💼 O'zLiDeP saylovoldi dasturi amalda

#uzlidep #saylovoldi_dastur

Расмий саҳифаларимизга уланинг:
🌐Web-site |📱Telegram|📱You tube|📱 Tik tok|📱Facebook|📱Twitter

🔴 #LIVE
Ерларни талон-торож қилиш ҳолатларига нуқта қўйилади

Бугун Олий Мажлис Қонунчилик палатасидаги ЎзЛиДеП фракциясининг навбатдаги йиғилиши бўлиб ўтмоқда. Унда бир қатор муҳим қонун лойиҳалари хусусан, ер участкаларидан самарали фойдаланиш, соҳадаги ҳуқуқбузарликларнинг олдини олиш механизмларини такомиллаштиришга қаратилган қонун лойиҳаси иккинчи ўқишда кўриб чиқилди.

Ушбу қонун лойиҳаси билан ердан фойдаланишга оид қонунчилик ҳужжатлари талабларини бузганлик билан боғлиқ қилмишлар учун жавобгарлик чораларини кучайтириш мақсадида Ўзбекистон Республикасининг Жиноят кодексига ҳамда Ўзбекистон Республикасининг Маъмурий жавобгарлик тўғрисидаги кодексига тегишли ўзгартириш ва қўшимчалар киритилмоқда.

Шунингдек, айрим қонун ҳужжатларига ўзбошимчалик билан эгалланган ер участкаларини қайтариш, ўзбошимчалик билан қурилган иморатларни бузиб ташлаш ишларини қисқа муддатларда ташкил этиш, давлат органларини ер тўғрисидаги қонун бузилиши билан боғлиқ аризалар бўйича давлат божидан озод этиш ва бошқа бир қатор нормаларни белгилашга қаратилган тегишли ўзгартириш ва қўшимчалар киритиш назарда тутилмоқда.

Иқтисодий ва Фуқаролик процессул кодекслари судларда ўзбошимчалик билан эгалланган давлат эгалигидаги ер участкаларини қайтариш ҳамда ноқонуний қурилмаларни бузиб ташлашга оид ишларни кўриб чиқишнинг алоҳида тартибини белгиловчи алоҳида нормалар билан тўлдирилмоқда.

Муҳокамалар давомида фракция аъзолари қонун лойиҳасида иккинчи ўқишда киритилган ўзгаришлар бўйича савол билан юзландилар. Қонун ташаббускорлари қонун лойиҳасига депутатлар томонидан билдирилган фикр-мулоҳазалари бўйича ўзгартиришлар қилинганини маълум қилишди.

Фракция аъзолари муҳокамалардан сўнг қонун лойиҳасини иккинчи ўқишда қўллаб-қувватлашди.

#uzlidep #fraksiya

Расмий саҳифаларимизга уланинг:
🌐Web-site |📱Telegram|📱You tube|📱 Tik tok|📱Facebook|📱Twitter

🔴 #LIVE
Суғурталанган шахслар касал бўлиб қолса, уларга вақтинчалик меҳнатга лаёқатсизлик нафақаси тўлаб берилади

Фракция йиғилишида “Давлат ижтимоий суғуртаси тўғрисида”ги қонун лойиҳаси муҳокама қилинмоқда.

Лойиҳанинг мақсади суғурталанган ва меҳнат фаолиятини юритувчи шахсларни кескин даромад йўқотишига олиб келувчи ижтимоий хатарлардан ҳимоялашдан иборат. Таклиф этилаётган қонун лойиҳасига кўра, 2025 йил 1 июлдан бошлаб барча суғурталанган аёлларга, ҳомиладорлик ва туғиш нафақаси тўлаб берилади.

2026 йил 1 январдан эса барча суғурталанган шахсларга, агар улар касал бўлиб қолса, вақтинчалик меҳнатга лаёқатсизлик нафақаси берилади.

Шунингдек, қонун лойиҳаси тасдиқланса, суғурталанган шахсларга ишсизлик нафақаси ва бошқа турдаги тўловлар жорий этилади.

#uzlidep #fraksiya

Расмий саҳифаларимизга уланинг:
🌐Web-site |📱Telegram|📱You tube|📱 Tik tok|📱Facebook|📱Twitter

🔴 #LIVE
Давлат ва жамоат экологик экспертизасини ўтказишда томонларнинг ҳуқуқ ва мажбуриятлари белгиланмоқда

Фракция мажлисида «Экологик экспертиза ва атроф-муҳитга таъсирни баҳолаш тўғрисида»ги қонун лойиҳаси биринчи ўқишда кўриб чиқилмоқда.

Таъкидланганидек, амалдаги “Экологик экспертиза тўғрисида”ги Қонун нормаларида тадбиркорлик субъектларини давлат рўйхатидан ўтиш жараёнида, фаолият турига мувофиқ, қонунчиликдаги экологик баҳолаш ва меъёрлаш талаблари ҳақида хабардор қилишнинг ҳуқуқий асослари мавжуд эмас.

Шунингдек, 2030 йилгача бўлган даврда Ўзбекистон Республикасининг Атроф муҳитни муҳофаза қилиш концепциясида белгиланган экологик жиҳатларнинг давлат секторал сиёсатига, шу жумладан режалар, дастурлар ва бошқа стратегик ҳужжатларни стратегик экологик баҳолаш механизмини жорий этишнинг ҳуқуқий асослари яратилмаган.

Шундан келиб чиқиб, қонун лойиҳаси билан экологик экспертиза фаолиятида қўлланиладиган янги йўналиш — экологик нормативлар лойиҳаларини давлат экологик экспертизасидан, стратегик режалаштириш лойиҳаларини стратегик экологик баҳолашдан ўтказиш масалалари аниқ белгиланмоқда.

Мазкур қонун лойиҳаси юзасидан депутатлар томонидан фикр-мулоҳазалар, таклифлар билдириб ўтилди. Муҳокамалардан сўнг қонун лойиҳаси биринчи ўқишда маъқулланди.

#uzlidep #fraksiya

Расмий саҳифаларимизга уланинг:
🌐Web-site |📱Telegram|📱You tube|📱 Tik tok|📱Facebook|📱Twitter

🔴 #LIVE
Сув ресурсларидан фойдаланиш самарадорлиги янада оширилади

Фракция мажлисида «Ўзбекистон Республикасининг Сув кодексини тасдиқлаш тўғрисида»ги қонуни лойиҳаси биринчи ўқишда кўриб чиқилди.

Мазкур қонун лойиҳаси билан Ўзбекистон Республикасининг Сув кодекси қабул қилиниб, амалдаги “Сув ва сувдан фойдаланиш тўғрисида”ги Қонуни
ўз кучини йўқотган деб топилмоқда.

Сув кодексида иқтисодиётнинг барча тармоқлари ва атроф муҳитнинг сувга бўлган эҳтиёжини қондириш, сув ресурсларидан оқилона фойдаланиш, сув инфратузилмасининг ва суғориладиган ерларнинг мелиоратив ҳолатини яхшилаш каби масалалар қамраб олинган.

Мазкур қонун лойиҳаси билан сув ресурсларидан фойдаланиш самарадорлигини ошириш, давлат органларининг сувдан фойдаланиш соҳасидаги ваколатларини аниқ белгилаш, сув етказиб берувчилар ва сувдан фойдаланувчиларнинг масъулияти ошириш, мамлакатнинг сув хавфсизлигига эришиш, соҳага инвестицияларни жалб қилиш ва технологик модернизация қилишни рағбатлантириш мақсади кўзда тутилган.

Бундан ташқари халқаро майдонда сув ҳуқуқи нормаларини миллий сув қонунчилигига сингдириш ҳамда Ўзбекистоннинг халқаро майдондаги ижобий имиджини яхшилашга хизмат қилади, шунингдек, сув хўжалигини узоқ муддатли ривожлантиришнинг ҳуқуқий асосларини яратади.

Фракция аъзолари мазкур қонун лойиҳаси юзасидан қатор фикрлар, таклифлар билдириб ўтишди ва муҳокамалардан сўнг бир овоздан маъқулладилар.

#uzlidep #fraksiya

Расмий саҳифаларимизга уланинг:
🌐Web-site |📱Telegram|📱You tube|📱 Tik tok|📱Facebook|📱Twitter

💼 O'zLiDeP saylovoldi dasturi amalda

#uzlidep #saylovoldi_dastur

Расмий саҳифаларимизга уланинг:
🌐Web-site |📱Telegram|📱You tube|📱 Tik tok|📱Facebook|📱Twitter