Давлат дастури: тараққиёт йўлидаги комплекс чора-тадбирлар
#27feb #uzbekiston24

O‘zLiDeP Сиёсий Кенгаши Ижроия қўмитаси ва Олий Мажлис Қонунчилик палатасидаги партия фракциясининг кенгайтирилган қўшма мажлиси бўлиб ўтди.

Унда “Ўзбекистон – 2030” стратегиясини “Ёшлар ва бизнесни қўллаб-қувватлаш йили”да амалга оширишга оид давлат дастури тўғрисида”ги Президент Фармонидан келиб чиқувчи O’zLiDeP ва унинг фракцияси олдида турган долзарб вазифалар муҳокама қилинди.

Йиғилишда сўз олганлар Давлат дастурида белгиланган вазифаларнинг барчаси халқимизнинг ҳаёт даражаси янада яхшилаш, тадбиркорликни жадал ривожлантириш, бандликни таъминлаш ва камбағалликни қисқартириш, мамлакатимизнинг халқаро майдондаги нуфузи ошишига хизмат қилишини қайд этдилар.

Дастурда белгиланган долзарб вазифаларни оғишмай амалга ошириш, унинг мазмун-моҳиятини аҳолининг кенг қатлами орасида тарғиб қилиш ҳамда ҳужжатда назарда тутилган мақсадларнинг самарали ижро этилиши устидан парламент ва жамоатчилик назоратини ўрнатиш лозимлигини таъкидладилар.

#uzlidep #davlatdasturi

➖O'zLiDeP расмий канали ➖