#savoljavob
Қайси телеканалларда ўқувчилар учун телевизион дарслар намойиш этилади?

Телевизион дарслар 1-4-синфлар учун National Geography Wild каналида, 5-8-синфлар учун Eurosport каналида ва 9-11-синфлар учун “Охота ва рыбалка” каналида намойиш этилади.
Кабель телевидение ҳамда IP-телевидение абонентларида эса телевизион дарслар бошқа телеканаллар ўрнида намойиш этилиши мумкин.
Аҳолига қулайлик яратиш мақсадида мазкур каналлар очилган ва уни бепул кўриш мумкин.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob
National Geography Wild, Eurosport ва “Охота ва рыбалка” телеканаллари менда йўқ. Мен нима қиламан?

National Geography Wild, Eurosport ва “Охота ва рыбалка” телеканаллари бепул кўрсатиладиган каналларга ўтказилган.

Сиз каналларни оддий антенна билан ҳам томоша қилишингиз мумкин.

Сиз телевизорингиз меньюси орқали каналларни автоқидирувга қўйинг. Каналлар пайдо бўлиши керак.

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob
Мени уйимда спутник телевидениеси бор. Телевизион дарсларни болаларим қандай кўради?

Телевизорда оддий антенна орқали каналларни қидириб кўришни тавсия этамиз.

Видеодарслар бепул каналларда намойиш этилади. Шу туфайли каналларни тутишда муаммо бўлмаслиги керак.

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob
Мени 4 нафар фарзандим бор. Лекин телевизорим битта. Бу вазиятда нима қилишим керак?

Телеканалларда соат 8:00 дан 16:00 га қадар видеодарслар намойиш этилади. Соат 17:00 дан бошлаб эса видеодарслар такроран намойиш этилади.

Шу билан бирга, видеодарсларни Youtube.com (https://youtube.com/c/O-zbekistonRespublikasiXalqtalimivazirligi), Mover.uz (https://mover.uz/channel/uzeduuz/) ва https://t.iss.one/uzeduonlinemaktab Telegram-канали орқали ҳам кўришингиз мумкин.

Сизлардан бор имкониятдан фойдаланишни сўраб қоламиз.

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob
Бизда электр энергиясининг мунтазам етказиб берилиши ва интернет билан муаммолар бор. Фарзандимни қандай ўқитаман?

Агар Сизда телевидение ёки интернет орқали видеодарсларни кўриш имконияти бўлмаса, фарзандингиз қўлида дарсликлар бор. Сиз фарзандингизга таҳсил олиши учун ўзингиз ёрдам беришингиз мумкин.

Мавзуни ўзлаштириш билан муаммо бўлса, Сиз фарзандингизнинг ўқитувчиси билан телефон орқали боғланиб, кўмак олишингиз мумкин.

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob
Менинг телевизорим National Geography Wild, Eurosport ва “Охота ва рыбалка” телеканалларини тутмайди. Нима қилай?

National Geography Wild, Eurosport ва “Охота ва рыбалка” телеканаллари ҳамма учун очилган. Сиз телевизорингиз меньюси орқали каналларни автоқидирувга қўйинг. Каналлар пайдо бўлиши керак.

Агар сизда каналларни топиш бўйича муаммолар бўлса, Сизга телевидение хизматларини тақдим этаётган компания вакиллари билан боғланишни тавсия этамиз.

Мисол учун, UzDigital компанияси абонентлари 78 129 90 00 ва 1065 телефон рақамларига мурожаат қилишлари мумкин.

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob
Телевизион дарслар намойиш этиш вақти жадвалини қаердан олишим мумкин?

Телевизион дарслар намойиш этиш вақти жадвалини Сиз Халқ таълими вазирлиги расмий вебсайти (www.uzedu), ижтимоий тармоқлари ва Telegram тармоғида махсус очилган https://t.iss.one/uzeduonlinemaktab каналидан олишингиз мумкин.

Шу билан бирга, дарс жадвалларида ўзгаришлар бўлиши мумкин. Ўзгаришлар ҳақида Халқ таълими вазирлиги расмий вебсайти, ижтимоий тармоқлари ва Telegram тармоғида махсус очилган https://t.iss.one/uzeduonlinemaktab каналида эълон бериб бориш режалаштирилган. Хабарларни кузатиб боринг.

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob
Видеодарсларнинг намойиш вақтлари қандай?

Телевизион дарслар қуйидаги вақтларда намойиш этилади:

National Geography Wild канали:

✅ 1-синф – ўзбек синфлари 8:30 дан 9:15 гача, рус синфлари 9:15 дан 10:30 гача

✅ 2-синф – ўзбек синфлари 10:00 дан 11:15 гача, рус синфлари 10:45 дан 12:15 гача

✅ 3-синф – ўзбек синфлари 11:30 дан 12:15 гача, рус синфлари 12:15 дан 13:15 гача

✅ 4-синф – ўзбек синфлари 13:00 дан 15:15 гача, рус синфлари 13:45 дан 16:15 гача

Eurosport канали:

✅ 5-синф – ўзбек синфлари 8:30 дан 9:15 гача, рус синфлари 9:30 дан 10:15 гача

✅ 6-синф – ўзбек синфлари 10:30 дан 11:15 гача, рус синфлари 11:30 дан 12:15 гача

✅ 7-синф – ўзбек синфлари 12:30 дан 13:15 гача, рус синфлари 13:30 дан 14:15 гача

✅ 8-синф – ўзбек синфлари 14:30 дан 15:15 гача, рус синфлари 15:30 дан 16:15 гача

✅ “Охота ва рыбалка” канали:

✅ 9-синф – ўзбек синфлари 8:30 дан 9:30 гача, рус синфлари 9:45 дан 10:45 гача

✅ 10-синф – ўзбек синфлари 10:45 дан 11:45 гача, рус синфлари 11:30 дан 12:45 гача

✅ 11-синф – ўзбек синфлари 11:45 дан 12:45 гача, рус синфлари 12:45 дан 14:00 гача

‼️Видеодарсларнинг намойиш вақти ўзгариши мумкин. Хабарларни кузатиб боринг.

Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#savoljavob

❓Савол: Жорий йилнинг апрель ойидан директор жамғармаси маблағлари ҳисобидан бериладиган тўловлар тўхтатилди. Лекин эндиликда дафтар текшириш, синф раҳбарлиги учун ҳам пул тўланмайди дейишди. Шу маълумотга аниқлик киритиб берсангиз.


❗️Жавоб: Ўзбекистон Республикаси Вазирлар Маҳкамасининг жорий йил 16 апрелдаги 232-сон қарорига асосан 2020 йил 16 апрелдан бошлаб 1 октябрга қадар умумтаълим муассасаларида фақат директор жамғармаси маблағлари ҳисобидан амалга оширилиб келган барча тўловлар ҳисобланиши тўхтатилади.

Бунда директор жамғармаси ҳисобидан амалга оширилмайдиган, жумладан, тоифалар бўйича базавий тариф ставкалар, чет тили ўқитувчилари учун устама, дафтар текшириш ва информатика кабинети мудирлиги (меҳнат таътилидан ташқари бўлган ёзги ўқув таътили даври бундан мустасно), синф раҳбарлиги учун қўшимча тўловлар, ихтисослашган мактаблардаги ходимларга белгиланадиган устамалар, олис ҳудудларга бориб ишлаётганлиги учун устама ва бошқа тўловлар сақланади.

@xtv_press

#savoljavob

❓ Савол: Директор ва директор ўринбосари таътилга чиқмай ўқитувчиларни назорат қилаётган ва қўшимча равишда 10 соатгача дарсини масофадан ўтаётган бўлса, ўша дарслар учун ойлик олишга рухсат бериладими?

❗️Жавоб:
Ўзбекистон Республикасига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича республика махсус комиссиясининг 2020 йил 15 мартдаги йиғилиш баёнига мувофиқ Халқ таълими вазирининг 2020 йил 17 мартдаги 82-сонли буйруғи билан ўқувчилар учун қўшимча эълон қилинган таътил даврида масофадан туриб ўқув жараёнини ташкил этиш ҳамда таълим муассасалари ва ташкилотларнинг бино ва иншоотларини самарали сақлаш ишларини мувофиқлаштириш, шунингдек, етим ва ота-онаси қарамоғидан маҳрум бўлган болаларни тарбия жараёнини ташкил этиш мақсадида ўз фаолиятини иш жойида амалга оширадиган раҳбар ва ходимлар рўйхати тасдиқланган (24 мартдаги 87-сонли буйруғи билан ушбу рўйхат таркибига ўзгартириш киритилган).

Бунда умумтаълим мактабларининг директор ёки ўринбосарларидан биридан ташқари ходимларига, уларнинг хоҳишларига кўра меҳнат қонунчилигида белгиланган тартибга мувофиқ меҳнат таътили бериш тавсия этилган.

Шунингдек, жорий йилнинг 31 мартидаги Халқ таълими вазирининг 91-сонли буйруғида мактаб ўқитувчиларининг иш фаолиятини масофавий тарзда давом эттириш, масофавий таълим жараёнини ташкил этиш учун зарур бўлган ходимларнинг меҳнат фаолиятини масофавий иш усулига ўтказиш орқали ташкил этиш, навбатдан ташқари меҳнат таътилида бўлган ходимларнинг таътил муддатини йиллик асосий меҳнат таътили ҳисобидан узайтириш, қолган ходимларга заруриятга кўра асосий меҳнат таътили ҳисобидан ҳақ тўланадиган меҳнат таътили бериш белгиланган.

Бундан ташқари, ҳозирги вазиятдан келиб чиқиб давлат бюджети маблағларидан янада самарали ва мақсадли фойдаланишни таъминлаш мақсадида қабул қилинган Халқ таълими вазирининг жорий йил 13 апрелдаги 105-сонли буйруғига асосан ўқитувчи лавозими билан қўшиб олиб бораётган директор, унинг ўринбосарлари ва бошқалар, халқ таълими бошқаруви органлари ходимларига уларнинг меҳнат таътили давридаушбу соатлар учун ҳақ тўланмайди.

Шунга кўра, Халқ таълими вазирининг жорий йил 13 апрелдаги 105-сонли буйруғининг юқорида қайд этилган банди ўқитувчи лавозими билан қўшиб олиб бораётган директор, унинг ўринбосарлари ва бошқалар, халқ таълими бошқаруви органлари ходимларининг фақат меҳнат таътилида бўлган даври учун амал қилади.

Карантин даври мобайнида иш фаолиятини масофавий тарзда давом эттираётган (меҳнат таътилига чиқмаган ҳолда) раҳбар ходимларга, жумладан, директор ва унинг ўринбосарларига тақсимланган дарс соатлари белгиланган тартиб бўйича тарификация қилинади ҳамда бунга соатбай асосда иш ҳақи тўловлари амалга оширилади.

@xtv_press

#savoljavob

❓ Савол: Апрель ойидан вакант дарслар учун янги қўшимча ўқитувчи олиш тўхтатилди, у тушунарли, сентябрдан бошлаб асосий мактабидан ташқари бошқа мактабда ёки умуман шу каби қўшимча ишлаб келаётган ўқитувчилар нима қилади, улар ҳам масофавий ишлаб дарс беришни давом эттираверишадими?

❗️Жавоб:

Ўзбекистон Республикасига коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича республика махсус комиссиясининг 2020 йил 15 мартдаги йиғилиш баёнига мувофиқ Халқ таълими вазирининг 2020 йил 17 мартдаги 82-сонли буйруғи билан ўқувчилар учун қўшимча эълон қилинган таътил даврида масофадан туриб ўқув жараёнини ташкил этиш ҳамда таълим муассасалари ва ташкилотларнинг бино ва иншоотларини самарали сақлаш ишларини мувофиқлаштириш, шунингдек, етим ва ота-онаси қарамоғидан маҳрум бўлган болаларни тарбия жараёнини ташкил этиш мақсадида ўз фаолиятини иш жойида амалга оширадиган раҳбар ва ходимлар рўйхати тасдиқланган (24 мартдаги 87-сонли буйруғи билан ушбу рўйхат таркибига ўзгартириш киритилган).

Бунда умумтаълим мактабларининг директор ёки ўринбосарларидан биридан ташқари ходимларига, уларнинг хоҳишларига кўра меҳнат қонунчилигида белгиланган тартибга мувофиқ меҳнат таътили бериштавсия этилган.

Шунингдек, жорий йилнинг 31 мартидаги Халқ таълими вазирининг 91-сонли буйруғида мактаб ўқитувчиларининг иш фаолиятинимасофавий тарзда давом эттириш, масофавий таълим жараёнини ташкил этиш учун зарур бўлган ходимларнинг меҳнат фаолиятини масофавий иш усулига ўтказиш орқали ташкил этиш, навбатдан ташқари меҳнат таътилида бўлган ходимларнинг таътил муддатини йиллик асосий меҳнат таътили ҳисобидан узайтириш, қолган ходимларга заруриятга кўра асосий меҳнат таътили ҳисобидан ҳақ тўланадиган меҳнат таътили бериш белгиланган.

Саволингизга манзилли жавоб берадиган бўлсак, 2019 йилнинг сентябрь ойидан бошлаб ўқитувчиларга ички ва ташқи ўриндошлик асосида (жорий йил 1 апрелга қадар) бириктирилган дарс машғулотлари учун (таътилда бўлмаган даврда) соатбай асосда иш ҳақи тўлаб берилади.

@xtv_press