Деновлик фермерлар учун фойдали семинар ташкил этилди

Бугун дунё аҳолиси кўпайиб, озиқ-овқат маҳсулотларига бўлган эҳтиёж тобора ортиб бораётган бир шароитда аграр соҳани ҳар томонлама қўллаб-қувватлаш барча давлатлар учун бирдек долзарб масалага айланди. Шу маънода юртимизда ҳам хусусан, фермерлар фаолиятини қўллаб-қувватлаш масаласига алоҳида эътибор қаратиб, бу борада ҳуқуқий база яратилди. Фермерларнинг ваколатлари кенгайтирилиб, кўп тармоқли фермер хўжаликлари, кластерлар вужудга келди. Бу эса фермерларга кўплаб имтиёз ва имкониятлари яратиб берди.

ЎзЛиДеП раҳбари Актам Хаитов Денов туманига ташриф буюриб, ҳудуддаги фермер хўжаликлари раислари билан учрашди. Ҳудуддаги “Сурхон Искандар соҳиллари” фермер хўжалиги дала шийпонида ўтказилган семинарда аграр соҳани ривожлантиришда замонавий технологияларни жорий қилиш борасида тавсиялар берилди.

Таъкидландики, Ўзбекистонда сўнгги йилларда қишлоқ хўжалигининг муҳим тармоқларини жадал ривожлантириш, қишлоқ хўжалигида рақамли иқтисодиётни қўллаш кўламини кенгайтириш, мева-сабзавот маҳсулотларини етиштириш, уларни сақлаш ва қайта ишлаш ҳамда истеъмолчиларга экологик хавфсиз маҳсулот етиштириш учун замонавий технологияларни жорий этишга катта эътибор қаратилмоқда.

Семинар давомида фермерларнинг ҳам муаммоларига қулоқ тутилди. Уларнинг қишлоқ хўжалиги маҳсулотларини сотиш борасидаги таклифлари олинди.

#uzlidep #seminar

🖥 Расмий саҳифаларимизга уланинг

“Яшил макон” умуммиллий лойиҳаси доирасида фермер хўжаликлари дала четларига кўчат экилмоқда

Бугун яшил ҳудудларни кўпайтириш атроф-муҳит, табиат софлигини асраш йўлидаги муҳим чоралардан бири саналади. Шунга кўра, мамлакатимизда давлатимиз раҳбари ташаббуси билан бошланган "Яшил макон" умуммиллий лойиҳаси юртдошларимиз томонидан кенг қўллаб-қувватланиб, чинакам халқ ҳаракатига айланди.

Ҳар йили баҳор ва кузда ёппасига дарахт кўчатлари экиш анъанага айланб, ҳар бир хонадон, ҳар бир оила, барча корхоналар табиатни асрашга ҳисса қўшиш ҳаракатида. Ушбу хайрли ишга ҳисса қўшиш мақсадида “Яшил макон” лойиҳаси доирасида фермер хўжалиги дала четларига кўчат экилмоқда.

ЎзЛиДеП раҳбари Актам Хаитов бошчилигида Денов туманидаги фермер хўжаликлари дала четларига тут ва узум кўчатлари экилди.

Айтиш керакки, Денов туманида “Яшил макон” умуммиллий лойиҳаси доирасида 328,0 минг дона кўчат экиш режалаштирилган. Шундан бугунга қадар 119.8 минг дона кўчат экилган. Зеро, юртимизда кенг қулоч ёйган «Яшил макон» умуммиллий лойиҳаси нафақат бугунимизга балки, яқин ва узоқ келажагимизга дахлдор ҳаётий ҳаракат саналади.

#uzlidep #yashil_makon

🖥 Расмий саҳифаларимизга уланинг