“Қуёшли юрт” маҳалла фуқаролари томорқадан унумли фойдаланмоқда

Юртимизда оилавий тадбиркорликни ривожлантириш, айниқса аҳолининг томорқадан унумли фойдаланишини қўллаб-қувватлашга қаратилаётган эътибор юксак самара бермоқда.

Денов туманида ҳам ана шундай эътибор самарасида томорқадан унумли фойдаланиб, оиласи фаровонлиги, бозорларимиз тўкинлигига муносиб ҳисса қўшаётган юртдошларимиз бисёр.

Хусусан, “Қуёшли юрт” маҳалласида яшовчи Ойбек Сатторов ана шундай инсонлардан биридир. ЎзЛиДеП раҳбари Актам Хаитов мазкур хонадонда бўлди. Хонадон эгаси гулчилик билан шуғулланиб, рўзғорига қўшимча даромад олиб келмоқда. Суҳбат жараёнида унинг муаммолари ҳам ўрганилди.

Шунингдек, маҳалланинг бошқа хонадонларига ташриф буюрганда, аксариятида иссиқхона мавжудлиги ва аҳоли ўз томорқасида унумли фойдаланаётгани маълум бўлди. Партия етакчиси аҳоли билан суҳбат жараёнида уларга алоҳида тавсиялар ҳам бериб ўтди.

#uzlidep #tomorqa

🖥 Расмий саҳифаларимизга уланинг

Партия раҳбари ва депутатлар деновлик ёшлар билан мулоқот қилди

Олий Мажлис Қонунчилик палатасидаги ЎзЛиДеП фракцияси раҳбари Актам Хаитов, Қонунчилик палатаси депутатлари ҳамда партиянинг вилоят ҳамда туман Кенгаши депутатлик гуруҳи вакиллари Денов тадбиркорлик ва педагогика институтида ёшлар билан учрашув ўтказди.

Унда бугунги кунда мамлакатимизда ёшларга берилаётган қатор имкониятлар ҳақида сўз борди. Бу имкониятлардан унумли фойдаланиб, кўплаб ютуқларни қўлга киритаётган, яхши натижаларга эришаётган ёшлар ҳақида мисоллар келтирилди.

Шунингдек, деновлик ёшларни ўйлантираётган масалалар, муаммолари тингланди. Айниқса, тадбиркорлик қилиш истагида бўлган ёшларнинг ташаббуслари, таклифлари қўллаб-қувватланиши билдирилди.

Шундан сўнг, депутатлар институтда ташкил этилган "Далварзинтепа ёдгорлиги музейи"ни ҳам томоша қилишди.

#uzlidep #deputat_yoshlar

🖥 Расмий саҳифаларимизга уланинг