🔴 #LIVE

😎 ЎзЛиДеП фракцияси йиғилишида депутатлар давлатимиз раҳбарининг 9 апрель куни ҳудудларнинг туризм салоҳиятини янада ошириш ҳамда хорижий ҳамкорлар билан амалга оширилаётган инвестисия лойиҳаларини жадаллаштириш юзасидан ўтказилган видеоселектор йиғилишининг аҳамияти ҳусусида тўхталиб ўтишди.

🔍Таъкидланганидек, давлатимиз раҳбари томонидан соҳани янада ривожлантириш, сайёҳлар оқимини ошириш бўйича аниқ вазифалар белгилаб берилди. Мавжуд имкониятлардан фойдаланиб, соҳадаги салоҳиятли бозорлардан сайёҳларни жалб қилиш, тўғридан-тўғри авиақатновларни йўлга қўйиш бўйича кўрсатмалар берилди.

🔍Шунингдек, Миллий туризм ягона платформаси ишлаб чиқилаётгани ва унга электрон виза бериш, чипта олиш жараёнлари ҳам уланиши, барча тарихий обидаларга кириш имконини берадиган “ягона туристик карта” жорий қилиниши айтиб ўтилди. Бундан ташқари туризмни юқори даромадли соҳага айлантириш учун давлат ва хусусий сектордаги барча иштирокчиларнинг саъй-ҳаракатларини бирлаштириш ва мустаҳкамлаш борасидаги вазифалар партиямиз мақсад ва ғояларига тўлиқ мос келиши депутатлар томонидан алоҳида таъкидланди.

🔍Фракция йиғилишида давлатимиз раҳбари томонидан белгилаб берилган барча вазифалар ва ташаббуслар ижросида депутатлар ҳам фаол бўлиши, жамоатчилик назорати тадбирларини йўлга қўйиш муҳимлиги таъкидланди.

#uzlidep #fraksiya

🖥 Расмий саҳифаларимизга уланинг

🔴 #LIVE

😎 Сунъий интеллектдан ғараз мақсадларда фойдаланганлик учун жавобгарлик белгиланмоқда

🔍Маъмурий жавобгарлик тўғрисидаги Кодекснинг 462-моддасига сунъий интеллект технологияларидан фойдаланган ҳолда шахсга доир маълумотларга қонунга хилоф равишда ишлов бериш ва уни ОАВ ҳамда Интернетда тарқатиш учун жавобгарлик белгиланмоқда.

🔍Олий Мажлис Қонунчилик палатасидаги ЎзЛиДеП фракциясининг наватдаги йиғилишида муҳокама қилинаётган “Сунъий интеллектни қўллаш орқали юзага келадиган муносабатларни тартибга солиниши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонуни лойиҳасида бу йўналишдаги бошқа ўзгартиришлар ҳам кенг муҳокама қилиняпти.

🔍Шунингдек, қонун лойиҳасида “сунъий интеллект” тушунчасига таъриф берилиб, сунъий интеллект соҳасида давлат сиёсатининг асосий йўналишлари ҳамда махсус ваколатли органнинг вазифалари белгиланяпти.

🔍Бундан ташқари, ахборот ресурсларини яратишда ҳамда ахборот тизимлари ишида сунъий интеллектдан фойдаланишнинг умумий қоидалари ва сунъий интеллект технологияларидан фойдаланган ҳолда яратилган ахборот ресурсларига маркировка қўйиши каби мажбуриятлар белгиланмоқда.

#uzlidep #fraksiya

🖥 Расмий саҳифаларимизга уланинг

🔴 #LIVE

😎 Тадбиркорлик субъекти солиқ ҳуқуқбузарлигини тан олган тақдирда, унинг банкдаги ҳисобварағи бўйича операцияларни тўхтатиш солиқ органи қарори асосида амалга оширилиши мумкин

🔍Фракция йиғилишида “Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонуни лойиҳаси ҳам биринчи ўқишда муҳокама қилиняпти.

🔍Бугунги кунда тадбиркорлик субъектлари ҳуқуқларининг суд орқали ҳимоя қилинишини таъминлаш, судларда кўриладиган ишлар бўйича ортиқча оворагарчиликларни олдини олиш, мавжуд чекловларни олиб ташлаш ҳамда тадбиркорлик фаолиятини тартибга солишдаги айрим мажбурий талабларни қисқартиришга қаратилган мазкур қонун лойиҳаси тадбиркорлик субъектларга даво муддати бўйича мажбуриятни енгиллаштиришга хизмат қилади.

🔍Мазкур Қонун лойиҳаси билан Иқтисодий процессуал кодекси ҳамда Солиқ кодексига солиқ органи иштирокидаги солиққа оид низолар маъмурий судлар томонидан кўрилиши, шунингдек, солиқ тўловчи – тадбиркорлик субъекти солиқ ҳуқуқбузарлигини тан олган ҳамда эътироз билдирмаган тақдирда, унинг банкдаги ҳисобварағи бўйича операцияларни тўхтатиш солиқ органи қарори асосида амалга оширилишини назарда тутувчи ўзгартириш ва қўшимчалар киритилмоқда.

#uzlidep #fraksiya

🖥 Расмий саҳифаларимизга уланинг

🔴 #LIVE

😎 Бугун Олий Мажлис Қонунчилик палатасидаги ЎзЛиДеП фракциясининг навбатдаги йиғилиши бўлиб ўтмоқда. Унда мамлакатимиз ҳаётига дахлдор бўлган муҳим қонун лойиҳалари кўриб чиқилиши кўзда тутилган. Хусусан,

➖ «Тазйиқ ва зўравонликдан жабрланган шахсларга ижтимоий хизматлар кўрсатиш тизими янада такомиллаштирилиши муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида»ги;

➖ «Агросаноат соҳасида янги бозор механизмларини жорий этилганлиги муносабати билан Ўзбекистон Республикасининг «Давлат божи тўғрисида»ги Қонунига қўшимча ва ўзгартиришлар киритиш ҳақида»ги;

➖«Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш тўғрисида»ги Ўзбекистон Республикаси Қонунига ёниш ва портлаш хавфи юқори бўлган кимёвий моддалар (маҳсулотлар) билан боғлиқ фавқулодда вазиятларнинг олдини олишга ва иқлим ўзгариши билан боғлиқ табиий офатлар хавфини камайтиришга қаратилган ўзгартириш ва қўшимчалар киритиш ҳақида»ги;

➖«Ногиронлиги бўлган шахсларнинг ҳуқуқлари тўғрисида»ги Ўзбекистон Республикасининг Қонунига ўзгартиришлар киритиш ҳақида»ги;

➖ «Риелторлик фаолияти тўғрисида»ги;

➖ «Ўзбекистон Республикасининг Божхона кодексига ўзгартириш ва қўшимчалар киритиш тўғрисида»ги қонун лойиҳалри биринчи ўқишда муҳокама қилиниши режалаштирилган.

#uzlidep #fraksiya

🖥 Расмий саҳифаларимизга уланинг

😎 Агросаноатни ривожлантириш агентлиги тадбиркорлик субъектлари манфаатларини ишончли ҳимоя қиладиган ташкилотга айланади

🔍Йиғилишда “Агросаноат соҳасида янги бозор механизмларини жорий этилганлиги муносабати билан Ўзбекистон Республикасининг “Давлат божи тўғрисида”ги Қонунига қўшимча ва ўзгартиришлар киритиш ҳақида”ги қонун лойиҳаси муҳокама қилинди.

🔍Мазкур қонун лойиҳаси мамлакатимиз аҳолисини озиқ-овқат билан таъминлаш, интенсив усулда боғ ва токзорлар барпо қилиш, иссиқхона хўжаликларини ривожлантириш ва қишлоқ хўжалиги маҳсулотлари етиштиришни кўпайтириш, қайта ишлаш, экспорт салоҳиятини ошириш ҳамда юқори даромадли иш ўринларини ташкил этишга хизмат қилади.

🔍Бундан ташқари, Қишлоқ хўжалиги вазирлиги ҳузуридаги Агросаноатни ривожлантириш агентлиги судларга мурожаат қилиш учун давлат божи тўловидан тежалган маблағларни тадбиркорликни ривожлантиришга йўналтириш, тадбиркорлик субъектларининг ва бошқа юридик шахсларнинг қонуний манфаатларини ишончли ҳимоя қилишнинг ҳуқуқий чораларини кучайтириш ва уларнинг фаолиятида ортиқча харажатларнинг олдини олишга ва қулай шарт-шароит яратади.

#uzlidep #fraksiya

🖥 Расмий саҳифаларимизга уланинг

😎 Риэлторлик фаолиятини лицензиялаш бекор қилинади, баъзи функциялари эса ўзини-ўзи бошқариш жамоат ташкилотларига ўтказилади

🔍Фракция йиғилишида “Риэлторлик фаолияти тўғрисида”ги қонун лойиҳаси ҳам кенг муҳокама қилинди.

🔍Қонун яширин иқтисодиётнинг шаклланишига олиб келадиган сабаблар ва омилларни аниқлаш, уларни бартараф этиш чораларини кўриш, хизмат кўрсатиш соҳасидаги норасмий меҳнат фаолиятини юритиш ҳолатларини аниқлаш ва бартараф этишга хизмат қилади.

🔍Шунингдек, риэлторлик фаолиятини тартибга солиш шакли сифатида лицензиялашни бекор қилиш ва баъзи функцияларни ўзини-ўзи бошқариш жамоат ташкилотларига босқичма-босқич ўтказиш, манфаатлар тўқнашувининг олдини олишга йўналтирилган, риэлторлар профессионал фаолиятининг ахлоқ қоидаларига риоя қилишни назарда тутувчи қатор нонрмалар киритилади.

🔍Қонун қабул қилинса, кўчмас мулк бозорининг барча иштирокчиларининг мулк ҳуқуқларини ҳимоя қилишнинг мустаҳкам механизми яратилади.

#uzlidep #fraksiya

🖥 Расмий саҳифаларимизга уланинг

😎 Ёшлар парламентига номзодларнинг ҳудудий саралаш босқичлари якунланди. Бу сафар ёшларимиз янада фаол!

🔍Ёшлар овозини эшитиш ва уларнинг ташаббусларини қўллаб-қувватлаш ҳамда сиёсий жараёнларга фаол жалб этиш мақсадида ташкил этилган Ёшлар парламентига сайлов жараёни ўзининг навбатдаги муҳим босқичига етиб келди.

🔍Таъкидлаш жоизки, биринчи босқичда 5 482 нафар ёшлар парламент аъзолигига ариза топширган бўлса, иккинчи босқичда 1 250 нафар энг иқтидорли ва фаол ёшларнинг ҳужжатлари қабул қилинди. 12–21 апрель кунлари ташкил этилган ҳудудий босқичлардан 137 нафар йигит-қиз республика босқичида иштирок этиш учун саралаб олинди.

🔍Жараённинг якуний босқичи жорий йилнинг 23-25-апрель кунлари Тошкент шаҳрида ўтказилади.

#uzlidep #fraksiya

🖥 Расмий саҳифаларимизга уланинг