун лойиҳаси билан суд мажлисларида суд биносига келмасдан масофадан туриб мобиль видеоконференцалоқа режимида иштирок этишнинг процессуал асоси ва тартиби белгиланмоқда.

❗️ Энг муҳими аҳолининг суд мажлисларида қатнашиш учун суд биноларига келишлари билан боғлиқ оворагарчиликларининг олди олинади. Шунингдек, судлар фаолиятини рақамлаштиришни кенгайтириш орқали ишларни юритишда келиб чиқиши мумкин бўлган коррупциявий омилларнинг олди олинади ва бартараф этилади.

#uzlidep #fraksiya

🖥 Расмий саҳифаларимизга уланинг

#Live

Фуқаролар йиғини раисининг ваколат муддати уч йилдан беш йилга узайтирилади

😎 O'zLiDeP фракцияси мажлисида «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги қонун лойиҳаси биринчи ўқишда муҳокама қилинмоқда.

🗳 Қонун лойиҳаси янги сайланган фуқаролар йиғини раиси тўлиқ 5 йил муддатга сайланишини белгилаш, фуқаролар йиғини раиси сайловига тайёргарлик тадбирларини ўтказиш муддатлари ва тартибини такомиллаштириш мақсадида ишлаб чиқилган.

✔️ Қонун лойиҳаси қабул қилинган тақдирда фуқаролар йиғинлари раислари фаолиятини ҳамда фуқаролар йиғинлари раислари сайловини ташкил этиш ва ўтказишга кўмаклашувчи комиссиялар ишини самарали ташкил этилишига хизмат қилади.

#uzlidep #fraksiya

🖥 Расмий саҳифаларимизга уланинг

#Live

ЎзЛиДеП фракцияси йиғилиши бошланди

Бугун Олий Мажлис Қонунчилик палатасидаги ЎзЛиДеП фракциясининг навбатдаги йиғилиши бўлиб ўтмоқда. Йиғилишда дастлаб Президентимиз Шавкат Мирзиёевнинг Бирлашган Араб Амирликлари Президенти Шайх Муҳаммад Ол Наҳаённинг таклифига биноан 13-16 январь кунлари БААга расмий ташрифида эришилган натижаларининг аҳамияти хусусида тўхталиб ўтилди.

Таъкидланганидек, айни пайтда Ўзбекистонда нафақат экология соҳасида кенг кўламли ишлар амалга оширилмоқда, балки глобал иқлим ўзгаришининг салбий оқибатларига қарши курашиш бўйича ҳам мунтазам ташаббуслар илгари сурилмоқда.

Масалан, Иқлим туфайли йўқотиш ва зарарларни баҳолаш бўйича халқаро марказни таъсис этиш, дарё экотизимлари хавфсизлигини таъминлаш, сув тежовчи технологиялар минтақавий хабини ташкил қилиш, ўсимликлар генетик ресурслари банкини яратиш ва бошқа ташаббуслар шулар жумласидан.

Президентимизнинг Бирлашган Араб Амирликларига ташрифи мазкур йўналишда олиб борилаётган ислоҳотларни янада жадаллаштириши қайд этилди.

#uzlidep #fraksiya

🖥 Расмий саҳифаларимизга уланинг

#Live

ЎзЛиДеП фракцияси йиғилишида Президентимиз раислигида инвестицияларни кенг жалб этиш ва экспортни ошириш борасидаги ишлар натижадорлиги ҳамда келгусидаги асосий вазифалар юзасидан бўлиб ўтган видеоселектор йиғилишида белгилаб берилган устувор вазифалар хусусида сўз юритилди.

Давлатимиз раҳбари очиқлик ва кучли инвестиция сиёсати натижасида иқтисодиётимиз барқарор ўсиб келаётганини таъкидлаб ўтди. Хусусан, 2024 йилда ялпи ички маҳсулот 6,5 фоизга ошиб, 115 миллиард долларга етди, хорижий инвестиция 1,6 баробар ўсиб, 34,9 миллиард долларни ташкил қилди, қиймати 10 миллиард долларлик 242 та йирик ва ўрта лойиҳалар ишга тушди, экспорт илк бор 27 миллиард долларга чиқди.

Йиғилишда давлатимиз раҳбари экспорт корхоналарни ҳар томонлама қўллаб-қувватлатўхталиб ўтар экан, ҳар бир доллар инвестициянинг самарадорлигини ошириш ҳудуд ва тармоқлар раҳбарларининг асосий вазифаси бўлиши кераклигини таъкидлади.

Сўнгги етти йилда киритилган 120 миллиард доллар инвестиция ҳисобига 6 мингдан ортиқ корхона ишга тушди. Таҳлиллар кўрсатишича, жалб қилинган ҳар 1 минг доллар инвестиция йилига ўртача 530 доллар қўшилган қиймат яратмоқда. Тоғ-кон саноатида бу кўрсаткич 700 долларга етгани сабабли соҳага Германия, Туркия, Хитой ва бошқа давлатлардан инвесторлар кириб келишни бошлади.

Шунингдек, инвестиция лойиҳаларида маҳаллий компонентларни кўпайтиришга алоҳида эътибор қаратиш лозимлиги таъкидланди. Бунинг ҳисобига жуда кўп янги иш ўринлари яратилиши, валюта тежалиши ва ёндош соҳалар ривожланиши кўрсатиб ўтилди.

Партиямизнинг келгуси беш йилликка мўлжалланган сайловолди дастурида хорижий инвестицияларни кенг жалб қилиш, уларга имтиёзлар ва қулайликлар яратиб бериш, бу борада қонунчиликни янада такомиллаштириш борасида вазифалар белгилаб олинган. Шу боисдан, давлатимиз раҳбарининг мазкур ташаббусларини тўлиқ қўллаб-қувватлаган ҳолда унинг ижросида депутатларимиз, партиямиз вакиллари ўз фаоллигини кўрсатишади.

#uzlidep #fraksiya

🖥 Расмий саҳифаларимизга уланинг

#Live

Кредиторлар талабларини қондириш тизими такомиллаштирилади

Депутатлар “Кредиторларнинг гаров билан таъминланган талабларини қаноатлантириш тизими янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонуни лойиҳасини қизғин муҳокама қилишяпти.

Лойиҳада тегишли қонунларга кредиторларнинг гаровдаги мулкка нисбатан ҳуқуқлари устуворлигини таъминлаш, кредиторлар талабларини суддан ташқари тартибда қондириш тизимини ривожлантириш, мажбуриятларни гаровдаги мол-мулк ҳисобидан ундириш жараёнларини соддалаштириш ва кредиторлар талабларини қондириш тизимини такомиллаштиришни назарда тутувчи ўзгартиришлар киритиш кўзда тутилмоқда.

Шунингдек, қонун лойиҳасида гаров нарсаси ҳисобланган мол-мулк гаровга қўювчидан жиноят ёки бошқа ҳуқуқбузарлик содир этганлик учун олиб қўйилганда, гаровга олувчида ўз талабларини ушбу мол-мулк ҳисобидан устувор тарзда қаноатлантириш ҳуқуқини сақлаб қолиш, ундирув қаратилган гаров мулкининг очиқ кимошди савдосида сотилишини гаровга қўювчининг илтимосига асосан кечиктиришга йўл қўйилмаслик назарда тутилмоқда.

Бундан ташқари, қарздорнинг ихтиёрий тугатиш жараёнининг бошланиши давлат ижрочиси томонидан ижро иши юритилишининг тўхтатилиши ҳамда мол-мулкни тасарруф қилишга доир чекловларни олиб ташланишига асос бўлмасликни назарда тутувчи ўзгартириш ва қўшимчаларни киритиш таклиф этилган. Шунингдек, гаровга олишда бошқа шахс розилиги ёки органнинг рухсати олинган бўлса, гаровга олувчининг мазкур мол-мулк гарови билан таъминланган талаблари фақат суд тартибида қаноатлантиришни назарда тутувчи талабни бекор қилиш кўзда тутилмоқда.

#uzlidep #fraksiya

🖥 Расмий саҳифаларимизга уланинг

#Live

Истеъмолчилар ҳуқуқларини ҳимоя қилишга қаратилган қонун лойиҳаси муҳокама қилиняпти

Йиғилишда депутатлар “Истеъмолчиларнинг ҳуқуқларини ҳимоя қилиш тўғрисида”ги Ўзбекистон Республикаси Қонунига қўшимча киритиш ҳақида”ги қонун лойиҳасини биринчи ўқишда кўриб чиқишмоқда.

Таъкидланганидек, амалдаги қонунларда сотувчилар томонидан жисмоний шахс бўлган истеъмолчиларга товарларни келишилган муддатларда етказиб бермаганлик учун жавобгарлик мавжуд эмас. Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитасига жорий йил ўтган даври мобайнида олди-сотди шартномасига мувофиқ сотувчи шартлашилган муддатда маҳсулот етказиб бериш (автомобиль, буюртма берилган озиқ-овқат, маиший техника ва мебель маҳсулотларини) мажбуриятларини бажармаганлик ёки лозим даражада бажармаганлиги ҳақида 1 470 дан ортиқ мурожаат келиб тушган. Қўмита ўз ваколатлари доирасида мазкур мурожаатларни кўриб чиқиб, маҳсулотни истеъмолчига етказиб бериш бўйича тегишли кўрсатмалар берилган. Шартномаларда сотувчи томонидан маҳсулотни етказиб бериш муддатларини бузганлик учун пеня белгиланмаганлиги, маҳсулотни ишлаб чиқариш ва сотиш бўйича мажбуриятларни бажармаганлик учун амалдаги қонунчиликда бўшлиқлар мавжудлиги сабабли, айрим ҳолларда истеъмолчилар ҳуқуқларини тўлақонли ҳимоя қилиш имконияти чекланган.

Шу билан бирга, истеъмолчиларнинг ҳуқуқларини ҳимоя қилишнинг самарали механизмлари такомиллаштириш мақсадида, товарни етказиб бериш тўғрисидаги шартнома шартлари бузилган тақдирда истеъмолчиларнинг ҳуқуқларини таъминлаш бўйича ўзгартиришлар киритиш зарурати мавжуд.

Мазкур қонун аҳолининг қонуний манфаатлари ва ҳуқуқларини ҳимоя қилиш ва олди-сотди шартномасига мувофиқ сотувчи шартлашилган муддатда ёки муддатларда товарларни истеъмолчига топширмаслиги каби ҳолатларни олдини олишга хизмат қилади.

#uzlidep #fraksiya

🖥 Расмий саҳифаларимизга уланинг

#Live

OʻzLiDeP фракцияси йиғилиши бошланди

Олий Мажлис Қонунчилик палатасидаги OʻzLiDeP фракциясининг навбатдаги йиғилиши бўлиб ўтмоқда. Унда мамлакатимиз ҳаётига дахлдор бўлган муҳим қонун лойиҳалари кўриб чиқилиши режалаштирилган. Хусусан,

➖ «Ўзбекистон Республикасининг Сув кодексини тасдиқлаш тўғрисида»ги;

➖ «Қурилишда чанг ва қум заррачаларининг ҳавога кўтарилишини бартараф этиш чоралари белгиланиши муносабати билан Ўзбекистон Республикасининг Маъмурий жавобгарлик тўғрисидаги кодексига қўшимчалар киритиш ҳақида»ги;

➖ «Ўзбекистон Республикасининг айрим қонун ҳужжатларига баъзи турдаги тамаки маҳсулотларининг, тамакини ҳамда никотинни истеъмол қилиш мосламаларининг, шу жумладан электрон сигареталарнинг муомаласини тақиқлашга ҳамда жавобгарлик белгилашга қаратилган ўзгартиришлар ва қўшимча киритиш тўғрисида»ги;

➖ «Аҳолига суд муҳокамаларида масофадан иштирок этиш учун янада қулай шароитлар яратилиши муносабати билан Ўзбекистон Республикасининг айрим қонун ҳужжатларига ўзгартиришлар киритиш тўғрисида»ги қонун лойиҳалари иккинчи ўқишда;

➖«Ўзбекистон Республикасининг айрим қонун ҳужжатларига транспорт хизмати кўрсатишни ташкил этиш тизимини такомиллаштиришга йўналтирилган ўзгартириш ва қўшимчалар киритиш тўғрисида»ги;

➖«Аҳоли ўртасида йод етишмаслиги касалликларининг олдини олиш тизими такомиллаштирилиши муносабати билан Ўзбекистон Республикасининг «Йод етишмаслиги касалликлари профилактикаси тўғрисида»ги Қонунига ўзгартиришлар киритиш ҳақида»ги;

➖ «Ер ости сув ресурсларини муҳофаза қилиш соҳаси такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги;

➖«Умумий ҳарбий мажбурият ва ҳарбий хизмат тўғрисида»ги Ўзбекистон Республикаси Қонунига қўшимча ва ўзгартиришлар киритиш ҳақида»ги қонун лойиҳалари биринчи ўқишда муҳокама қилиниши кўзда тутилган.

#uzlidep #fraksiya

🖥 Расмий саҳифаларимизга уланинг

#Live

Сувга доир муносабатларни тартибга солиш соҳасида вазирлик ва идораларнинг ваколатларига аниқлик киритиляпти

😎 Бугун O'zLiDeP фракцияси йиғилиши бўлиб ўтмоқда. Йиғилишда сув ва сув объектлари ҳамда сув фонди ерларидан фойдаланиш ва уларни муҳофаза қилиш соҳасидаги муносабатларни тартибга солишга мўлжалланган “Ўзбекистон Республикасининг Сув кодексини тасдиқлаш тўғрисида”ги қонун лойиҳаси иккинчи ўқишда кўриб чиқилди.

🗣️ Қонун лойиҳаси билан иқлим ўзгаришини ҳисобга олган ҳолда сувларни оқилона бошқариш ва улардан фойдаланиш, сувларни булғаланиш, ифлосланиш ва камайиб кетишдан муҳофаза қилиш, сувларнинг зарарли таъсирини олдини олиш ва уни бартараф этиш ҳамда сув объектларининг ҳолатини яхшилашга хизмат қилади.

✔️ Шунингдек, лойиҳада сувга доир муносабатлар соҳасида иқтисодий механизмларни, шу жумладан, давлат-хусусий шерикликни ривожлантириш, юридик ва жисмоний шахсларнинг сувга доир муносабатлар соҳасидаги ҳуқуқлари ҳамда қонуний манфаатларини ҳимоя қилиш, сув масалалари бўйича давлатлараро ҳамкорликни ривожлантириш каби вазифалар ижроси ҳам ўрин олган.

#uzlidep #fraksiya

🖥 Расмий саҳифаларимизга уланинг

#Live

Транспорт хизмати кўрсатиш тизимини такомиллаштиришга оид қонун лойиҳаси муҳокама қилиняпти

📍 Йиғилишда “Ўзбекистон Республикасининг айрим қонун ҳужжатларига транспорт хизмати кўрсатишни ташкил этиш тизимини такомиллаштиришга йўналтирилган ўзгартириш ва қўшимчалар киритиш тўғрисида”ги Қонуни лойиҳаси ҳам биринчи ўқишда кўриб чиқилмоқда.

⚡️ Мазкур қонун лойиҳаси билан транспорт хизмати кўрсатишни ташкил этиш тизимини янада такомиллаштириш, автомобиль, темир йўл, дарё транспортларида йўловчи ва юкларни ташишга қўйиладиган талабларга риоя қилишда масъулиятни ошириш белгиланмоқда.

⏩ Шунингдек, мазкур қонун лойиҳаси талаблар бузилишининг олдини олиш ва қонунбузарларга нисбатан таъсир чораларини белгилаш, ташувчилар фаолияти учун рақобат муҳити ҳамда қулай шарт-шароитларни яратишга хизмат қилади.

#uzlidep #fraksiya

🖥 Расмий саҳифаларимизга уланинг