#brifing

〰Toshkentda 16-yanvardan 18-yanvargacha kechasi va ertalabki soatlarda tuman tushishi kuzatildi.
O‘zbekistonda 12-yanvardan 16-yanvargacha yog‘ingarchilik bo‘lishi kuzatildi, havo namligi 90-100%, kechasi va ertalab havo harorati salbiy bo‘ldi, bunday holat esa tuman paydo bo‘lishi uchun qulaydir. Yomg‘irdan so‘ng namlangan tuproq va salbiy havo harorati tuman tushishi uchun qulay sharoitlarni saqlab turadi.
Tuman va siyrak tuman - yer yuzasiga yaqin joyda (atmosferaning yerga tutash qatlamida) suv bug‘ining kondensatsiyasi natijasidir. Tuman - bu havoda muallaq suv tomchilari yoki muz kristallari to‘plami bo‘lib, ular ko‘rinuvchanlik uzoqligini 1 km dan kam bo‘lgan qiymatlargacha yomonlashtiradi. Ko‘rinuvchanlik 1 km dan 10 km gacha bo‘lgan holda, muallaq suv tomchilari yoki muz kristallarining to‘plami tuman deb ataladi. Tumanning eng katta takroriyligi dekabr va yanvar oylarida kuzatiladi. Asosan, tuman paydo bo‘lish vaqti soat 16-17 dan, ertalab soat 8-9 gacha davom etadi. Havo keskin sovuq bo‘lgan hollarda tuman tushishi bir necha kungacha davom etishi mumkin.
Tuman hodisalari esa atrof-muhit ifloslanishi ko‘rsatkichlari yuqoriroq bo‘lishiga o‘z ta’sirini ko‘rsatadi.

〰2024-yil 18-yanvar soat 09:00 dagi Atmosfera havosi monitoringi avtomatik stansiyalari ma’lumotlariga ko‘ra, Toshkent shahrining atmosfera havosidagi

〰PM10 dispersli zarrachalarining miqdori 55,3 mkg/m3 ni tashkil etdi, SanEQvaN 0293-11 (500 mkg/m3) bo‘yicha ruxsat etilgan  me’yordan oshmadi.

〰PM2,5 mayda dispersli zarrachalar miqdori 44,6 mkg/m3 ni tashkil etdi, JSST tavsiyalaridan (5 mkg/m3) 8,9 marta oshdi.

〰Uglerod oksidi CO (avtotransport va sanoat korxonalari chiqindilari) 2,4 mg/m3 ni tashkil etdi, SanEQvaN 0293-11 (5 mg/m3) bo‘yicha ruxsat etilgan me’yordan oshmadi.

🌿Ekologiya, atrof-muhitni muhofaza qilish va iqlim o‘zgarishi vazirligi tomonidan atmosferaga ifloslantiruvchi moddalar chiqarilishini kamaytirish va respublikada ekologik vaziyatni barqarorlashtirish bo‘yicha takliflar kiritildi.